شينحۋا اگەنتتىگىنىڭ 4 - ايدىڭ 5 - كۇنى بەيجيڭنەن بەرگەن حابارى. جۋىقتا پارتيا تاريحىن ۇيرەنۋ تاربيەسى باسشىلىق گرۋپپاسى «”مەن بۇقارا ءۇشىن ناقتى ءىس ىستەيمىن“ امالياتتىق قيمىلى قىزمەت جوباسى جونىندەگى حابارلاندىرۋدى» باسىپ تاراتىپ، ”مەن بۇقارا ءۇشىن ناقتى ءىس ىستەيمىن“ امالياتتىق قيمىلىن ورىستەتۋدى ورنالاستىردى، جايعاستىردى.
«حابارلاندىرۋدا» مىنالار اتاپ كورسەتىلدى: ”مەن بۇقارا ءۇشىن ناقتى ءىس ىستەيمىن“ امالياتتىق قيمىلىن ورىستەتۋدە شي جينپيڭنىڭ جاڭا ءداۋىر جۇڭگوشا سوتسياليزم يدەياسىن جەتەكشى ەتىپ، پارتيا تاريحىن ۇيرەنۋدى تاجىريبەلەردى قورىتىندىلاۋمەن، رەالدىققا ۇڭىلۋمەن، قىزمەتتەردى ىلگەرىلەتۋمەن ۇشتاستىرىپ، پارتيانىڭ داڭقتى ءداستۇرىن، تاڭداۋلى ستيلىن ساۋلەلەندىرىپ، پارتيانىڭ اۋەلگى ماقساتىن، بورىشىن، ءتۇبىرلى باس ماقساتىن امالياتتا ايگىلەپ، حالىق قىزمەتشىسى ساناسىن، حالىق ءۇشىن ىستەۋ ىنتا - ىقىلاسىن كۇشەيتىپ، نەگىزگى ساتى پارتيا ۇيىمىنىڭ جاۋىنگەر قورعاندىق رولىن، پارتيا مۇشەلەرىنىڭ ۇزدىك، ونەگەلىك رولىن جانە پارتيالى باسشى كادرلاردىڭ ۇلگىلىك رولىن ساۋلەلەندىرىپ، ءار سالا، ءار كاسىپتىڭ ءىس جۇزىندىك جاعدايىمەن ۇشتاستىرىپ، ءوز قىزمەت ورنىندا تاپجىلماستان حالىق ءۇشىن ىستەپ، قيىنشىلىعى ەڭ اۋىر بۇقارادان باستاپ كىرىسىپ، ەڭ كورنەكتى ماسەلەلەردەن باستاپ يگەرىپ، ەڭ رەال مۇددەنى نەگىزگە الىپ، نەگىزگى ساتىنى قيناپ وتىرعان ىستەردى، بۇقارانى مازالاپ وتىرعان ىستەردى ىقىلاسپەن، سۇيىسپەنشىلىكپەن، كۇش - قۋاتتى سالا وتىرىپ شەشىپ، حالىق بۇقاراسىنىڭ تابىس سەزىمىن، باقىت سەزىمىن، حاۋىپسىزدىك سەزىمىن كۇشەيتىپ، بۇكىل پارتيانى، بۇكىل ەلدەگى ءار ۇلت حالقىن جاپپاي سوتسياليستىك وسىزاماندانعان مەملەكەت قۇرۋ جاڭا ساپارىن تاسقىنداعان ارىنمەن قۇلشىنا باستاۋعا جىگەرلەندىرۋ كەرەك.
