□ انار بۇلت/ شينجياڭ گازەتىنىڭ تىلشىلەرى
4 - ايدىڭ 3 - كۇنى ەكسكۋرسيالاۋشىلار لين جيلۋ قۇرباننىڭ توڭكەرىستىك ىزگى ىستەرىن تىڭداۋدا. چيڭميڭ دەمالىسىندا كۇشار قالاسىنداعى لين جيلۋ قۇرباننىڭ ەسكەرتكىش سارايىنا ەكسكۋرسيالاي كەلۋشىلەردىڭ اياعى ۇزىلمەدى. □ سۋرەتتى يۋان حۋانحۋان تۇسىرگەن
جۋىقتان بەرى رايونىمىزدىڭ جەر - جەرى چيڭميڭدە قاھارمانداردى ەسكە الۋ قيمىلىن ءتۇرلى فورمادا ىركەس - تىركەس ورىستەتىپ، پارتيا تاريحىن ۇيرەنۋ تاربيەسىن ورىستەتۋدى توڭكەرىستىك قۇربانداردى ەسكە الۋمەن، قىزىل گەندى جالعاستىرۋمەن ۇشتاستىرىپ، پارتيالى كادرلاردىڭ پارتيانى ءسۇيۋ، وتاندى ءسۇيۋ سۇيىسپەنشىلىگىن جانە ءىس تىندىرىپ شارۋاشىلىق قۇرۋ اسقاق سەزىمىن قاۋلاتتى.
قاھارمانداردىڭ ءىزىن ىزدەستىردى
4 - ايدىڭ 2 - كۇنى جياڭسۋ ولكەسىنىڭ 10 - توپتا شينجياڭعا كومەككە كەلگەن ەمدەۋ ماماندارى قورعاس اۋدانىنىڭ حۇييۋان قاھارماندار قابىرستاندىعىنا بارىپ، توڭكەرىستىك قاھارمانداردى ساعىنىشپەن ەسكە الدى. 10 - توپتا شينجياڭعا كومەككە كەلگەن ەمدەۋ مامانى، ىلە قازاق اۆتونوميالى وبلىستىق دوستىق شيپاحاناسى بالالار اۋرۋلارى ءبولىمىنىڭ ورىنباسار مەڭگەرۋشىسى، بالالار مەديتسيناسى ورتالىعىنىڭ ورىنباسار مەڭگەرۋشىسى داي يىنفاڭ بىلاي دەدى: ”توڭكەرىستىك قۇربانداردىڭ وسكەلەڭ قالتقىسىز رۋحىنان ۇيرەنىپ جانە ساۋلەلەندىرىپ، ءوز قىزمەتىمدى بار كۇشىممەن ويداعىداي ىستەپ، شينجياڭداعى ءار ۇلت بۇقاراسىنىڭ باقىتى جانە سالاماتتىعى ءۇشىن ۇلەسىمدى قوسامىن“.
قۇمىل قالاسىنداعى قىزىل ارميا باتىس باعىت ارمياسىنىڭ شينجياڭعا كىرۋ ەسكەرتكىش باقشاسى ايبىندى دا جىم - جىرت بەينەگە شومدى، 4 - ايدىڭ 2 - كۇنى شينجياڭ ءتۇستى مەتال توبىنا قاراستى ياكىسى سەرىكتەستىگى وسى ارادا ”پارتيا تۋى تيانشاندى نۇرلاندىردى“ نەگىزگى تاقىرىبىندا پارتيا كۇنى قيمىلىن وتكىزدى. وسى سەرىكتەستىكتىڭ قىزمەتكەرى ۋاڭ جياڭفىڭ بىلاي دەدى: ”بۇگىنگى ەكسكۋرسيادان، ۇيرەنۋدەن جۇڭگو كوممۋنيستىك پارتياسىنىڭ شۇعىلالى تاريحىن ءتىپتى دە تەرەڭ ءتۇسىندىم، بۇل ءبىر رەتكى يدەياداعى ىلگەرىلەۋشىلىك بولىپ تابىلادى، مەن توڭكەرىستىك قۇربانداردى ۇلگى ەتىپ، قاجىماي كۇرەس جاسايمىن“.
”قانشالاعان قاھارمان وتان ءۇشىن باسىن ءباي تىگىپ، ىستىق قانىن توكتى، ”ەرىكتىلەر مارشىن“ ومىرىمەن جازدى، ولار بەس جۇلدىزدى قىزىل تۋدى ىستىق قانىمەن بويادى. ولاردىڭ ۇرپاعى بولعان ءبىز بەس جۇلدىزدى قىزىل تۋدى ءتىپتى دە نۇرلاندىرا ءتۇسۋىمىز كەرەك“. 4 - ايدىڭ 1 - كۇنى ۋي حۇڭۋىن قاھارمان ەسكەرتكىش سارايىندا جەمسارى اۋداندىق 1 - ورتا مەكتەپتىڭ وقۋشىلارى ولەڭ وقۋ ارقىلى توڭكەرىستىك قاھارماندارعا قۇرمەت ءبىلدىردى.
