تيانشان تورى
تيانشان تورى   ›   جاڭالىقتار   ›   شينجياڭ حابارلارى

لاچين بايەكە جولداستان ۇيرەنۋدى ۇيىمداستىرىپ ورىستەتۋ كەرەك

  قوسىننان بوساعان اسكەريلەر ىستەرى مينيسترلىگى، ورتالىق اسكەري ىستەر كوميتەتىنىڭ ساياسي قىزمەت ءبولىمى، مەملەكەتتىك قوس قولداۋ كەڭسەسى بىرلەسىپ حابارلاندىرۋ باسىپ تاراتتى

  لاچين بايەكە جولداستان ۇيرەنۋدى ۇيىمداستىرىپ ورىستەتۋ كەرەك

  شينحۋا اگەنتتىگىنىڭ 4 - ايدىڭ 3 - كۇنى بەيجيڭنەن بەرگەن حابارى. (ءتىلشى مەي شىشيۇڭ). جۋىقتا قوسىننان بوساعان اسكەريلەر ىستەرى مينيسترلىگى، ورتالىق اسكەري ىستەر كوميتەتىنىڭ ساياسي قىزمەت ءبولىمى، مەملەكەتتىك قوس قولداۋ كەڭسەسى بىرلەسىپ «لاچين بايەكە جولداستان ۇيرەنۋدى ۇيىمداستىرىپ ورىستەتۋ جونىندەگى حابارلاندىرۋدى» باسىپ تاراتتى.

  حابارلاندىرۋدا مىنالار اتاپ كورسەتىلدى: لاچين بايەكە جولداس شي جينپيڭنىڭ جاڭا ءداۋىر جۇڭگوشا سوتسياليزم يدەياسىنىڭ، اسىرەسە، باس شۋجي شي جينپيڭنىڭ ۇلت قىزمەتى جونىندەگى ماڭىزدى بايىمداۋلارىنىڭ ادال اتقارۋشىسى، جاڭا داۋىردەگى پارتيانىڭ شينجياڭدى جونگە سالۋ جالپى جوباسىنىڭ تاباندى ىلگەرىلەتۋشىسى، جاڭا داۋىردەگى كوممۋنيستىك پارتيا مۇشەلەرىنىڭ اۋەلگى ماقسات پەن بورىشتان اينىماۋىنىڭ تاڭداۋلى ۋاكىلى، مەملەكەتتىك حالىق قۇرىلتايى ۋاكىلدەرىنىڭ ادالدىقپەن مىندەت اتقارۋىنىڭ ۇزدىك ونەگەسى، جاڭا داۋىردەگى قوسىننان بوساعان اسكەريلەردىڭ ادالدىقپەن ءوزىن ارناۋىنىڭ اۆانگارد ۇلگىسى، وتاندى ءسۇيىپ، ارميانى قولداعان، شەكارانى شارلاپ، شەكارانى قورعاعان ”پامير قىرانى“. لاچين بايەكە جولداستىڭ قاھارماندىق ەرلىك ءىسى مەن ىزگى ءىسى جاڭا داۋىردەگى كومپارتيا مۇشەسىنىڭ اۋەلگى ماقساتى مەن بورىشىن جاندى ءتۇسىندىرىپ، قوسىننان بوساعان اسكەريلەردىڭ ادالدىقپەن ءوزىن ارنايتىن شىنايى ىنتا - ىقىلاسىن تولىق ايگىلەپ، وتاندى ءسۇيىپ، ارميانى قولداۋ ۇلگىسىنىڭ مەملەكەت قورعانىسىنا كوڭىل بولگەن، قولداعان ءداۋىر كەلبەتىن ايقىن كورسەتتى.

  حابارلاندىرۋدا مىنالار تالاپ ەتىلدى: لاچين بايەكە جولداستان ۇيرەنۋدى كەزەكتەگى قوس قولداۋ قىزمەتىنىڭ ماڭىزدى مىندەتى رەتىندە قاتاڭ يگەرىپ، ناقتى يگەرىپ، ۇيرەنۋ قيمىلىن پارتيا تاريحىن ۇيرەنۋ تاربيەسىمەن، پارتيا قۇرىلعاندىعىنىڭ 100 جىلدىعىن قۇتتىقتاۋ جەلىلەس قيمىلدارىمەن، ”تۋ ارقىلى جەتەكشىلىك ەتۋ، ءبىر نيەتپەن ارماندى سومداۋ“ جىلدىق قوس قولداۋ ۇگىت تاربيەسىمەن ۇشتاستىرىپ، لاچين بايەكە جولداستىڭ ىزگى ىستەرىن جاندى وقۋلىق ەتىپ، ارناۋلى تاقىرىپتىق ۇيرەنۋ، شوعىرلى زەرتتەۋ - تالقى جۇرگىزۋ، اڭگىمە وتكىزۋ، اۋىس - كۇيىس جاساۋ سياقتى تاسىلدەر ارقىلى ونىڭ پارتياعا ادال بولعان ساياسي قاسيەتىنەن، وتاندى ءسۇيىپ، ارميانى قولداعان ءوزىن ارناۋ رۋحىنان، شەكارانى قورعاپ، شەكارانى كۇزەتكەن وتباسى - وتان ىنتا - ىقىلاسىنان، كوپ ءۇشىن ءوزىن ارناعان اسىل مىنەز - قۇلقىنان ۇيرەنۋ كەرەك. ”وزات تيپكە قاراپ قاتار تۇزەۋ“ سياقتى ۇيرەنۋ امالياتى قيمىلدارىن كەڭىنەن ورىستەتىپ، ينتەرنەت جەلىسىندە ۇيرەنۋ مەن ينتەرنەت جەلىسىنەن تىس ۇيرەنۋدى ءوزارا ۇشتاستىرۋ فورماسىمەن، قالىڭ ارميانى، حالىقتى جاقسىدان ونەگە الۋعا تالپىنىپ، جىگەرلەنە العا باسىپ، ارميا مەن ۇكىمەتتىڭ، ارميا مەن حالىقتىڭ بولاتتاي بەرىك ىنتىماعىن ۇزدىكسىز بەكەمدەۋگە جۇمىلدىرۋ كەرەك.

