− رايونىمىزداعى جوعارى، ورتا، باستاۋىش مەكتەپتەر چيڭميڭدە قۇربانداردى ەسكە الۋ قيمىلىن ورىستەتتى
□ انار بۇلت / شينجياڭ گازەتىنىڭ تىلشىلەرى
4 - ايدىڭ 3 - كۇنى شىحىزى قالالىق 2 - باستاۋىش مەكتەپ وقۋشىلارى جوۋ ىنلاي زۇڭليدىڭ ەسكەرتكىش سارايىن ەكسكۋرسيالاپ، قىزىل توڭكەرىستىك تاربيەنى قابىلدادى. □ سۋرەتتى انار بۇلت / شينجياڭ گازەتىنىڭ ءتىلشىسى شيە لۇڭ تۇسىرگەن
چيڭميڭ قارساڭىندا رايونىمىزداعى جوعارى، ورتا، باستاۋىش مەكتەپتەر وقىتۋشى - وقۋشىلاردى قىزىل تاربيە بازاسىنا بارۋعا ۇيىمداستىرىپ، پارتيا تاريحىن ۇيرەنۋ تاربيەسىمەن ۇشتاستىرىپ، ينتەرنەت جەلىسىندە جانە جەلىدەن تىس قاھارمانداردى ەسكە الۋ قيمىلىن كەڭ كولەمدە ورىستەتىپ، قاھارمانداردىڭ ءىزىن ىزدەستىرىپ، قاھارمانداردىڭ ىزگى ىستەرىن ەسكە الىپ، وقۋشىلاردىڭ وتانشىلدىق سۇيىسپەنشىلىگى مەن العىس ايتۋ سەزىمىن قاۋلاتىپ، قالىڭ جاستار مەن جاس وسپىرىمدەردى قىزىل تامىردى ۇزبەي جالعاستىرىپ، مۇرات - سەنىمدى بەكەمدەپ، ۇلتتىڭ گۇلدەنۋى سىندى ۇلى مىندەتتى ارقالايتىن ءداۋىر جاڭا ادامدارى بولىپ قۇلشىنا ەرجەتۋگە باستادى.
توڭكەرىستىك قۇربانداردى تەرەڭ ساعىنىشپەن ەسكە الدى
4 - ايدىڭ 2 - كۇنى ءۇرىمجى قالاسى حالىق باقشاسىندا تۇرعان شينجياڭ ءار ۇلت حالقى توڭكەرىستىك قۇرباندار ەسكەرتكىش مۇناراسى اسقاق ايبىنمەن بوي سوزىپ تۇر، ءۇرىمجى قالالىق 41 - باستاۋىش مەكتەپتەگى 20دان استام وقۋشىلار ۋاكىلى رەتتى قاتار تۇزەپ، قولدارىنا اق كۇرەڭكەي ۇستاپ، شەكسىز قۇرمەت سەزىمىمەن قۇرباندار ەسكەرتكىشىنە قاراپ تۇرىپ قۇربانداردىڭ مۇراتىنا مۇراگەرلىك ەتىپ، ماڭگى توڭكەرىستىڭ ءىزباسارلارى بولۋعا سەرت بەردى.
سانجى قالاسىنداعى ءارقايسى مەكتەپتەر نەگىزگى تاقىرىپتىق كلاس جيىن ساباعى، چيڭميڭ ولەڭدەرىن وقۋ، اڭگىمە ايتۋ، ”مەنىڭ جۇرەگىمدەگى قاھارمان“ قولمەن كوشىرىلگەن گازەت جاساۋ سياقتى فورمالاردى ۇشتاستىرىپ، ”تاريحتى ەسكە ءتۇسىرۋ، قۇربانداردى ەسكە الۋ“ جەلىلەس قيمىلىن ورىستەتتى، قاتىناسقان ادام سانى 60 مىڭنان استى.
”بۇگىن وقىتۋشى ايتقان توڭكەرىستىك سوعىس اڭگىمەلەرىن ەستىپ، سول ءبىر سوعىس ءورتى لاۋلاعان جىلدارعا دەگەن تۇسىنىگىم تەرەڭدەدى، ەرلىكپەن قۇربان بولعان قاھارماندارعا شەكسىز قۇرمەتىم ارتتى. مەن قاھارماندىق رۋحتى جالعاستىرىپ، جاقسى ۇيرەنىپ، ەرجەتكەندە وتان ءۇمىتىن اقتايمىن“، - دەدى سانجى قالالىق 13 - باستاۋىش مەكتەپتىڭ 4 - جىلدىعىنىڭ وقۋشىسى ما جياچىن.
