تيانشان تورى   ›   جاڭالىقتار   ›   شينجياڭ حابارلارى

اپپاق، كىرشىكسىز شينجياڭ ماقتاسىن لاستاۋعا جول بەرمەيمىز

  شايار اۋدانى تارىم اۋىلىنداعى ماقتاشى كەرىم راحىمان:

  اپپاق، كىرشىكسىز شينجياڭ ماقتاسىن لاستاۋعا جول بەرمەيمىز

  مەنىڭ اتىم كەرىم راحىمان، ۇيعۇرمىن، بيىل 38 جاستامىن، شينجياڭداعى قاراپايىم ماقتاشىمىن. مەن ءوز باسىمنان وتكەن كەشىرمەلەرىم ارقىلى جۋىقتان بەرگى ءىشىنارا حالىقارالىق ۇيىمدار مەن شەتەل سەرىكتەستىكتەرىنىڭ شينجياڭنىڭ ماقتا ەگىپ، ماقتا تەرۋىندە ”زورلىقپەن ەڭبەككە سالۋ“ ءومىر ءسۇرىپ وتىر دەپ كۇيە جاققان وسەك - اياڭدارىنا تويتارىس بەرەمىن!

  شايار اۋدانىنىڭ توپىراق، سۋ شارت - جاعدايى ماقتا ەگۋگە توتەنشە ۇيلەسەدى، ماقتا ءبىزدىڭ بايۋىمىزداعى ەڭ ماڭىزدى كاسىپ سالاسى. نەشە جىلدىڭ الدىندا مەن قىستاقتا باستاماشى بولىپ ماقتا ەگە باستادىم. ماقتانىڭ ءتۇسىمىن جوعارىلاتۋ ءۇشىن مەن ءار جىلى اۋدان ۇيىمداستىرعان ماقتا ەگۋ تەحنيكاسى كۋرسىنا قاتىناسىپ، تەحنيك قىزمەتكەرلەردەن ەگۋ ءادىسىن ۇيرەندىم ءارى ماقتا ەگۋگە قاتىستى كوپتەگەن كىتاپتاردى ساتىپ الىپ ۇيرەندىم. تالىقپاي قۇلشىنۋ ارقىلى مەن ەككەن ماقتانىڭ مۋ باسىندىق ءتۇسىمى باستابىنداعى 180 كيلوگرامنان جوعارىلاپ 320 كيلوگرامنان استى؛ ەگىلگەن جەر اۋماعى باستابىنداعى 130 مۋدان كەڭەيىپ قازىر 220 مۋدان استى، كىرىسىم بارعان سايىن جوعارىلاپ كەلەدى.

  كەيىن كەلە قىستاقتا ماقتانى ماشينامەن تەرۋ ءوندىرىس ءتاسىلى جالپىلاستىرىلدى. مەن تەحنيك قىزمەتكەرلەردەن ۇعىسىپ، ماقتانى ماشينامەن تەرگەندە ساپالى، ءتۇسىمى جوعارى بولىپ، تەز تەرىلۋمەن بىرگە، قولمەن ماقتا تەرگىزۋگە جۇمسالاتىن قاراجاتتى ۇنەمدەپ قالۋعا بولاتىندىعىن ءبىلدىم. تەحنيك قىزمەتكەر ماعان كومەكتەسىپ مىناداي ەسەپ كورسەتتى: ءبىزدىڭ ءۇيدىڭ 200 نەشە مۋ جەرى بويىنشا ەسەپتەگەندە، ماقتانى بۇكىلدەي قولمەن تەرگىزەتىن بولساق، بىرنەشە كۇندە ارەڭ تەرىپ بولادى، 150 مىڭ يۋانعا جۋىق اقشا ادامداردىڭ ەڭبەكاقىسىنا جۇمسالادى. ەگەر ماقتانى ماشينامەن تەرسەك، ءبىر كۇنگە جەتپەيتىن ۋاقىتتا تەرىپ بولادى، ماقتا تەرۋ ماشيناسىن جۇرگىزۋشى ۇستازدىڭ ەڭبەكاقىسىنا تەك 40 مىڭ يۋانداي عانا جۇمسالادى ەكەن. مەن ۇيدەگىلەرمەن اقىلداسقاننان كەيىن، ۇيىمىزدەگى ماشينامەن تەرۋگە ۇيلەسەتىن 180 مۋدان استام جەردەگى ماقتا اتىزىنا ماشينامەن تەرىلەتىن ماقتا ەگۋدى ۇيعاردىم.

