تيانشان تورى   ›   جاڭالىقتار   ›   شينجياڭ حابارلارى

”جۇڭگو ۇكىمەتى حالىق تۇرمىسىن جاقسارتۋعا وراسان زور قۇلشىنىس جاسادى“

  انار بۇلت / شينجياڭ گازەتىنىڭ تىلشىلەرى لي شيڭ، ميھىرگۇل ناسىر

  ”بۇل سۋ يگىلىگى ينجەنەرياسىن كورىپ، مەن جۇڭگو ۇكىمەتىنىڭ حالىقتىڭ تۇرمىسىن جاقسارتۋ ءۇشىن ىستەگەن قىزمەتىن القادىم“، - دەدى 3 - ايدىڭ 31 - كۇنى بانگلادەشتىڭ جۇڭگوداعى ەلشىلىگىنىڭ كىشى ەلشىسى نازرۋل يسلام مۇحاممەت. سول كۇنى شينجياڭعا ەكسكۋرسيالاپ، ساپارلاپ كەلگەن شاڭحاي سەلبەستىك ۇيىمىنىڭ باس حاتشىسى جانە قاتىستى مەملەكەتتەردىڭ جۇڭگودا تۇراتىن ەلشىلەرى مەن ديپلوماتتارى ۋاكىلدەر ۇيىرمەسى قاشقار ايماعى ءپايزاۋات اۋدانىنىڭ قالا، اۋىل اۋىز سۋ حاۋىپسىزدىگى ينجەنەرياسىن ەكسكۋرسيالادى.

  ءپايزاۋات اۋدانى قالا، اۋىل اۋىز سۋ حاۋىپسىزدىگى باسقارۋ پۋنكتىندە ۋاكىلدەر ۇيىرمەسىنىڭ قۇرامىنداعىلار بۇرىن ءپايزاۋات اۋدانىنىڭ اۋىز سۋىندا فتور، ارسەن ولشەمنەن جوعارى بولۋ، ءدامى كەرمەك بولۋ سياقتى ماسەلەلەر ورىن تەپكەنىن ۇعىستى. 2019 - جىلدان باستاپ ۇكىمەت ءبىر ميلليارد 749 ميلليون يۋان قارجى سالىپ، اۋىز سۋ حاۋىپسىزدىگى ينجەنەرياسىن اتقاردى، قازىر بۇكىل اۋدانداعى 470 مىڭ بۇقارا ساپالى دا حاۋىپسىز سۋدى الاڭسىز ىشەتىن بولدى.

  نازرۋل يسلام مۇحاممەت بىلاي دەدى: ءبىز سۋرەتتەن بۇرىن بۇل اراداعى ادامداردىڭ تۇرمىسى اسا جاپالى بولعانىن كوردىك، ال قازىر تۇرمىس وتە جاقسى ەكەن. قازىر جۇڭگونىڭ ناقتى قۋاتى كۇشەيدى، مول قارجى سالىپ وسى سۋ يگىلىگى ينجەنەرياسىن اتقارىپ، بۇقارانىڭ تازا، حاۋىپسىز سۋ ىشۋىنە مۇمكىندىك جاساپ قانا قالماي، جەرگىلىكتى ورىننىڭ ەكولوگيالىق ورتاسىن دا جاقسارتىپ، جەرگىلىكتى ورىنداعىلاردىڭ جۇمىستانۋىن پارمەندى جەبەپ، ءتىپتى دە كوپ ادامدى كەدەيلىكتەن ارىلتىپ، حالىقتىڭ تۇرمىس ساپاسىن بارىنشا جوعارىلاتتى.

  شاڭحاي سەلبەستىك ۇيىمىنىڭ باس حاتشىسى ۆلاديمير نوروۆ بۇل ينجەنەريانى، ءتىپتى، اۋىز جاپپاي القادى. ”سۋ − تىرشىلىكتىڭ قاينارى، ادامنىڭ ومىرىمەن، سالاماتتىعىمەن، حاۋىپسىزدىگىمەن تىعىز قاتىستى“. ۆلاديمير نوروۆ بىلاي دەدى: اۋىز سۋ حاۋىپسىزدىگى ينجەنەرياسىن اتقارعاننان كەيىن ادامداردىڭ باقىت كورسەتكىشى بارىنشا جوعارىلاعاندىعىن كورۋگە بولادى. مۇنىڭ بارلىعى جۇڭگو ۇكىمەتىنىڭ حالىقتىڭ تۇرمىس ساپاسىن جاقسارتۋ جولىندا جاساعان وراسان زور قۇلشىنىسىنىڭ، ەڭبەگىن قازىرگىلەر ىستەپ، پايداسىن كەيىنگىلەر كورىپ جاتقاندىعىندىعىنىڭ كۋاسى.

