تيانشان تورى   ›   جاڭالىقتار   ›   شينجياڭ حابارلارى

”شينجياڭنىڭ ماقتا جۇمىسى قاۋىرت ءجۇرىلىپ جاتىپتى“

انار بۇلت / شينجياڭ گازەتىنىڭ تىلشىلەرى ميھىرگۇل ناسىر، لي شيڭ

  4 - ايدىڭ 1 - كۇنى شاڭحاي سەلبەستىك ۇيىمىنىڭ باس حاتشىسى جانە قاتىستى ەلدەردىڭ جۇڭگودا تۇراتىن ەلشىلەرى مەن ديپلوماتتارىنىڭ ۋاكىلدەر ۇيىرمەسى اقسۋ قالاسىنداعى ماقتا توقىماشىلىق كاسىپورنىنا كەلىپ، ءوندىرىس سەحىن، وڭدەۋلى بۇيىمدار سەحىن سول جەردىڭ وزىندە ەكسكۋرسيالاپ، قىزمەتكەرلەردىڭ قىزمەت، تۇرمىس ورتاسىن ۇعىستى. كوپشىلىك جۇڭگو ۇكىمەتىنىڭ جۇمىس ورنىن ازىرلەۋ، قىزمەتكەرلەردىڭ تالعامىنا قۇرمەت ەتۋ، قىزمەتكەرلەردىڭ زاڭدى ۇقىق - مۇددەسىن قورعاۋ سياقتى جاقتارىن ايرىقشا تۇراقتاندىردى.

  ”سەرىكتەستىك %100 ساپالى شينجياڭ ماقتاسىن پايدالانىپ، ماقتا ەگۋدەن، مانەرلەۋدەن، ساۋداعا سالۋدان بوياۋ، ءتۇستى ءجىپ ءيىرۋ وندىرىسىنە دەيىنگى جوعارى ۇستەمە قۇندىق قامداۋ تىزبەگى جۇيەسىن قالىپتاستىردى“، - دەدى اقسۋ حۋافۋ ءتۇستى ءجىپ ءيىرۋ شەكتى سەرىكتەستىگىنىڭ كاسىپورىن جاۋاپتىسى، ونىڭ تانىستىرۋىنشا، 2020 - جىلى سەرىكتەستىك 2 ميلليارد 480 ميلليون يۋان ءونىم قۇنىن، ءبىر ميلليارد 822 ميلليون يۋان ساتۋ كىرىسىن جۇزەگە اسىرعان.

  ءوندىرىس سەحىنا كىرگەندە قاتار - قاتار زىرىلداپ تەز اينالعان ءجىپ ءيىرۋ ماشينالارىن كورىپ، يراننىڭ جۇڭگوداعى باس ەلشىلىگىنىڭ 3 - دارەجەلى حاتشىسى مومسەن باگلەي جۇرە ءجۇرىپ بەينە ەكران ءتۇسىردى. ول بىلاي دەدى: ”ءبىز شينجياڭنىڭ ماقتا جۇمىسى قاۋىرت ءجۇرىلىپ جاتقاندىعىن كوردىك، كاسىپورىننىڭ اۆتوماتتاندىرىلعان ءوندىرىس جەلىسى بار كۇشپەن ءوندىرىس جۇرگىزىپ جاتىپتى“.

  گۇرىلدەگەن ماشينا داۋىسىنا ىلەسە، قىزمەتكەرلەر ءالسىن - ءالى ماشينانىڭ جۇمىس جۇرگىزۋ احۋالىن تەكسەرىپ ءجۇر. ”مىنا ماقتا وڭدەۋ جابدىقتارى نەتكەن وزىق ەدى!“، - دەدى ازەربايجاننىڭ جۇڭگودا تۇراتىن باس ەلشىسى زەيناللي اكرام شىنايى القاپ.

  ”كاسىپورىندا قانشا قىزمەتكەر بار؟ بۇل قىزمەتكەرلەردى قالاي قابىلدادىڭىزدار؟“، - دەپ سۇرادى زاۆود ءۇيىنىڭ سىرتىندا نەپالدىڭ جۇڭگوداعى باس ەلشىلىگىنىڭ كەڭەسشىسى كاسار كشروي.

