تيانشان تورى   ›   جاڭالىقتار   ›   شينجياڭ حابارلارى

”شينجياڭ جاقسى جەر“ اۋىس - كۇيىس ءماجىلىسى ۇرىمجىدە وتكىزىلدى

  اناربۇلت/ شينجياڭ گازەتىنىڭ تىلشىلەرى لي شيڭ، ميھىرگۇل ناسىر 4-ايدىڭ 2-كۇنى ۇرىمجىدەن حابارلايدى. 4-ايدىڭ 2-كۇنى ”شينجياڭ جاقسى جەر“ اۋىس - كۇيىس ءماجىلىسى ۇرىمجىدە وتكىزىلدى. شينجياڭدا ەكسكۋرسيادا، ساپاردا جۇرگەن شاڭحاي سەلبەستىك ۇيىمىنىڭ باس حاتشىسى ۆلاديمير نوروۆ جانە قاتىستى ەلدەردىڭ جۇڭگودا تۇراتىن ەلشىلەرى مەن ديپلوماتتارىنان 30دان استام ادام اۋىس-كۇيىس ماجىلىسىنە قاتىناستى. اۆتونوميالى رايوندىق پارتكومنىڭ ورىنباسار شۋجيى، اۆتونوميالى رايوننىڭ ءتوراعاسى شوكىرات زاكىر اۋىس-كۇيىس ماجىلىسىنە قاتىناستى ءارى قاتىستى ماسەلەلەرگە جاۋاپ بەردى.

  شوكىرات زاكىر شينجياڭنىڭ دامۋىنا، ورنىقتىلىعىنا قاتىستى جاعدايلاردى تانىستىردى. ول بىلاي دەدى: پارتيا ورتالىق كوميتەتىنىڭ پارمەندى باسشىلىعىندا، شينجياڭ جاڭا داۋىردەگى پارتيانىڭ شينجياڭدى جونگە سالۋ جالپى جوباسىن مۇقيات دايەكتىلەندىرىپ، تياناقتاندىرىپ، حالىقتى وزەك ەتكەن دامۋ يدەياسىنا تاباندى بولىپ، حالىقتىڭ تاماشا تۇرمىسقا دەگەن تالپىنىسىن كۇرەس نىساناسى ەتىپ، ەكونوميكالىق، قوعامدىق دامۋدى ىلگەرىلەتۋدە جانە حالىق تۇرمىسىن جاقسارتۋدا بۇرىن بولماعان تابىستارعا قول جەتكىزىپ، تيانشان الابىندا قوعام ورنىقتى، حالىق تىنىش ءومىر، شات - شادىمان تىرشىلىك كەشىرگەن تاماشا جاعداي جارىققا شىعىپ، ءار ۇلت بۇقاراسىنىڭ تابىس سەزىمى، باقىت سەزىمى، حاۋىپسىزدىك سەزىمى ۇزدىكسىز كۇشەيدى. الايدا سوڭعى جىلدارى حالىقارادا ءىشىنارا جات نيەتتى ادامدار ءتورت توڭىرەككە شينجياڭعا قاتىستى وسەك - اياڭ تاراتىپ، وسەك ايتىپ، جالا جاۋىپ، ايتىلمىس شينجياڭعا ساياتىن ماسەلەلەردى قولدان جاساپ، شينجياڭنىڭ حاۋىپسىزدىگىن، ورنىقتىلىعىن بۇلدىرۋگە، جۇڭگونىڭ دامىپ، زورايۋىنا كەدەرگىلىك جاساۋعا ۇرىندى. ءبىز مۇنى قاتاڭ جازعىرامىز جانە وعان باتىل قارسى تۇرامىز! شينجياڭنىڭ بارلىق ىستەرى اشىق، بۇكپەسىز ىستەلدى، بارلىعى دا شينجياڭداعى ءار ۇلت حالقىن باقىتقا كەنەلتۋ ءۇشىن ىستەلدى. ءبىز كوپشىلىكتىڭ شينجياڭعا كوبىرەك كەلىپ ارالاۋىن، كورۋىن، شىنايى شينجياڭدى ءبىلۋىن شىن ىقىلاسپەن قارسى الامىز.

