جوعارى ساپالى دامۋ جولىمەن بۇلجىماي ءجۇرىپ، لاس زاتتاردىڭ شىعارىلۋىن ازايتۋ مەن كومىر قىشقىل گازىنىڭ شىعارىلۋىن تومەندەتۋدى سايكەستىرە ىلگەرىلەتۋ كەرەك
شوكىرات زاكىر، شاۋكەت يمىن، نۇرلان ءابىلماجىن، ۋاڭ جۇنجىڭ، جاڭ چۇنلين قاتىناستى
انار بۇلت / شينجياڭ گازەتىنىڭ تىلشىلەرى ياۋ تۇڭ، ۋاڭ شيڭرۇي 4 - ايدىڭ 5 - كۇنى ۇرىمجىدەن حابارلايدى. جۋىقتا اۆتونوميالى رايوندىق پارتكومنىڭ شۋجيى، شينجياڭ قورشاعان ورتانى قورعاۋ كوميتەتىنىڭ مەڭگەرۋشىسى چىن چۋانگو شينجياڭ قورشاعان ورتانى قورعاۋ كوميتەتىنىڭ ءماجىلىسىن باسقارىپ اشىپ، باس شۋجي شي جينپيڭنىڭ ەكولوگيالىق وركەنيەت قۇرىلىسى جونىندەگى ماڭىزدى ءسوزىنىڭ رۋحىن جەتكىزىپ، ۇيرەنىپ، بۇكىل رايوننىڭ ەكولوگيالىق ورتانى قورعاۋ قىزمەتىن اقىلداستى، ورنالاستىردى.
اۆتونوميالى رايون باسشىلارىنان شوكىرات زاكىر، شاۋكەت يمىن، نۇرلان ءابىلماجىن، ۋاڭ جۇنجىڭ، جاڭ چۇنلين، شۇي حايرۇڭ، ەركىن تۇنياز، تيان ۋىن، لي يفي، سارقىت اقان، ۋاڭ ميڭشان ماجىلىسكە قاتىناستى.
ءماجىلىس شينجياڭنىڭ «اشىق اسپاندى قورعاۋ شايقاسىنىڭ جەڭىسىنە جەتۋ 3 جىلدىق ارەكەت جوسپارىنىڭ»، «سۋدىڭ لاستانۋىنان ساقتانۋ جانە ونى جونگە سالۋ ارەكەت جوسپارىنىڭ»، «توپىراقتىڭ لاستانۋىنان ساقتانۋ جانە ونى جونگە سالۋ جوسپارىنىڭ» تياناقتانۋ جاعدايى جونىندەگى مالىمەتتى تىڭدادى، 2021 - جىلعى ەكولوگيالىق ورتا قىزمەتىنىڭ ماڭىزدى تۇيىندەرىن، «اۆتونوميالى رايوننىڭ، بيڭتۋاننىڭ 2021 - جىلعى ”ءۇرىمجى - سانجى - شىحىزى“، ”كۇيتۇن - مايتاۋ - شيحۋ“ وڭىرلەرىندە ەكولوگيالىق ورتانى بىرلەسىپ قورعاۋدى قاداعالاۋ - تەكسەرۋ قىزمەتىن اتقارۋ جوباسىن» اقىلداستى، قارادى.
