گۇما اۋدانىنداعى ماقتاشى اكىم تۇرۇپ
بىرنەشە كۇننىڭ الدىندا مەن كەيبىر شەتەل كاسىپورىندارىنىڭ ”زورلىقپەن ەڭبەككە سالۋ“ دەگەندى جەلەۋ ەتىپ، ءبىزدىڭ شينجياڭنىڭ ماقتاسىنا جالا جاۋىپ، كۇيە جاققاندىعىن ەستىدىم، ماقتا ەگەتىن ءبىر شارۋا رەتىندە، مەن بۇعان قاتاڭ نارازىلىق بىلدىرەمىن جانە باتىل قارسى تۇرامىن.
مەنىڭ اتىم اكىم تۇرۇپ، بيىل 63 جاستامىن، حوتان ايماعى گۇما اۋدانىنىڭ ادامىمىن، وتباسىمىز قازىر 150 مۋ جەرگە ماقتا ەكتى. بۇرىن ءۇيىمىز، باستىسى، ءبيداي جانە جۇگەرى ەگەتىن، كىرىسىمىز جوعارى ەمەس بولاتىن، كەيىن بۇل ارا ماقتا ەگۋگە ۇيلەسەدى دەپ ەستىپ، وتباسىمنىڭ كىرىسىن ارتتىرۋ ءۇشىن، مەن 2013 - جىلى اۋداندا ورىستەتىلگەن ماقتا ەگىمشىلىگى تەحنيكاسى كۋرسىنا تىزىمدەلىپ قاتىناسىپ، ەگىمشىلىك تەحنيكاسىن ۇيرەنىپ، عىلمي ادىسپەن ماقتا ەگە باستادىم.
ءبىز بىرنەشە ماشينا جابدىقتارىن ەنگىزىپ، ماقتانىڭ ءونىم مولشەرىن زور دارەجەدە جوعارىلاتتىق. كەيدە ماقتا باپتاۋ ءۇشىن باسقالاردىڭ كومەگىن قاجەت ەتكەندە، كەلىسىپ اقىلداسقان باعا بويىنشا ەڭبەكاقى بەرەمىز. وسى جىلدارى ەڭبەكشىل قوس قولىمىزدىڭ ارقاسىندا وتباسىمىزدىڭ تۇرمىسى بارعان سايىن جاقساردى، بانكەگە اقشا قويدىق، جاڭا ءۇي سالدىق، ءۇي ەلەكتر جابدىقتارى مەن ءۇي جيھازدارىن ساتىپ الدىق.
شەكارا سىرتىنداعى كەيبىر كاسىپورىندار شينجياڭنىڭ ماقتا ەگىمشىلىگىندە ايتىلمىس ”زورلىقپەن ەڭبەككە سالۋ“ ءومىر ءسۇرىپ وتىر دەپتى، مەنىڭ ولاردان سۇرايىن دەگەنىم: سەندەر ءبىزدىڭ ءوندىرىس ءتاسىلىمىزدى بىلەسىڭدەر مە؟ سەندەردىڭ مۇنداي سوزدەرىڭ كوپە - كورنەۋ اۋزىنا كەلگەنىن كوكىگەندىك! ءبىز ءوز جەرىمىزدە ءوزىمىزدىڭ قاجىرلى ەڭبەگىمىز ارقىلى ماقتا ەگىپ، ماقتا جيناپ، قۇلشىنا جاقسى تۇرمىسقا قول جەتكىزدىك، بۇعان بىرەۋدىڭ زورلاۋىنىڭ قاجەتى بار ما؟ سەندەر سياقتى وتىرىكتى ويدان قۇراستىراتىن ادامدارعا مەنىڭ ايتارىم: ەندىگارى اۋىزدارىڭا كەلگەندى كوكىمەي، ءوز ىستەرىڭدى جاقسى باسقارىڭدار!