  حابارلاندىرۋدا مىنالار باسا دارىپتەلدى: لاچين بايەكە جولداستان ۇيرەنۋدى ۇيىمداستىرىپ ورىستەتۋدى قىزمەتتى تياناقتاندىرۋدى ويداعىداي يگەرۋمەن ۇشتاستىرۋ كەرەك. ءار دارەجەلى قوس قولداۋ تاراۋلارى باس شۋجي شي جينپيڭنىڭ قوس قولداۋ قىزمەتى جونىندەگى ماڭىزدى بايىمداۋلارىن ىشكەرىلەي ۇيرەنىپ، مەملەكەتتىك قوس قولداۋداعى ۇلگىلى قالالارعا (اۋدان) اتاق بەرۋ جانە قوس قولداۋداعى ۇلگىلى ورىندار مەن جەكەلەردى ماداقتاۋ - سيلاۋ جينالىسىنىڭ رۋحىن دايەكتىلەندىرىپ، تياناقتاندىرىپ، ارميا مەن ۇكىمەت، ارميا مەن حالىق قاتىناسىن ونان ارى نىعايتىپ، ارميا مەن حالىقتىڭ ءبىر نيەتپەن ارماندى سومداۋىنىڭ قۇدىرەتتى بىرىككەن كۇشىن ۇيىستىرۋ كەرەك. ءار دارەجەلى قوسىننان بوساعان اسكەريلەر ىستەرى تاراۋلارى مەن قوس قولداۋ جۇيەلەرى قوسىننان بوساعان اسكەريلەردى ورنالاستىرۋ، اسكەريلەردىڭ قوسىنمەن بىرگە جۇرگەن ءۇي ىشىندەگىلەرىنىڭ جۇمىستانۋى، شارۋاشىلىق قۇرۋى، اسكەريلەردىڭ پەرزەنتتەرىنە وقۋ - اعارتۋدا قامقورلىق جاساۋ سياقتى قىزمەتتەردى تىڭعىلىقتى جاقسى ىستەپ، قالىڭ قوسىننان بوساعان اسكەريلەردى لاچين بايەكەنى ۇلگى ەتۋگە، ەكونوميكالىق، قوعامدىق قۇرىلىستىڭ، دامۋدىڭ ءارقايسى شەبىندە قۇلشىنا تالاپتانىپ ىستەۋگە، تاعى دا تىڭ ەڭبەك سىڭىرۋگە تاربيەلەۋ، جەتەكتەۋ كەرەك. اسكەري بولىمدەر لاچين بايەكە جولداستىڭ ىزگى ىستەرىنەن ۇيرەنۋدى ”قىزىل گەندى جالعاستىرۋ، ارميانى قۇدىرەتتەندىرۋ كەلەلى مىندەتىن ارقالاۋ“ نەگىزگى تاقىرىپتىق تاربيەسىنە ەنگىزىپ، قالىڭ كوماندير - جاۋىنگەرلەردى پارتيانى ءسۇيۋ، وتان ءۇمىتىن اقتاۋ ىنتا - ىقىلاسىن بەكەمدەپ، حالىقتى ءسۇيۋ، حالىق ءۇشىن ىستەۋ باستى ماقساتىن ەستە بەرىك ساقتاپ، جەرگىلىكتى ورىنداردىڭ ەكونوميكالىق، قوعامدىق قۇرىلىسىنا بەلسەندىلىكپەن ات سالىسىپ جانە كومەكتەسىپ، پارتيا قۇرىلعاندىعىنىڭ 100 جىلدىعىن ۇزدىك ناتيجەمەن قۇتتىقتاۋعا جەتەكتەۋ كەرەك.

جاۋاپتى رەداكتور : نۇربولات قابىل

ەسكەرتۋ:

تورابىمىزداعى مازمۇنداردى پايدالانۋعا تۋرا كەلگەندە، ءسوزسىز جازباشا رۇقساتقا يە بولۋ كەرەك. مازمۇنداردى رۇقساتسىز جالعاپ تاراتۋعا، كەسىپ رەداكسيالاۋعا، وزگەرتۋگە، قىسقارتىپ قۇراستىرۋعا، باسقا ورىنعا كوشىرۋگە نەمەسە باسقا تاسىلدەرمەن كوبەيتۋگە ءارى تاراتۋعا بولمايدى، قايشى كەلگەندەردىڭ زاڭدىق جاۋاپكەرشىلىگى زاڭ بويىنشا قۋزاستىرىلادى.