تيانشان تورى   ›   جاڭالىقتار   ›   شينجياڭ حابارلارى

رايونىمىز جاسىل ازىق - تۇلىكتەردىڭ، اۋىل شارۋاشىلىق ونىمدەرىنىڭ جاعراپيالىق بەلگىسىن، ولشەمدەنگەن بازالاردى سيلاۋ - باسقارۋ ءادىسىن شىعاردى

ەڭ جوعارى بولعاندا 100 مىڭ يۋان سيلىق بەرىلەدى

  انار بۇلت / شينجياڭ گازەتىنىڭ ءتىلشىسى جاۋ مين 4 - ايدىڭ 6 - كۇنى ۇرىمجىدەن حابارلايدى. تاياۋدا «اۆتونوميالى رايوندىق اۋىل شارۋاشىلىق، اۋىل - قىستاق مەڭگەرمەسى جاسىل ازىق - تۇلىكتەردى، اۋىل شارۋاشىلىق ونىمدەرىنىڭ جاعراپيالىق بەلگىسىن، ولشەمدەنگەن بازالاردى سيلاۋ - باسقارۋ ءادىسىن (سىناق رەتىندە اتقارىلادى)» باسىپ تاراتىپ، كۋالاندىرىلعان جاسىل ازىق - تۇلىكتەرگە، اۋىل شارۋاشىلىق ونىمدەرىنىڭ جاعراپيالىق بەلگىسىنە، ولشەمدەنگەن بازالارعا ءبىر رەتتە ەڭ جوعارى بولعاندا 100 مىڭ يۋان سيلىق بەرەتىن بولدى.

  ۇعىسۋعا قاراعاندا، بۇل «ءادىستى» شىعارۋداعى ماقسات اۋىل شارۋاشىلىعىنىڭ جاسىل، جوعارى ساپالى دامۋ بەتالىسىن كۇشەيتىپ، اۋىل شارۋاشىلىعىنىڭ قامداۋ جاعىنداعى قۇرىلىمدىق رەفورماسىن جانە اۋىل - قىستاق كاسىپ سالاسىنىڭ گۇلدەنۋىن جەبەپ، ساپالى تۇقىم جەتىلدىرۋدى، ساپانى جوعارىلاتۋدى، ايگىلى ماركا جاراتۋدى جانە ولشەمدەنگەن ءوندىرىستى ىلگەرىلەتۋ ەكەن.

  «ادىستە» مىنالار بەلگىلەندى: سيلىققا ءوتىنىش بەرگەن جاسىل ازىق - تۇلىك نەگىزگى تۇلعالارى، ءسوز جوق، ءبىرشاما كۇشتى ۇلگى كورسەتۋ، جەتەكتەۋ قابىلەتىن ازىرلەۋ، جاسىل ازىق - تۇلىككە پايدالانعان بەلگىسى ولشەمدى بولۋ، ينتەرنەت جەلىسى، ينتەرنەت جەلىسىنەن تىس ۇلگىمەن ماركانى ۇگىتتەۋ، تانىستىرۋ، جاسىل ازىق - تۇلىكتەردىڭ ءتارتىپتى جانە ولشەمدەنگەن ءوندىرىسىن جالپىلاستىرۋ شارت. اۋىل شارۋاشىلىعىنىڭ ساپاسىن ءوسىرىپ، ونىمدىلىگىن ارتتىرۋعا، شارۋالاردىڭ كىرىسىن ارتتىرۋعا، كەدەيلىكتەن ارىلتۋدان قامال الۋ جەتىستىگىن بەكەمدەۋى كورنەكتى شاعىن، ۇساق كاسىپورىندارعا، سەلبەستىك كووپەراتيۆتەرگە دەم بەرۋدى الدىمەن ويلاسۋ كەرەك.

  سيلىققا ءوتىنىش ەتىلگەن اۋىل شارۋاشىلىق ونىمدەرىنىڭ جاعراپيالىق بەلگىسىندە كۋالىگى بارلار، ءسوز جوق، ولشەم بويىنشا ءوندىرىستى باقىلاۋ - جەتەكشىلىك ەتۋ ءتۇزىمىن ورناتۋ، ونىمدەردى ءوندىرۋ - باسقارۋى ولشەمدى، ءونىمدى بولۋ، باقىلاۋ، جەتەكشىلىك ەتۋ، قىزمەت وتەۋ شاراسى تياناقتانۋ، بەلگىدەن پايدالانۋعا ۇقىق بەرىلگەن بىردەن جوعارى كاسىپورىن بولۋ ءارى بەلگىدەن ولشەمدى پايدالانۋ، ونىمدەردىڭ شارۋاشىلىق - ساۋدا قۋاتى كۇشتى، جالپى ءوندىرىلۋ بارىسىن تەكتەي الاتىن بولۋ كەرەك. ايگىلى ماركانىڭ ىقپالى ءبىرشاما زور بولىپ، ينتەرنەت جەلىسىندە، ينتەرنەت جەلىسىنەن تىس ۇگىتتەۋدە، تانىستىرۋدا ءبىرشاما جاقسى ونىمدىلىككە قول جەتكىزگەندەرىن، كاسىپ سالاسى تىزبەگى كەمەلدى بولعاندارىن، شارۋا وتباسىلارىن جەتەكتەپ كىرىستى ارتتىرۋى كورنەكتى بولعاندارىن الدىمەن ويلاسۋ كەرەك.

