شينجياڭ لىبەي - ىر ساۋدا شەكتى سەرىكتەستىگى:
قىزمەتكەرلەردىڭ تۇرمىسى بارعان سايىن جاقساردى
جۋىقتا ءىشىنارا حالىقارالىق ايگىلى ماركالار مەن حالىقارالىق قۇرىلىمدار وسەك - اياڭ مەن جالعان ينفورماتسيالارعا نەگىزدەلىپ، ساۋدا قيمىلدارىندا شينجياڭ ماقتاسىن جانە ودان جاسالعان ونىمدەردى قاقپايلادى. شينجياڭنىڭ جەرگىلىكتى كاسىپورنى رەتىندە، سەرىكتەستىگىمىز بۇعان باتىل قارسى تۇرادى! شينجياڭدا ايتىلمىس ”زورلىقپەن ەڭبەككە سالۋ“ ماسەلەسى مۇلدە ءومىر سۇرگەن ەمەس.
2020 - جىلى 3 - ايدىڭ 20 - كۇنى سەرىكتەستىگىمىز 52 از ۇلت جاڭا قىزمەتكەرىن قىزمەتكە الدى. ەندى عانا پويەزدان تۇسكەن ولاردىڭ كوڭىلىندە وتباسىنان الىستاعانىنا ابىرجۋ دا، جاڭا ورتاعا دەگەن ۇمتىلىس تا، بولاشاققا دەگەن ارمان دا جاتىر ەدى. ءبىز جاڭا كەلگەن قىزمەتكەرلەردى جايلى جاتاقپەن قامداپ، شت جاڭا كورپە - جاستىق سياقتى تۇرمىستىق بۇيىمدار دايىندادىق. سەرىكتەستىك تاعى ارناۋلى ۇلكەن ساياحات اۆتوبۋزىن مايعا الىپ قىزمەتكەرلەردى جۇمىسقا اپارىپ - اكەلدى، ولاردى ءدامى ءتىل ۇيىرەتىن مۇسىلمانشا اس - سۋمەن قامدادى ءارى «جۇڭحۋا حالىق رەسپۋبليكاسىنىڭ ەڭبەك زاڭى» بويىنشا، قىزمەتكەرلەرمەن توقتامعا قول قويىسىپ، قوعامدىق قامسىزداندىرۋ اقىسىن تاپسىرىپ، ولاردى تاماشا قىزمەت، تۇرمىس شارت - جاعدايىمەن قامدادى.
2020 - جىلى كوكتەم مەرەكەسىندە ىندەت سەبەبىنەن، سەرىكتەستىكتەگى قىزمەتكەرلەر ءوز ەرىكتەرىمەن ۇرىمجىدە قالىپ كوكتەم مەرەكەسىن وتكىزدى. سەرىكتەستىك باي مازمۇندى قيمىل ۇيىمداستىرىپ، باس ديرەكتور جانە بارلىق ءوز ەرىكتەرىمەن سەرىكتەستىكتە قالىپ كوكتەم مەرەكەسىن وتكىزىپ جاتقان قىزمەتكەرلەر بىرگە ”باس قوسۋ تاماعىن“ ءىشىپ، تورسىلداق اتتى... ءاربىر قىزمەتكەر توتەنشە كوڭىلدى بولدى. ولاردىڭ بارلىعى وسى ارادا جاڭا جىلدى قارسى العانىمىزعا وتە باقىتتىمىز دەستى.
3 - ايدىڭ 20 - كۇنى، جاڭا قىزمەتكەرلەردىڭ سەرىكتەستىگىمىزگە كەلگەنىنە ءبىر جىل تولدى. وسى ءبىر جىلدا ولار وسىنداعى تۇرمىسقا ادەتتەنىپ قالدى، جايشىلىقتا قىزمەتكە شىعادى، اپتانىڭ سوڭىندا دوستارىمەن كەلىسىپ بازار جانە باقشا ارالايدى؛ ولار ىسىلعان جۇمىسشىعا اينالىپ، ايلىق كىرىسى العاش قىزمەتكە كەلگەندەگى 2000 يۋاننان ءوسىپ 3000 - 4000 يۋانعا جەتتى. ولار وتباسىنداعىلاردى ۇرىمجىگە كەلىپ قىزمەت ىستەۋگە شاقىرىپ الدى، كەيبىرەۋلەرى تاعى بالالارىن دا اكەلىپ الىپ، ءبىر ءۇيلى جان بىرگە تۇرۋدى ويلاستىرۋدا. ولاردىڭ ءبارى: قازىرگى تۇرمىسىمىز بارعان سايىن جاقسارىپ، ۇمىتكە تولدى، - دەيدى.
بۇل ارادا ولار ەمىن - ەركىن ءارى كوڭىلدى تۇرادى، ”زورلىقپەن ەڭبەككە سالۋ“ دەگەن جوق، تەك تەڭدىك جانە ءوز قالاۋى عانا بار. اناۋ ايتىلمىس شينجياڭ ”زورلىقپەن ەڭبەككە سالدى“ دەگەن ايىپتاۋلار بۇكىلدەي امەريكاداعى، باتىس جاقتاعى جۇڭگوعا قارسى كۇشتەردىڭ قۇراستىرعان جات نيەتتى وسەك - اياڭى، ونىڭ ماقساتى جۇڭگوعا كۇيە جاعىپ، شينجياڭنىڭ كوركەيۋىن، ورنىقتىلىعىن ءبۇلدىرۋ.
