تيانشان تورى
تيانشان تورى   ›   جاڭالىقتار   ›   شينجياڭ حابارلارى

كۇرەس − قۇربانداردى ەڭ جاقسى ەسكە الۋ

    داي لي

  كەزىندە ەلدى قۇرعان ەگەيلەردىڭ، ەرلىگى جەر مەن كوكتە ساقتالادى. چيڭميڭ كەزىندە ساعىنا ەسكە الۋ اسا ايبىندى بولادى. وسى ءسات ۋاقىت پەن كەڭىستىكتەن ەندەي وتەتىن جۇرەكتەر تىلدەسۋىن قاجەت ەتەدى.

  بوران - شاشىندا شىڭالدى، سوعىس ءورتىنىڭ سىنىنان ءوتتى. توڭكەرىستىك ارداگەر قۇرباندار ومىرلەرىمەن تالعام جاسادى ءارى جاۋاپ بەردى: ”ومىرىمەن ادالدىعىن ايگىلەدى، ادىلدىگى الەمدى كەرنەدى“. ولار بۇل دۇنيەگە ەڭ تەرەڭ سۇيىسپەنشىلىگى مەن قيماستىعىن، ەڭ جالىندى ءۇمىتى مەن تىلەگىن قالدىردى. فاڭ جىميننىڭ «سۇيىكتى جۇڭگو» اتتى شىعارماسىندا وتانعا رياسىز پەيىلمەن ايتقان ءداتى جازىلعان؛ جياڭ اپەكەنىڭ جەتىمىن اماناتتاۋ حاتىنان قاندى جاسى مەن مۇندالايدى؛ شيا ميڭحان قۇربان بولۋدان بۇرىن ”باس كەتۋدەن قورىقپايمىز، مۇراتىمىز شىن بولسا بولعانى“ دەپ اسقاق ۇنمەن سويلەدى؛ چۇي چيۋباي ءولىم انتالاپ تۇرسا دا قاسقايىپ تۇرىپ، ”مىنا جەر وتە جاقسى ەكەن“ دەدى... ءومىر ءبىر - اق رەت بولعانىمەن، ءومىردىڭ ءمانى ماڭگىلىك بولادى.

  وسىنداي ديالوكتاردان ءبىز سەنىمنىڭ مۇقالماس كىرشىكسىزدىگىن سەزىنە الامىز. ادال كوڭىل تاڭ شۇعىلاسى ىسپەتتى، ول ارمانمەن قاۋىشاتىن جارقىل وت، ساپاردى نۇرعا بولەيتىن الاۋ. اقيقاتقا تالپىنۋ ءۇشىن سان اجالعا جولىقسا دا وكىنبەۋ؛ اقيقاتتى امالياتتا ايگىلەۋ ءۇشىن العا قويعان ماقساتتان اينىماۋ.

  وسىنداي ديالوگتاردان ءبىز سەنىمنىڭ قۇدىرەتتى ومىرشەڭدىگىن اڭعارامىز. اۋەلگى ماقسات تۇقىم ىسپەتتى، ول توپىراقتى جارىپ شىعىپ، تامىر تارتىپ، قايسارلىقپەن جەتىلىپ، جەمىس بەرىپ، ومىردە تۇقىم قالدىرىپ، قىزىل گەندى جالعاستىرىپ، قىزىل مادەنيەتتى اسقاقتاتادى.

  وسىنداي ديالوگتاردان جان دۇنيەمىز شىڭدالدى جانە نارلەندى، قاجىرلىلىقپەن جەڭىسكە جەتپەي قويمايتىن سەنىمىمىزدى اناعۇرلىم بەكەمدەي ءتۇستى. جۇڭحۋانىڭ ەڭسە كوتەرۋى، ۇلتتىڭ گۇلدەنۋى ءۇشىن ەسىل شاقتاردى زايا كەتىرمەي، قاسيەتتى وزگەرتپەي، جاۋىن - شاشىندا ءۇرتىس ءجۇرىپ، قايسارلىقپەن العا تارتامىز.

  بۇگىن جۇڭحۋا ۇلتى ەڭسە كوتەرۋدەن، بايۋدان قۇدىرەتتەنۋگە دەيىنگى تاريحي شارىقتاۋدى جۇزەگە اسىرۋدا. جاڭا ساپاردا تۇرىپ، ءبىز تاريحپەن تىلدەسىپ، مىنانى بىرگە تۇسىنەمىز: جۇڭگو كوممۋنيستىك پارتياسى نە ءۇشىن ”يقۋاتتى“، ماركسيزم نە ءۇشىن ”جۇزەگە اسادى“، جۇڭگوشا سوتسياليزم نە ءۇشىن ”جاقسى“؛ مىنانى بىرگە دالەلدەيمىز: توڭكەرىستىك قۇربانداردىڭ بارلىق كۇرەسى مەن بوداۋى تاتىرلىق.

  چيۋ گۋحۋاي قۇربان مىناداي وسيەت قالدىرعان: ”جەڭىسكە جەتكەندە ءبىزدى ۇمىتىپ قالماڭىزدار!“، بۇگىن كورىكتى تاۋ - وزەندەر ارىستاردى جۇباتا الادى، ءبىزدىڭ ءار رەتكى ەكپىندەي ىلگەرىلەۋىمىز تۇگەلدەي سول ءبىر اسا اۋىر قۇلشىنىستار مەن ەرلىكپەن قۇربان بولۋلاردى ەستەن شىعارمايدى. جاڭا داۋىردە ۇزدىكسىز كۇرەس جاساۋ − قۇربانداردى ەڭ جاقسى ەسكە الۋ.

  (”لەپتى لەبىز“ ماقالا جولداۋ حات ساندىعى: xjrbplb@126.com)

جاۋاپتى رەداكتور : نۇربولات قابىل

ەسكەرتۋ:

تورابىمىزداعى مازمۇنداردى پايدالانۋعا تۋرا كەلگەندە، ءسوزسىز جازباشا رۇقساتقا يە بولۋ كەرەك. مازمۇنداردى رۇقساتسىز جالعاپ تاراتۋعا، كەسىپ رەداكسيالاۋعا، وزگەرتۋگە، قىسقارتىپ قۇراستىرۋعا، باسقا ورىنعا كوشىرۋگە نەمەسە باسقا تاسىلدەرمەن كوبەيتۋگە ءارى تاراتۋعا بولمايدى، قايشى كەلگەندەردىڭ زاڭدىق جاۋاپكەرشىلىگى زاڭ بويىنشا قۋزاستىرىلادى.