جەمسارى اۋداندىق 1 - ورتا مەكتەپ قىزىل مادەنيەت شەبى رولىن ساۋلەلەندىرىپ، الۋان فورمادا قيمىلدار ورىستەتىپ، بۇكىل مەكتەپتە پارتيا تاريحىن ۇيرەنۋ تاربيەسى ورلەۋىن كوتەردى. وسى مەكتەپتىڭ وقۋشىسى ما گۋاڭلۇڭ بىلاي دەدى: ”جاڭا ءداۋىر جاستارى مەن وسپىرىمدەرى، كوممۋنيستىك جاستار وداعى مۇشەسى بولعان ءبىز ۋاقىتتى ءتىپتى دە قاستەرلەپ، ءداۋىر ءۇمىتىن اقتاپ، ارەكەتىمىز ارقىلى قۇرباندار رۋحىن جالعاستىرۋىمىز كەرەك“.
قىزىل گەندى جالعاستىردى
4 - ايدىڭ 1 - كۇنى بۇراتالا قالالىق 7 - ورتا مەكتەپتىڭ وقىتۋشىسى لي جيانلياڭ ساباق ارالىعىنداعى ۋاقىتتان پايدالانىپ وقۋشىلاردى باستاپ قۇربانداردىڭ ىزگى ىستەرىن ينتەرنەتتە ۇيرەنىپ، ينتەرنەتتە ازا ءبىلدىرۋ ارقىلى وقۋشىلارعا باقىتتى تۇرمىستىڭ وڭاي - وسپاق قولعا كەلمەگەندىگىن ءتۇسىندىرىپ، وتاندى ءسۇيۋ تانىمىن تەرەڭدەتىپ، وتان ءۇمىتىن اقتاۋ سەنىمدەرىن بەكەمدەدى.
”توڭكەرىستىك قۇرباندارعا تاعزىم ەتىپ قۇرمەت بىلدىرەيىك!“ 4 - ايدىڭ 2 - كۇنى قۇلجا اۋدانى نانتۇڭ تاجىريبە مەكتەبى ورتالاۋ 7 - جىلدىق 1 - كلاس وقۋشىسى ۋ سىرۇي جۇڭحۋا قاھارمان - قۇرباندار تورابىنا شىعىپ، قاھارمان - قۇرباندارعا گۇل ۇسىنىپ، تىلەك جولداپ، ساباقتاستارىمەن بىرگە ينتەرنەتتە قۇرباندارعا ازا ءبىلدىرۋ، ەسكە الۋ قيمىلىن ورىستەتتى. ”بۇگىنگى باقىتتى تۇرمىسىمىز توڭكەرىستىك ارداگەر قۇربانداردىڭ ءومىرى مەن ىستىق قانىنىڭ بوداۋىمەن كەلگەن، ءبىز قۇرباندارعا ازا ءبىلدىرۋ قيمىلى ارقىلى وقۋشىلاردى بۇگىنگى وڭاي - وسپاق قولعا كەلمەگەن باقىتتى تۇرمىسىمىزدى قاستەرلەۋگە، ۇلى مۇرات ورناتۋعا، وتاننىڭ ءۇمىتىن اقتاۋعا بەل بايلاۋعا تاربيەلەيمىز“، - دەدى مەكتەپ پارتيا ياچەيكاسىنىڭ شۋجيى گۋ رۇيحۋان.
چيڭميڭ قارساڭىندا قۇلجا اۋدانى ”كۇزەتۋ· 2021 چيڭميڭدە قۇرباندارعا ازا ءبىلدىرۋ“ تاقىرىبىندا ينتەرنەتتە ازا ءبىلدىرۋ قيمىلىن ورىستەتتى، سونىمەن ءبىر ۋاقىتتا وتباسىلىق ەسكە ءتۇسىرۋ جيىنى، جۇرەك ءسوزىن جازۋ، ينتەرنەتتە ازا ءبىلدىرۋ، اعاش ەگىپ، كوكتەمگى سەيىلگە شىعۋ سياقتى جاسىل ازا ءبىلدىرۋ تاسىلىمەن قۇربانداردى ەسكە الدى.
