تيانشان تورى   ›   جاڭالىقتار   ›   شينجياڭ حابارلارى

ارامىزدان اتتانىپ كەتكەن ”پامير قىرانىن“ ساعىنا ەسكە الدى

   انار بۇلت / شينجياڭ گازەتىنىڭ ءتىلشىسى حان چينيان

  ەڭ تەرەڭ ساعىنىش − اسقاقتاتۋ، ەڭ جاقسى ەسكە الۋ − جالعاستىرۋ.

  4 - ايدىڭ 4 - كۇنى چيڭميڭ كۇنى. تاشقورعان تاجىك اۆتونوميالى اۋدانى تىزناپ اۋىلى تىزناپ قىستاعى، لاچين بايەكە قۇرباننىڭ قابىرى جىم - جىرتتىققا شومىپ تۇر، قاشقار داشۋەسىنىڭ وقىتۋشى - وقۋشىلار ۋاكىلدەرى وسى اراعا كەلىپ قاھارمان قۇربانعا ىززەتپەن گۇل شارباق قويىپ، ارامىزدان اتتانىپ كەتكەن ”پامير قىرانىن“ ساعىنا ەسكە الدى.

  قاشقار داشۋەسى پارتكومىنىڭ ورىنباسار شۋجيى دىڭ يۇڭ مىنالاردى ءبىلدىردى: ”’پارتيا تاريحىن ۇيرەنۋ، قاھارمان قۇرباندارعا ازا ءبىلدىرۋ‘ قيمىلى ارقىلى ءبىز لاچين بايەكە قۇرباننىڭ رۋحىن جالعاستىرىپ، شينجياڭدى گۇلدەندىرۋدىڭ، شەكارانى بەكەمدەۋدىڭ جالعاستىرۋشىلارى بولىپ، جاس وقۋشىلاردى جۇڭحۋا ۇلتىنىڭ ۇلى گۇلدەنۋىن جۇزەگە اسىرۋ سىندى ءداۋىردىڭ كەلەلى مىندەتىن شىن مانىندە ارقالاۋعا تاربيەلەيمىز“.

  ينتەرنەتتە قاھارمان قۇرباندارعا ازا ءبىلدىرىپ، چيڭميڭدە ساعىنىشپەن ەسكە الدى. قاشقار ايماعىنداعى كادر - بۇقارا شينجياڭ ادىلەت جولىندا باسىن ءباي تىگۋ ۋيچات الەۋمەتتىك تۇعىرىندا جابال لاچين بايەكەگە ماراپات ايتىپ، گۇل شارباق ۇسىندى.

  قۇرباننىڭ اۋىلىندا قاشقار ايماعى لاچين بايەكەنىڭ ىزگى ىستەرىن جاندى وقۋلىق ەتىپ، ارناۋلى تاقىرىپتىق ۇيرەنۋ، شوعىرلى زەرتتەۋ - تالقى، اڭگىمە وتكىزۋ، اۋىس - كۇيىس جاساۋ سياقتى تاسىلدەر ارقىلى ونىڭ پارتياعا ادال بولعان ساياسي قاسيەتىنەن، وتاندى ءسۇيىپ، ارميانى قولداعان ءوزىن ارناۋ رۋحىنان، شەكارانى قورعاپ، شەكارانى كۇزەتكەن وتباسى - وتان ىنتا - ىقىلاسىنان، باسقالار ءۇشىن ءوز ءومىرىن قيعان اسىل قاسيەتىنەن ۇيرەندى. قاشقار ايماقتىق قوسىننان بوساعان اسكەريلەر ىستەرى مەكەمەسى پارتيا باسشىلىق گرۋپپاسىنىڭ شۋجيى، ورىنباسار مەكەمە باستىعى گاۋ ي مىنالاردى ءبىلدىردى: لاچين بايەكەنىڭ قاھارماندىق ەرلىگى مەن العاباسار ىزگى ىستەرى كوممۋنيستىك پارتيا مۇشەلەرىنىڭ اۋەلگى ماقساتى مەن بورىشىن جاندى ءتۇسىندىرىپ، قوسىننان بوساعان اسكەريلەردىڭ ادالدىقپەن ءوزىن ارنايتىن شىنايى ىنتا - ىقىلاسىن تولىق ايگىلەپ، وتاندى ءسۇيىپ، ارميانى قولداۋ ۇلگىلەرىنىڭ مەملەكەت قورعانىسىنا كوڭىل بولەتىن، قولداۋ كورسەتەتىن داۋىرلىك كەلبەتىن ايقىن كورسەتتى.

