تيانشان تورى
تيانشان تورى   ›   جاڭالىقتار   ›   وقۋ-اعارتۋ

وسەك - اياڭ، ءبارىبىر، ورگە باسپايدى

شينجياڭ قازىنا - ەكونوميكا داشۋەسى وقۋشىلار ۇيىمى:

وسەك - اياڭ، ءبارىبىر، ورگە باسپايدى

  تاياۋدا توراپتا شينجياڭعا كۇيە جاققان، شىندىقپەن ساناسپاعان، شينجياڭدا ايتىلمىس ”زورلىقپەن ەڭبەككە سالۋ“ ءومىر ءسۇرىپ وتىر دەپ قيسىنسىز شابۋىل جاساعان ءتۇرلى سوزدەر جيى - جيى كورىندى. بۇل ويدان شىعارىلعان وسەك - اياڭدار، ساندىراقتار شينجياڭ سىندى وسىناۋ ىرىستى توپىراقتا تۇرمىس كەشىرىپ وتىرعان ءبىز سياقتى جوعارى مەكتەپ وقۋشىلارىن ءارى كەكتەندىردى، ءارى سوراقى سەزىندىك. ءبىز شينجياڭ قازىنا - ەكونوميكا داشۋەسىنىڭ وقۋشىلارى كەۋدە كەرە العا شىعىپ شىندىقتى سويلەپ، وسەك - اياڭعا تويتارىس بەرىپ، ادىلدىكتى قورعاۋىمىز كەرەك! شينجياڭنىڭ ورنىقتىلىعىنىڭ، دامۋىنىڭ كۋاگەرى، باسىنان وتكەرۋشى جانە بولاشاق قۇرىلىسشىلارى بولعان ءبىزدىڭ ەڭ سويلەۋ ۇقىعىمىز بار!

  ءبىز كىشكەنتايىمىزدان كوپ ۇلت ىنتىماقتى، تاتۋ - ءتاتتى ورتادا ەسەيىپ - ەرجەتتىك، كىشكەنتايىمىزدان ەسەيگەنگە دەيىن ءبىز ءار ۇلتتىڭ ءبىر - بىرىمەن بىتە قايناسقان، تاتۋ - ءتاتتى جاساسقان، بىرىنە - ءبىرى قارايلاسقان ادال سۇيىسپەنشىلىكتەرىن شىنايى سەزىندىك. ءبىزدىڭ ەسەيىپ - ەرجەتۋىمىز شينجياڭنىڭ دامۋىنىڭ ءاربىر كىشكەنتاي تۇيىندەرىنە كۋا، ءبىز اناۋ شينجياڭعا كۇيە جاققان وسەك - اياڭداردىڭ قايدان شىققانىن بىلمەيمىز، ءبىراق، ءبىز بۇل وسەك - اياڭداردىڭ قايدا سۇعىن قاداپ تۇرعانىن بىلەمىز، بۇل امەريكاداعى، باتىس جاقتاعى جۇڭگوعا قارسى كۇشتەردىڭ وسەك - اياڭ، ساندىراق ارقىلى شينجياڭنىڭ ورنىقىلىعىن ءبۇلدىرۋ، شينجياڭنىڭ دامۋىنا بوگەت بولۋ ماقساتىنا جەتۋگە ۇرىنعانى.

  شينجياڭدا وقۋ وقىعان ءبىز تاربيە الۋ ۇقىعىنان تولىق يگىلىكتەنىپ كەلەمىز. ءبىزدىڭ شينجياڭ قازىنا - ەكونوميكا داشۋەسىندە ءتۇرلى پاندەر كوپ ساتىلى، كوپ فورمادا دامىپ كەلەدى، تولىق كۋرس، ماگيستر، ارناۋلى ءپان اعارتۋىنىڭ ءبارى تولىق، تەك ۇيرەنۋگە قۇلىق بولسا بولعانى ءبىلىمنىڭ قورىن ۇزدىكسىز بايىتا بەرۋگە بولادى.

