تيانشان تورى
تيانشان تورى   ›   جاڭالىقتار   ›   وقۋ-اعارتۋ

شينجياڭ ماقتاسى جونىندە ءبىزدىڭ ايتارىمىز بار

شينجياڭ ينجەنەريا شۋەيۋانى وقۋشىلار ۇيىمى:

شينجياڭ ماقتاسى جونىندە ءبىزدىڭ ايتارىمىز بار

  جۋىقتا H&M سياقتى ءبىر ءبولىم ايگىلى ماركالار ايتىلمىس ”زورلىقپەن ەڭبەككە سالۋ“ ماسەلەسىن جەلەۋ ەتىپ، ”شينجياڭ ماقتاسىن پايدالانۋدى توقتاتامىز“ دەستى. مۇنداي حابارلار بارلىق جۇڭگولىقتاردىڭ قاراۋىنشا، ”بارىپ تۇرعان كۇلكىلى جاعداي“.

  شينجياڭداعى داشۋە وقۋشىسى رەتىندە، شينجياڭنىڭ ەڭ شىنايى بەينەسىن ءبىزدىڭ سىزدەرگە ايتىپ بەرگەنىمىز ءجون بولار. شينجياڭ −− جۇڭگونىڭ باتىس بولىگىندەگى جارقىراعان مەرۋەرت، بۇل ارادا مۇزدىقتار مەن ءشول دالا بىرگە جاراسىم تاۋىپ جاتادى، قۇمدى شولدەر مەن جاسىل القاپتار ىرگەلەس جاتادى، وتتى القاپ پەن قار سۋى ءبىر - بىرىنە سۇيەنىش بولادى، جايىلمدار مەن كولدەر جارىسا جاينايدى. شينجياڭنىڭ كورىنىسى عانا كوركەم ەمەس، ادامدارى ءتىپتى دە كوركەم، شينجياڭداعى ءار ۇلت باۋىرلاستار ىنتىماقتى، تاتۋ - ءتاتتى، ءبىر - بىرىنە كومەكتەسكىش، جاراسىمدى. مىسالى، ءبىزدىڭ مەكتەپ −− ۇيعۇر، قازاق، حانزۋ، حۇيزۋ، تاجىك، ورىس قاتارلى ون نەشە ۇقساماعان ۇلتتان قۇرالعان ۇلكەن وتباسى، جايشىلىقتا ءبىز ۇيرەنۋدە، تۇرمىستا، ويىن - ساۋىق كوڭىل اشۋدا، ەسەيىپ - ەرجەتۋدە بىرگە بولىپ، تەرەڭ دوستىق سۇيىسپەنشىلىك ورناتتىق.

  جۋىقتاعى بىرنەشە جىلدا ءبىز شينجياڭنىڭ تەز قارقىنمەن دامۋىنا كۋا بولىپ، مەكەنىمىزدەگى وراسان زور وزگەرىستى كوردىك. ءبىزدىڭ ماڭايىمىزدا كوپتەگەن ماقتاشىلاردىڭ پەرزەنتى بار، ولار دەمالىس كەزىندە ۇيلەرىنە قايتىپ، اكە - شەشەسىنىڭ ەڭبەگىنە كومەكتەسەدى. ولاردىڭ مەكەنىندە ماقتا ەگۋ، ماقتا تەرۋ جوعارى دەڭگەيدە ماشينالاسقان، قىستاق تۇرعىندار كوميتەتىنىڭ قولداۋىندا اۋىل شارۋاشىلىق ماشينالارىنا قىزمەت وتەۋ تۇعىرى قۇرىلىپ، بىرلەسىپ تۇقىم ءسىڭىرۋ، ماشينامەن ماقتا تەرۋ، ۇشقىشسىز اپپاراتپەن وسىمدىك باپتاۋ سياقتىلار جۇزەگە اسىپ، ماقتا تەرۋگە كوپ مولشەردە ماقتا تەرۋ جۇمىسشىلارىن شاقىرۋدىڭ مۇلدە قاجەتى قالمادى. ولاردىڭ بەينەلەۋىنشە، ماقتانىڭ بۇرشىكتەي باستاعانداعى بالاۋساسى، ءوسىپ - جەتىلۋ كەزىندەگى تەبىنى، گۇل اشىپ ۇلبىرەگەنى، قاۋاشاق اشقانداعى باسەڭدىگى، ەڭ سوڭىندا ماقتا تەرگەندەگى مول ءونىمى قۇددى ءبىزدىڭ شينجياڭ حالقىنىڭ كۇرەس جولىنا ۇقسايدى.