  ۆلاديمير نوروۆ جانە يران، پاكيستان، رەسەي، يندونەزيا قاتارلى ەلدەردىڭ جۇڭگودا تۇراتىن ەلشىلەرى مىنالاردى ءبىلدىردى: سوڭعى جىلدارى شينجياڭ نەگىزدىك قۇرىلعىلار قۇرىلىسى، تۇرعىن ۇيمەن قامتاماسىز ەتۋ، مىندەتتى وقۋ - اعارتۋ جانە ەمدەۋ، دەنساۋلىق ساقتاۋ سياقتى جاقتاردا ەرەسەن تابىستارعا قول جەتكىزىپ، ەكونوميكاسى جەدەل دامىپ، حالىقتىڭ تۇرمىس دەڭگەيى كورنەكتى جوعارىلادى. بىرنەشە كۇندىك ەكسكۋرسيالاۋ، ساپارلاۋ جانە وسى جولعى اۋىس - كۇيىس ءماجىلىسى ارقىلى ءبىز شينجياڭنىڭ قوعام ورنىقتىلىعى، ۇلتتار ىنتىماعى، ءدىن جاراسىمدىلىعى، حالىق تۇرمىسىن جاقسارتۋ سياقتى جاقتارداعى دامۋ تابىستارىن ىشكەرىلەي ۇعىسىپ، ۇلتتاردىڭ ارالاسۋ، ىشتەسۋ، توعىسۋ شىنايى جاعدايىن يەلەدىك، جۇڭگو ۇكىمەتىنىڭ لاڭكەستىككە قارسى تۇرۋ جانە ۇشقارىلىقتى الاستاۋ جاعىندا جاساعان قۇلشىنىسىن القايمىز جانە ونى قولدايمىز. جۇڭگونىڭ شينجياڭىنىڭ ءوڭىردىڭ بەيبىتشىلىگىنە، حاۋىپسىزدىگىنە، ورنىقتىلىعىنا ۇزدىكسىز ۇلەس قوسۋىن، ”بىر بەلدەۋ، ءبىر جول“ قۇرىلىسىندا اناعۇرلىم زور رول اتقارۋىن ءۇمىت ەتەمىز.

  جۇڭگو ۇكىمەتىنىڭ ەۆروپا، ازيا ىستەرى ەرەكشە ۋاكىلى لي حۇي بىلاي دەدى: سوڭعى جىلدارى شينجياڭ جىبەك جولى ەكونوميكالىق بەلدەۋى وزەكتى رايون قۇرىلىسىن ۇزدىكسىز ىلگەرىلەتتى، دامۋ كومەسكى كۇشى اسا زور. شينجياڭنىڭ بۇدان كەيىن حالىقارالىق قوعاممەن دوستىق اۋىس - كۇيىستى ونان ارى ىلگەرىلەتىپ، ەكونوميكا - ساۋدا، گۋمانيتارلىق، عىلىم - تەحنيكا، قاتىناس، الەۋمەتتىك دەنساۋلىق ساقتاۋ سياقتى سالالاردا ۇشتاسۋدى كۇشەيتىپ، سەلبەستىك اياسىن كەڭەيتىپ، گۇلدەنۋدەن تەڭ يگىلىكتەنىپ، تاماشا بولاشاقتى بىرگە جاراتۋىن ءۇمىت ەتەمىن.

  اۋىس - كۇيىس ماجىلىسىندە شينجياڭنىڭ تابيعات كورىنىسىن، جەرگىلىكتى سالت - ساناسىن جانە دامۋ تابىستارىن ايگىلەيتىن شاعىن بەينە ەكران كورسەتىلدى. شينجياڭنان كەلگەن ماماندار، وقىمىستىلار جانە نەگىزگى ساتى بۇقاراسى شىنايى مىسالدارمەن جانە ساندى مالىمەتتەرمەن شينجياڭنىڭ ادامدىق ۇقىقتى قامتاماسىز ەتۋ، ءدىني سەنىم ەركىندىگى سياقتى سالالارداعى دامۋ جاعدايىن تانىستىرىپ، باتىستاعى ءبىر ءبولىم اقپارات قۇرالدارىنىڭ شينجياڭعا قاتىستى وسەك - اياڭدارىنا تويتارىس بەردى.

جاۋاپتى رەداكتور : نۇربولات قابىل

ەسكەرتۋ:

تورابىمىزداعى مازمۇنداردىڭ مەنشىك ۇقىعى شينجياڭ ۇيعۇر اۆتونوميالى رايوندىق حالىق ۇكىمەتى اقپارات كەڭسەسىنە ءتان، جاريالانعان مازمۇنداردى سىلتەمەسىز كوشىرۋگە بولمايدى. كوشىرىپ پايدالانۋعا تۋرا كەلگەندە، «تيانشان تورى » الىنعانى انىق ەسكەرتىلۋى ءتيىس، بولماسا زاڭدىق جاۋاپكەرلىگى قۋزاستىرىلادى.