تيانشان تورى
تيانشان تورى   ›   جاڭالىقتار   ›   وقۋ-اعارتۋ

100 جىلدىق پارتيا تاريحىنان اقىل - پاراسات، كۇش - قۋات الدى

پارتيا تاريحىن ۇيرەنۋ تاربيەسى بويىنشا اۆتونوميالى رايوننىڭ ۇگىت - لەكسيا ۇيىرمەسى كاسىپتىك مەكتەپتەرگە بارىپ ۇگىت - لەكسيا جاسادى

100 جىلدىق پارتيا تاريحىنان اقىل - پاراسات، كۇش - قۋات الدى

  انار بۇلت / شينجياڭ گازەتىنىڭ ءتىلشىسى شىن زۋشياۋ، ەرىكتى ءتىلشى ياڭ پىڭ 4 - ايدىڭ 5 - كۇنى ۇرىمجىدەن حابارلايدى. 4 - ايدىڭ 5 - كۇنى پارتيا تاريحىن ۇيرەنۋ تاربيەسى بويىنشا اۆتونوميالى رايوننىڭ ۇگىت - لەكسيا ۇيىرمەسىنىڭ مۇشەلەرى شينجياڭ دەنە تاربيە كاسىپتىك تەحنيكا شۋەيۋانىنا، قىزىلسۋ كاسىپتىك تەحنيكا شۋەيۋانىنا بارىپ ۇگىت - لەكسيا جاسادى. ۇگىت - لەكسيا باياندامانى تىڭداعان سوڭ وقىتۋشى - وقۋشىلار جابال مىنالاردى ءبىلدىردى: باس شۋجي شي جينپيڭنىڭ ماڭىزدى ءسوزىن بويسۇنۋ ولشەمى ەتىپ، سانالى تۇردە تاريحتى ۇيرەنۋ ارقىلى قاعيدانى ءتۇسىنىپ، تاريحتى ۇيرەنۋ ارقىلى سەنىمدى ارتتىرىپ، تاريحتى ۇيرەنۋ ارقىلى ءمورالدى اسقاقتاتىپ، تاريحتى ۇيرەنۋ ارقىلى ۇمتىلا ىستەپ، جاپپاي سوتسياليستىك وسىزاماندانعان مەملەكەت قۇرۋ جاڭا ساپارىن باستاۋعا جاستىق كۇش - قۋاتىمىزدى ارنايمىز.

  شينجياڭ دەنە تاربيە كاسىپتىك تەحنيكا شۋەيۋانىندا اۆتونوميالى رايوننىڭ ۇگىت - لەكسيا ۇيىرمەسىنىڭ مۇشەسى، شينجياڭ داشۋەسى پارتكومىنىڭ تۇراقتى مۇشەسى، ورىنباسار مەكتەپ باستىعى زۇلايات سىمايىل اتالعان مەكتەپتىڭ وقىتۋشى - وقۋشىلارىنا كلاسسيكالىق شىعارمالاردان سيتات كەلتىرە وتىرىپ، جاندى دا جالىندى پارتيا تاريحىن ۇيرەنۋ تاربيەسى ۇگىت - لەكسياسىن جاسادى.

  زۇلايات سىمايىل پارتيا تاريحىنىڭ نەگىزگى شىعارمالارىن مۇقيات زەرتتەپ وقۋ، جۇڭگو كوممۋنيستىك پارتياسىنىڭ 100 جىلدىق كۇرەسىنىڭ شۇعىلالى بارىسى مەن تاريحي ۇلەسىن جالپى بەتتىك ءتۇسىنۋ، پارتيا تاريحىن ۇيرەنۋ تاربيەسىن ورىستەتۋدىڭ ماڭىزىن تەرەڭ يگەرۋ سياقتى جاقتاردا تەرەڭ ويدى تۇسىنىكتى تىلمەن تۇيىندەپ، ۇگىت - لەكسيا جاسادى.