چىن چۋانگو بىلاي دەپ اتاپ كورسەتتى: شي جينپيڭنىڭ ەكولوگيالىق وركەنيەت يدەياسىن ىشكەرىلەي دايەكتىلەندىرىپ، ”ءتورت تانىمدى“ كۇشەيتىپ، ”ءتورت سەنىمدى“ بەكەمدەپ، ”ەكىنى قورعاۋدى“ ورىنداپ، جاڭا دامۋ كەزەڭىن تياناق ەتىپ، جاڭا دامۋ ۇستانىمىن دايەكتىلەندىرىپ، جاڭا دامۋ ارناسىن قالىپتاستىرىپ، ەكولوگيالىق ورتانى ۇزدىكسىز جاقسارتۋدىڭ، جاسىل تۇرمىس، ءوندىرىس ءتاسىلىن كەڭىنەن قالىپتاستىرۋدىڭ نىسانا - تالاپتارى بويىنشا، ”14 - بەسجىلدىق“ سىندى كومىر قىشقىل گازىنىڭ شىعارىلۋىن ەڭ جوعارى ماننەن اسىرماۋدىڭ شەشۋشى مەزگىلىن، تەرەزەلىك مەزگىلىن مىقتى ۇستاپ، كومىر قىشقىل گازىنىڭ شىعارىلۋىن ەڭ جوعارى ماننەن اسىرماۋدى، كومىرتەگىن بەيتاراپتاندىرۋدى ەكولوگيالىق وركەنيەت قۇرىلىسىنىڭ جالپىلىق ورنالاستىرىلۋىنا ەنگىزىپ، جاسىل، تومەن كومىرتەكتى بولۋ ساياساتىن جانە بازار جۇيەسىن كەمەلدەندىرىپ، كومىر قىشقىل گازىنىڭ شىعارىلۋىن ەڭ جوعارعى ماننەن اسىرماۋ ارەكەت جوباسىن جاساپ، اتقارىپ، جاسىل، تومەن كومىرتەگى تۇرمىستى دارىپتەپ، ەكولوگيانىڭ كومىر قىشقىل گازىن توپتاۋ قابىلەتىن جوعارىلاتىپ، ەكولوگيالىق ورتانىڭ ۇزدىكسىز جاقسارۋىن ىلگەرىلەتىپ، ەكولوگيالىق وركەنيەت قۇرىلىسىندا تىڭ ىلگەرىلەۋشىلىككە قول جەتكىزۋ كەرەك.
چىن چۋانگو بىلاي دەپ باسا دارىپتەدى: ەكولوگيانى الدىمەن ويلاستىرۋ، جاسىل، تومەن كومىرتەكتى جوعارى ساپالى دامۋ جولىمەن بۇلجىماي ءجۇرىپ، ەكولوگيالىق ورتانى قورعاۋدى جاپپاي كۇشەيتىپ، لاستانۋدان ساقتانۋ جانە ونى جونگە سالۋدان قامال الۋ شايقاسىن ىشكەرىلەي، ويداعىداي جۇرگىزۋ كەرەك. نازاردى ”لاس زاتتاردىڭ شىعارىلۋىن ازايتۋدىڭ، كومىر قىشقىل گازىنىڭ شىعارىلۋىن تومەندەتۋدىڭ“ باس تالابىنا شوعىرلاندىرىپ، اتموسفەرانىڭ، سۋدىڭ، توپىراقتىڭ لاستانۋىنان ساقتانۋ جانە ونى جونگە سالۋ قىزمەتىن ۇزدىكسىز ىلگەرىلەتىپ، كومىر قىشقىل گازىنىڭ شىعارىلۋىن تومەندەتۋدىڭ قاتاڭ شارالارىن كۇشەيتىپ، ونەركاسىپ، قۇرىلىس، قاتىناس سياقتى ءتۇيىندى كاسىپ سالالارىنداعى لاس زاتتاردىڭ شىعارىلۋىن ازايتۋ، كومىر قىشقىل گازىنىڭ شىعارىلۋىن تومەندەتۋ ارەكەتىن اتقارىپ، لاس زاتتاردىڭ شىعارىلۋىن ازايتۋ مەن كومىر قىشقىل گازىنىڭ شىعارىلۋىن تومەندەتۋدى سايكەستىرە ىلگەرىلەتۋ؛ لاستانۋدى دالمە - ءدال جونگە سالۋدى، لاستانۋدى عىلمي جونگە سالۋدى، لاستانۋدى زاڭ بويىنشا جونگە سالۋدى كورنەكتىلەندىرىپ، ءتۇيىندى وڭىرلەردى، ءتۇيىندى كاسىپتەردى، ءتۇيىندى ماسەلەلەردى ءجىتى قاداعالاپ، ولقىلىقتار مەن ءالسىز تۇستاردى جەدەل تولىقتاپ، ەكولوگيالىق ورتانى قورعاۋدا جاڭا ناتيجەگە جەتۋدى ىلگەرىلەتۋ؛ جۇيە كوزقاراسىنا تاباندى بولىپ، قاينار كوزىنەن جونگە سالۋعا ءمان بەرىپ، سوڭعى جەلىسىن جونگە سالۋدى، بارىسىن جونگە سالۋدى كۇشەيتىپ، تاۋ، سۋ، ورمان، اتىز، كول، جايلىم، قۇم سياقتى ءتۇرلى ەكولوگيالىق فاكتورلاردى سايكەستىرە جونگە سالۋدى ىلگەرىلەتۋ كەرەك.