اتويلاپ الدا ءجۇرۋ كۇش - قۋاتىن قابىلدادى
”تاقپاق ءۇنىن اسقاقتاتىپ، پارتيا قۇرىلعاندىعىنىڭ 100 جىلدىعىن جىرلايمىز... پارتيا تۋى جەلبىرەدى، ءان اۋەنى قالىقتادى، 100 جىلدىق كۇرەس شۇعىلا شاشتى...“ 4 - ايدىڭ 2 - كۇنى قارامايلى قالاسى جايرانبۇلاق رايونى (قارامايلى جوعارى - جاڭا تەحنيكالىق اشۋ رايونى) جۇڭشيڭ جولى ءمالىسى شينحى الەۋمەتتىك اۋماعىنداعى زەينەتكەر پارتيا مۇشەسى گۇڭ بايشياڭ ءوزى جازعان ”پارتيا قۇرىلعاندىعىنىڭ 100 جىلدىعىن قۇتتىقتاۋ“ اتتى تاقپاعىن ورىنداپ، پارتيانىڭ دامۋ بارىسى مەن توڭكەرىستىك اعا بۋىنداردىڭ قاھارماندىق ىزگى ىستەرىن تەرەڭ سۇيىسپەنشىلىكپەن باياندادى. بىرنەشە كۇننەن بەرى وسى الەۋمەتتىك اۋماقتاعى قىزمەتكەرلەر مەن تۇرعىندار تاقپاق، لەكسيا سويلەۋ، ولەڭ وقۋ سياقتى تاسىلدەردەن پايدالانىپ، توڭكەرىستىك قۇربانداردىڭ وشپەس ۇلى ەڭبەگىن ەسكە الىپ، جۇڭگو كوممۋنيستىك پارتياسى ەڭسەرگەن ءتۇرلى ماشاقاتتار مەن تار جول، تايعاق كەشۋلەردى، ۇلى جەڭىسكە ۇزدىكسىز قول جەتكىزگەن شۇعىلالى تاريحتى قايتالاي ەسكە الدى.
4 - ايدىڭ 1 - كۇنى لوپ اۋداندىق قوعام حاۋىپسىزدىگى مەكەمەسى پارتيا مۇشەلەرىن، حالىق ساقشىلارى ۋاكىلدەرىن ۇيىمداستىرىپ، بيڭتۋان 14 - شىسىنىڭ 47 - تۋانىنداعى جۇڭگو حالىق ازاتتىق ارمياسىنىڭ حوتانعا كىرۋ ەسكەرتكىش سارايىندا پارتيا تاريحىن ۇيرەنۋ تاربيەسىن ورىستەتتى. حالىق ساقشىلارى اعا بۋىن اسكەري تىڭ يگەرۋشىلەردىڭ شەكارانى قورعاۋداعى، شەكارانى كوركەيتۋدەگى قاھارماندىق ىزگى ىستەرىن مۇقيات تىڭداپ، تاريحتى ايگىلەگەن بايىرعى سۋرەتتەردى، بايىرعى بۇيىمداردى ەكسكۋرسيالادى ءارى پارتياعا كىرۋ سەرتىن توپتىق قايتالاي ەسكە ءتۇسىردى. حالىق ساقشىسى ءشىرالي دولقۇن تەبىرەنە: ”ساقا جاۋىنگەرلەر رۋحىن، توراڭعى رۋحىن ويداعىداي جالعاستىرىپ، اسقاقتاتىپ، جاڭا ءداۋىردىڭ شەكارا كۇزەتشىسى بولامىن“، - دەدى.
چيڭميڭ كەلۋدەن بۇرىن التاي قالاسى شاشۋ جولى ءمالىسى قاراستى رايونداعى پارتيالى كادرلاردى، بۇقارانى جانە وقۋشىلاردى ۇيىمداستىرىپ، قۇرباندارعا ينتەرنەتتە ازا ءبىلدىرۋ، وقىعان كىتاپتارمەن ورتاقتاسۋ، قىزىل تاربيە بازالارىن ەكسكۋرسيالاۋ، وتانشىلدىق اندەردى بىرگە شىرقاۋ، ساقا پارتيا مۇشەلەرىن پارتيا تاريحىن اڭگىمەلەۋگە ۇسىنىس ەتۋ سياقتى الۋان ءتۇرلى تاسىلدەردى قولدانىپ ”پارتيا تاريحىن ۇيرەنۋ، قۇرباندارعا ازا ءبىلدىرۋ“ نەگىزگى تاقىرىبىنداعى قيمىلداردى ورىستەتىپ، پارتيا تاريحىن ۇيرەنۋ تاربيەسىنىڭ جۇرەككە تەرەڭ ۇيالاۋىن ىلگەرىلەتتى.
(ءتىلشى شيا چيڭ، قاتىناسقان تىلشىلەر گى يوۋجۇن، جاڭ يانفاڭ، التاي تىلشىلەر پۋنكتىنەن حۋ جۇنشيۋ، ىلە تىلشىلەر پۋنكتىنەن شى شۋەحۇڭ، ەرىكتى تىلشىلەر لي رۇڭ، رىن دۇڭشىڭ، جاۋ لي، جاڭ حۇڭليڭ، تاڭ جۇن، مايرا تۇرسۇن)
