تيانشان تورى   ›   جاڭالىقتار   ›   شينجياڭ حابارلارى

شينجياڭعا كۇيە جاعۋ ويى پاسىق

شينجياڭ قامداۋ - ساتۋ توبى، اۆتونوميالى رايوندىق ماقتا - كەندىر وڭتۇستىك شينجياڭ سەرىكتەستىگى مالىمدەمە جاريالادى

شينجياڭ ماقتاسى وسەك - اياڭ سەبەبىنەن اتاق - داڭقىنان ايرىلمايدى

شينجياڭ قامداۋ - ساتۋ قارجى قوسۋ (جارنا مەڭگەرۋ) توبى شەكتى جاۋاپكەرشىلىك سەرىكتەستىگى:

شينجياڭعا كۇيە جاعۋ ويى پاسىق

  جۋىقتا شەتەلدىڭ ءبىر ءبولىم ايگىلى ماركالارىنىڭ شينجياڭ ماقتاسىن شەكتەۋ ارەكەتى ادامدى قاتتى كەكتەندىردى، شينجياڭ قامداۋ - ساتۋ قارجى قوسۋ (جارنا مەڭگەرۋ) توبى شەكتى جاۋاپكەرشىلىك سەرىكتەستىگى شينجياڭدا ”زورلىقپەن ەڭبەككە سالۋ“ ءومىر ءسۇرىپ وتىر دەگەن جەلەۋمەن شينجياڭ ماقتاسىن جانە ودان وندىرىلگەن ونىمدەردى شەكتەۋ ارەكەتىنە قاتتى كەكتەنەدى جانە وعان باتىل قارسى تۇرادى.

  شينجياڭ قامداۋ - ساتۋ توبىنا قاراستى ماقتا كاسىپورىندارىنىڭ باسىم كوپ ساندىسى وڭتۇستىك شينجياڭ وڭىرىنە تارالعان، كوپ ساندىسىندا از ۇلت جۇمىسشى - قىزمەتكەرلەرى جۇمىس ىستەيدى. شينجياڭ قامداۋ - ساتۋ توبى «جۇڭحۋا حالىق رەسپۋبليكاسىنىڭ ەڭبەڭ زاڭى»، «جۇڭحۋا حالىق رەسپۋبليكاسىنىڭ ەڭبەك توقتامى زاڭى» سياقتى زاڭ، زاڭ ەرەجەلەرگە ساي، ءار ۇلت جۇمىسشى - قىزمەتكەرلەرىمەن تەڭ، ەرىكتى بولۋ العى شارتىندا ەڭبەك توقتامىنا قول قويىستى، ءار ۇلت جۇمىسشى - قىزمەتكەرلەرى بىردەي ەڭبەك ىستەپ، بىردەي ەڭبەكاقى الادى، زەينەتكەرلىك، ەمدەۋ، جۇمىسسىزدىق، جۇمىس ۇستىندە جارالانۋ، تۋىت سياقتى قوعامدىق قامسىزداندىرۋلاردان بىردەي يگىلىكتەنەدى. ءبىزدىڭ كاسىپورىندارىمىز ”ەڭبەگىنە قاراي ءبولۋ، كوپ ىستەگەن كوپ الۋ“ سىندى ءبولىس پرينسيبى بويىنشا، اي سايىن ەڭبەكاقى تولەيدى ءارى قوعامدىق قامسىزداندىرۋدى ۋاقىتىندا تولىق تاپسىرىپ وتىرادى، ءار ۇلت جۇمىسشى - قىزمەتكەرلەرىنىڭ ەڭبەكاقى ۇقىعىن، تىنىعۋ - دەمالىس الۋ ۇقىعىن جانە ەڭبەك حاۋىپسىزدىگى، دەنساۋلىقتى قورعاۋ ۇقىعىن زاڭ بويىنشا قامتاماسىز ەتەدى. 2020 - جىلى شينجياڭ قامداۋ - ساتۋ توبىنىڭ وڭتۇستىك شينجياڭ وڭىرىندەگى ماقتاعا قاتىستى كاسىپورىندارىندا جان باسىندىق ورتاشا جىلدىق كىرىس 50 مىڭ يۋانعا تايادى، جۇمىسشى - قىزمەتكەرلەر قاجىرلى ەڭبەگىنە سۇيەنىپ باقىتتى تۇرمىسقا كەنەلدى.

