تيانشان تورى   ›   جاڭالىقتار   ›   شينجياڭ حابارلارى

شينجياڭ ماقتاسىن بارىنشا قولدايمىز

شينجياڭ يۇيفىڭليڭ كيىم - كەشەك شەكتى سەرىكتەستىگى:

شينجياڭ ماقتاسىن بارىنشا قولدايمىز

  جۋىقتا شەتەلدەگى ءىشىنارا ايگىلى ماركالار مەن قۇرىلىمداردىڭ وسەك - اياڭ مەن جالعان ينفورماتسيالارعا نەگىزدەلىپ، ساۋدا قيمىلدارىندا شينجياڭ ماقتاسىن جانە ودان وندىرىلگەن ونىمدەردى قاقپايلاۋ ارەكەتى جۇڭگو قوعامىنىڭ، توقىماشىلىق، كيىم - كەشەك سالاسىنىڭ جانە تۇتىنۋشىلاردىڭ توتەنشە كەگىن قوزعادى. شينجياڭنىڭ جەرگىلىكتى كيىم - كەشەك كاسىپورنى رەتىندە، سەرىكتەستىگىمىزدەگى بارلىق قىزمەتكەرلەر شينجياڭعا كۇيە جاعاتىن، جالا جاباتىن ارەكەت اتاۋلىعا باتىل قارسى تۇرىپ، شينجياڭ ماقتاسىن بارىنشا قولدايدى.

  شينجياڭ يۇيفىڭليڭ كيىم - كەشەك شەكتى سەرىكتەستىگى ”باس شتاپ + كەدەيلەردى سۇيەمەلدەۋ سەحى“ ۇلگىسىن قولدانىپ، كونەءشار اۋدانى گۋاڭجوۋ شينچىڭ زاۆودىن باس شتاپ ەتىپ، توڭىرەكتەگى اۋىل - قالاشىقتاردى قامتي وتىرىپ كەدەيلەردى سۇيەمەلدەۋ سەحىنان 8ىن وندىرىسكە قوسىپ، مىڭعا جۋىق جەرگىلىكتى شارۋانىڭ سول جەردە، جاقىن ماڭدا جۇمىستانۋىن شەشىم ەتتى. باۋلۋ ارقىلى سەرىكتەستىك باسقارۋ تاراۋلارىنداعى قىزمەتكەرلەردىڭ جانە تەحنيكالىق تىرەكتىلەردىڭ %90ى تۇگەلدەي جەرگىلىكتى ورىنداعى از ۇلت قىزمەتكەرلەرى بولدى.

  سەرىكتەستىك تيجارات بارىسىندا «جۇڭحۋا حالىق رەسپۋبليكاسىنىڭ ەڭبەك زاڭى» سياقتى زاڭدارعا، زاڭ ەرەجەلەرگە قاتاڭ بويسۇنىپ، تەپە - تەڭ، ەرىكتى بولۋ پرينسيبى بويىنشا قىزمەتكەر قابىلداپ، قىزمەتكەرلەرمەن زاڭ بويىنشا ەڭبەك توقتامىنا قول قويىسىپ، ”كوپ ىستەگەندەر كوپ الۋ، ەڭبەگىنە قاراي ءبولۋ“ پرينسيبى بويىنشا ەڭبەكاقى تولەدى. سونىمەن بىرگە سەرىكتەستىك بەلگىلى مەرزىمدە شەبەرلىككە باۋلۋدى ورىستەتۋ ارقىلى قىزمەتكەرلەردىڭ دامۋ ءورىسىن كەڭەيتىپ، ولاردىڭ كىرىسى جىل سايىن جوعارىلادى. سەرىكتەستىك تاعى از ۇلت قىزمەتكەرلەردىڭ ءان مەن بيگە شەبەر بولۋداي ەرەكشەلىگىن تولىق ساۋلەلەندىرىپ، بەلگىلى مەرزىمدە قىزمەتكەرلەردى ادەبيەت - كوركەمونەر قيمىلدارى، شاي ءماجىلىسى سياقتىلاردى ورىستەتۋگە ۇيىمداستىرىپ، قىزمەتكەرلەردىڭ كاسىپتەن سىرتقى مادەني تۇرمىسىن ونان ارى بايىتىپ، قىزمەتكەرلەردىڭ كاسىپورىنعا دەگەن قاراستىلىق سەزىمىن كۇشەيتتى.

  قازىر كونەءشار اۋدانى كەدەيلىكتەن جاپپاي ارىلدى، ءار ۇلت بۇقاراسىنىڭ تۇرمىس ورەسىندە ساپالىق قارىشتاۋ جارىققا شىقتى. سەرىكتەستىگىمىزدىڭ قىزمەتكەرلەرى قاجىرلىلىقپەن قىزمەت ىستەۋ ارقىلى وتباسىلارىنىڭ تۇرمىس ورەسىن جوعارىلاتىپ، كەڭ دە جارىق جاڭا ۇيلەرگە كىردى، مادەني تۇرمىستارى باي دا الۋان ءتۇرلى بولدى، رۋحاني بەت - بەينەلەرى مۇلدە جاڭاردى.

  بۇگىنگى تاڭدا شينجياڭداعى ءار ۇلت حالقىنىڭ باقىتتى تۇرمىسىن كوپشىلىك جۇدىرىقتاي جۇمىلىپ، قوس قولدارىمەن جاراتقان، ايتىلمىس ” زورلىقپەن ەڭبەككە سالۋ“ احۋالى مۇلدە ءومىر ءسۇرىپ وتىرعان جوق. ءبىز اناۋ جات نيەتتەگى ادامدارعا وسەك - اياڭنان پايدالانىپ شينجياڭعا كۇيە جاعۋعا، وڭايلىقپەن قولعا كەلمەگەن تۇرمىسىمىزدى بۇلدىرۋگە ۇرىنباۋدى ەسكەرتەمىز، وسەك - اياڭ، پالە جابۋ اتاۋلىنىڭ ءبارى شينجياڭداعى ءار ۇلت حالقىنىڭ وزدەرىنىڭ ەڭبەكشىل قوس قولدارى ارقىلى باقىتتى تۇرمىس جاراتقان شىندىقتى وزگەرتە المايدى، سەندەردىڭ قاسكۇنەمدىكتەرىڭ ماڭگى جۇزەگە اسپايدى!

جاۋاپتى رەداكتور : سايراش تۇرارجان

ەسكەرتۋ:

تورابىمىزداعى مازمۇنداردىڭ مەنشىك ۇقىعى شينجياڭ ۇيعۇر اۆتونوميالى رايوندىق حالىق ۇكىمەتى اقپارات كەڭسەسىنە ءتان، جاريالانعان مازمۇنداردى سىلتەمەسىز كوشىرۋگە بولمايدى. كوشىرىپ پايدالانۋعا تۋرا كەلگەندە، «تيانشان تورى » الىنعانى انىق ەسكەرتىلۋى ءتيىس، بولماسا زاڭدىق جاۋاپكەرلىگى قۋزاستىرىلادى.