□ كەريا اۋدانىنىڭ ماقتاشىسى ءمامتىمىن تۇردى
بيىل 36 جاستامىن، وتباسىمدا 4 جان بار، قازىر وتباسىمنىڭ ماقتا ەگۋدەن تاباتىن جىلدىق كىرىسى 100 مىڭ يۋانعا جۋىق.
بىرنەشە كۇننىڭ الدىندا ينتەرنەتتەن شەتەل ايگىلى ماركالارىنىڭ ايتىلمىس ”زورلىقپەن ەڭبەككە سالۋ“ دەگەندى جەلەۋ ەتىپ، شينجياڭنىڭ اپپاق ماقتاسىنا جالا جاۋىپ، كۇيە جاعىپ، شينجياڭ ماقتاسى مەن ماقتادان جاسالعان بۇيىمداردى شەكتەگەنىن كورىپ قاتتى اشۋلاندىم. وسى جەردە تۋىپ، وسى ارادا ەرجەتكەن شينجياڭدىق رەتىندە، شينجياڭنىڭ ماقتاشىسى رەتىندە، بۇعان كۇشتى نارازىلىق بىلدىرەمىن جانە باتىل قارسى تۇرامىن!
كەزىندە ماقتا تەرۋ جۇمىسشىسى ەدىم، مەن سەندەرگە ءوزىمنىڭ باستان كەشىرگەن شىنايى كەشىرمەم ارقىلى ءبىزدى ەشكىم ”زورلىقپەن ەڭبەككە سالعان“ جوق دەپ ايتامىن.
وتباسىمداعىلاردىڭ تاماشا تۇرمىس كەشىرۋىنە مۇمكىندىك جاساۋ ءۇشىن، 2005 - جىلى كورلا قالاسىنا كەلىپ ماقتا تەردىم. ماقتا ەگىمشىلىك وتباسىلارى ءبىزدى جانعا جايلى، تازا جاتىن ورىنمەن قامدادى، اۋەلى، كاسىپتىك اسپاز ۇسىنىس ەتىپ تاماق ازىرلەدى، تاماعى سونداي ءدامدى. سول كەزدە ءبىز ءار كۇنى اپپاق ماقتا اتىزىندا جانىمىزداعى سەرىكتەرىمىزبەن ماقتا تەرىپ جارىساتىنبىز. ءار كۇنى كەشتە ماقتا ەگىمشىلىك وتباسىلارى ءبىزدىڭ ەسەبىمىزدى ۋاقىتىندا جاباتىن، وسىلايشا ءار كۇنىمىز كوڭىلدى دە مەرەيلى وتەتىن.
بىرنەشە جىلدىڭ الدىندا ءبىر ماقتا ەگىمشىلىك وتباسى مەنىڭ ەڭبەكقور ەكەنىمدى ءبىلىپ، مەنىمەن ۇزاق ۋاقىتتىق توقتامعا وتىرۋدى، ماعان ماقتا اتىزىن باسقارتۋ ويى بار ەكەندىگىن ورتاعا قويادى. ەڭبەكاقىسى جوعارى، ونىڭ ۇستىنە بۇل ارانىڭ قىزمەت ورتاسىنا قانىق بولعاندىعىم سەبەپتى، مەن وتباسىمداعىلارمەن اقىلداسا كەلە 3 جىلدىق توقتامعا قول قويدىم. قۇلشىنىسىم ارقىلى ءبىر جىل ۋاقىت ىشىندە ماقتا ەگىمشىلىگى تەحنيكاسىن يگەردىم. اسىلىندە 3 جىلدىق توقتام مەرزىمى تولعاننان كەيىن ۇيگە قايتامىن دەپ ويلاعان ەدىم، ءبىراق، وسى 3 جىل بارىسىندا مەنىڭ اپپاق ماقتاعا سۇيىسپەنشىلىگىم تۋدى. 2017 - جىلى مەنىڭ ىقپالىمدا كەلىنشەگىم دە وسى اراعا كەلىپ، جەردى كوتەرمەگە الىپ ماقتا ەگۋدى باستادىق.
قازىر كىرىسىمىز بارعان سايىن جوعارىلاۋدا. اۋىلىمنان جاڭا ءۇي سالۋمەن بىرگە اماناتقا اقشا قويىپ، بۇرىنعى كەدەيلىك تۇرمىسقا كۇنى بۇرىن قوش ايتتىق. جاقىندا مەن تاعى جەڭىل اۆتوكولىك ساتىپ الماقشىمىن. مەن ۇنەمى ماڭىمداعى دوستارىما بىلاي دەپ ايتامىن: وتباسىمنىڭ باقىتتى تۇرمىسى اپپاق ماقتادان كەلگەن، ماقتا −− وتباسىمنىڭ ”اۋقاتتانۋ گۇلى“.
ءبىز قاجىرلى ەڭبەگىمىز ارقىلى باقىتتى تاماشا تۇرمىسقا كەنەلگەن جاندار بولا تۇرا قالايشا ”زورلىقپەن ەڭبەككە سالىنعان“ بولامىز؟ ءبىزدىڭ اقشا تاۋىپ جاقسى تۇرمىس كەشىرۋىمىزگە باسقالاردىڭ ”زورلاۋى“ قاجەت پە؟ شوق - شوق ماقتا شينجياڭداعى ءار ۇلت حالقىنىڭ قاجىرلىلىقپەن اۋقاتتانۋ ارمانىن ارقالاپ كەلەدى. سوندىقتان، وسەك - اياڭ تاراتىپ جۇرتتى دۇرلىكتىرگەن امەريكاداعى، باتىس جاقتاعى جۇڭگوعا قارسى كۇشتەرگە ايتارىمىز: شينجياڭعا جالا جاۋىپ، كۇيە جاققان ارەكەتتەرىڭدى دوعارىڭدار، شينجياڭنىڭ اپپاق ماقتاسىن ءارقانداي كۇشتىڭ بىلعاۋىنا جول بەرمەيمىز! شينجياڭداعى ءار ۇلت حالقىنىڭ باقىتتى تۇرمىسىن بۇلدىرۋگە قيالدانباڭدار.