  اقسۋ كوكيار جاسىلداندىرۋ ينجەنەرياسى ەسكەرتكىش سارايىندا اقسۋ حالقىنىڭ تابيعاتپەن كۇرەسىپ، ءوز كۇشىنە سۇيەنىپ ءومىر ءسۇرىپ، قاجىرلىلىقپەن كۇرەس جاساپ، ۇرپاقتان - ۇرپاققا جالعاپ ىستەپ، ءشول دالانى جاسىل ۇلى قورعانعا، جاسىل القاپتاعى جەمىس باقشاسىنا اينالدىرعان شۇعىلالى بەلەسى ۋاكىلدەر ۇيىرمەسىندەگى ءار ادامدى قايران قالدىردى.

  ”جۇڭگو ەكولوگيالىق ورتانى قورعاۋعا وسكەلەڭ ءمان بەردى، ءتوراعا شي جينپيڭ جۇڭگونىڭ كومىرتەگى قوس توتىعىن شىعارۋىندا 2030 - جىلدان بۇرىن كومىر قىشقىل گازىن شىعارۋدى جوعارى ماننەن اسىرماۋعا كۇش سالىپ، 2060 - جىلدان بۇرىن كومىر قىشقىل گازىن بەيتاراپتاندىرۋدى قۇلشىنا قولعا كەلتىرۋدى العا قويدى. بۇل شىعارۋدى ازايتۋ ۋادەسى دۇنيە ءجۇزىن جالت قاراتتى جانە حالىقارالىق قوعامنىڭ قىزۋ اڭىسىن تۋدىردى“. پاكيستاننىڭ جۇڭگوداعى باس ەلشىسى مويىن حاك بىلاي دەدى: بۇگىن ءبىز كوكياردان جۇڭگونىڭ كومىر قىشقىل گازىن شىعارۋدى ازايتۋ جولىندا جاساعان وراسان زور ۇلەسىن كوردىك، مۇنىڭ بارلىعى ادامدى اسەرلەندىرەدى.

  ”جۇڭگو ۇكىمەتىنىڭ باسشىلىعىندا، بۇل اراداعى ادامدار جاپالى شارت - جاعدايدا ءشول دالانى 10 مىڭ مۋلىق ورماندى القاپقا اينالدىرىپتى، ەرەكشە كەرەمەت ەكەن“. رەسەيدىڭ جۇڭگوداعى باس ەلشىلىگىنىڭ ۋاقىتشا ۋاكىلى يۆان جەلوحوۆتسەۆ بىلاي دەدى: ەكولوگيالىق ورتانىڭ جاقسارۋى جەرگىلىكتى حالىقتى تولىق يگىلىككە كەنەلتتى. قازىر شينجياڭدا ءار ۇلت بۇقاراسى گۇلدەنۋدى، دامۋدى بىرگە جوسپارلاپ، تاماشا تۇرمىستان بىرگە يگىلىكتەنگەن جاڭا بەينە جارىققا شىقتى.

جاۋاپتى رەداكتور : نۇربولات قابىل

ەسكەرتۋ:

تورابىمىزداعى مازمۇنداردىڭ مەنشىك ۇقىعى شينجياڭ ۇيعۇر اۆتونوميالى رايوندىق حالىق ۇكىمەتى اقپارات كەڭسەسىنە ءتان، جاريالانعان مازمۇنداردى سىلتەمەسىز كوشىرۋگە بولمايدى. كوشىرىپ پايدالانۋعا تۋرا كەلگەندە، «تيانشان تورى » الىنعانى انىق ەسكەرتىلۋى ءتيىس، بولماسا زاڭدىق جاۋاپكەرلىگى قۋزاستىرىلادى.