«حابارلاندىرۋدا» مىنالار باسا دارىپتەلدى: نازاردى، كۇش - قۋاتتى ءتۇيىندى مىندەتتەرگە شوعىرلاندىرىپ، جاڭا دامۋ ۇستانىمىن دايەكتىلەندىرۋ ارقىلى ناقتى ءىس ىستەۋگە كۇش سالىپ، بۇقارانىڭ جوعارى ساپالى دامۋ جەتىستىكتەرىنەن، جوعارى ورەلى باقىتتى تۇرمىستان ورتاق يگىلىكتەنۋىنە مۇمكىندىك جاساۋ؛ كەدەيلىكتەن ارىلتۋ جەتىستىكتەرىن بەكەمدەۋ، كەڭەيتۋ ارقىلى ناقتى ءىس ىستەۋگە كۇش سالىپ، كورىكتى دە جايلى، شارۋاشىلىعى شالقىعان، حالقى جاراسىمدى سوتسياليستىك جاڭاشا اۋىل - قىستاق قۇرۋ؛ نەگىزگى ساتى حالىق تۇرمىسىن قامتاماسىز ەتۋ ارقىلى ناقتى ءىس ىستەۋگە كۇش سالىپ، بالاباقشا بولۋ، وقيتىن مەكتەبى بولۋ، ەڭبەك تابىسى بولۋ، ەمدەلەتىن شيپاحاناسى بولۋ، قارتايعاندا كۇتىمدەلەتىن ورىن بولۋ، تۇراتىن باسپاناسى بولۋ، كومەككە ءزارۋ جاندار كومەكتەن يگىلىكتەنۋدى ىلگەرىلەتۋدە تىڭ ىلگەرىلەۋشىلىكتەرگە قول جەتكىزۋ؛ ۇكىمەتتىك قىزمەت وتەۋ رەفورماسىن حالىققا قولايلى، حالىققا ءتيىمدى ەتىپ تەرەڭدەتۋ ارقىلى ناقتى ءىس ىستەۋگە كۇش سالىپ، ءىس ءبىتىرۋ ءتارتىبىن كەمەلدەندىرۋ، تەكسەرىپ بەكىتۋ ارەكەتىن ارناعا ءتۇسىرۋ، ءىس ءبىتىرۋ ونىمدىلىگىن جوعارىلاتۋ؛ نەگىزگى ساتىنىڭ جونگە سالۋ جۇيەسى مەن جونگە سالۋ قابىلەتىنىڭ وسىزاماندانۋىن ىلگەرىلەتۋ ارقىلى ناقتى ءىس ىستەۋگە كۇش سالىپ، قايشىلىقتارمەن، داۋ - شارلاردى نەگىزگى ساتىدا شەشىپ، جاراسىمدىلىقتى، ورنىقتىلىقتى نەگىزگى ساتىدا قۇرۋ كەرەك.
«حابارلاندىرۋدا» مىنالار باسا دارىپتەلدى: حالىق جاعدايىن تەكسەرۋ، حالىق رايىن ۇعىسۋدى ”مەن بۇقارا ءۇشىن ناقتى ءىس ىستەيمىن“ قيمىلىنىڭ ءبىرىنشى قادامى ەتىپ، پارتيالى كادرلاردى نەگىزگى ساتى بۇقاراسى اراسىنا ىشكەرىلەي بارىپ، ءوندىرىستىڭ ءبىرىنشى شەبىنە بويلاپ، قاراستى ورىندارعا بارىپ، قىزمەت وتەۋ وبيەكتىلەرىمەن ىشكەرىلەي ارالاسىپ، كەڭ كولەمدە پىكىر الىپ، حالىق تۇرمىسىنىڭ قاجەتىن بىلۋگە ۇيىمداستىرۋ كەرەك. نازاردى بۇقارا اڭىس ەتكەن شوعىرلى الەۋمەتتىك قاجەت - تالاپتار مەن ورىن تەۋىپ وتىرعان جالپىلىق ماسەلەلەرگە شوعىرلاندىرىپ، دامۋداعى شەشۋدى شۇعىل كۇتىپ تۇرعان كەسىرلى، قيىن ماسەلەلەرگە شوعىرلاندىرىپ، ۇزاق مەزگىل شەشىلمەي كەلە جاتقان حالىق تۇرمىسىنداعى تاريحتان قالعان ماسەلەلەرگە