قىزىل گەندى جالعاستىرىپ، ءداۋىردىڭ جاڭا ادامدارىن جەتىلدىرەيىك
اناربۇلت/ شينجياڭ گازەتىنىڭ ءتىلشىسى جاۋ شييا 4-ايدىڭ 2-كۇنى ۇرىمجىدەن حابارلايدى. 4-ايدىڭ 2-كۇنى پارتيا تاريحىن ۇيرەنۋ تاربيەسى بويىنشا اۆتونوميالى رايوننىڭ ۇگىت-لەكسيا ۇيىرمەلەرى شينجياڭ كاسىپتىك داشۋەسىنە، بۇراتالا كاسىپتىك تەحنيكالىق شۋەيۋانىنا، ءۇرىمجى كاسىپتىك داشۋەسىنە، قارامايلى كاسىپتىك تەحنيكالىق شۋەيۋانىنا، شينجياڭ وسى زامانعى كاسىپتىك تەحنيكالىق شۋەيۋانىنا بارىپ ۇگىت-لەكسيا ورىستەتىپ، وقىتۋشى-وقۋشىلارمەن اڭگىمە وتكىزىپ، پىكىر اۋىستىردى.
بۇراتالا كاسىپتىك تەحنيكالىق شۋەيۋانىندا، اۆتونوميالى رايوننىڭ ۇگىت-لەكسيا ۇيىرمەسىنىڭ مۇشەسى، اۆتونوميالى رايوندىق پارتكوم پارتيا مەكتەبى (اكىمشىلىك شۋەيۋانى) فيلوسوفيا وقىتۋ-زەرتتەۋ ءبولىمىنىڭ مەڭگەرۋشىسى ۋاڭ پىڭ باس شۋجي شي جينپيڭنىڭ پارتيا تاريحىن ۇيرەنۋ تاربيەسىنە جۇمىلدىرۋ جينالىسىندا سويلەگەن ماڭىزدى ءسوزىنىڭ رۋحى مەن باس شۋجي شي جينپيڭنىڭ پارتيا تاريحى جونىندەگى ماڭىزدى بايىمداۋلارىن ىشكەرىلەي ۇيرەنۋدى، دايەكتىلەندىرۋدى تىعىز ارقاۋ ەتىپ، نازاردى شوعىرلاندىرا وتىرىپ پارتيا تاريحىن ۇيرەنۋ تاربيەسىندەگى تولعاقتى ماسەلەلەردى جۇيەلى بايانداپ جانە ىشكەرىلەي ءتۇسىندىرىپ، وقىتۋشى - وقۋشىلارعا باي مازمۇندى يدەيا - ساياسي تاربيە ساباعىن ءوتتى.
باياندامانى تىڭداعاننان كەيىن بۇراتالا كاسىپتىك تەحنيكالىق شۋەيۋانىنىڭ وقۋ - اعارتۋ فاكۋلتەتى پارتيا ياچەيكاسىنىڭ شۋجيى گۋ ميڭميڭ بىلاي دەدى: 100 جىلدىق پارتيا تاريحىنان رۋحاني قوزعاۋشى كۇش قابىلداپ، ناقتى ءىس ىستەپ، جاۋاپكەرشىلىك ارقالاۋ ارقىلى جاڭا داۋىرگە ۇلەس قوسامىن، مەكتەپتىڭ ”كەڭەيتۋ، ساپانى جوعارىلاتۋ“ سىندى دامۋ جاڭا ساپارىندا شۋەيۋانىمىزداعى جالپى وقىتۋشىلاردى باستاپ، دارىندىلاردى باۋلۋ ساپاسىن ۇزدىكسىز جوعارىلاتىپ، شينجياڭنىڭ وقۋ - اعارتۋ ىستەرىنىڭ دامۋىنا ءتىپتى دە كوپ تاڭداۋلى دارىندىلاردى جەتىلدىرەمىن.
شينجياڭ كاسىپتىك داشۋەسىندەگى ۇگىت - لەكسيا بايانداما زالىندا اۆتونوميالى رايوننىڭ ۇگىت - لەكسيا ۇيىرمەسىنىڭ مۇشەسى، شينجياڭ داشۋەسى وقۋشىلار قىزمەتى ءبولىمىنىڭ ورىنباسار باستىعى قالبىدىن ليتىپ تاريحتى ۇيرەنۋ ارقىلى قاعيدانى ءتۇسىنۋدى، تاريحتى ۇيرەنۋ ارقىلى سەنىمدى ارتتىرۋدى، تاريحتى ۇيرەنۋ ارقىلى ءمورالدى اسقاقتاتۋدى، تاريحتى ۇيرەنۋ ارقىلى ۇمتىلا ىستەۋدى ارقاۋ ەتىپ، نازاردى ”نە ءۇشىن ۇيرەنەمىز“، ”نەنى ۇيرەنەمىز“، ”قالاي ۇيرەنەمىز“ دەگەن سياقتى ماسەلەلەرگە شوعىرلاندىرىپ، وقىتۋشى - وقۋشىلارعا پارتيا تاريحىن ۇيرەنۋ تاربيەسىنىڭ كەلەلى ءمانى، باستى مازمۇندارى سياقتىلاردى تەرەڭىنەن باياندادى جانە ءتۇسىندىردى.
”تاريحتى ۇيرەنۋ ارقىلى بۇگىنىمىزدى بىلەمىز، جاڭا داۋىردەگى جاس جوعارى مەكتەپ وقۋشىسى رەتىندە، ءبىزدىڭ ءارقايسىمىز پارتيا تاريحىن ءتۇسىنۋىمىز، ودان كۇش - قۋات قابىلداپ، سەنىمدى بەكەمدەپ، بولاشاققا بەت الۋىمىز كەرەك“، - دەدى شينجياڭ كاسىپتىك داشۋەسى شەتەل ءتىلى شۋەيۋانىنىڭ وقۋشىسى ءزاميرا ازەم.
قالىڭ وقۋ - اعارتۋ قىزمەتكەرلەرى مىنانى ءبىلدىردى: وسى رەتكى ۇگىت - لەكسيانى وراي دەپ ءبىلىپ، پارتيا تاريحىن ۇيرەنۋ تاربيەسىن جاستار مەن وقۋشىلارعا جەتكىزۋدى تىڭعىلىقتى ىلگەرىلەتىپ، پارتيا تاريحىن ۇيرەنۋ تاربيەسىن ونەگە كورسەتىپ ادام تاربيەلەۋمەن ۇشتاستىرىپ، رەفورما جاساۋدان قامال الىپ مەكتەپتىڭ دامۋىن ىلگەرىلەتۋمەن ۇشتاستىرىپ، ”حالىقتىڭ قالاۋىنان شىعاتىن وقۋ - اعارتۋدى قۇلشىنا ويداعىداي جۇرگىزۋدىڭ“ جاڭا ساپارىن قۇلشىنا باستاپ، پارتيا قۇرىلعاندىعىنىڭ 100 جىلدىعىن ۇزدىك ناتيجەمەن قارسى الامىز.
