تيانشان تورى   ›   جاڭالىقتار   ›   شينجياڭ حابارلارى

وسەك - اياڭ، ءسوز جوق، تويتارىسسىز - اق توزىپ جوعالادى

□ پوسكام اۋدانىنىڭ ماقتاشىسى روزى مامەت

  مەن پوسكام اۋدانى گۇلباق اۋىلى جوعارعى گۇلباق قىستاعىنىڭ ماقتاشىسىمىن، بيىل 35 جاستامىن. ماقتا ەككەن 5 جىلدان بەرى قالتام بارعان سايىن قامپايىپ، تۇرمىسىم بارعان سايىن شالقي ءتۇستى. تاياۋدا ينتەرنەتتەن شەتەلدىڭ ءىشىنارا ايگىلى ماركالارىنىڭ شينجياڭدا ايتىلمىس ”زورلىقپەن ەڭبەككە سالۋ“ ماسەلەسى ءومىر ءسۇرىپ وتىر دەگەندى جەلەۋ ەتىپ، شينجياڭ ماقتاسىن شەكتەگەنىن ءبىلدىم، بۇعان قاتاڭ قارسى تۇرامىن! ماقتا ەگۋگە قاتىستى حيكايالارىم ارقىلى ولاردىڭ بۇكىلدەي اۋزىنا كەلگەنىن كوكىگەندىگىن دالەلدەيمىن.

  2014 - جىلى اقسۋعا تۋىسشىلاي بارعانىمدا، ولاردىڭ ماقتا ەگۋدەن كوپ كىرىس تاباتىندىعىن كورىپ، ماقتا ەگۋ ويىنا كەلدىم. قايتىپ كەلگەننەن كەيىن، قىستاق تۇرعىندار كوميتەتىنە ماقتا ەگۋ تەحنيكاسىن ۇيرەتەتىن ورىنمەن بايلانىس جاساپ بەرۋدى ءوتىنىش ەتتىم. قىستاق تۇرعىندار كوميتەتىنىڭ كومەگىندە اقسۋعا ۇيرەنۋگە بارىپ، ۇيرەنۋدەن ورالعاننان كەيىن، قىستاقتا جەردى كوتەرمەگە الىپ ماقتا ەكتىم. تۇڭعىش رەت ەككەندىكتەن، تاجىريبەم جەتەرسىز بولىپ، ماقتانىڭ تۇبىنە قۇرت ءتۇسىپ، ەگىس ءدارىسىن شاشسام دا ءونىمى ايتارلىقتاي بولماي، ماقتا تۇسىمىنە ىقپالى تيۋدەن قورقىپ ەرەكشە ابىرجىدىم. قىستاق كادرلارى بۇل جاعدايدان حابارلى بولعاننان كەيىن، ماعان تەحنيكالىق جاقتان جەتەكشىلىك ىستەۋگە كاسىپتىك تەحنيكتەرمەن دەرەۋ بايلانىس جاسادى، مۇنىڭ ءونىمى توتەنشە كورنەكتى بولدى، بۇل تۇڭعىش رەت ەككەن ماقتامنىڭ ءونىم مولشەرىنىڭ وتە جوعارى بولۋىنا مۇمكىندىك اپەرىپ، مۇنان ەرەكشە شاتتاندىم. دەسە دە، ماقتانى كىمگە، قايدا ساتامىن؟ قىستاق تۇرعىندار كوميتەتى ماعان تاعى دا كومەكتەسىپ، ماقتا ساتىپ الاتىن ساۋداگەرمەن بايلانىس جاساپ بەردى. ماقتا ساتىلعاننان كەيىن، قالتامداعى قامپايعان اقشالاردى ۇستاعاندا، ىشتەي قاتتى قۋاندىم! وسىدان كەيىن كوتەرمەگە العان جەرىم بارعان سايىن مولايىپ، قازىردىڭ وزىندە 100 مۋعا جەتتى. ماقتا تەرەتىن مەزگىلدە، ءۇي ىشىمىزدەگىلەر جەتىسە الماعاندا، قىستاق تۇرعىندارىن كومەكتەسۋگە شاقىرىپ، اي سايىن ولارعا 3000 نەشە يۋان ەڭبەكاقى بەرەمىز، كوپشىلىك تە كەلۋگە پەيىل. ءبىز سياقتى ەڭبەكشىل قوس قولىنا سۇيەنىپ بايلىق جاراتىپ، تۇرمىسىمىزدى بارعان سايىن جاقسارتا تۇسكەنىمىز قالايشا ”زولىقپەن ەڭبەككە سالۋ“ بولماق؟

  قازىر ءبىزدىڭ شينجياڭداعى ءار ۇلت باۋىرلاستار توتەنشە باقىتتى تۇرمىس كەشىرىپ جاتىر. پارتيا ورتالىق كوميتەتىنىڭ پارمەندى باسشىلىعىندا، وتانىمىز ۇلى شاڭىراعىنىڭ مەيىرلى قۇشاعىندا شينجياڭنىڭ، ءسوز جوق، بارعان سايىن جاقسى بولا تۇسەتىندىگىنە سەنەمىن! امەريكاداعى، باتىس جاقتاعى جۇڭگوعا قارسى كۇشتەردىڭ وسەك - اياڭى، ءسوز جوق، تويتارىسسىز - اق توزىپ جوعالادى!

جاۋاپتى رەداكتور : سايراش تۇرارجان

ەسكەرتۋ:

تورابىمىزداعى مازمۇنداردىڭ مەنشىك ۇقىعى شينجياڭ ۇيعۇر اۆتونوميالى رايوندىق حالىق ۇكىمەتى اقپارات كەڭسەسىنە ءتان، جاريالانعان مازمۇنداردى سىلتەمەسىز كوشىرۋگە بولمايدى. كوشىرىپ پايدالانۋعا تۋرا كەلگەندە، «تيانشان تورى » الىنعانى انىق ەسكەرتىلۋى ءتيىس، بولماسا زاڭدىق جاۋاپكەرلىگى قۋزاستىرىلادى.