  ماقتا تەرۋ مەزگىلى كەلگەن سايىن ماقتا تەرەتىن ادام جەتىسپەي، ماقتا ەگەتىن اۋىلداستار قول ۇشىن بەرىپ عانا قالماستان، سىرت جەرلەردەن دە كوپتەگەن ادامدار ماقتا تەرۋگە كەلەتىن. بيىل ءبىزدىڭ ءۇيدىڭ ماقتاسى پىسقاننان كەيىن ماشينامەن ماقتا تەرەتىن ءبىر ۇستازعا حابارلاستىم، تاعى دا 22 ادامدى ماقتا تەرۋگە شاقىرىپ اكەلدىم. ماشينامەن ماقتا تەرۋگە مۋىنا 200 يۋان ەڭبەكاقى تولەدىم، قولمەن ماقتا تەرگەندەرگە ءار كيلوگرامىنا 2.5 يۋاننان ەڭبەكاقى تولەدىم. ولار ءبىزدىڭ بۇل ارادا ىستەگەندە مەن ولاردى تەگىن تاماقپەن، جاتاقپەن جانە تۇرمىستىق بۇيىمدارمەن قامدادىم. ماقتا تەرىلىپ بولعاننان كەيىن، مەن بارلىق قاراجاتتى ءبىر جولدا ەسەپتەپ بەردىم. مەنىڭ تولەگەن ەڭبەكاقىم مول، بەرگەن تاماعىم ءدامدى، دايىنداعان جاتار ورنىم جايلى بولعاندىقتان، كوپتەگەن ادامدار تاعى دا ءبىزدىڭ ۇيگە كەلىپ ماقتا تەرۋدى قالادى. ءار جىلى ماقتا پىسايىن دەگەن كەزدە كەيبىر ادامدار الدىن الا ماعان تەلەفون شالىپ حابارلاسىپ، ماقتا تەرگىزەتىن كەزدە مەنى ۇمىتپاي شاقىر دەپ جاتادى. ءوزىمنىڭ قاجىرلى ەڭبەگىم ارقىلى كىرىسىم بارعان سايىن مولايىپ، وتباسىمىزدىڭ تۇرمىسىندا ۇلكەن وزگەرىستەر بولدى. قازىر مەن تاعى 150 قوي ءوسىرىپ وتىرمىن، تاعى دا ءىرى تۇرپاتتى ءبىر تراكتور جانە قازۋ ماشيناسىن ساتىپ الدىم، كەلەر كۇننەن ءۇمىتىم زور!

  جۋىقتا شەتەلدەردەگى ءىشىنارا كيىم - كەشەك سەرىكتەستىكتەرىنىڭ ءبىزدىڭ ماقتامىزعا جالا جاۋىپ، ايتىلمىس ”زورلىقپەن ەڭبەككە سالىپ“ ماقتا تەرگىزدى دەپ جازعىرۋىنىڭ مۇلدە دالەل، قيسىنى جوق، توتەنشە سوراقى دا كۇلكىلى! وسى سەرىكتەستىكتەردىڭ جالا جابۋىنا جانە وسەك - اياڭ تاراتۋىنا ءبىز قاتاڭ قارسى تۇرامىز! سەندەر ءبىر جاعىنان، جۇڭگونىڭ اسىن ءىشىپ، ەندى ءبىر جاعىنان، جۇڭگونىڭ قازانىن شاعۋدى قيالداۋشى بولماڭدار!

جاۋاپتى رەداكتور : نۇربولات قابىل

ەسكەرتۋ:

تورابىمىزداعى مازمۇنداردىڭ مەنشىك ۇقىعى شينجياڭ ۇيعۇر اۆتونوميالى رايوندىق حالىق ۇكىمەتى اقپارات كەڭسەسىنە ءتان، جاريالانعان مازمۇنداردى سىلتەمەسىز كوشىرۋگە بولمايدى. كوشىرىپ پايدالانۋعا تۋرا كەلگەندە، «تيانشان تورى » الىنعانى انىق ەسكەرتىلۋى ءتيىس، بولماسا زاڭدىق جاۋاپكەرلىگى قۋزاستىرىلادى.