شينجياڭ جەڭىل ونەركاسىپ كاسىپتىك تەحنيكا شۋەيۋانى:
شينجياڭنىڭ دامۋىنا ەشكىم دە بوگەت بولا المايدى
جۋىقتا ءبىر ءبولىم شەتەل كاسىپورىندارى شينجياڭ ماقتاسىن شەكتەپ، شينجياڭدا ايتىلمىس ”زورلىقپەن ەڭبەككە سالۋ“ ماسەلەسى ءومىر ءسۇرىپ وتىر دەپ سوقتىعىپ، جالا جاۋىپ، شينجياڭنىڭ اسا تاماشا جاعدايى مەن ءار ۇلت حالىق بۇقاراسىنىڭ باقىتتى تۇرمىسىنا ورشەلەنە كۇيە جاقتى. ولاردىڭ ماقساتى شينجياڭنىڭ ورنىقتىلىعىن ءبۇلدىرۋ، شينجياڭنىڭ دامۋىنا كەدەرگىلىك جاساۋ، نيەتى توتەنشە سۇرقيا. شينجياڭ جەڭىل ونەركاسىپ كاسىپتىك تەحنيكا شۋەيۋانىنداعى بارلىق وقىتۋشى - وقۋشى مۇنى قاتاڭ جازعىرادى جانە وعان باتىل قارسى تۇرادى!
شىندىققا جاناسپايتىن وسەك - اياڭعا قاراتا، ەكونوميكا جانە باسقارۋ بولىمشە شۋەيۋانىنداعى قىرعىز ساباقتاس تۇلىمتاي تۇردى ءوزىنىڭ كەشىرمەسى ارقىلى امەريكاداعى، باتىس جاقتاعى جۇڭگوعا قارسى كۇشتەردىڭ ويدان قيىستىرعان وسەك - اياڭى مەن ورىنسىز ايىپتاۋلارىنا تويتارىس بەردى. 2019 - جىلى 9 - ايدا، تۇلىمتاي تۇردى اقتاۋ اۋدانىنان شينجياڭ جەڭىل ونەركاسىپ كاسىپتىك تەحنيكا شۋەيۋانىنا ەمتيحان بەرىپ قابىلدانادى، مەكتەپكە كىرگەننەن كەيىن، ول وزىنە ۇنەمى شامالى نىسانا بەلگىلەپ، ءۇرتىس 2 جىل بويى شينجياڭ شابىتتاندىرۋ سيلىق اقشاسىن الادى. ول ءوزىنىڭ ءبىلىم الۋ ۇقىعىنىڭ تولىق قامتاماسىز ەتىلگەندىگىن تەرەڭ سەزىنەدى دە ۇيرەنگەن ءبىلىمى ارقىلى قوعامنىڭ، وتاننىڭ ءۇمىتىن اقتاۋعا بەل بايلايدى. شەكارا سىرتىنداعىلاردىڭ از ۇلتتاردى ”زورلىقپەن ەڭبەككە سالدى“ دەگەن وسەك - اياڭ تاراتقانىنا ول توتەنشە كەكتەنەدى، ول بىلاي دەدى: پارتيا مەن ۇكىمەت از ۇلتتاردىڭ دامۋىنا ايرىقشا كوڭىل بولۋدە، ءبىز ءوزىمىزدىڭ ۇيرەنۋدەگى، قىزمەتتەگى شىنايى حيكايالارىمىز ارقىلى شەكارا سىرتىنداعىلاردىڭ وسەك - اياڭىنا تويتارىس بەرۋىمىز كەرەك.
ماشينا تەحنيكاسى بولىمشە شۋەيۋانىنداعى ۇيعۇر ساباقتاس شىرىناي يمىن مارالباسى اۋدانىنان كەلگەن، ونىڭ اكە - شەشەسى ماقتا ەگىمشىلىگىنە سۇيەنىپ وتباسىنداعى 5 جاننىڭ تۇرمىسىن قامداپ كەلەدى، شەكارا سىرتىنداعىلاردىڭ قيسىنسىز ايىپتاۋلارىنا ونىڭ زىعىردانى قاينايدى. ول بىلاي دەدى: وتباسىم 22 مۋ جەرگە ماقتا ەگەدى، 10 جىلدىڭ الدىندا - اق ماشينالاسقان تۇقىم سەبۋدى، كولەمدەنگەن ەگىمشىلىكتى ىسكە اسىرعان. ماقتا ەگۋدەن تاپقان تابىس وتباسىمداعىلاردىڭ تۇرمىسىن قامتاماسىز ەتىپ قانا قويماي، مەنى مەن 2 ءسىڭلىمنىڭ دە ءبىلىم الۋعا جۇمسالاتىن شىعىسىمىزدى قامتاماسىز ەتتى. كەلەر جىلى وقۋ تاۋىسقان سوڭ ارناۋلى كۋرستان تولىق كۋرسقا جوعارىلاپ وقۋ ەمتيحانىنا قاتىناسىپ، اناعۇرلىم مول ءبىلىم ۇيرەنىپ، بارلىق وتباسىمداعىلارمەن بىرگە اناعۇرلىم تاماشا تۇرمىسقا قول جەتكىزبەكشىمىن. مەنىڭ نازارىمدا، ماقتا دۇنيەدەگى ەڭ ادەمى گۇل.
