انار بۇلت / شينجياڭ گازەتىنىڭ ءتىلشىسى لي ياڭ 4 - ايدىڭ 3 - كۇنى ۇرىمجىدەن حابارلايدى. 4 - ايدىڭ 2 - كۇنى تۇستەن كەيىن اۆتونوميالى رايوننىڭ ءتوراعاسى شوكىرات زاكىر اۆتونوميالى رايوندىق 13 - كەزەكتى حالىق ۇكىمەتىنىڭ 117 - رەتكى ۇنەمىلىك ىستەر ءماجىلىسىن باسقارىپ اشىپ، ءۇرىمجى - سانجى - شىحىزى مەملەكەتتىك دەربەس جاڭالىق اشۋدان ۇلگى كورسەتۋ رايونى قۇرىلىسىن ىلگەرىلەتۋ، قارتتاردىڭ زەردەلى تەحنيكادان پايدالانۋدا ءدوپ كەلگەن قيىنشىلىقتارىن شىن مانىندە شەشۋ سياقتى قىزمەتتەردى اقىلداستى.
ءماجىلىس مىنالاردى اتاپ كورسەتتى: ءۇرىمجى - سانجى - شىحىزى مەملەكەتتىك دەربەس جاڭالىق اشۋدان ۇلگى كورسەتۋ رايونى قۇرىلىسىن جەدەل ىلگەرىلەتۋ، جاڭالىق اشۋ جۇيەسىنىڭ يقۋاتىن ونان ارى جوعارىلاتۋ، جىبەك جولى ەكونوميكالىق بەلدەۋى وزەكتى رايون قۇرىلىسىنا تىرەك بولۋعا، تۇتاس رايون ەكونوميكاسىن جوعارى ساپالى دامۋعا باستاۋعا ءتيىمدى. شينجياڭنىڭ ورنىقتىلىق، دامۋ جانە ”ءبىر بەلدەۋ، ءبىر جول“ قۇرىلىسىنداعى كەلەلى قاجەتىن بەتكە الا وتىرىپ، شينجياڭنىڭ جاراتىلىستىق، قوعامدىق، ەكونوميكالىق، تاريحي جانە مادەنيەت ەرەكشەلىگىنە ۇيلەسەتىن جاڭالىق اشۋ جولى، جاڭالىق اشۋ ۇلگىسى جانە جاڭالىق اشۋ مەحانيزمى جونىندە ىزدەنىس جاساپ، ۇلگى كورسەتۋ رايونىن عىلىم - تەحنيكا ءتۇزىلىسى رەفورماسى مەن جاڭالىق اشۋ ساياساتىن اتقارۋداعى سىناق رايونى، جاڭالىق اشۋ، شارۋاشىلىق قۇرۋ ەكولوگياسىن ساپالىلاندىرۋدان ۇلگى كورسەتۋ رايونى، عىلىم - تەحنيكا جەتىستىكتەرىن كادەگە جاراتۋدان ۇلگى كورسەتۋ رايونى، جاڭادان گۇلدەنگەن كاسىپ سالالارىن شوعىرلاندىرۋدان ۇلگى كورسەتۋ رايونى، تيبىن وزگەرتىپ، دارەجەسىن جوعارىلاتۋداعى باستاماشى رايون، عىلىم - تەحنيكادا جاڭالىق اشۋ حالىقارالىق سەلبەستىگىندەگى باستاماشى رايون ەتىپ قۇرىپ شىعۋعا قۇلشىنۋ كەرەك. 2025 - جىلعا دەيىن، ءۇرىمجى - سانجى - شىحىزى مەملەكەتتىك دەربەس جاڭالىق اشۋدان ۇلگى كورسەتۋ رايونى ءتۇزىلىس - مەحانيزم، جاڭالىق اشۋ، شارۋاشىلىق قۇرۋ ورتاسى، ءتۇيىندى كاسىپ سالالارى مەن ايگىلى ماركالاردى جەتىلدىرۋ، عىلىم - تەحنيكا جانە فينانس جۇيەسى، بىرەگەي دارىندىلاردى باۋراۋ سياقتى جاقتارداعى رەفورما امالياتىندا ەلەۋلى سەرپىلىسكە قول جەتكىزۋگە، شينجياڭدى بۇكىل ەلدەگى جاڭالىق اشۋ تيبىندەگى ولكە - رايون قاتارىنا كىرۋگە باستاۋعا كۇش سالادى.