  ”قازىر كاسىپورىندا 5000عا جۋىق قىزمەتكەر بار. كاسىپورىن قىزمەتكەر قابىلداۋدا ەرىكتى قىزمەتكەر قابىلداۋ جانە جەتەكتەپ جۇمىسقا قابىلداۋ سىندى ەكى ءتۇرلى ءادىستى قولدانادى، جاستار جارناما ارقىلى كاسىپورىنعا كەلىپ تىزىمدەلۋ نەمەسە قىزمەتكەرلەر ارا ءوزارا تانىستىرۋ ارقىلى ءوز ەرىكتەرىمەن كاسىپورىنعا كەلىپ قىزمەت ىستەيدى. ءبىز مەملەكەت زاڭىنىڭ بەلگىلەمەسى بويىنشا 8 ساعاتتىق قىزمەت ءتۇزىمىن اتقارامىز، زاڭدا بەلگىلەنگەن مەرەكە جانە دەمالىس كۇندەرى قالىپتى دەمالىپ، قىزمەتكەرلەردىڭ زاڭدى ۇقىق - مۇددەسى باتىل قامتاماسىزداندىرىلادى“، - دەدى كاسىپورىننىڭ جاۋاپتىسى جاۋاپ قاتىپ.

  ”ولاردىڭ كىرىستەرى قالاي؟“، ”ءوندىرىستىڭ 1 - جەلىسىندەگى قىزمەتكەرلەردىڭ ايلىق ەڭبەكاقىسى 3400 يۋان اينالاسىندا، كەيبىر تەحنيكاعا قانىق قىزمەتكەرلەردىڭ ايلىق ەڭبەكاقىسى 6000 يۋانعا جەتەدى“، - دەدى كاسىپورىننىڭ جاۋاپتىسى.

  ۋاكىلدەر ۇيىرمەسى تاعى قىزمەتكەرلەر اسحاناسىن ەكسكۋرسيالادى، اسحانا جوعارى - تومەن 2 قاباتقا بولىنگەن، جالپى جەر اۋدانى 2500 شارشى مەتر، كاسىپورىنداعى بارلىق قىزمەتكەرلەردىڭ ءبىر كۇندەگى 3 ۋاق تاماعىن قامتاماسىز ەتە الادى. ”ازىقتىق ماتەريالىن تاڭداۋدان قۋىرماشتاردىڭ جاسالۋىنا، اس تۇرلەرىنىڭ جاسالۋىنا دەيىن، تۇگەلدەي جەرگىلىكتى از ۇلتتاردىڭ تۇرمىس ادەتىنە قۇرمەت ەتىلىپ، قىزمەتكەرلەردىڭ ءنارلى تاماق جەۋىنە، سالاماتتى تاماقتانۋىنا شىنايى كەپىلدىك ەتتىك“، - دەپ تانىستىردى كاسىپورىن جاۋاپتىسى.

  ”قىزمەتكەرلەردىڭ تۇرمىس، جاتاق شارت - جاعدايى تۇگەلدەي ەرەكشە جاقسى ەكەن“، - دەدى ازەربايجاننىڭ جۇڭگودا تۇراتىن باس ەلشىسى زەيناللي اكرام.

  وزبەكستاننىڭ جۇڭگوداعى باس ەلشىلىگىنىڭ كىشى ەلشى دارەجەلى كەڭەسشىسى باتىر تۇرسىنوۆ بىلاي دەدى: ”توقىماشىلىق فابريكاسىنىڭ ءوندىرىس ءتارتىبى بارىنشا اۆتوماتتاسىپتى، ءبىز قىزمەتكەرلەردىڭ قاجىرلىلىقپەن قۇلشىنىپ جاتقاندىعىن، كاسىپورىننىڭ قامتاماسىزداندىرۋ شارالارىنىڭ تياناقتى ەكەندىگىن، قىزمەتكەرلەردىڭ ۇقىق - مۇددەسى ويداعىداي قورعاۋعا يە بولعاندىعىن كوردىك. كاسىپورىننىڭ بولاشاقتا اناعۇرلىم شۇعىلالى ناتيجەلەرگە قول جەتكىزۋىن تىلەيمىز“.

  نەپالدىڭ جۇڭگودا تۇراتىن باس ەلشىسى ماحىندىرا باھادىر پاندەي بىلاي دەدى: ”وسى جولى شينجياڭدا ساپاردا بولىپ، كورگەندەرىمنىڭ مۇنان بۇرىن ەستىگەندەرىمنەن مۇلدە باسقاشا ەكەندىگىن بايقادىم، مەن كورگەن - بىلگەندەرىمدى باسقالارمەن بولىسەتىن بولامىن“.

جاۋاپتى رەداكتور : نۇربولات قابىل

ەسكەرتۋ:

تورابىمىزداعى مازمۇنداردىڭ مەنشىك ۇقىعى شينجياڭ ۇيعۇر اۆتونوميالى رايوندىق حالىق ۇكىمەتى اقپارات كەڭسەسىنە ءتان، جاريالانعان مازمۇنداردى سىلتەمەسىز كوشىرۋگە بولمايدى. كوشىرىپ پايدالانۋعا تۋرا كەلگەندە، «تيانشان تورى » الىنعانى انىق ەسكەرتىلۋى ءتيىس، بولماسا زاڭدىق جاۋاپكەرلىگى قۋزاستىرىلادى.