پومپەو، جىڭ گو - ىن، ءسوز جوق، تاريحتىڭ ادىلەتتى تەرگەۋىنە جانە ەسەپ الۋىنا تارتىلادى

□ بايىنعولين موڭعۇل اۆتونوميالى وبلىستىق پارتكوم ۇگىت ءبولىمىنىڭ ورىنباسار باستىعى ابىليميت ۇسەن

　　پومپەو، جىڭ گو - ىن، سەندەردىڭ ساندىراق قىلىقتارىڭ جونىندە مەن ءوزىم بىلەتىن شىندىق پەن ساندى مالىمەتتەر ارقىلى سەندەرمەن سويلەسۋگە مىندەتتىمىن دەپ بىلەمىن.

　　مەن شينجياڭدا تۋدىم، شينجياڭدا ءومىر ءسۇرىپ كەلەمىن، ءار ۇلت باۋىرلاستارىممەن بىرگە وقىپ، تۇرمىس كەشىرىپ، قىزمەت ىستەيمىن، ءبىزدىڭ ارامىز قىل وتپەستەي تاتۋ، ءبىز ءبىر - بىرىمىزگە كومەكتەسىپ، جاردەمدەسىپ وتىرامىز، ءبىزدىڭ تۇرمىسىمىز وتە باقىتتى.

　　جۇڭحۋانىڭ تاڭداۋلى ءداستۇرلى مادەنيەتىن اسقاقتاتۋ ءۇشىن، بىلتىر ءبىز ىلگەرى - كەيىن تاقىرىپتىق ادەبيەت - كوركەمونەر شاعىن توبىنىڭ نەگىزگى ساتىنى ارالاپ ويىن قويۋى سياقتى قيمىلداردان 1100 رەتتەن استام ۇيىمداستىرىپ، وتكىزىپ، بۇقارادان 100 مىڭ ادام - رەتتەن استامعا تيىمدىلىك جاسادىق؛ كورلا قالاسىمەن بىرلەسىپ جالپى حالىقتىڭ كىتاپ وقۋىنان ۇلگى كورسەتۋ 4 بازاسىنا ات بەرىپ، جالپى حالىقتىڭ كىتاپ وقۋ قيمىلىنان 130 رەتتەن استام وتكىزدىك، وعان قاتىناسقان بۇقارانىڭ جالپى سانى 14 مىڭ ادام - رەتتەن استى؛ اۋىل - قىستاقتا الەۋمەتتىك يگىلىك ماقساتىندا 24 مىڭ رەتتەن استام كينو قويىپ، ونى كورگەندەر سانى 3 ميلليون ادام - رەتتەن استى. ءبىز تاعى 412 قىستاقتا مادەنيەتتەن كەشەندى قىزمەت كورسەتۋ پۋنكتىن، 180 الەۋمەتتىك اۋماقتا كەشەندى مادەنيەت ورتالىعىن قۇردىق. ءبىر جىلدا بايىنعولين وبلىسىنىڭ قازىنا نىسان - قارجىلارىنىڭ مادەنيەت كاسىپ سالاسىنا بەرگەن سۇيەمەلدەۋ جانە جاردەماقى قارجىسى 41 ميلليون 140 مىڭ يۋانعا جەتتى.

　　مۇنان سىرت، ءبىز مادەني ەسكەرتكىشتەردى قورعاۋ ينجەنەرياسى قۇرىلىسىن بەلسەنە ىلگەرىلەتىپ، باتىس ءوڭىر باسقاقتىعىنىڭ ەسكى جۇرت شوعىرىنا ارحەولوگيالىق تەكسەرۋ جۇرگىزۋ جۇمىسىندا ماڭىزدى ىلگەرىلەۋشىلىككە قول جەتكىزدىك، مانسۇكجاپ بەكتەر سارايىن جوندەۋ ينجەنەرياسىنىڭ جۇمىسى اياقتادى، ۇزگەن، بوعداچين بايىرعى قالاسىن قورعاۋ ينجەنەرياسىنىڭ قۇرىلىسى بيىلعى جىل ىشىندە اياقتايدى، چا - ۋحۋ ەجەلگى قابىرلار شوعىرىنىڭ حاۋىپسىزدىك ينجەنەرياسىنىڭ، يىڭپان بايىرعى قالاسى جانە ەجەلگى قابىرلارىنا قورعاۋ سيپاتىندا قۇرىلىس جۇرگىزۋ ينجەنەرياسىنىڭ قۇرىلىسى باستالىپ كەتتى.

　　شينجياڭ سىندى ۇلكەن وتباسىندا ءار ۇلت اعا - باۋىر، اپەكە - سىڭلىلەر اناردىڭ دانىندەي تىعىز ۇيىسقان، پومپەو، جىڭ گو - ىن تەكتەستەردىڭ ونى، ءجۇزى كەلسە دە ءبىزدى ايىرا المايدى.

　　پومپەو، جىڭ گو - ىن، سەندەر شىندىقپەن ساناسپاي، شينجياڭعا ساياتىن ماسەلەدە قىرۋار نەگىزسىز وسەك تاراتىپ، ۇلت قاتىناسىنا ىرتكى سالىپ، شينجياڭنىڭ ورنىقتىلىعىن ءبۇلدىرىپ، شينجياڭنىڭ دامۋىنا كەدەرگى بولىپ، حالىقارالىق قوعامدىق پىكىردى الجاستىرىپ، جۇڭگونىڭ وبرازىنا كۇيە جاعىپ، جۇڭگونىڭ العا باسقان قادامىنا ورالعى بولماق بولىپ جۇرسىڭدەر، بۇل تەك سەندەردىڭ ارسىز قۇلىقتارىڭ مەن ادامدىق ۇقىقتى جەلەۋ ەتىپ جۇڭگونىڭ ىشكى ىسىنە كيلىكپەك بولعان سۇرقيا نيەتتەرىڭدى دالەلدەي الادى.

　　ادىلەت كەشىگۋى مۇمكىن، ءبىراق سالتانات قۇرماي قويمايدى. پومپەو، جىڭ گو - ىن، ءسوز جوق، تاريحتىڭ ادىلەتتى تەرگەۋىنە جانە ەسەپ الۋىنا تارتىلادى.