تيانشان تورى   ›   جاڭالىقتار   ›   شينجياڭ حابارلارى

ءوز ەڭبەگىمە ءوزىم يەمىن

شينجياڭ ىلە جو - ۋان كيىم - كەشەك شەكتى سەرىكتەستىگىنىڭ قىزمەتكەرى سۇريا كۇراش

  مەنىڭ اتىم سۇريا كۇراش، شينجياڭ ىلە جو - ۋان كيىم - كەشەك شەكتى سەرىكتەستىگىنىڭ قىزمەتكەرىمىن. تاياۋدا تەلەۆيزوردان شەكارا سىرتىنداعى كەيبىر ايگىلى ماركالى كاسىپورىنداردىڭ ”زورلىقپەن ەڭبەككە سالۋ“ دەگەندى سىلتاۋراتىپ، شينجياڭنىڭ ماقتاسىنا جانە ودان جاسالعان ونىمدەرگە شەكتەۋ سالعانى تۋرالى حاباردى كورىپ زىعىردانىم قاتتى قاينادى، بۇل بارىپ تۇرعان بۇيرەكتەن سيراق شىعارعاندىق! مەن ءوزىمنىڭ ءتول كەشىرمەلەرىم ارقىلى شەكارا سىرتىنداعى كەيبىر ۇيىمدار مەن جەكەلەردىڭ ويدان قۇراعان ايتىلمىس ”زورلىقپەن ەڭبەككە سالدى“ دەگەن وسەك - اياڭىن اشكەرەلەيمىن.

  اكەم ناۋقاس سەبەبىنەن ەرتە قايتىس بولىپ، شەشەم جالعىز ءوزى 3 بالانى باعىپ - قاقتى. وتباسىمىز تۇرمىستا ءبىراز قيىنشىلىق تارتقانىمەن، ۇكىمەت ءبىزدىڭ ۇيگە كوپ كومەك بەردى. مەن وقۋدى جاقسى كورەمىن، ۇيدەگىلەر دە قولدادى. وقۋ كومەك قارىز اقشاسى ارقىلى داشۋەدە وقىدىم، 2018 - جىلى داشۋە بىتىرگەن سوڭ، ءسوز جوق، ءبىلىم ارقىلى تاعدىرىمدى وزگەرتىپ، ەڭبەك ارقىلى باقىتتى تۇرمىس جاراتۋ بەكىمىنە كەلدىم.

  2019 - جىلى 8 - ايدا ىلە جو - ۋان كيىم - كەشەك سەرىكتەستىگى اۋىلعا كەلىپ قىزمەتكەر قابىلداۋ جينالىسىن اشتى، مەن ءوز ەركىممەن تىزىمدەلىپ قىزمەتكەر قابىلداۋعا قاتىناستىم. داشۋە وقىعاندىعىمنان، بەتپە - بەت ەميتحانىنان كەيىن سەرىكتەستىك مەنى كادرلار قىزمەتى ورنىنا جۇمىسقا ورنالاستىردى. وسىدان باستاپ مەن جاڭاشا تۇرمىس كەشىردىم. قىزمەت كەزىندە كوپتەگەن كاسپتىك شەبەرلىكتى ۇيرەنىپ، تابىس سەزىمىنە بولەندىم.

  ءبىزدىڭ سەرىكتەستىكتىڭ باسقارۋ ءتۇزىمى جۇيەلى، بارلىق ءوندىرىس، تيجارات قيمىلدارى مەملەكەتتىڭ زاڭدارىنا، زاڭ ەرەجەلەرىنە قاتاڭ بويسۇنادى، ءبىزدىڭ ءار كۇنگى قىزمەت ۋاقىتىمىز بەن قىزمەت ىستەۋ جانە دەمالىس ءتۇزىمى «جۇڭحۋا حالىق رەسپۋبليكاسىنىڭ ەڭبەك زاڭى» بويىنشا اتقارىلىپ، اي سايىن ۋاعىندا ەڭبەكاقى تاراتىلادى، ەشقاشان كەشىكتىرىپ كورگەن ەمەس. سەرىكتەستىك تاعى جۇمىسشىلار ءۇشىن زەينەتكەرلىك قامسىزداندىرۋى، ەمدەۋ قامسىزداندىرۋى سياقتى ”بەس ءتۇرلى قامسىزداندىرۋ“ تاپسىرادى. زاۆودتاعى اۋىلداستاردىڭ جانە جۇمىسشىلاردىڭ وزدەرىنىڭ قۇلشىنىسى ارقىلى تىگىنشىلىك تەحنيكاسىن ۇيرەنىپ، قوس قولدارىنا سۇيەنىپ تۇرمىستارىن وزگەرتكەنىن كورگەندە مەن قاتتى ءسۇيىندىم. مەن نەگىزىنەن سەرىكتەستىكتىڭ قىزمەتكەر قابىلداۋ جانە قىزمەتكەرلەردىڭ قىزمەتكە كەلىپ - كەتۋ جۇمىستارىنا جاۋاپتىمىن، اي سايىن سەرىكتەستىك تاعى ماعان جۇمىسشىلاردى باعالاۋ ناتيجەسى بويىنشا وزات جۇمىسشى كورسەتۋ ءىسىن تاپسىرىپ، ولاردى ماداقتاپ - سيلايدى. مەن سيلىق بۇيىمدارىن وزات قىزمەتكەرلەردىڭ قولىنا تاپسىرعانىمدا ولار ءماز - مايرام بولىپ قالادى، مەن دە ەرەكشە قۋانىشقا بولەنەمىن.