  شينجياڭ قامداۋ - ساتۋ توبىنا قاراستى اۋىل شارۋاشىلىعىنا قاتىستى كاسىپورىندار ۇزاق جىلدار بويى اۋىل - قىستاققا تامىر تارتىپ، شارۋالارمەن ەتەنە ارالاسىپ كەلەدى، ءار ۇلت شارۋالارى بۇكىلدەي بازار زاڭدىلىعى جانە ءوز قالاۋى بويىنشا استىق ەگۋدى، ماقتا ەگۋدى، ورمان ەگۋدى، جەمىس ەگۋدى تاڭداۋىنا بولادى، شارۋالار تۇقىم تاڭداۋ، اۋىل شارۋاشىلىق ءوندىرىس ماتەريالدارىن ساتىپ الۋ، تۇقىم ءسىڭىرۋ، ساتىپ الۋ، جيناۋ - ساقتاۋ، مانەرلەۋ، اۋىل شارۋاشىلىق ونىمدەرىن تاسىمالداۋ، ساتۋ سياقتى ءاربىر بۋىندى تۇگەلدەي وزدەرى بەلگىلەيدى. شينجياڭدا ايتىلمىس ”زورلىقپەن ەڭبەككە سالۋ“ ماسەلەسى ءومىر ءسۇرىپ وتىر دەۋ بۇكىلدەي وسەك شىعارىپ، پالە جاپقاندىق، امەريكاداعى، باتىس جاقتاعى جۇڭگوعا قارسى كۇشتەردىڭ شينجياڭنىڭ ەكونوميكالىق، قوعامدىق دامۋىنا توسقىندىق جاساپ، شينجياڭدا ۇلتتار ىنتىماعىن ءبۇلدىرىپ، ”شينجياڭ ارقىلى جۇڭگونى تەجەۋ“ سۇرقيا ماقساتىنا جەتۋگە ۇرىنىپ وتىرعاندىعىن ايپاراداي اشىپ كورسەتتى، مۇنداعى نيەتى سۇرقيا، ويى پاسىق.

  وسەك - اياڭ تۇبىندە وسەك - اياڭ بولىپ قالا بەرەدى، ءارقانداي وسەك شىعارۋدىڭ جانە پالە جابۋدىڭ بارلىعى شينجياڭ قوعامىنىڭ، ەكونوميكاسىنىڭ ارشىندى قاداممەن العا باسقان دامۋ اياق الىسىنا بوگەت بولا المايدى. شينجياڭ قامداۋ - ساتۋ توبى اۋەلگىدەي شينجياڭ ماقتاسىن ەگۋگە، وندىرۋگە جانە ساتۋعا ات سالىسا بەرەدى، شينجياڭنىڭ توقىماشىلىق، كيىم - كەشەك كاسىپ سالاسىنىڭ دامۋىن باتىل قولداي بەرەدى.

  شينجياڭ قامداۋ - ساتۋ توبى شينجياڭ ماقتاسىنا شەكتەۋ قويعان شەتەلدىڭ ايگىلى ماركالارىنا مىنانى قاتاڭ ەسكەرتەدى: سەندەر كوزدەرىڭدى اشىپ قاراڭدار، اق پەن قارانى ايىرىڭدار، شينجياڭعا كۇيە جاققاندارىڭدى، جالا جاپقاندارىڭدى دوعارىڭدار! شينجياڭ ماقتا كاسىپ سالاسى سەندەردىڭ شەكتەۋلەرىڭنىڭ ىقپالىنا ۇشىرامايدى، شينجياڭداعى ءار ۇلت حالقىنىڭ تۇرمىسى وسەك - اياڭعا بولا اجارىن جوعالتپايدى!

جاۋاپتى رەداكتور : سايراش تۇرارجان

ەسكەرتۋ:

تورابىمىزداعى مازمۇنداردىڭ مەنشىك ۇقىعى شينجياڭ ۇيعۇر اۆتونوميالى رايوندىق حالىق ۇكىمەتى اقپارات كەڭسەسىنە ءتان، جاريالانعان مازمۇنداردى سىلتەمەسىز كوشىرۋگە بولمايدى. كوشىرىپ پايدالانۋعا تۋرا كەلگەندە، «تيانشان تورى » الىنعانى انىق ەسكەرتىلۋى ءتيىس، بولماسا زاڭدىق جاۋاپكەرلىگى قۋزاستىرىلادى.