تيانشان تورى
تيانشان تورى   ›   جاڭالىقتار   ›   شينجياڭ حابارلارى

اۆتونوميالى رايون شيەچىڭ توبىمەن اڭگىمە وتكىزدى ءارى ستراتەگيالىق سەلبەستىك كەلىسىمىن جاساستى

  انار بۇلت / شينجياڭ گازەتىنىڭ ءتىلشىسى شى شين 4 - ايدىڭ 6 - كۇنى ۇرىمجىدەن حابارلايدى. 4 - ايدىڭ 6 - كۇنى اۆتونوميالى رايوندىق حالىق ۇكىمەتى شيەچىڭ توبىمەن اڭگىمە وتكىزىپ، اۋىس - كۇيىس جاسادى. اڭگىمە ماجىلىسىنەن كەيىن اۆتونوميالى رايوندىق مادەنيەت جانە ساياحات مەڭگەرمەسى، شينجياڭ جەمىس شارۋاشىلىعى توبى شەكتى سەرىكتەستىگى شيەچىڭ توبىمەن ستراتەگيالىق سەلبەستىك كەلىسىمىن جاساستى، ەكى جاق ينتەرنەت جەلىسىندە ساياحاتتىق تۇتىنۋ مەرەكەسىن ورىستەتۋ، بۇكىل مەملەكەتتىڭ ”جىبەك جولى مادەنيەت، ساياحات جاڭالىق اشۋ ورتالىعىن“ بىرگە قۇرۋ، ەرەكشە اۋىل - قىستاق ساياحاتى، حالىقتىق تۇسەلحانالاردىڭ ساپاسىن كوتەرىپ، دارەجەسىن ءوسىرۋ، زەردەلى ساياحات قۇرىلىسى سياقتى 6 جاقتان سەلبەستىك ورىستەتىپ، ”شينجياڭ جاقسى جەر“ مادەنيەت، ساياحات ماركاسىنىڭ داڭقىن ونان ارى اسقاقتاتادى.

  اۆتونوميالى رايوندىق پارتكومنىڭ تۇراقتى مۇشەسى، اۆتونوميالى رايوننىڭ ورىنباسار ءتوراعاسى ەركىن تۇنياز، شيەچىڭ توبى القالار مەكەمەسىنىڭ ءتوراعاسى لياڭ جيانجاڭ قاتارلىلار اڭگىمە ماجىلىسكە قاتىناستى ءارى كەلىسىمگە قول قويۋعا كۋا بولدى.

  ەركىن تۇنياز كەلىسىمگە قول قويۋ سالتىندا بىلاي دەپ اتاپ كورسەتتى: شيەچىڭ توبى دۇنيە ءجۇزىنىڭ الدىڭعى لەگىندەگى، ازياداعى ەڭ ۇلكەن ساياحات توبى رەتىندە، وزىق زەرتتەپ اشۋ، جاڭالىق اشۋ قابىلەتىنە، كۇشتى ساياحات ونىمدەرىن ساۋدالاۋ جەلىسىنە جانە كەڭ تاراتۋ، ۇگىتتەۋ ارناسىنا يە. شينجياڭ وتانىمىزدىڭ قۇتتى جەرى، بايلىق قاينارى توتەنشە مول، باسىمدىعى توتەنشە كورنەكتى، اسىرەسە، ساياحات بايلىعى ەرەكشە، دامۋ كومەسكى كۇشى ەرەسەن زور. وسى رەتكى سەلبەستىك ارقىلى شيەچىڭ توبىنىڭ شينجياڭمەن جان - جاقتى سەلبەستىكتى تەرەڭدەتىپ، شينجياڭدى ساياحات ارقىلى گۇلدەندىرۋ ستراتەگياسىن اتقارۋدى ىلگەرىلەتۋدى ارقاۋ ەتە وتىرىپ، قۋاتتىلار بىرلەسىپ، قول ۇستاسا ىلگەرىلەپ، شينجياڭدى ەرتەرەك ساياحات ەكونوميكاسى مىعىم رايون جانە دۇنيە جۇزىندەگى ماڭىزدى ساياحاتتاعى كوزەۋلى ءوڭىر ەتىپ قۇرىپ شىعۋدى ءۇمىت ەتەمىز.

  لياڭ جيانجاڭ مىنانى ءبىلدىردى: شيەچىڭ توبى ءوز ابزالدىلىعىن تولىق ساۋلەلەندىرىپ، شينجياڭنىڭ مول جاراتىلىستىق مادەنيەت، ساياحات بايلىعىن ىشكەرىلەي كادەگە جاراتىپ، شينجياڭدى ەل ىشىندەگى ۇزىن جەلى ساياحاتىنداعى ماڭداي الدى كوزەۋلى ءوڭىر ەتىپ قۇرىپ شىعۋعا قۇلشىنىپ، شينجياڭنىڭ جوعارى ساپالى دامۋىن جەبەۋگە بەلسەندى ۇلەس قوسادى.

جاۋاپتى رەداكتور : نۇربولات قابىل

ەسكەرتۋ:

تورابىمىزداعى مازمۇنداردى پايدالانۋعا تۋرا كەلگەندە، ءسوزسىز جازباشا رۇقساتقا يە بولۋ كەرەك. مازمۇنداردى رۇقساتسىز جالعاپ تاراتۋعا، كەسىپ رەداكسيالاۋعا، وزگەرتۋگە، قىسقارتىپ قۇراستىرۋعا، باسقا ورىنعا كوشىرۋگە نەمەسە باسقا تاسىلدەرمەن كوبەيتۋگە ءارى تاراتۋعا بولمايدى، قايشى كەلگەندەردىڭ زاڭدىق جاۋاپكەرشىلىگى زاڭ بويىنشا قۋزاستىرىلادى.