جاقىنعى 5 جىلدان بەرى مەكتەبىمىز توقىماشىلىق، كيىم - كەشەك كاسىپ سالاسىن دامىتۋ ارقىلى جۇمىستانۋعا باستاپ، توقىماشىلىق، كيىم - كەشەك بويىنشا جوعارى شەبەرلىككە يە دارىندىلاردان 675 ادامدى تاپسىرىس بەرۋ ءتاسىلى ارقىلى تاربيەلەپ، توقىماشىلىق، كيىم - كەشەك سالاسىنداعى كاسىپتىك تەحنيك پەن باسقارۋشىدان 556 ادامدى، شينجياڭ توقىماشىلىق، كيىم - كەشەك كاسىپ سالاسىندا شارۋاشىلىق قۇرۋ باسقارۋشى دارىندىلارىنان 350 ادامدى باۋلىپ، باۋىرلاس كاسىپتىك مەكتەپتەردەگى توقىماشىلىق، كيىم - كەشەك ماماندىعىنا تىرەكتى وقىتۋشىدان 200 نەشە ادامدى تاربيەلەپ بەردى. ءبىز جىل سايىن كاسىپتىك قابىلەتى جوعارى توقىماشىلىق، كيىم - كەشەك ماماندىعى وقىتۋشىلارىن نەگىزگى ساتىعا ىشكەرىلەي بارۋعا تاڭداپ جىبەرىپ، تەحنيكالىق جەتەكشىلىك ەتۋدى ورىستەتەمىز. شۋەيۋانداعى توقىماشىلىق، كيىم - كەشەك ماماندىعىنىڭ وقىتۋشىلارى بىلاي دەدى: ”ءبىز ەجەلدەن قايداعى ءبىر ’زورلىقپەن ەڭبەككە سالۋ‘ دەگەندى ەستىپ كورمەدىك، شەكارا سىرتىنداعى كەيبىر كاسىپورىندار، وسىلايشا شينجياڭعا سوقتىعۋ ارقىلى قانداي ماقساتقا جەتپەكسىڭدەر؟“، ولار مىنالاردى ءبىلدىردى: ”ءبىز اۆتونوميالى رايوننىڭ توقىماشىلىق، كيىم - كەشەك سالاسىنا جانە كاسىپورىندارعا تەحنيكالىق قىزمەت وتەۋ، قىزمەتكەرلەردى تاربيەلەۋ، شەبەرلىكتى ساراپتاۋ، دارىندىلاردى باۋلۋ سياقتى قىزمەتتەردى ونان ارى ويداعىداي ىستەپ، توقىماشىلىق سالاسىنداعى جوعارى ساپالى تەحنيك، شەبەرلىك دارىندىلارىن اناعۇرلىم كوپتەپ باۋلىپ، شينجياڭ توقىماشىلىق، كيىم - كەشەك سالاسىنىڭ دەڭگەيىن جوعارىلاتىپ، امەريكاداعى، باتىس جاقتاعى جۇڭگوعا قارسى كۇشتەرىنىڭ سوقتىعۋى مەن جالا جابۋىنا پارمەندى تويتارىس بەرەمىز.
شينجياڭ جەڭىل ونەركاسىپ كاسىپتىك تەحنيكا شۋەيۋانىنىڭ وقىتۋشى - وقۋشىلارى شينجياڭداعى 25 ميلليون ءار ۇلت حالقىمەن بىرگە ءىس جۇزىندىك ارەكەتى ارقىلى وسەك - اياڭنىڭ تاس - تالقانىن شىعارىپ، شينجياڭنىڭ وڭاي - وسپاق قولعا كەلمەگەن تاماشا تۇرمىسىن بىرگە قورعاپ، شينجياڭنىڭ قوعام ورنىقتىلىعى جانە باياندى تىنىشتىعى ءۇشىن ۇلەس قوسادى. ءبىز وسەك - اياڭنىڭ مىڭ قايتالانسا دا شىندىققا اينالا المايتىندىعىنا، شينجياڭنىڭ ەرتەڭى ءتىپتى دە تاماشا بولاتىندىعىنا سەنەمىز!
