تيانشان تورى   ›   جاڭالىقتار   ›   شينجياڭ حابارلارى

ماقتا كاسىپ سالاسى شينجياڭ جاستارىنىڭ بايۋ جولىن بارعان سايىن كەڭەيتتى

  شينجياڭ ۇيعۇر اۆتونوميالى رايوندىق جاستار بىرلەستىگى:

  ماقتا كاسىپ سالاسى شينجياڭ جاستارىنىڭ بايۋ جولىن بارعان سايىن كەڭەيتتى

  تاياۋدا ءبىر ءبولىم حالىقارالىق ايگىلى ماركالار مەن حالىقارالىق قۇرىلىمدار ايتىلمىس ”زورلىقپەن ەڭبەككە سالدى“ دەگەندى سىلتاۋ ەتىپ، شينجياڭ ماقتاسىن پايدالانۋدان باس تارتامىز دەپ جار سالدى. اپپاق شينجياڭ ماقتاسىنا قيسىنسىز كۇيە جاعۋعا شينجياڭ جاستارى استە جول بەرمەيدى! شينجياڭ ۇيعۇر اۆتونوميالى رايوندىق جاستار بىرلەستىگى باتىل قارسى تۇراتىندىعىن، قاتاڭ ايىپتايتىندىعىن بىلدىرەدى! شينجياڭ جاستارى شينجياڭنىڭ ماقتا كاسىپ سالاسىمەن شۇعىلدانۋشىلار ءارى ماقتا كاسىپ سالاسى دامۋىنىڭ كۋاگەرلەرى. شينجياڭنىڭ ماقتا كاسىپ سالاسى جونىندە ءبىزدىڭ ەڭ ءسوز سويلەۋ ۇقىعىمىز بار.

  ماقتا كاسىپ سالاسى شينجياڭ جاستارىنا جۇمىستانۋ ورايىن جاراتىپ بەردى. تاكلاماكان ءشولىنىڭ قويناۋىنداعى حوتان اۋدانى تاۋاككول اۋىلىنىڭ ەگىنشىسى ابدۇراحمان ماتتوحتى مەن ايەلى مۇسالي ابدۇعايني ءۇرتىس 5 جىل اۋات اۋدانىندا ماقتا تەردى، جىل سايىنعى ماقتا تەرۋ مەزگىلىندە، تاماق، جاتاق، قاتىناس سياقتى اقىلاردى شىعارىپ تاستاعاندا، ەرلى - زايىپتى ەكەۋى ءبىرتالاي اقشا تاۋىپ، ءماز - مايرام بولىپ جاتادى. مۇنداي قۋانىش قاشقار چيلۋ توقىماشىلىق، كيىم - كەشەك شەكتى سەرىكتەستىگىندەگى ساليا باكىردە دە بار، ول اۋىل - قىستاقتاعى جاس، توقىماشىلىق زاۆودى قۇرىلعاندىقتان، ول ءۇيىنىڭ ماڭىنان قىزمەت تاپتى. 3 جىل قۇلشىنۋ ارقىلى 1996 - جىلى تۋعان وسى بويجەتكەن جىڭىشكە ءجىپ سەحىنىڭ مەڭگەرۋشىسى بولىپ جەتىلىپ، ايىنا 4200 يۋان كىرىس كىرگىزدى. مۇنداي جاستار وتە كوپ، ولار ماقتا كاسىپ سالاسى ارقىلى بايۋدىڭ جولىنا ءتۇستى.

  ماقتا كاسىپ سالاسى شينجياڭ جاستارىنىڭ ارالاسۋىن، ىشتەسۋىن ارتتىردى. ماقتا تەرۋ ماشيناسى بىرتىندەپ قولمەن تەرۋدىڭ ورنىن باسقانىمەن، الايدا ءبىر ءبولىم وڭىرلەردىڭ جەر جاعدايى وزگەشە بولعاندىقتان، ءالى دە ماقتانى قولمەن تەرەدى. ءار رەتكى ماقتا تەرۋ مەزگىلى كەلگەندە، ماقتا تەرۋشىلەر بەينە جىل قۇستارى سياقتى ماقتا تەرۋگە بارىپ، كوپشىلىك وزدەرىنە تانىس ماقتاشىنىڭ ۇيىنە بارعاندى ۇناتادى، ماقتا تەرۋشىلەر مەن ماقتاشىلار وسى سەبەپتى ءجيى بارىس - كەلىستى جانە بايلانىستى ساقتاپ، سەنىم مەن دوستىق ورناتتى. شينجياڭنىڭ ماقتا كاسىپ سالاسى ۇقساماعان جەرلەردەگى جاستارعا ءوزارا تۇسىنىسەتىن، بارىس - كەلىس جاسايتىن وراي جاراتىپ، قوڭىر كۇزدەگى ماقتا اتىزىندا بولسىن، الدە ماشينا داۋىسى گۇرىلدەگەن سەحتا بولسىن، كوپشىلىك ءوزارا ۇيرەنىپ، ءوزارا كومەكتەسىپ، بىرگە العا باسىپ، ەسەيىپ - ەرجەتتى.