ءماجىلىس مىنالاردى اتاپ كورسەتتى: قاتىستى ساياسات - شارالاردى بەلگىلەپ، قارتتاردىڭ زەردەلى تەحنيكادان پايدالانۋ جاقتارىندا ءدوپ كەلگەن ”سيفر جىلعاسى“ ماسەلەسىن شەشىپ، قارتتارعا ءتىپتى دە كەمەلدى، ءتىپتى دە جاناسىمدى، ءتىپتى دە تىكە قولايلى قىزمەت وتەۋدى ونان ارى ازىرلەپ، قارتتاردىڭ ينفورماتسيالانعان دامۋ جەتىستىكتەرىنەن ورتاق يگىلىكتەنۋىنە مۇمكىندىك جاساۋ جونىنەن توتەنشە كەلەلى رەال ماڭىز الادى. توسىن وقيعالارعا شۇعىل توتەپ بەرۋ بويىنشا اتتانىسقا كەلتىرۋ جاعدايىندا قارتتارعا قىزمەت وتەۋ قامتاماسىزدىعىن ويداعىداي ىستەۋ كەرەك، زەينەتكەرلىك قۇرىلىمدارىنىڭ الەۋمەتتىك اۋماقتىڭ زەينەتكەرلىك قىزمەت وتەۋ قۇرىلعىلارىن جۇرگىزۋىنە قاتىناسۋىن قولداپ، جوعارى ءونىمدى، قولايلى بولعان الەۋمەتتىك اۋماق زەينەتكەرلەرگە قىزمەت وتەۋ تورىن قۇرۋ كەرەك. قارتتاردىڭ كىرە ماشيناسىمەن ءجۇرىپ - تۇرۋىنا قىزمەت وتەۋدى ساپالىلاندىرىپ، ءتىپتى دە كوپ الەۋمەتتىك قاتىناسقا وتىرۋعا قولايلى شارا ازىرلەپ، تەمىر جول، تاس جول، جولاۋشى تاسىمالى الاڭدارى مەن بەكەتتەرىندە ادام كۇشىمەن قىزمەت وتەۋ ساپاسىن جوعارىلاتىپ، قارتتاردىڭ كۇندەلىكتى ءجۇرىس - تۇرىسىنا قولايلىلىق جاساۋ كەرەك. ينتەرنەت جەلىسىندە ەمدەۋ بويىنشا قىزمەت وتەۋ ءتارتىبىن ءبىتىرۋدى قاراپايىمداستىرىپ، الەۋمەتتىك اۋماق، وتباسىلىق سالاماتتىق قىزمەت وتەۋ تۇعىرىن قۇرىپ، قارتتاردىڭ داعدىلى ەمدەلۋىنە قولايلىلىق جاراتۋ كەرەك. ”ينتەرنەت جەلىسى + ۇكىمەتتىك قىزمەت وتەۋ“ قولدانىلىمىن ساپالىلاندىرىپ، ينتەرنەت جەلىسىنەن تىس قاجەتتى ءىس ءبىتىرۋ ارناسىن بەلگىلەپ، قارتتارعا ۇيلەسەتىن زەردەلى تەرمينالدىق ونىمدەرمەن قامداۋدى كەڭەيتىپ، قارتتاردىڭ زەردەلىلەنگەن زەينەتكەرلىك قاجەتىن قاناعاتتاندىرۋ كەرەك.
ءماجىلىس باسقا دا ىستەردى اقىلداستى.
