تيانشان تورى
تيانشان تورى   ›   جاڭالىقتار   ›   شينجياڭ حابارلارى

5 ميلليارد 600 ميلليون يۋان قارىز اقشا ءتۇسىرىپ، كوكتەمگى ماقتا ەگىسى دايىندىعىنا قولداۋ كورسەتتى

اۋىل شارۋاشىلىعىن وركەندەتۋ بانكەسى شينجياڭ بولىمشە بانكەسى

5 ميلليارد 600 ميلليون يۋان قارىز اقشا ءتۇسىرىپ، كوكتەمگى ماقتا ەگىسى دايىندىعىنا قولداۋ كورسەتتى

  انار بۇلت / شينجياڭ گازەتىنىڭ ءتىلشىسى ۋاڭ يۇڭفي 4 - ايدىڭ 6 - كۇنى ۇرىمجىدەن حابارلايدى. ءتىلشىنىڭ اۋىل شارۋاشىلىعىن وركەندەتۋ بانكەسى شينجياڭ بولىمشە بانكەسىنەن ۇعىسۋىنشا، كوكتەمگى ەگىس ساتىندە اۋىل شارۋاشىلىعىن وركەندەتۋ بانكەسى شينجياڭ بولىمشە بانكەسى ەگىس ۋاقىتىن مىقتى يگەرىپ، 4 - ايدىڭ 4 - كۇنىنە دەيىن كوكتەمگى ماقتا ەگىسى دايىندىعى ءۇشىن 5 ميلليارد 600 ميلليون يۋان قارىز اقشا تۇسىرگەن.

  اۋىل شارۋاشىلىعىن وركەندەتۋ بانكەسى شينجياڭ بولىمشە بانكەسى بيىل جىل باسىنان باستاپ بۇكىل شينجياڭداعى جاڭادان ماقتا ەگىلەتىن جەر اۋدانى، كوكتەمگى ەگىس دايىندىعى قارجىسى قاجەتى سياقتىلاردى جان - جاقتى ۇعىسىپ، كاسىپورىننىڭ جاعدايىمەن ساناسا وتىرىپ، قارجى قۇراۋ جوباسىن ساپالىلاندىرىپ، 7 ميلليارد 200 ميلليون يۋان امانات - قارىز قارجىسىن الدىن الا دايىنداپ، كوكتەمگى ماقتا ەگىسى دايىندىعى قاجەتىن قامتاماسىز ەتتى.

  5 ميلليارد 600 ميلليون يۋان امانات - قارىز قارجىسىنىڭ ءتۇسۋى ءبىر جاعىنان، حيميالىق تىڭايتقىش، ەگىس دارىلەرى سىندى ماڭىزدى اۋىل شارۋاشىلىق ماتەريالدارىن زاپاس ساقتاۋ، ساتىپ الۋ - ساتىپ بەرۋ، اۋىل شارۋاشىلىق ماتەريالدارى ءوندىرىسىن ورنىقتىرىپ، قامداۋدى قامتاماسىز ەتۋدى جەبەسە؛ ەندى ءبىر جاعىنان، ماقتا اتىزىنىڭ جالپى ءوندىرىس قۋاتىن جوعارىلاتۋدى قولداپ، جەردى كولەمدەندىرىپ تيجارات ەتۋ، جوعارى ولشەمدى ەگىنجاي قۇرىلىسى، اۋىل شارۋاشىلىعى عىلىم - تەحنيكاسى سياقتى امانات - قارىز ونىمدەرىنەن جان - جاقتى پايدالانىپ، ماقتا وندىرىسىندە ”سانعا“ بوي ۇرۋدان ”ساپاعا“ ۇمتىلۋعا قاراي جەدەل بۇرىلىس جاساۋدى ىلگەرىلەتەدى.

  اۋىل شارۋاشىلىعىن وركەندەتۋ بانكەسى شينجياڭ بولىمشە بانكەسى قارىز اقشا ءبىتىرۋ تەبىنىن جەدەلدەتىپ، ءبىر پۋنكتتىك قىزمەت وتەۋمەن قامداپ، قارىز اقشا ءبىتىرۋ تارتىپتەرىن ىقشامداپ، كوكتەمگى ەگىس دايىندىعى قارجىسىن تەكسەرۋ، باقىلاۋ، بەكىتۋ، تاراتۋ سىندى ءارقايسى بۋىنداردىڭ قىزمەت ونىمدىلىگىن شىنايى جوعارىلاتتى؛ اقىنى ازايتىپ، پايدا بەرۋ ساياساتىن بەلسەنە تياناقتاندىرىپ، اۋىل شارۋاشىلىعىن قولداۋ، ۇساق كاسىپورىنداردى قولداۋ تەبىنىن ارتتىرىپ، قيىنشىلىعى بار شاعىن، ۇساق كاسىپورىنداردىڭ قارىز الۋىن كەلسە - كەلمەس قىسقارتىپ تاستاماي، ءۇزىپ تاستاماي، قارجى قۇراۋ، اقىل قوسۋ قىزمەت وتەۋىن ازىرلەپ، كاسىپورىنداردىڭ اۋىرتپالىعىن شىنايى جەڭىلدەتتى.

جاۋاپتى رەداكتور : نۇربولات قابىل

ەسكەرتۋ:

تورابىمىزداعى مازمۇنداردى پايدالانۋعا تۋرا كەلگەندە، ءسوزسىز جازباشا رۇقساتقا يە بولۋ كەرەك. مازمۇنداردى رۇقساتسىز جالعاپ تاراتۋعا، كەسىپ رەداكسيالاۋعا، وزگەرتۋگە، قىسقارتىپ قۇراستىرۋعا، باسقا ورىنعا كوشىرۋگە نەمەسە باسقا تاسىلدەرمەن كوبەيتۋگە ءارى تاراتۋعا بولمايدى، قايشى كەلگەندەردىڭ زاڭدىق جاۋاپكەرشىلىگى زاڭ بويىنشا قۋزاستىرىلادى.