  ماقتا كاسىپ سالاسى شينجياڭ جاستارىن ماقتانىشقا جانە ابىرويعا بولەدى. ماقتا تابيعاتتىڭ جاپان تۇزدەگى شول دالاعا تارتقان سيى، 2020 - جىلى شينجياڭ ماقتا ءونىم مولشەرى بۇكىل مەملەكەتتىڭ ماقتا جالپى ءونىم مولشەرىنىڭ %87.3ىن يەلەپ، دۇنيە ءجۇزى ماقتا ءونىم مولشەرىنىڭ شامامەن %20تەن استامىن يەلەپ، ماقتانى ماشينامەن تەرۋ سالىستىرماسى جىل سايىن جوعارىلادى...ءاربىر شينجياڭ جاستارى مۇنى ماقتانىش ەتەدى، بۇل كوپشىلىكتىڭ ورتاق كۇرەس جاساۋىنىڭ ارقاسى، شينجياڭ ماقتاسىنىڭ جوعارى ءونىم الۋىنىڭ استارىندا استە امەريكاداعى، باتىستاعى جۇڭگوعا قارسى كۇشتەر ايتقان ”زورلىقپەن ەڭبەككە سالۋ“ جوق، قايتا بۇل جوعارى تەحنيكا مەن جوعارى ماشينالانۋدىڭ كۇش قوسۋىنىڭ ارقاسى. قازىر ءدال ماقتا ەگەتىن مەزگىل، وڭتۇستىك شينجياڭنىڭ كەز كەلگەن جەرىنەن اتىزدا گۇرىلدەپ ءجۇرىپ جاتقان ماشينانىڭ كورىنىسىن كورە الاسىز، سانجى وبلىسى اۋىل شارۋاشىلىعى ماشينالارى سەلبەستىك قىزمەت وتەۋ بىرلەستىگىنىڭ القا باستىعى ما جيانفي ۇجىم باستاپ، وسىزاماندانعان تۇقىم سەبۋ ماشيناسىن ايداپ، قاۋىرت جۇمىس جۇرگىزۋدە. ونى ماقتانىشقا بولەيتىنى، قازىر جەردى تەگىستەۋ، سۇلياۋ جارعاق جاۋىپ تۇقىم سەبۋدەن ءونىم الىپ ماقتا تەرۋگە دەيىن، ماقتا بىرتىندەپ ماشينالاسۋدى جانە ۇشقىشسىز اپپاراتپەن جۇمىس ىستەۋدى جۇزەگە اسىرىپ، قىزمەت ونىمدىلىگى كورنەكتى جوعارىلادى.

  امەريكاداعى، باتىستاعى جۇڭگوعا قارسى كۇشتەر شينجياڭ ماقتاسىن نىسانا ەتىپ، ”جازالاۋ“ ماسقارالىعىمەن اينالىستى، ءبىر ءبولىم شەتەل كاسىپورىندارى كەيبىر وتىرىككە تولى مالىمەتتى نەگىز ەتىپ شينجياڭ ماقتاسىن شەكتەدى، بۇل ناعىز اق پەن قارانى شاتاستىرعاندىق، ناعىز بىلجىراق! مەيلى شەكارا سىرتىندا ساندىراق سوزدەر قالاي گۋىلدەسە دە، شينجياڭنىڭ ماقتاسى باز - باياعسىنداي اپپاق، كىرشىكسىز بولا بەرەدى، شينجياڭ جاستارى اۋەلگىسىندەي گۇلدەي جايناپ جۇرە بەرەدى. ءبىز بىلجىراق اۋەندى ەلەمەيمىز، كۇرەس جاساۋ قادامىمىزدى توقتاتپايمىز، شينجياڭ جاستارى وزدەرىنىڭ جاندى امالياتى ارقىلى امەريكاداعى، باتىستاعى جۇڭگوعا قارسى كۇشتەردىڭ شينجياڭنىڭ ورنىقتىلىعىن، دامۋىن توسۋعا ۇرىنعان قاسكۇنەمدىگىن تالقاندايدى!

جاۋاپتى رەداكتور : نۇربولات قابىل

ەسكەرتۋ:

تورابىمىزداعى مازمۇنداردىڭ مەنشىك ۇقىعى شينجياڭ ۇيعۇر اۆتونوميالى رايوندىق حالىق ۇكىمەتى اقپارات كەڭسەسىنە ءتان، جاريالانعان مازمۇنداردى سىلتەمەسىز كوشىرۋگە بولمايدى. كوشىرىپ پايدالانۋعا تۋرا كەلگەندە، «تيانشان تورى » الىنعانى انىق ەسكەرتىلۋى ءتيىس، بولماسا زاڭدىق جاۋاپكەرلىگى قۋزاستىرىلادى.