سانجى قالاسىنداعى ورتا، باستاۋىش مەكتەپتەر جەرگىلىكتى ورىنداعى قىزىل بايلىقتان تولىق پايدالانىپ، قالىڭ پارتيالى وقىتۋشىلارعا ناقتى كورىنىستىك پارتيا ساباعىن اشتى. پارتيالى وقىتۋشىلار قىزىل بازالاردى ارالاپ، شۇعىلالى تاريحتى ەسكە ءتۇسىرىپ، قاھارمانداردىڭ ىزگى ىستەرىنەن ۇيرەندى، ”وقىتۋشى رەتىندە، توڭكەرىستىك قۇربانداردىڭ ۇلەس قوسۋ رۋحى مەن تاماشا ستيلىن ءبىلىم بەرىپ، ادام تاربيەلەۋدەگى ءىس جۇزىندىك ارەكەتپەن توعىستىرىپ، قىزىل گەندى ۇرپاقتان - ۇرپاققا جالعاستىرامىز“، - دەدى سانجى قالالىق 9 - ورتا مەكتەپتىڭ وقىتۋشىسى لين حۇي.
4 - ايدىڭ 2 - كۇنى شينجياڭ راديو - تەلەۆيزيا داشۋەسى ”چيڭميڭدە قۇربانداردى ەسكە الىپ، وتانشىلدىق سۇيىسپەنشىلىكتى نىعايتۋ“ اتتى قيمىلدى ۇيىمداستىرىپ ورىستەتتى. وقىتۋ ىستەرى 2 - پارتيا ياچەيكاسىنداعى، وقىتۋ ىستەرى 3 - پارتيا ياچەيكاسىنداعى پارتيا مۇشەلەرى توڭكەرىستىك قۇربانداردىڭ بەينە ەكرانىن كورىپ، قاھارمان تۇلعالاردىڭ اڭگىمەلەرىن بايانداپ، تۇسىنىكتەرىن، اسەرلەرىن اڭگىمەلەدى. وقىتۋ ىستەرى پارتيا باس ياچەيكاسىنىڭ ورىنباسار شۋجيى، قاشىقتان وقىتۋ شۋەيۋانىنىڭ ورىنباسار باستىعى ۋاڭ تيڭتيڭ بىلاي دەدى: ”ءبىز ساباقحانا وقىتۋىنىڭ يدەيالىلىعى مەن تارتىمدىلىعىن ۇزدىكسىز ارتتىرىپ، وقۋشىلاردى پارتيانىڭ تاڭداۋلى ستيلىن جالعاستىرىپ جانە ساۋلەلەندىرىپ، رۋحاني تامىردى ۇزبەي جالعاستىرىپ، ەكپىندەي ىلگەرىلەۋگە كۇش - قۋات قابىلداۋعا باستايمىز“.
ينتەرنەتتە ازا تۇتىپ، كوڭىل كۇيىن ءبىلدىردى
توڭكەرىستىك قۇربانداردى ەسكە الۋ ءۇشىن، قاشقار داشۋەسى چيڭميڭدە قاھارمانداردى ەسكە الۋ قيمىلىن ىشكەرىلەي ورىستەتىپ، قالىڭ وقىتۋشى - وقۋشىلاردى توڭكەرىستىك قۇرباندار رۋحىن جالعاستىرۋعا، شينجياڭدى كوركەيتىپ، شەكارانى ورنىقتىرۋدىڭ جالعاستىرۋشىلارى بولۋعا جىگەرلەندىردى.
چيڭميڭ قارساڭىندا، قاشقار داشۋەسىنىڭ وقىتۋشى - وقۋشىلار ۋاكىلدەرى تاشقورعان تاجىك اۆتونوميالى اۋدانىنا بارىپ ءداۋىر ۇلگىسى لاچين بايەكە قۇربانعا ازا ءبىلدىرىپ، ونىڭ ۇيىندەگىلەرگە امانداسىپ، حال سۇرادى. مەكتەپ تاعى ”توڭكەرىستىك قۇرباندى ەسكە الۋ اسەرى“، ”لاچين بايەكەنىڭ قاھارماندىق ىزگى ىستەرىن ۇيرەنۋ اسەرى“ قيمىلىن ورىستەتتى، ينتەرنەتتە قۇرباندى ەسكە الۋدا، 12 ساعاتقا جەتپەيتىن ۋاقىتتا، قالدىرعان لەبىز 7000 ادام - رەتتەن استى.