  پارتيا 18 - قۇرىلتايىنان بەرى، ءبىرسىپىرا جۇمىستاندىرۋ، حالىققا تيىمدىلىك جاساۋ ساياساتتارىنىڭ شينجياڭدا ىشكەرىلەي اتقارىلۋىنا ىلەسە، ”بارلىق وتباسىلاردىڭ كىرىس جولى بولۋ، بارلىق ادامنىڭ ىستەيتىن جۇمىسى بولۋ، اي سايىن كىرىسى بولۋ“ نەگىزىنەن جۇزەگە استى. شينجياڭداعى، اسىرەسە، وڭتۇستىك شينجياڭ وڭىرىندەگى ءار ۇلت بۇقاراسىنىڭ ءوندىرىس - تۇرمىسىندا، رۋحاني بەت - بەينەسىندە وراسان زور وزگەرىستەر تۋىلىپ، بۇقارانىڭ ”اقشا قاپشىعى“ بارعان سايىن قامپايىپ، تۇرمىسى بارعان سايىن شالقىپ، كوڭىل كۇيى بارعان سايىن جادىراپ، كۇلكىسى بارعان سايىن ادەمى بولا ءتۇستى. بيىل قىسقى دەمالىستان مەكتەپكە قايتقاننان كەيىن، وداق مۇشەسى جاستار وزدەرىنىڭ قىسقى دەمالىستاعى قوعامدىق اماليات كەشىرمەسى ارقىلى، اۋىلدارىنداعى وراسان زور وزگەرىستەرمەن ءبولىستى، ولار اۋىلدارىنىڭ وقۋ - اعارتۋ، ەمدەۋ، تۇرعىن ءۇي شارت - جاعدايىنىڭ بارىنشا جاقسارعاندىعىن جامىراي ايتتى، ءبىر ساباقتاسىمىزدىڭ اعاسى نان جابۋ ونەرىن ۇيرەنىپ، قىستاقتان ناۋبايحانا اشىپتى؛ جانە ءبىر ساباقتاسىمىزدىڭ اپەكەسى اجارلاندىرۋ، شاش اسەمدەۋ شەبەرلىگىن ۇيرەنىپ، اۋىلدان شاشتارازحانا اشىپتى؛ ەندى ءبىر ساباقتاسىمىزدىڭ اكەسى اۋىرىپ بالنيتساعا جاتىپ ەمدەلىپ، شيپاحانادان شىعىپ ەسەپ جاپقاندا، ەسەپ تىزىمىنە تەك ەكى ورىندى سان عانا جازىلىپتى؛ تاعى ءبىر ساباقتاسىمىزدىڭ قارىنداسى ۇكىمەت قۇرعان بالاباقشادا تەگىن تاربيە الىپ جاتىر ەكەن... ينتەرنەت داۋىرىندە، شينجياڭ حالقىنىڭ سۋرەتى بار، شىن بەينەسى بار تاماشا تۇرمىسى الدىندا، اناۋ ۇجدانسىزدىقپەن شينجياڭ ماقتاسىنا داق سالىپ، شينجياڭعا كۇيە جاققان امەريكاداعى، باتىس جاقتاعى جۇڭگوعا قارسى كۇشتەر، بەتتەرىڭ قىزارماي ما؟

  بۇل ارادا، ءبىز ءوزىمىزدىڭ باسىمىزدان كەشىرگەن كەشىرمەلەرىمىز ارقىلى كوپشىلىككە مىنانى ايتقىمىز كەلەدى: بۇكىل ەل حالقىنىڭ قالتقىسىز كومەكتەسۋىندە، شينجياڭداعى ءار ۇلت حالقى ەل بىرلىگىنەن بەرىك قامال تۇرعىزىپ، ىنتىماقتاسا ەكپىندەي ىلگەرىلەپ، ورنىقتىلىق، دامۋ، حالىق تۇرمىسى سياقتى جاقتاردا بۇرىن بولماعان تابىستارعا قول جەتكىزدى. ءبىز زور داۋىسپەن مىنانى ايتا الامىز: شينجياڭ جاقسى جەر! ءتىپتى دە كوپ دوستاردىڭ شينجياڭعا كەلىپ، كورىكتى شينجياڭدى كوزىمەن كورۋىن؛ شينجياڭ ينجەنەريا شۋەيۋانىنا كەلىپ، ءبىز ءار ۇلت وقىتۋشى - وقۋشىلارىنىڭ بىرگە تۇرمىس كەشىرىپ جاتقان كورىكتى مەكتەپ اۋلاسىن كوزىمەن كورۋىن ءۇمىت ەتەمىز.

جاۋاپتى رەداكتور : سايراش تۇرارجان قىزى

ەسكەرتۋ:

تورابىمىزداعى مازمۇنداردى پايدالانۋعا تۋرا كەلگەندە، ءسوزسىز جازباشا رۇقساتقا يە بولۋ كەرەك. مازمۇنداردى رۇقساتسىز جالعاپ تاراتۋعا، كەسىپ رەداكسيالاۋعا، وزگەرتۋگە، قىسقارتىپ قۇراستىرۋعا، باسقا ورىنعا كوشىرۋگە نەمەسە باسقا تاسىلدەرمەن كوبەيتۋگە ءارى تاراتۋعا بولمايدى، قايشى كەلگەندەردىڭ زاڭدىق جاۋاپكەرشىلىگى زاڭ بويىنشا قۋزاستىرىلادى.