  كونە ءشار اۋدانى وعۇساق قالاشىعى تومەنگى ۇعۇساق قىستاعىندا، قىستاقتا تۇرعان قىزمەت اترەتىنىڭ مۇشەلەرى، قىستاق كادرلارى مەن ءىشىنارا قىستاق تۇرعىندارى ينتەرنەتتە قاھارمان قۇرباندارعا ”بۇلتتىق گۇل شارباق ۇسىنىپ“، قاھارمان قۇرباندارعا دەگەن ساعىنىشتارىن ءبىلدىردى. قىستاق پارتيا ياچەيكاسىنىڭ شۋجيى دۇڭ يانتاۋ بىلاي دەدى: ”لاچين بايەكەنىڭ ىزگى ىستەرىنەن تەرەڭ اسەرلەندىم، مەن ونى ۇلگى ەتىپ، قاجىرلىلىقپەن تالپىنىپ، جاڭا داۋىردەگى پارتيانىڭ شينجياڭدى جونگە سالۋ جالپى جوباسىنىڭ تاباندى ىلگەرىلەتۋشىسى بولامىن“.

  ءومىر مەن ءولىم سىناعىندا، لاچين بايەكە ءومىر ءسۇرۋ ءۇمىتىن باسقالارعا قالدىرىپ، ءولىم قاتەرىمەن ءوزى بەتپە - بەت كەلىپ، قاھارماندىق ماداق جىرىن ومىرىمەن جازدى. مارالباسى اۋدانىنداعى قۇرباندار قابىرستاندىعىنان شىققاندا، مارالباسى اۋداندىق توعىسپالى اقپارات مەديا ورتالىعىنىڭ قىزمەتكەرى زۇلپيا تۇرسىن كوزىنە ىستىق جاس الىپ: ”مەن لاچين بايەكەدەن ۇيرەنىپ، قاي - قاشان دا حالىق بۇقاراسىنا كوڭىلىمنىڭ تورىنەن ورىن بەرىپ، حالىق ءۇشىن قىزمەت وتەۋ شەبەرلىگىمدى ۇزدىكسىز ارتتىرىپ، كورىكتى شينجياڭ قۇرۋعا كۇش قوسامىن“، - دەدى.

  لاچين بايەكە قۇرباننىڭ قابىرى باسىندا ونىڭ كەزىندەگى جاۋىنگەر سەرىكتەرى مەن تىزناپ اۋىلىنىڭ مالشىلارى جابال كەلىپ گۇل شارباق قويىپ، قاھارمان قۇربانعا ازا ءبىلدىرۋ، قابىرىن سىپىرىپ گۇل شارباق قويۋ، پارتياعا، وداققا مۇشە بولۋ سەرتىن قايتالاي ەسكە الۋ، قاھارماننىڭ اڭگىمەسىن ايتۋ سياقتى تاسىلدەر ارقىلى شوعىرلى قابىر سىپىرۋ قيمىلىن ورىستەتۋدى چيڭميڭ كەزىندە پارتيا تاريحىن ۇيرەنۋ تاربيەسىنىڭ ماڭىزدى مازمۇنى ەتتى.

  ”شەكارا قورعاۋشى رەتىندە، ءبىز قاھارماننىڭ رۋحىن پامير ۇستىرتىندە ماڭگى جالعاستىرىپ، وتاننىڭ ءار سۇيەم تەرريتورياسىن جاقسى قورعاپ، وتاننىڭ ءاربىر تاۋ - وزەنىن جاقسى كۇزەتەمىز“، - دەدى شەكارا قورعاۋ قىزمەتىن 20 جىل ىستەگەن تاشقورعان تاجىك اۆتونوميالى اۋدانى دافتەر اۋىلى راسكام قىستاعىنىڭ شەكارا قورعاۋشىسى شىلاق مامەتريىم باتىل تۇردە.

جاۋاپتى رەداكتور : نۇربولات قابىل

ەسكەرتۋ:

تورابىمىزداعى مازمۇنداردىڭ مەنشىك ۇقىعى شينجياڭ ۇيعۇر اۆتونوميالى رايوندىق حالىق ۇكىمەتى اقپارات كەڭسەسىنە ءتان، جاريالانعان مازمۇنداردى سىلتەمەسىز كوشىرۋگە بولمايدى. كوشىرىپ پايدالانۋعا تۋرا كەلگەندە، «تيانشان تورى » الىنعانى انىق ەسكەرتىلۋى ءتيىس، بولماسا زاڭدىق جاۋاپكەرلىگى قۋزاستىرىلادى.