حالىق تورىنىڭ 4 - ايدىڭ 7 - كۇنى بەيجيڭنەن بەرگەن حابارى. (ءتىلشى ليۋ جيا) ءتىلشىمىزدىڭ مادەنيەت جانە ساياحات مينيسترلىگىنەن ۇعىسۋىنشا، 2021 - جىلعى ”مادەنيەت جانە جاراتىلىستىق مۇرا كۇنى“ 6-ايدىڭ 12-كۇنى بولىپ بەكىتىلگەن، حالىق جۇرتشىلىعىنىڭ بەيزاتتىق مادەني مۇرالاردى (بەيزاتتىق مۇرا دەپ قىسقارتىلىپ الىندى) قورعاۋ تانىمىن ءتىپتى دە جوعارىلاتۋ، جۇڭحۋانىڭ تاماشا ءداستۇرلى مادەنيەتىنە مۇراگەرلىك ەتۋ جانە ونى كوركەيتۋ، بەيزاتتىق مۇرالاردى قورعاۋدىڭ تاماشا قوعامدىق جاعدايىن قالىپتاستىرۋ ماقساتىمەن مادەنيەت جانە ساياحات مينيسترلىگى 2021 - جىلعى ”مادەنيەت پەن جاراتىلىستىق مۇرا كۇنى“ ىلگەرىندى - كەيىندى بەيزاتتىق مۇرالاردى ۇگىتتەۋ كورمەگە قويۋ قيمىلدارىن ورىستەتۋدى بەلگىلەگەن.
مادەنيەت جانە ساياحات مينيسترلىگى مىنالاردى تالاپ ەتتى: ءارقايسى ولكە (رايون، قالا) بۇكىل ولكە كولەمىندە بەيزاتتىق مۇرالاردى ۇگىتتەۋ كورمەگە قويۋ قيمىلىن ورىستەتىپ، جۋىق جىلداردان بەرگى بەيزاتتىق مۇرالاردى قورعاۋ جانە وعان مۇراگەرلىك ەتۋدىڭ تاماشا ناتيجەسى مەن ۇلگىلى امالياتتىق مىسالدارىن ۇگىتتەپ، قورعاۋ تاجىريبەلەرى مەن قورعاۋ شارالارى جونىندە پىكىر اۋىستىرىپ، بەيزاتتىق مۇرالاردى قورعاۋ جانە ىلگەرىلەتۋ جەتىستىكتەرىنەن تەڭ يگىلىكتەنۋى ءتيىس. حالىق جۇرتشىلىعى قۋانا تىڭداپ، كوڭىلدەنە كورەتىن، قاتىناسۋعا قولايلى بولعان بەيزاتتىق مۇرالاردى ۇگىتتەۋ كورمە قيمىلىن جوسپارلاپ، ورىستەتىپ، حالىق جۇرتشىلىعىنىڭ رۋحاني مادەنيەت تۇرمىسىن اناعۇرلىم دامىتۋى، بۇكىل قوعامنىڭ بەيزاتتىق مۇرالارعا مۇراگەرلىك ەتۋ، وزدىگىنەن قورعاۋ تانىمىن جوعارىلاتۋى ءتيىس.