شوعىرلاندىرىپ، ”مەن بۇقارا ءۇشىن ناقتى ءىس ىستەيمىن“ ءتۇيىندى نىسانىن زەرتتەپ ورتاعا قويۋ جانە اتقارۋ كەرەك. كەدەيلىكتەن ارىلتۋدان قامال الۋ جەتىستىكتەرىن بەكەمدەۋگە، كەڭەيتۋگە، اۋىل - قىستاقتىڭ گۇلدەنۋىن جاپپاي ىلگەرىلەتۋگە ءتيىمدى ءبىرسىپىرا ساياسات - شارالاردى شوعىرلى تۇردە شىعارىپ، حالىققا ارنالعان، حالىققا ءتيىمدى، حالىققا قولايلى ءبىرسىپىرا ناقتى ادىستەردى، قاتاڭ شارالاردى ورتاعا قويىپ، حالىقتى تىكە باقىتقا كەنەلتەتىن ءبىر توپ نىسان ينجەنەريالاردى اتقارىپ، بۇقارانىڭ مۇددەسىنە زيان كەلتىرەتىن ءبىرسىپىرا قايشىلىقتارمەن، داۋ - شارلاردى شەشۋ كەرەك. قىزمەت ورنىندا ەڭبەك ءسىڭىرۋ جانە ەرىكتى قىزمەت وتەۋ قيمىلدارىن تەرەڭدەتىپ، قوعامدىق كۇشتەر مەن قالىڭ بۇقارانى بەلسەنە ات سالىسۋعا باستاپ، سيفرلانعان، زەردەلىلەنگەن قىزمەت وتەۋ دەڭگەيىن جوعارىلاتىپ، ءار دارەجەلى پارتيا ۇيىمدارى نازاردى شوعىرلاندىرىپ، كۇش - قۋاتتى ۇيىستىراتىن، قالىڭ پارتيالى كادرلار بەلسەنە ارەكەتكە كەلەتىن، قوعامداعى ءار سالا مەن حالىق بۇقاراسى جابال ات سالىساتىن تاماشا جاعدايدىڭ قالىپتاسۋىن ىلگەرىلەتۋ كەرەك.
«حابارلاندىرۋدا» مىنالار تالاپ ەتىلدى: ءار دارەجەلى پارتيا ۇيىمدارى ۇيىمدىق باسشىلىقتى كۇشەيتىپ، ءتۇيىندى حالىق تۇرمىسى نىساندارى تىزىمدىگىن اقىلداسىپ، بەلگىلەپ، ءتۇيىندى قىزمەت مىندەتتەرىن سايكەسە ىلگەرىلەتۋى؛ تۇرگە، ساتىعا ءبولىپ اتقارۋعا باسا ءمان بەرىپ، تۇرلىشە وڭىردەگى، تۇرلىشە سالاداعى، تۇرلىشە ساتىداعى پارتيا ۇيىمدارىنا باعىتتاي جەكە - جەكە تالاپتار قويۋى؛ ۇگىت ارقىلى جەتەكشىلىك ەتۋدى كۇشەيتىپ، پارتيا ورتالىق كوميتەتىنىڭ شەشىمدەرىن، ورنالاستىرۋلارىن جانە قىزمەت تالاپتارىن ىشكەرىلەي حابارلاپ، نەگىزگى ساتىنىڭ تاجىريبەلەرىن، ادىستەرىن جانە ءىس جۇزىندىك ناتيجەلەرىن تولىق بەينەلەۋى؛ ءىس جۇزىندىكتى شىعار ءتۇيىن ەتۋگە تاباندى بولىپ، بار كۇشتى سالىپ، شاماعا قاراي ىستەپ، بۇقارا ءۇشىن ناقتى ءىس ىستەۋ نىساندارىن عىلمي ورنالاستىرۋ كەرەك. فورماشىلدىقتى، تورەشىلدىكتى تيىپ، نەگىزگى ساتىنىڭ اۋىرتپالىعىن جەڭىلدەتۋگە نازار اۋدارىپ، جاقسى ءىستى شىن مانىندە شىنايى ىستەۋ، ناقتى ءىستى ويداعىداي ىستەۋ، بۇقارا رازى بولاتىنداي ەتىپ ىستەۋ كەرەك.