چىن چۋانگو بىلاي دەپ باسا دارىپتەدى: جاڭا دامۋ ارناسىنا ۇيلەسەتىن ەكولوگيالىق ورتانى قورعاۋ ءتۇزىم جۇيەسىن ورناتىپ، ەكولوگيانى الدىمەن ويلاستىرۋ، جاسىل دامۋ، بازار تۇلعالارىنىڭ جوعارى ونىمدىلىكپەن جۇمىس جۇرگىزۋى، ەكونوميكالىق اينالىمدى ىركىلىسسىزدەندىرۋ سياقتى فاكتورلاردى ءبىر تۇتاس جوسپارلاپ ەسكەرىپ، جالپى ءوڭىردى جانە جاڭا لاستاۋشى زاتتاردى جونگە سالۋدى كەڭەيتىپ، جاڭا كاسىپ سالاسىن، جاڭا كاسىپ كۇيىن، جاڭا تەحنيكانى تۋىنداتىپ، اناعۇرلىم كوپ ساپالى ەكولوگيالىق ونىمدەرمەن قامداۋعا كۇش سالىپ، حالىق بۇقاراسىنىڭ كۇن سايىن ارتقان تاماشا ەكولوگيالىق ورتا قاجەتىن ۇزدىكسىز قاناعاتتاندىرۋ كەرەك. وسى زامانعى قورشاعان ورتانى جونگە سالۋ جۇيەسىن جەدەل ورناتىپ، باعدارى ايقىن، شەشىمى عىلمي، اتقارۋى پارمەندى، ىنتالاندىرۋى ءونىمدى، كوپ نەگىزدەر قاتىساتىن، ءتيىمدى ىقپالداساتىن ”قورشاعان ورتانى قورعاۋدىڭ اۋقىمدى ارناسىن“ قالىپتاستىرۋدى ىلگەرىلەتۋ كەرەك.
چىن چۋانگو بىلاي دەپ اتاپ كورسەتتى: بيڭتۋان مەن جەرگىلىكتى ورىن ءبىر تۇتاس جۇيە يدەياسىن بەرىك ورناتىپ، بيڭتۋان مەن جەرگىلىكتى ورىن سىندى 2 نەگىزگى تۇلعانىڭ رولىن تولىق ساۋلەلەندىرىپ، بيڭتۋان مەن جەرگىلىكتى ورىن قورشاعان ورتانى بىرگە جونگە سالۋ جۇيەسىن اقاۋسىزداندىرىپ، ەكولوگيالىق ورتانى بىرگە جونگە سالۋ تالابىن تياناقتاندىرىپ، وڭىرلىك بىرلەسىپ ساقتانۋدى، بىرلەسىپ تىزگىندەۋدى ىسكە اسىرىپ، بيڭتۋان مەن جەرگىلىكتى ورىندا بىرلىككە كەلگەن قورشاعان ورتا رۇقساتىن باقىلاۋ - باسقارۋدى جۇرگىزىپ، نىساندارعا رۇقسات بەرۋدى قاتايتىپ، بيڭتۋان مەن جەرگىلىكتى ورىننىڭ بىرلەسپەلى، ايقاسپالى زاڭ اتقارۋىن ۇزدىكسىز كۇشەيتىپ، بيڭتۋان مەن جەرگىلىكتى ورىننىڭ ءبىر تۇلعالانعان قورشاعان ورتانى قورعاۋدى قاداعالاۋ - تەكسەرۋ مەحانيزمىن ورناتۋ كەرەك.
شينجياڭ قورشاعان ورتانى قورعاۋ كوميتەتىنە مۇشە ورىندارداعى جاۋاپتى جولداستار ماجىلىسكە قاتىناستى.
