□ قۇمىل قالالىق باس جۇمىسشى ۇيىمىنىڭ ورىنباسار ءتوراعاسى يلحام ىبىرايىم
ءبىر مەزگىلدەن بەرى پومپەو، جىڭ گو - ىن كوپ رەت قاساقانا شينجياڭعا ساياتىن ساندىراقتاردى تاراتتى، مەن بۇعان باتىل قارسى تۇرامىن جانە ونى قاتاڭ جازعىرامىن!
پومپەونىڭ، جىڭ گو - ىننىڭ ايتىلمىس ”ءناسىل جويۋى“ ناعىز بىلجىراق، بۇيرەكتەن سيراق شىعارعاندىق، بۇرىن جولىقپاعان، قازىر جوق، بولاشاقتا دا جۇڭگونىڭ ۇلان - بايتاق دالاسىندا تۋىلمايدى! شينجياڭنىڭ دامۋى مەن ادامدىق ۇقىق ىستەرىن ءارقانداي ادامنىڭ قاساقانا ويدان قيىستىرۋىنا، نەگىزسىز جالعاننان جاساۋىنا بولمايدى.
پارتيانىڭ شۇلەن شۇعىلاسىنا مالىنعان، 1970 - جىلداردا تۋىلعان مەن شينجياڭنىڭ بايتاق دالاسىنىڭ كۇن سايىن تۇلەجىگەن وزگەرىسىنە كۋا بولدىم، پارتيا ورتالىق كوميتەتىنىڭ شينجياڭداعى ءار ۇلت حالقىنا قامقورلىعىن شىنايى سەزىندىم. مەن بالا كەزىمنەن قۇمىل قالاسىنداعى ءبىر ۇلتتار ىنتىماعى ۇلكەن اۋلاسىندا تۇرمىس كەشىردىم، توڭىرەگىمىزدە ۇيعۇر، حانزۋ، قازاق، حۇيزۋ سياقتى ۇلتتاردان كورشىلەرىمىز بار، ءبىزدىڭ قارىم - قاتىناسىمىز توتەنشە قويۋ بولاتىن. بالا كەزىمدە اكە - شەشەمنىڭ قىزمەتى قاربالاس بولعاندىقتان، قۇرداس كىشكەنتاي دوستارىم ۇيرەنۋ گرۋپپاسىن قۇرىپ ءبىر - بىرىمىزگە كومەكتەسىپ، قارايلاسىپ تۇراتىنبىز، كوپشىلىك ءبىر وتباسىنداعى اعا - باۋىر، اپەكە - سىڭلىلەردەي وتەتىن. قازىر مەنىڭ كوپ ۇلتتان دوستارىم، ساباقتاستارىم، كاسىپتەستەرىم بار، ءبىز ىنتىماقتى، تاتۋ - ءتاتتى ءبىر وتباسىنىڭ ادامدارىنداي تۇرامىز. مەن كىشكەنتايىمان ەسەيىپ - ەرەجەتكەنگە دەيىن كەڭ، ادىلەتتى قوعامدىق رايدى سەزىنىپ كەلدىم، مەيلى قايسى ۇلت بولسىن، بارلىق ادام بىردەي ورايدان يگىلىكتەندى. مەن وتە باقىتتى تۇرمىس كەشىرۋدەمىن، مەنىڭ جۇبايىم زەينەتكە شىققان، ول ءار كۇنى باي مازمۇندى زەينەتكەرلىك تۇرمىسىن وتكىزۋدە. مەنىڭ 2 بالام بار، ۇلكەن ۇلىم بەيجيڭ جاراتىلىستىق عىلىمدار داشۋەسىندە وقيدى، كىشكەنە ۇلىم قۇمىل قالالىق 5 - باستاۋىش مەكتەپتە وقيدى، ەكەۋى دە پارتيانىڭ حالىققا تيىمدىلىك جەتكىزۋ ساياساتىنىڭ ارقاسىندا ءوسىپ - جەتىلىپ، تاماشا تاربيە الىپ كەلدى.
جۋىق جىلداردان بەرى قۇمىل قالالىق باس جۇمىسشى ۇيىمى ءار ۇلت جۇمىسشى - قىزمەتكەرلەردىڭ زاڭدى ۇقىق - مۇددەسىن بەلسەنە قورعاپ، جۇمىسشى - قىزمەتكەرلەردى، بۇقارانى كاسىپورىنداردىڭ دەموكراتيالىق باسقارۋىنا، دەموكراتيالىق باقىلاۋىنا قاتىناسۋعا بەلسەنە ۇيىمداستىرۋمەن بىرگە، از ۇلت جۇمىسشى - قىزمەتكەرلەرىنە، بۇقاراسىنا ۇزدىكسىز قامقورلىق جاساپ كەلەدى. ءبىز وقۋعا جاردەم بەرۋ، ەمدەۋ، كاسىپتىك تاربيەلەۋ، قىزمەت تانىستىرۋ سياقتى تاسىلدەر، ءادىس - امالدار ارقىلى قيىنشىلىعى بار جۇمىسشى - قىزمەتكەرلەردىڭ قيىنشىلىقتان ارىلۋىنا كومەكتەستىك. تەك 2021 - جىلدىڭ جاڭا جىل، كوكتەم مەرەكەسى كەزىندە قۇمىل قالاسىنداعى ءار دارەجەلى جۇمىسشى ۇيىمى نەگىزگى ساتىنىڭ ءبىرىنشى شەبىنە بارىپ، 30دان استام ءتۇرلى كاسىپورىندى، مەكەمە - ورىندى ارالاپ، قيىنشىلىعى بار ءار ۇلت جۇمىسشى - قىزمەتكەرلەرىنەن، ءبىرىنشى شەپتەگى جۇمىسشى - قىزمەتكەرلەردەن، ەڭبەك ۇلگىلەرىنەن 4340 ادام - رەت حال سۇراپ، قۇنى 600 نەشە مىڭ يۋاندىق حال سۇراۋ بۇيىمدارىن تاراتتى. مىنە وسىلاردىڭ ءبارى مەملەكەتتىڭ ءار ۇلت جۇمىسشى - قىزمەتكەرلەرىنە، بۇقاراسىنا بولعان قامقورلىعىن، سۇيىسپەنشىلىگىن ايگىلەيدى.
پارتيا ورتالىق كوميتەتىنىڭ پارمەندى باسشىلىعىندا، ءبىز ءبىر نيەتپەن، بىرگە ىنتىماقتاسا كۇرەس جۇرگىزىپ، بىرگە گۇلدەنىپ - كوركەيىپ، دامىپ، تاماشا دا باقىتتى تۇرمىستى بىرگە جاراتتىق. مەن مىناعان كامىل سەنەمىن: پومپەونىڭ، جىڭ گو - ىننىڭ وسەك - اياڭى، ءسوز جوق، تويتارىسسىز - اق توزىپ جوعالادى، ولاردىڭ سۇرقيا ارەكەتتەرى، ءسوز جوق، ىسكە اسپايدى، ولار تۇبىندە كوشەدەن قاشقان تىشقاندى ۇر - ۇردىڭ استىنان العانداي كۇي كەشەدى.
