شينجياڭ كيىم - كەشەك جوبالاۋشىلار قوعامى:
شينجياڭ ماقتاسىن بار كۇشپەن قولداپ، تاماشا بولاشاقتان تەڭ يگىلىكتەنەيىك
جۋىقتا كەيبىر حالىقارالىق ايگىلى ماركالاردىڭ جانە حالىقارالىق قۇرىلىمداردىڭ وسەك - اياڭ مەن جالعان ينفورماتسياعا نەگىزدەلىپ، ساۋدا قيمىلى بارىسىندا شينجياڭ ماقتاسىن جانە ونىڭ ونىمدەرىن شەتتەتكەن ءىس - ارەكەتتەرى جۇڭگونىڭ توقىماشىلىق، كيىم - كەشەك كاسىپ سالاسى مەن تۇتىنۋشىلاردىڭ قاتتى كەگىن قوزعادى. شينجياڭ كيىم - كەشەك جوبالاۋشىلار قوعامى مەن جوبالاۋشى، ايگىلى ماركا كاسىپورىندارىنداعى بارلىق قىزمەتكەرلەر بۇعان قاتتى كەكتەنەدى جانە باتىل قارسى تۇرادى! شينجياڭ ماقتاسىنىڭ بۇكىل الەمدەگى كاسىپ سالاسى مويىنداعان جوعارى ساپالى تابيعي تالشىق شيكىزاتى ەكەندىگى جالپىعا ايان، ونىڭ ادامزاتقا بەرەرى جىلۋلىق پەن اسەمدىك، ءبىز جات نيەتتەگىلەردىڭ ونى ساياسيلاندىرۋىنا، اتىنا داق سالىپ، اياققا تاپتاۋىنا استە جول بەرمەيمىز.
شينجياڭ كيىم - كەشەك جوبالاۋشىلار قوعامىنداعى بارلىق جوبالاۋشىلار مەن جوبالاۋشى، ايگىلى ماركا كاسىپورىندار شينجياڭعا تامىر تارتىپ، جىبەك جولى مادەنيەتىن اشۋدا ۇزدىكسىز جاڭالىق اشىپ، شينجياڭ ماقتاسىنان دەربەس ايگىلى ماركا جەتىلدىرۋگە جانە ونى ۇزدىكسىز دامىتۋعا كۇش - قۋاتىن ارنادى. شينجياڭ كيىم - كەشەك جوبالاۋشىلار قوعامى جوبالاۋشىلار مەن كاسىپورىن قىزمەتكەرلەرىنىڭ زاڭدى ۇقىق - مۇددەسىن قورعاۋعا كۇش سالىپ، جوبالاۋشىلاردى جاڭالىق اشا جوبالاۋ ارقىلى شينجياڭ كيىم - كەشەك كاسىپ سالاسىنىڭ دامۋىن قولداۋعا جەتەلەدى. كوپ جىلداردان بەرى شينجياڭنىڭ كيىم - كەشەك كاسىپ سالاسىنىڭ دامۋ تەبىنى تاماشا بولىپ كەلەدى.
كەدەيلىكتەن ارىلتۋدان قامال الۋ جانە توقىماشىلىق، كيىم - كەشەك كاسىپ سالاسىنىڭ دامۋىنا دەم بەرۋ بارىسىندا، شينجياڭ كيىم - كەشەك جوبالاۋشىلار قوعامى جوبالاۋشىلاردى باستاپ وڭتۇستىك شينجياڭ وڭىرىنە بارىپ، از ۇلت بۇقاراسىنا كاسىپتىك بىلىمدەردى جالپىلاستىردى جانە تىگىنشىلىك تەحنيكاسىنا باۋلىدى. باۋلۋ بارىسىندا ءبىز وڭتۇستىك شينجياڭ وڭىرىندەگى بۇقارانىڭ تەحنيكا ۇيرەنۋ ارقىلى ەگىنشىدەن كاسىپ سالاسى جۇمىسشىسىنا اينالعاندىعىن ءوز كوزىمىزبەن كوردىك ءارى ولاردىڭ شەبەرلىك ۇيرەنۋ مەن تاماشا تۇرمىس كەشىرۋگە دەگەن ىستىق ىنتاسىن سەزىندىك. باۋلۋدان كەيىن، «جۇڭحۋا حالىق رەسپۋبليكاسىنىڭ ەڭبەك زاڭى» سياقتى قاتىستى زاڭدارداعى بەلگىلەمەلەرگە ساي، جۇمىسشىلاردىڭ تەڭ، ەرىكتى بولۋ العى شارتىندا جۇمىسشى ىستەتەتىن كاسىپورىندارمەن ەڭبەك توقتامىنا قول قويىستى، «مەملەكەتتىك كەڭەستىڭ جۇمىسشى - قىزمەتكەرلەردىڭ قىزمەت ۋاقىتى جونىندەگى بەلگىلەمەسى» سياقتى كەسىمدى جۇمىس ۋاقىتى تۇزىمىنە ساي، ءوندىرىس ەڭبەگىن ورىستەتۋگە ۇيىمداستىردى. ەڭبەكاقى بولىسىندە، شينجياڭ كيىم - كەشەك كاسىپورىندارى قاتىستى ەڭبەكاقى مامىلەسىن وتەدى ءارى ۋاقىتىندا جەتكىلىكتى ”بەس ءتۇرلى قامسىزداندىرۋ“ اقىسىن تاپسىردى. شەبەرلىك ورەسىنىڭ جوعارىلاۋىنا ىلەسە، قىزمەتكەرلەردىڭ كىرىسى دە بىرتىندەپ ارتىپ، ”ءبىر ادام كاسىپتەنسە تۇتاس وتباسى كەدەيلىكتەن ارىلۋدى“ جۇزەگە اسىردى. قىزمەتكەرلەر قاجىرلىلىقپەن قىزمەت ىستەۋ ارقىلى وتباسىنىڭ تۇرمىسىن جاقسارتتى.
شينجياڭ كيىم - كەشەك كاسىپورىندارى جۇمىسشىلاردىڭ جۇمىس تاڭداۋ ەركىندىگىنە جانە باس بوستاندىعىنا تولىق قۇرمەت ەتتى، ءار ۇلت قىزمەتكەرلەرىنىڭ ءدىني سەنىم ەركىندىگى ۇقىعىنا تولىق قۇرمەت ەتتى جانە ونى قامتاماسىز ەتتى، ءار ۇلت قىزمەتكەرلەرىنىڭ عۇرىپ - ادەتىنە تولىق قۇرمەت ەتتى. كاسىپورىندار تاعى ادەبيەت - كوركەمونەر ساۋىق كەشتەرىن، بىرلەسكەن دوستىق قيمىلدارىن جانە مەرەكە - مەيرام كۇندەرى توپتىق تاماقتانۋ، اڭگىمەلەسۋ سياقتى قيمىلداردى ۇيىمداستىرىپ ورىستەتىپ، قىزمەتكەرلەردىڭ كاسىپتەن سىرتقى مادەني تۇرمىسىن بايىتتى. ءار ۇلت قىزمەتكەرلەرىنىڭ كاسىپورىندارداعى قىزمەتى مەن تۇرمىسى كوڭىلدى، ءتۇرلى ۇقىق - مۇددەلەرى قامتاماسىز ەتىلگەن، نەندەي ءبىر ”زورلىقپەن ەڭبەككە سالۋ“ مۇلدە بولعان ەمەس. ءارقانداي وسەك - اياڭ مەن جالا جابۋ شينجياڭ كيىم - كەشەك جوبالاۋشىلارى مەن كاسىپورىندارداعى ءار ۇلت قىزمەتكەرلەرىنىڭ قاجىرلى قوس قولىنا سۇيەنىپ باقىتتى تۇرمىس جاراتقان شىندىعىن جوققا شىعارا المايدى.
شينجياڭ كيىم - كەشەك كاسىپ سالاسىنىڭ دامۋى تەبىندى، ساپالى شينجياڭ ماقتاسى بولاشاق كيىم - كەشەك جوبالاۋ، ايگىلى ماركالاردى دامىتۋ، دارىندىلاردى شوعىرلاندىرۋ، كاسىپ سالاسى تىزبەگىن ءتۇيىلىستىرۋ سياقتى جاقتاردا، ءسوز جوق، اناعۇرلىم تاماشا دامۋ كەڭىستىگىن ازىرلەيتىن بولادى. شينجياڭ كيىم - كەشەك جوبالاۋشىلار قوعامى بارلىق جوبالاۋشىلار مەن توقىماشىلىق، كيىم - كەشەك كاسىبىمەن شۇعىلداناتىنداردى ءبىر نيەتپەن ىنتىماقتاسىپ، شينجياڭ ماقتاسىن بار كۇشپەن قولداپ، شينجياڭ ەكونوميكاسىنىڭ قارىشتاۋىنا كۇش ۇستەپ، تاماشا بولاشاقتان تەڭ يگىلىكتەنۋگە ۇندەيدى!