  شينجياڭدا وقۋ وقىعان ءبىز ساپالى وقۋ - اعارتۋ بايلىق قاينارىنان يگىلىكتەنىپ وتىرمىز. جۋىق جىلداردان بەرى ىشكى وڭىردەگى تۋىسقان ولكە، قالالار شينجياڭنىڭ جەر - جەرىندە باعىتتامالى كومەكتەسۋ ورىستەتتى، ىشكى وڭىردەگى وقىتۋشىلار، ماماندار مەكتەپ اۋلاسىنا كىرىپ، بىزگە وزىق وقىتۋ ۇستانىمىن، وزىق تەحنيكالاردى الا كەلدى. مەكتەپتە ءبىز تەك مول ءبىلىمدى پروفەسسورلاردىڭ تارتىمدى وقىتۋىن تىڭداپ قانا قالماستان، تاعى دا ىشكى وڭىردەگى جوعارى مەكتەپتەرگە بارىپ عىلمي اۋىس - ءتۇيىس جاساپ، كوز ايامىزدى كەڭەيتىپ، ءبىلىمىمىزدى تولىقتىرا الامىز.

  شينجياڭدا وقۋ وقىعان ءبىز كوپ نەگىزدى جۇمىستانۋ ارناسىنا يە بولا الامىز. مەكتەپ ءبىز وقۋعا كىرگەن كەزدە كاسىپتىك عۇمىرىمىزدى جوسپارلاپ، ءبىزدىڭ ارمانىمىز بەن قابىلەتىمىزگە قاراي جۇمىستانۋىمىزعا ۇسىنىس بەرىپ، جۇمىستانۋ بەتالىسىمىزدى تابۋىمىزعا جەتەكشىلىك ەتەدى؛ مەكتەپ تاۋىسقان كەزدە مەكتەپ جۇمىستانۋعا جەتەكشىلىك ەتۋ قىزمەت وتەۋىن ورىستەتتى، جوعارى مەكتەپ وقۋشىلارىن جۇمىستانۋعا جەتەكشىلىك ەتۋ ساباعىن اشىپ، تۇتاس بارىستا قاداعالاپ قىزمەت وتەپ، ءبىزدىڭ لايىقتى قىزمەت تابۋىمىزعا كومەكتەسەدى.

  شينجياڭدا تۇرمىس كەشىرىپ جاتقان جوعارى مەكتەپ وقۋشىسى رەتىندە، ءبىز شينجياڭنىڭ دامۋ وزگەرىسىن شىنايى سەزىنۋدەمىز، وتاننىڭ شينجياڭعا دەگەن كوڭىل ءبولۋ مەن قامقورلىعىن سەزىنۋدەمىز. ءبىزدىڭ ىستەۋگە ءتيىستى ءىسىمىز قۇلشىنا ۇيرەنىپ، شينجياڭدى كوركەيتىپ، قوعامنىڭ ءبىزدى تاربيەلەگەن قارىمجىسىن قايتارۋ. ءبىز فاكت ارقىلى امەريكاداعى، باتىس جاقتاعى جۇڭگوعا قارسى كۇشتەرگە مىنانى ايتامىز: ”زورلىقپەن ەڭبەككە سالۋدىڭ“ زاڭمەن جونگە سالىنعان شينجياڭدا تامىر تارتاتىن توپىراعى جوق، ”زورلىقپەن ەڭبەككە سالۋدىڭ“ دامىعان شينجياڭدا ءومىر سۇرەتىن بازارى جوق. ءبىز وسەك - اياڭنىڭ، ءبارىبىر، ورگە باسپايتىندىعىنا، وسەك - اياڭنىڭ شىندىق الدىندا، ءسوزسىز، قۇرىپ - جوعالاتىندىعىنا كامىل سەنەمىز.

جاۋاپتى رەداكتور : نۇربولات قابىل

ەسكەرتۋ:

تورابىمىزداعى مازمۇنداردى پايدالانۋعا تۋرا كەلگەندە، ءسوزسىز جازباشا رۇقساتقا يە بولۋ كەرەك. مازمۇنداردى رۇقساتسىز جالعاپ تاراتۋعا، كەسىپ رەداكسيالاۋعا، وزگەرتۋگە، قىسقارتىپ قۇراستىرۋعا، باسقا ورىنعا كوشىرۋگە نەمەسە باسقا تاسىلدەرمەن كوبەيتۋگە ءارى تاراتۋعا بولمايدى، قايشى كەلگەندەردىڭ زاڭدىق جاۋاپكەرشىلىگى زاڭ بويىنشا قۋزاستىرىلادى.