  سيلىققا ءوتىنىش ەتىلگەن بۇكىل ەلدىڭ جاسىل ازىق - تۇلىكتەر شيكىزاتىن ولشەمدەندىرىپ ءوندىرۋ بازاسىنا ءوتىنىش بەرگەن نەگىزگى تۇلعالار، ءسوز جوق، بازانى ۇيىمداستىرۋ، باسقارۋ جۇيەسىن، ءوندىرىستى باسقارۋ جۇيەسىن، اۋىل شارۋاشىلىق ۇسىنىلىم ونىمدەرىن باسقارۋ، تەحنيكالىق قىزمەت وتەۋ جۇيەسىن، نەگىزگى قۇرىلعى جۇيەسىن، باقىلاۋ - باسقارۋ جۇيەسىن، كاسىپ سالالانعان تيجارات جۇرگىزۋ جۇيەسىن جوعارى ساپامەن جۇرگىزۋ، ارحيۆ ماتەريالدارى تولىق، ەگجەي - تەگجەيلى، ناقتى بولۋ كەرەك. اۋدان كولەمىندەگى جەتەكشى كاسىپ سالاسى بازاسىن تەكسەرىپ وتكىزىپ الۋ، جالعاستى جولداپ ۇشتاستىرۋ مولشەرى جەكە - جەكە %15، %50تىك تالاپقا جەتكەندەرىن الدىمەن ويلاسۋ كەرەك.

  «ادىسكە» ساي، جاسىل ازىق - تۇلىكتەردىڭ اربىرىنە 5000 - 8000 يۋان سيلىق بەرىلەدى، جاعراپيالىق بەلگىسى بار اۋىل شارۋاشىلىق ونىمدەرىنىڭ اربىرىنە 10 مىڭ دا 15 مىڭ يۋان سيلىق بەرىلەدى، بۇكىل ەلدىڭ جاسىل ازىق - تۇلىكتەر شيكىزاتىن ولشەمدەندىرىپ ءوندىرۋ بازاسىنىڭ اربىرىنە 80 مىڭ دا 100 مىڭ يۋان سيلىق بەرىلەدى.

  سونىمەن بىرگە سيلىقتان يگىلىكتەنگەن نەگىزگى تۇلعالار وندىرگەن جاسىل ازىق - تۇلىكتەر، جاعراپيالىق بەلگىسى بار اۋىل شارۋاشىلىق ونىمدەر، ءسوز جوق، مەملەكەتتىك اۋىل شارۋاشىلىق ونىمدەرى ساپا حاۋىپسىزدىگىن تەكتەۋ ينفورماتسياسىن باسقارۋ تۇعىرىندا تىزىمگە تىركەلۋ، ونىمدەرگە تولىمدىلىق كۋالىگى جاپسىرىلىپ (ەكى ولشەمدى كودتى تەكتەۋ) بازارعا شىعارىلۋ، اۋىل شارۋاشىلىق ىستەرى قيمىلىن ەستەلىككە الىپ سۇراستىرۋعا بولاتىن بولۋ، ونىمدەردىڭ ساپاسىن جالپى بارىستا تەكتەۋگە بولاتىن بولۋ كەرەك.

  ەگەر سيلىققا يە بولعان نەگىزگى تۇلعالار ونىمدەردىڭ زاڭنىڭ اتقارىلۋىن تەكسەرۋ، اۋىل شارۋاشىلىق ونىمدەرىنىڭ ساپا حاۋىپسىزدىگىن داعدىلى باقىلاۋ - ولشەۋ، اۋىل شارۋاشىلىق ونىمدەرىنىڭ ساپا حاۋىپسىزدىگىن باقىلاۋ، ۇلگى الىپ تەكسەرۋ بارىسىندا ساپا حاۋىپسىزدىگى ماسەلەسى نەمەسە ساپا حاۋىپسىزدىگىنە ىقپال كورسەتەتىن ءوندىرىس ارەكەتى بايقالسا جانە باسقا دا سەبەپتەرمەن كۋالىگى كۇشىنەن قالدىرىلسا، جەرگىلىكتى ورىنداعى اۋىل شارۋاشىلىق، اۋىل - قىستاق نەگىزگى باسقارۋ تاراۋلارى ءوتىنىش بەرگەن نەگىزگى تۇلعادان بارلىق سيلىق قاراجاتتى قايتارىپ الۋعا جاۋاپتى بولادى ءارى زارداپتىڭ اۋىر - جەڭىلدىگىنە قاراي حابارلاندىرۋ شىعارىپ سىن ايتۋ، ت. ب ءبىر جاقتى ەتۋ شارالارىن قولدانادى.

جاۋاپتى رەداكتور : نۇربولات قابىل

ەسكەرتۋ:

تورابىمىزداعى مازمۇنداردىڭ مەنشىك ۇقىعى شينجياڭ ۇيعۇر اۆتونوميالى رايوندىق حالىق ۇكىمەتى اقپارات كەڭسەسىنە ءتان، جاريالانعان مازمۇنداردى سىلتەمەسىز كوشىرۋگە بولمايدى. كوشىرىپ پايدالانۋعا تۋرا كەلگەندە، «تيانشان تورى » الىنعانى انىق ەسكەرتىلۋى ءتيىس، بولماسا زاڭدىق جاۋاپكەرلىگى قۋزاستىرىلادى.