حالىق گازەتىنىڭ 4 - ايدىڭ 7 - كۇنى بەيجيڭنەن بەرگەن حابارى، اۋىل شارۋاشىلىعى، اۋىل - قىستاق مينيستىرلىگى بۇكىل مەملەكەتتىك اۋىل - قىستاق دارەتحانا توڭكەرىسىنە قاتىستى ماسەلەلەردى اداقتاۋ، رەتتەۋ، وڭاۋ قىزمەتى بەينەەكران ءماجىلىسىن اشتى. ءتىلشىنىڭ ماجىلىستەن ۇعىسۋىنشا: 2018 - جىلعى «اۋىل - قىستاق تۇرعىن ءۇي ورتاسىن وڭاۋدىڭ 3 جىلدىق ارەكەت جوباسىن» اتقارعاننان بەرى قاراي، اۋىل قىستاق دارەتحانا توڭكەرىسىنىڭ اياق الىسى ايتا قالسىن جاقسى بولعان. 2020 - جىلدىڭ سوڭىنا دەيىن، بۇكىل ەل بويىنشا اۋىل - قىستاق دارەتحانالارىنىڭ جالپىلاسۋ مولشەرى %68تەن جوعارى بولىپ، جىلىنا %5تەن ارتىپ وتىرعان، اۋىل - قىستاقتاعى 40 ميلليوننان استام وتباسىنىڭ دارەتحاناسى جاڭالاندى.
اۋىل - قىستاق دارەتحاناسىن جاڭالاۋدى ءسوزسىز شىنايى، ويداعىداي ىستەۋ كەرەك. ماجىلىستە بىلاي دەپ اتاپ كورسەتىلدى: كەزەكتە، كەيبىر جەرلەردە كوزسىزدىكپەن كورسەتكىش بەلگىلەۋ، مىندەت ءتۇسىرۋ، دارەتحانانى وزگەرتۋدىڭ تەحنيكالىق ۇلگىسى جەرگىلىكتى ورىننىڭ ناقتى جاعدايىنا ۇيلەسپەيتىن، قۇرىلىستىڭ ساپاسى ناشار بولۋ، سوڭعى مەزگىلدەگى باسقارىپ، قورعاۋى جەتەرسىز بولۋ سياقتى كورنەكتى ماسەلەلەر ءالى دە ساقتالۋدا، وسىنداي ىستەرگە باتىل قارسى تۇرۋ، تۇزەتۋ ارقىلى جونگە سالىپ، اۋىل - قىستاق دارەتحاناسىن جاڭالاۋدىڭ ساپاسىن شىن مانىندە جوعارىلاتۋ ءتيىس.