توقسۋ اۋدانىنىڭ ليشۇي باستاۋىش مەكتەبىندە 100دەن استام وقۋشى جانە جىجياڭ ولكەسى ليشۇي قالاسى چيڭيۋان اۋداندىق 2 - تاجىريبە باستاۋىش مەكتەبىمەن بىردەي ۋاقىتتا ساباق ءوتۋ ءادىسى ارقىلى ”قۇربانداردى بىرگە ەسكە الۋ، ساعىنىشتى بىرگە جەتكىزۋدى“ نەگىزگى تاقىرىپ ەتكەن چيڭميڭ قيمىلىن ورىستەتىپ، قىزىل توڭكەرىستىك اڭگىمەلەردى بايانداۋ، وتانشىلدىق اندەردى شىرقاۋ سياقتى تاسىلدەر ارقىلى وقۋشىلاردى ءىس جۇزىندىك ارەكەتپەن وتانشىلدىق سۇيىسپەنشىلىكتى كۇشەيتىپ، وتان ءۇمىتىن اقتاۋ مۇراتىن ورناتۋعا جەتەكتەدى.
ارەكەتتەرى ارقىلى توڭكەرىستىك قۇرباندارعا قۇرمەت ءبىلدىردى
3 - ايدىڭ 31 - كۇنى شينجياڭ اۋىل شارۋاشىلىق داشۋەسى حيميا ينجەنەرياسى شۋەيۋانى ”توڭكەرىستىك اعا بۋىنداردىڭ ەڭبەكتەرىن ەسكە الىپ، اۋىل شارۋاشىلىق داشۋەسىنىڭ قىزىل گەنىن جالعاستىرۋ“ پارتيا تاريحىن ۇيرەنۋ تاربيەسى نەگىزگى تاقىرىپتىق پارتيا كۇنى قيمىلىن، وداق كۇنى قيمىلىن ۇيىمداستىرىپ ورىستەتتى.
”ءبىز قۇرباندارعا ازا ءبىلدىرىپ، ساعىنىشىمىزدى جەتكىزىپ، وقىتۋشى - وقۋشىلاردى ولاردىڭ بويىندا نۇر شاشقان مۇرات، سەنىم ساۋلەسىن ەستە بەرىك ساقتاپ، قىزىل گەندى ويداعىداي جالعاستىرىپ، داڭقتى ءداستۇردى ويداعىداي ساۋلەلەندىرىپ، تاريحتى ۇيرەنۋ ارقىلى قاعيدانى تۇسىنۋگە، تاريحتى ۇيرەنۋ ارقىلى سەنىمدى ارتتىرۋعا، تاريحتى ۇيرەنۋ ارقىلى ءمورالدى اسقاقتاتۋعا، تاريحتى ۇيرەنۋ ارقىلى ۇمتىلا ىستەۋگە باستايمىز“، - دەدى شينجياڭ اۋىل شارۋاشىلىق داشۋەسى حيميا ينجەنەرياسى شۋەيۋانى پارتكومىنىڭ شۋجيى ما جىچياڭ.
قاعىلىق اۋداندىق 9 - ورتا مەكتەپ ورىستەتكەن ”ءبىر دانا سالەم حات اۋەلگى ماقساتتى اڭعارتتى“ قۇرباندار سالەم حاتىن وقۋ قيمىلى وقۋشىلار اراسىندا قىزۋ اڭىس قوزعادى. كوممۋنيستەردىڭ وتباسى - وتان سۇيىسپەنشىلىگىنە تولى قۇربانداردىڭ سالەم حاتتارى وقۋشىلاردىڭ جان دۇنيەسىن تەبىرەنتتى. ”ءبىزدىڭ قازىرگى تاماشا تۇرمىسىمىز اعا بۋىنداردىڭ ءومىرىنىڭ بوداۋىنا كەلگەن. قۇرباندار ارامىزدان الىسقا كەتتى، الايدا ولاردىڭ رۋحى مەن جىگەرىن ءبىز جالعاستىرىپ، ساۋلەلەندىرە بەرەمىز!“، - دەدى وسى مەكتەپتىڭ وقۋشىسى زاينۇر وبۇلقاسىم.
(ءتىلشى جاۋ شييا، ەرىكتى تىلشىلەر گۋان ليچيۇڭ، جاڭ يجياڭ)
