تيانشان تورى
تيانشان تورى   ›   جاڭالىقتار   ›   وقۋ-اعارتۋ

ماقتا كاسىپ سالاسىنىڭ جوعارى ساپالى دامۋىن ىلگەرىلەتۋگە كۇش قوسامىز

ىلە شىفان داشۋەسى وقۋشىلار ۇيىمى:

ماقتا كاسىپ سالاسىنىڭ جوعارى ساپالى دامۋىن ىلگەرىلەتۋگە كۇش قوسامىز

  H&M سياقتى شەتەلدىڭ ايگىلى ماركالارى شينجياڭدا ايتىلمىس ”زورلىقپەن ەڭبەككە سالۋ“ ماسەلەسى ءومىر ءسۇرىپ وتىر دەگەندى سىلتاۋراتىپ، شينجياڭ ماقتاسىن شەكتەدى، ءبىز بۇعان باتىل قارسى تۇرامىز، مۇنى قاتاڭ جازعىرامىز!

  ىلە شىفان داشۋەسىندە وتانىمىزدىڭ جەر - جەرىنەن كەلگەن 16 مىڭنان استام ءار ۇلت وقۋشىسى بار، بۇلاردىڭ اراسىندا كوپتەگەن ساباقتاستىڭ ۇيلەرى ماقتا ەگەدى. مەكتەبىمىزدىڭ ەلەكترون جانە ينفورماتسيا ينجەنەريا شۋەيۋانىنىڭ وقۋشىسى ارزىگۇل تۇرسۇن ساباقتاس ياركەن اۋدانىنان كەلگەن، ونىڭ ءۇيىنىڭ نەگىزگى ەكونوميكالىق كىرىسى ماقتا ەگۋدەن كەلەدى، ونىڭ ماقتاعا ەرەكشە سۇيىسپەنشىلىگى بار. كوكتەمدە مايسانى ءبولىپ، جازدا كۇزەپ، كۇزدە تەرەدى، ماقتا ونىڭ ءۇيىنىڭ ءۇمىتىن ارقالاپ وتىر دەۋگە بولادى. ”اسىرەسە، قىستا جىلى ماقتالى كيىم كيىپ، قالىڭ ماقتالى كورپە جامىلامىز، وسىلاردىڭ بارلىعى ەڭبەگىمىزدىڭ جەتىستىگى ەكەندىگىن ويلاعانىمدا، ىشتەي ەرىكسىز ماقتانىش سەزىمى كەرنەيدى“، - دەدى ارزىگۇل تۇرسۇن.

  ماكىت اۋدانىنان كەلگەن قايسارجان ساباقتاستىڭ اكە - شەشەسى بىردەي ماقتاشى، ماقتا ەگۋدەن ماقتا تەرۋگە دەيىنگى ءاربىر بۋىنعا ول توتەنشە قانىق. ”زور كولەمدە ماشينالاندىرىپ جۇمىس ىستەۋ جۇزەگە اسپاي تۇرعان كەزدە ماقتا تەرۋ اۋىل - قىستاقتارداعى كوپتەگەن وتباسىلارىنىڭ ماڭىزدى كىرىس كوزى بولاتىن. ازامات جاسىنا تولعان ءبىر ەڭبەككۇش ماقتا تەرۋ مەزگىلىندە 10 مىڭنان استام كىرىس تاباتىن، جۇرتتىڭ بارلىعى جابىلا ماقتا تەرىپ، اقشا تاباتىن، ايتىلمىس ’زورلىقپەن ەڭبەككە سالۋ‘ دەگەن مۇلدە ءومىر ءسۇرىپ كورگەن جوق“، - دەدى قايسارجان.

  بيولوگيا جانە جاعراپيا عىلىمى شۋەيۋانى وسىمدىك قورعاۋ ماماندىعىنىڭ وقۋشىسى ءشايدا تۇردى: ”اۋىلداستاردىڭ تاماشا تۇرمىسقا كەنەلۋ ءۇشىن، ۇرپاقتارىنىڭ اناعۇرلىم جاقسى ءبىلىم الۋى ءۇشىن قاجىرلىلىقپەن ەڭبەك ىستەپ جاتقاندىعىن ءوز كوزىممەن كوردىم. جۇرتتىڭ بارلىعىندا ارمان بار، ارمان جولىندا ەڭبەك ەتۋ ەشكىمنىڭ زورلىعىن مۇلدە قاجەت ەتپەيدى. وقىعان ماماندىعىم وسىمدىك قورعاۋ، قۇلشىنا ۇيرەنىپ، ەگىن شارۋاشىلىعى جاعىنداعى اناعۇرلىم كوپ بىلىمدەردى يگەرىپ، وقۋ تاۋىسقاننان كەيىن ۇيرەنگەن بىلىمدەرىمدى اتا مەكەنىمدى گۇلدەندىرۋگە پايدالانىپ، شينجياڭ ماقتاسىنىڭ جوعارى ساپالى دامۋىن ىلگەرىلەتۋگە كۇش قوسامىن“، - دەدى.

  التايدان كەلگەن مەيىرشات ورلەۋقان ساباقتاس اۋىل - قىستاقتا قوعامدىق پراكتيكا ىستەگەن كەزىندە پارتيانىڭ حالىققا ءتيىمدى ساياساتتارىنىڭ اۋىل - قىستاقتا تامىر تارتىپ تياناقتانىپ، ەگىن شارۋاشىلىعى وندىرىسىندە ماشينالاسۋ جۇزەگە اسقاندىعىن كوردى. ”ماقتا تۇقىمىن سەبۋدەن ماقتا تەرۋگە دەيىن تۇگەلدەي ماشينامەن ورىندالادى. ازات بولعان ەڭبەككۇشتەردىڭ كەيبىرەۋى ونەركاسىپ جۇمىسشىسىنا اينالسا، كەيبىرەۋى ءساتتى شارۋاشىلىق قۇردى، كەيبىرەۋى باعىمشىلىق ءىرى قوجالىعىن قۇردى، ال كەيبىرەۋى اينالىمعا سالىنعان جەردى كوتەرمەگە الىپ، اناعۇرلىم زور كولەمدە ماقتا ەكتى. جۇرتتىڭ كىرىسى بارعان سايىن مولايىپ، تۇرمىسى كۇننەن - كۇنگە جاقسارىپ، ەڭبەك بەلسەندىلىگى كۇن سايىن ارتا ءتۇستى“، - دەدى مەيىرشات ورلەۋقان.

  شىندىق بۇلتارتپايدى. امەريكاداعى، باتىس جاقتاعى جۇڭگوعا قارسى كۇشتەر مەيلى قالاي كۇيە جاعىپ، جالا جاپسا دا شينجياڭنىڭ دامىپ العا باسۋ قادامىنا بوگەت بولا المايدى.

جاۋاپتى رەداكتور : سايراش تۇرارجان قىزى

ەسكەرتۋ:

تورابىمىزداعى مازمۇنداردى پايدالانۋعا تۋرا كەلگەندە، ءسوزسىز جازباشا رۇقساتقا يە بولۋ كەرەك. مازمۇنداردى رۇقساتسىز جالعاپ تاراتۋعا، كەسىپ رەداكسيالاۋعا، وزگەرتۋگە، قىسقارتىپ قۇراستىرۋعا، باسقا ورىنعا كوشىرۋگە نەمەسە باسقا تاسىلدەرمەن كوبەيتۋگە ءارى تاراتۋعا بولمايدى، قايشى كەلگەندەردىڭ زاڭدىق جاۋاپكەرشىلىگى زاڭ بويىنشا قۋزاستىرىلادى.