  ”پارتيا تاريحى وتانشىلدىق تاربيەسى مەن پارتيانىڭ تاڭداۋلى ءداستۇرى تاربيەسى جونىنەن العاندا ەڭ تىكە، ەڭ جاندى، ەڭ يلاندىرىمدى وقۋلىق ءارى ونەگە كورسەتىپ ادام تاربيەلەۋدىڭ مىندەتتى ساباعى بولىپ تابىلادى“. ۇگىت - لەكسيا بايانداماسىن تىڭداعاننان كەيىن، شينجياڭ دەنە تاربيە كاسىپتىك تەحنيكا شۋەيۋانى قۋزاۋ - جەتەكشىلىك ەتۋ كەڭسەسىنىڭ ورىنباسار مەڭگەرۋشىسى سۇن شياۋني بىلاي دەدى: ءبىز ۇيرەنۋ جەتىستىگىن قىزمەتتى ىلگەرىلەتۋدىڭ ىشكى قوزعاۋشى كۇشىنە اينالدىرىپ، ءىس تىندىرىپ ناتيجە شىعارۋ جىگەرىن قاۋلاتىپ، يدەيادا تىلەكتەس، تۇرعىدا باعىتتاس، ارەكەتتە قادامداس بولىپ، قۇنىتتى دا ىجداعاتتى بولىپ، تۋراشىلدىقتان تايماي جاڭالىق اشىپ، بار زەيىن - زەردەمەن، سۇيىسپەنشىلىكپەن وقۋشىلاردى يدەيالىق جاقتان جەتەكتەۋىمىز كەرەك.

  ”ۇگىت - لەكسيانى تىڭداپ، ايرىقشا شابىت الدىق“. اۆتونوميالى رايوننىڭ ۇگىت - لەكسيا ۇيىرمەسىنىڭ مۇشەسى، شينجياڭ داشۋەسى ماركسيزم شۋەيۋانى پارتكومىنىڭ شۋجيى جاڭ جيافيدىڭ ۇگىت - لەكسياسىن تىڭداعاننان كەيىن قىزىلسۋ كاسىپتىك تەحنيكا شۋەيۋانىنىڭ وقىتۋشىسى ارزىگۇل مامەت بىلاي دەدى: پارتيا تاريحىن باستاماشىلدىقپەن ويداعىداي ۇيرەنۋمەن بىرگە پارتيا تاريحىن ۇيرەنۋ تاربيەسىن يدەيا - ساياسي تاربيە ساباعىمەن جاپپاي توعىستىرىپ، پارتيا تاريحىن ويداعىداي بايانداپ، پارتيانىڭ نازارياسىن ۇگىتتەپ، جوعارى مەكتەپ وقۋشىلارىنىڭ وتباسى - وتان سۇيىسپەنشىلىگىن تەرەڭدەتىپ، وقۋشىلاردىڭ تاريحتى ءبىلىپ پارتيانى سۇيۋگە، تاريحتى ءبىلىپ وتاندى سۇيۋگە جەتەكتەۋ كەرەك.

  قىزىلسۋ كاسىپتىك تەحنيكا شۋەيۋانىنىڭ وقۋشىسى ناديرا نۇرمامەت مىنانى ءبىلدىردى: پارتيا تاريحىن ۇيرەنۋدى، ۇگىتتەۋدى ماڭىزدى مىندەت ەتىپ، اينالامداعى ساباقتاستارىمدى، دوستارىمدى جانە وتباسىمداعىلاردى بىرگە ۇيرەنۋگە جەتەكتەپ، پارتيانىڭ شۇعىلالى تاريحىنان قايراتتانا العا ىلگەرىلەۋدىڭ سارقىلماس قوزعاۋشى كۇشىن قابىلدايمىن.

جاۋاپتى رەداكتور : سايراش تۇرارجان قىزى

ەسكەرتۋ:

تورابىمىزداعى مازمۇنداردى پايدالانۋعا تۋرا كەلگەندە، ءسوزسىز جازباشا رۇقساتقا يە بولۋ كەرەك. مازمۇنداردى رۇقساتسىز جالعاپ تاراتۋعا، كەسىپ رەداكسيالاۋعا، وزگەرتۋگە، قىسقارتىپ قۇراستىرۋعا، باسقا ورىنعا كوشىرۋگە نەمەسە باسقا تاسىلدەرمەن كوبەيتۋگە ءارى تاراتۋعا بولمايدى، قايشى كەلگەندەردىڭ زاڭدىق جاۋاپكەرشىلىگى زاڭ بويىنشا قۋزاستىرىلادى.