تيانشان تورى   ›   جاڭالىقتار   ›   شينجياڭ حابارلارى

”زورلىقپەن ەڭبەككە سالدى“ دەگەن بۇكىلدەي وسەك - اياڭ

□ شينجياڭ اقسۋ حۋافۋ ءتۇستى توقىما شەكتى سەرىكتەستىگىنىڭ قىزمەتشىسى مىرزات روزى

  مەن بيىل 23 جاستامىن، شينجياڭ اقسۋ حۋافۋ ءتۇستى توقىما شەكتى سەرىكتەستىگىنىڭ قىزمەتشىسىمىن. ءوزىمنىڭ باستان كەشكەن كەشىرمەم ارقىلى شينجياڭ ماقتاسىن شەكتەگەن شەتەل كاسىپورىندارىنا: جۇڭگونىڭ شينجياڭىندا ”زورلىقپەن ەڭبەككە سالۋ“ ماسەلەسى مۇلدە ءومىر ءسۇرىپ وتىرعان جوق، - دەپ ايتامىن.

  سەرىكتەستىككە كىرۋدەن بۇرىن، نەگىزىنەن كۇندىك جۇمىس ىستەۋگە سۇيەنىپ اقشا تاباتىن ەدىم. 2017 - جىلى 3 - ايدا اۋىلداسىمنىڭ تانىستىرۋىمەن، سىناپ كورۋ بەكىمىنە كەلدىم دە حۋافۋ ءتۇستى توقىما شەكتى سەرىكتەستىگىنىڭ شاقىرۋىن قابىلدادىم، باعىما جاراي اۋىزشا ەمتيحانىنان ءساتتى ءوتتىم. 3 ايلىق سىناق مەرزىمىندە ءار تۇردەگى مەڭگەرۋ تەحنيكاسىن قاجىرلىلىقپەن مۇقيات ۇيرەندىم، سىناق مەرزىمى اياقتالعان سوڭ، ءجىپ وراۋ سەحىنىڭ رەمونتشىسى بولىپ ءبولىندىم، جاڭ جيڭبو مەنىڭ قامقورشى ۇستازىم بولدى. ونىڭ جەتەكشىلىگىندە قاتىستى تەحنيكالاردى تەزدەن يگەرىپ الدىم.

  سەرىكتەستىكتە 3 جىلدان استام ۋاقىت ىستەگەندە، مەن سەرىكتەستىكتى مەيىرىمدى وتباسىنداي سەزىندىم. بۇل ارادا وسىزاماندانعان قىزمەت ورتاسى، جىلى دا جانعا جايلى تۇرمىس شارت - جاعدايى، ىقىلاستى، قۇلشىنا ىستەيتىن قىزمەتتەستەرىم جانە ماعان كوڭىل ءبولىپ، قامقورلىق جاسايتىن بانجاڭىم مەن باسشىم بولدى. سەرىكتەستىك ماعان قىزمەتكەرلەر جاتاعىن بەردى، تاعى تۇرمىستىق قوسىمشا قاراجات تاراتىپ، مەرەكەلىك قامقورلىق جاسادى، بۇدان تىس مەرزىم سايىن شەبەرلىك باسەكەسىن ۇيىمداستىرىپ، ۇزدىك قىزمەتشىلەردى ماراپاتتاپ وتىردى. قازىر ايىنا 3800 يۋاننان استام ەڭبەكاقى الامىن، وتباسىمىزدىڭ تۇرمىسى زور دارەجەدە جاقساردى. سەرىكتەستىكتە مەن ءوزىمدى سارقىلماس كۇشتىڭ يەسىندەي سەزىنەمىن، سەبەبى، مەن ءبىر ديقاننان كاسىپ سالاسى جۇمىسشىسىنا اينالدىم، تۇراقتى قىزمەتىم مەن ەڭبەكاقىم بولدى. قۇلشىنۋ ارقىلى بىلتىر بۇكىل وتباسىمىز كەدەيلىكتەن ارىلدى، مۇنىمەن ءتىپتى دە ءوز كۇشىمە سۇيەنەتىن بولىپ، سەنىمىم ارتىپ، قۇلشىناتىن بولدىم. كوپشىلىككە تاعى ايتارىم: قازىر مەن ماحابباتتاسىپ ءجۇرمىن، قالىڭدىعىم دا زاۆود جۇمىسشىسى، ءبىز بىرگە قىزمەت ىستەيمىز، بىرگە تاماقتانامىز، بىرگە بازار ارالاپ كينو كورەمىز، ءار كۇنىمىز باقىت قۇشاعىندا وتەدى.

  مەن اقسۋ حۋافۋ ءتۇستى توقىما شەكتى سەرىكتەستىگىنە ءوز ەركىممەن كەلىپ قىزمەت ىستەدىم، سەرىكتەستىك ءبىزدىڭ ەركىندىگىمىزگە تۇساۋ بولعان جوق، ايتىلمىس ”زورلىقپەن ەڭبەككە سالۋ“ مۇلدە بولعان ەمەس. امەريكاداعى، باتىس جاقتاعى جۇڭگوعا قارسى كۇشتەر وسەك - اياڭ قۇراستىرىپ، شينجياڭعا كۇيە جاقتى، جالا جاپتى، ءبىزدىڭ وڭاي - وسپاق قولعا كەلمەگەن باقىتتى تۇرمىسىمىزدى بۇلدىرۋگە ۇرىندى، بۇعان ءبىز استە جول بەرمەيمىز!

  مەن زاۆودتا جاقسى ىستەپ، قاجىرلى قوس قولىما سۇيەنىپ اناعۇرلىم تاماشا تۇرمىسقا قول جەتكىزەمىن.

جاۋاپتى رەداكتور : نۇربولات قابىل

ەسكەرتۋ:

تورابىمىزداعى مازمۇنداردىڭ مەنشىك ۇقىعى شينجياڭ ۇيعۇر اۆتونوميالى رايوندىق حالىق ۇكىمەتى اقپارات كەڭسەسىنە ءتان، جاريالانعان مازمۇنداردى سىلتەمەسىز كوشىرۋگە بولمايدى. كوشىرىپ پايدالانۋعا تۋرا كەلگەندە، «تيانشان تورى » الىنعانى انىق ەسكەرتىلۋى ءتيىس، بولماسا زاڭدىق جاۋاپكەرلىگى قۋزاستىرىلادى.