تيانشان تورى
تيانشان تورى   ›   جاڭالىقتار   ›   شينجياڭ حابارلارى

ماقتا − شينجياڭداعى بۇقارانىڭ ناعىز بايلىعى

        اقتاۋ اۋداندىق حالىق ۇكىمەتىنىڭ كادرى باتۇر قۇدايبەردى

  تاياۋدا ينتەرنەتتەن M&H توبى سياقتى شەتەلدىڭ كەيبىر ايگىلى ماركالى ساۋداگەرلەرىنىڭ جانە ءىشىنارا حالىقارالىق كاسىپتىك ۇيىمداردىڭ ”زورلىقپەن ەڭبەككە سالدى“ دەگەندى سىلتاۋ ەتىپ، شينجياڭ ماقتاسىن جانە قاتىستى ونىمدەرىن شەكتەگەنىن كوردىم، مەنىڭشە، بۇل بارىپ تۇرعان سوراقىلىق!

  وسى شەتەل كاسىپورىندارى مەن ۇيىمدارىنىڭ شينجياڭ ماقتاسى جونىندەگى ”زورلىقپەن ەڭبەككە سالۋ“ جايتى ساقتالعان دەگەن جازعىرۋى بۇكىلدەي ويدان قيىستىرىلعان، ەش نەگىزسىز شىعارىلعان وسەك - اياڭ! ولاردىڭ ماقساتى تۇرمىسىمىزدىڭ جاقسى - جامان بولۋىنا كوڭىل ءبولۋ ەمەس، قايتا ”شينجياڭ ارقىلى جۇڭگونى تەجەۋ“ سىندى ساياسي قاسكۇنەمدىك سايلاۋ ارقىلى ەلىمىزدىڭ دامۋىن تەجەۋ، ولار تىنىش تا باقىتتى تۇرمىس كەشىرۋىمىزدى قالامايدى.

  شينجياڭدا تۇرمىس كەشىرگەن از ۇلت كادر رەتىندە، مەن ماقتا ەگۋ، تەرۋ، ساتۋ، وڭدەۋ سياقتى جالپى بارىس جونىنەن ەڭ سويلەۋ ۇقىعىنا يەمىن. مەن ماقتا ەگۋگە تىكە قاتىناسىپ قانا قويماي، اۋىلداستاردىڭ ماقتا ەگۋ ارقىلى كىرىستەرىنىڭ مولايعانىنا، تۇرمىستارىنىڭ بايىعانىنا كۋا بولدىم.

  شينجياڭدا وزگەشە تابيعي شارت - جاعداي بار، كۇن نۇرىنىڭ ءتۇسۋى جەتكىلىكتى، ماقتا ەگىمشىلىگىنە ەرەكشە ۇيلەسەدى، ماقتا − ەگىنشىلەر ەرەكشە ۇناتاتىن جوعارى كىرىستى ەگىس داقىلى. سوڭعى جىلدارى ماقتا سورتىنىڭ ۇزدىكسىز جاقسارۋىنا جانە كولەمدەنگەن ەگىمشىلىككە ىلەسىپ، ماقتاشىلاردىڭ كىرىسى ۇزدىكسىز ارتتى. ساناققا نەگىزدەلگەندە، قىستاعىمىزداعى %80تەن استام ديقان ماقتا ەگەدى. ءار وتباسىنىڭ تەك ماقتا ەگۋدەن كىرەتىن جىلدىق كىرىسىنىڭ ءوزى 60 مىڭ يۋاننان اسادى.

  شينجياڭنىڭ ماقتاسىن شەكتەگەن شەتەل كاسىپورىندارى مەن ۇيىمدارىنان وسىنداي جاقسى ەكونوميكالىق داقىلدى باسقالارعا زورلىقپەن ەكتىرۋدىڭ قاجەتى بار ما دەپ سۇراعىم كەلەدى؟ جاۋابى − ارينە، قاجەتى جوق. كوپشىلىك ءوز جەرىنە ەگىپ، ءوز ماقتاسىن جينايدى، ءوز اقشاسىن تابادى، بارلىعى ەرىكتى، مۇندا ”زورلىقپەن ەڭبەككە سالۋ“ مۇلدە ساقتالماعان. شينجياڭنىڭ ماقتا وندىرىسىندە الدەقاشان جوعارى دەڭگەيلى ماشينالانۋ جۇزەگە اسقان، ماقتا ەگىمشىلىگىندە زەردەلى اۋىل شارۋاشىلىعى ماشيناسى قولدانىلادى، تەرۋدە ماقتا تەرۋ ماشيناسى ىستەتىلەدى، ساتىلۋ ارناسى، وڭدەيتىن زاۆود ۇيلەرى بار، بۇقارا ماقتا وندىرىسىنەن ناعىز بايلىققا يە بولدى.

  اقيقات قاشاندا اقيقات، امەريكاداعى، باتىس جاقتاعى جۇڭگوعا قارسى كۇشتەر قۇراستىرعان وسەك - اياڭ شىن سىر مەن اقيقات الدىندا، ءسوز جوق، ءوز - وزىنەن قۇرىپ جوعالادى. وسەك - اياڭ قۇراستىرعان ساياسي الاياقتار مەن ۇيىمدارعا سۇرقيا نيەتتەرىڭدى دوعارىڭدار دەپ ايتامىن، جۇڭگونىڭ دامۋ اياق الىسى، شينجياڭنىڭ دامۋ اياق الىسى سەندەردىڭ جالا جابۋلارىڭمەن، كۇيە جاعۋلارىڭمەن توقتاپ قالمايدى!

جاۋاپتى رەداكتور : نۇربولات قابىل

ەسكەرتۋ:

تورابىمىزداعى مازمۇنداردى پايدالانۋعا تۋرا كەلگەندە، ءسوزسىز جازباشا رۇقساتقا يە بولۋ كەرەك. مازمۇنداردى رۇقساتسىز جالعاپ تاراتۋعا، كەسىپ رەداكسيالاۋعا، وزگەرتۋگە، قىسقارتىپ قۇراستىرۋعا، باسقا ورىنعا كوشىرۋگە نەمەسە باسقا تاسىلدەرمەن كوبەيتۋگە ءارى تاراتۋعا بولمايدى، قايشى كەلگەندەردىڭ زاڭدىق جاۋاپكەرشىلىگى زاڭ بويىنشا قۋزاستىرىلادى.