  سەرىكتەستىكتىڭ باسشىلارى مەن جۇمىسشىلاردىڭ ماعان پوزيتسياسى وتە جاقسى، مەنىڭ ءۇيىم سەرىكتەستىكتەن الىستاۋ بولعاندىقتان، سەرىكتەستىك ماعان جەكە ادامدىق جاتاق بەردى. قازىر اي سايىنعى ەڭبەكاقىم قىزمەتكە قاتىناسقان كەزدەگى 3500 يۋاننان 4200 يۋانعا ءوستى. بۇعان مەن قۇلشىنىس جاساۋ ارقىلى قول جەتكىزدىم، مەكتەپ بىتىرگەن كەزدەگى ارمانىم ورىندالدى. سەرىكتەستىككە كەلىپ قىزمەت ىستەۋدەن بۇرىن، وتباسىمىزدىڭ تۇرمىسى ەڭ تومەنگى تۇرمىستى قامتاماسىز ەتۋگە سۇيەنەتىن. قازىر مەندە تۇراقتى كىرىس بار، شەشەمە ۇناتقان كيىمىن الىپ، ۇيىمىزگە تۇرمىستىق بۇيىمداردى تولىقتاپ بەردىم. بيىل ”8 - ناۋرىز“ حالىقارالىق ەڭبەكشى ايەلدەر مەرەكەسىندە سەرىكتەستىك ماعان كىر جۋۋ ماشيناسىن سيلادى.

  جۋىقتان بەرى امەريكا پارلامەنتىنىڭ ءىشىنارا مۇشەلەرى شينجياڭدا ”كەڭ كولەمدە زورلىقپەن ەڭبەككە سالۋ“ جايتى ءومىر سۇرۋدە دەپ وتىرىك ايتتى، مەن بۇعان قاتتى كەكتەنەمىن جانە باتىل قارسى تۇرامىن! مەن جانە اۋىلداستارىم، دوستارىم ءبارىمىز دە تۇرمىس جاعدايىمىزدى وزگەرتۋ ءۇشىن ءوز ەركىمىزبەن زاۆودقا كەلىپ جۇمىس ىستەۋدى تاڭدادىق، بۇل قايداعى ”زورلىقپەن ەڭبەككە سالۋ“ بولسىن؟ ءبىز قوس قولىمىزعا سۇيەنىپ ءوزىمىزدى اسىراپ، وتباسىمىزعا قولعابىس ەتىپ، تۇرمىس شارت - جاعدايىمىز جاقساردى، بۇل قايداعى ”زورلىقپەن ەڭبەككە سالۋ“ بولسىن؟ ءبىز زاۆودتا قىزمەت ىستەگەن، تۇرمىس كەشىرگەن كەزدە ەشقانداي كەمسىتۋگە ۇشىرامادىق، ءدىني سەنىم، سالت - سانا، عۇرىپ - ادەت جانە ءوز ۇلتىمىزدىڭ ءتىل - جازۋىن قولدانۋ سياقتى ۇقىقتارىمىزعا ايرىقشا قۇرمەت ەتىلدى، بۇل قايداعى ”زورلىقپەن ەڭبەككە سالۋ“ بولسىن؟

  امەريكاداعى قاتىستى ادامدار نەگىزگى فاكتكە قۇرمەت ەتۋى، شينجياڭنىڭ ادامدىق ۇقىق جاعدايىنا جالا جابۋىن، كۇيە جاعۋىن توقتاتۋى، شينجياڭنىڭ ورنىقتىلىعىن، كوركەيىپ - گۇلدەنۋىن ءبۇلدىرۋىن توقتاتۋى كەرەك! ءبىزدىڭ تۇرمىسىمىزدىڭ جاقسى - جاماندىعى تۋرالى ءبىزدىڭ ەڭ سويلەۋ ۇقىعىمىز بار. مەن: ءوز ەڭبەگىمە ءوزىم يەمىن، ءبىزدىڭ تۇرمسىمىز وتە باقىتتى! - دەپ ءور داۋىسپەن ايتقىم كەلەدى.

جاۋاپتى رەداكتور : نۇربولات قابىل

ەسكەرتۋ:

تورابىمىزداعى مازمۇنداردىڭ مەنشىك ۇقىعى شينجياڭ ۇيعۇر اۆتونوميالى رايوندىق حالىق ۇكىمەتى اقپارات كەڭسەسىنە ءتان، جاريالانعان مازمۇنداردى سىلتەمەسىز كوشىرۋگە بولمايدى. كوشىرىپ پايدالانۋعا تۋرا كەلگەندە، «تيانشان تورى » الىنعانى انىق ەسكەرتىلۋى ءتيىس، بولماسا زاڭدىق جاۋاپكەرلىگى قۋزاستىرىلادى.