انار بۇلت / شينجياڭ گازەتىنىڭ ءتىلشىسى جىڭ جو 4 - ايدىڭ 7 - كۇنى ۇرىمجىدەن حابارلايدى. 4 - ايدىڭ 7 - كۇنى ”شينجياڭ جاقسى جەر“ اتىنداعى اۆسترالياعا ارنالعان بەينە ەكران اۋىس - كۇيىس ءماجىلىسى ۇرىمجىدە وتكىزىلدى. وسى رەتكى اۋىس - كۇيىس ءماجىلىسىن شينجياڭ ۇيعۇر اۆتونوميالى رايونى مەن جۇڭگونىڭ اۆسترالياداعى باس ەلشىحاناسى بىرگە وتكىزدى. اۆتونوميالى رايوندىق پارتكومنىڭ تۇراقتى مۇشەسى، اۆتونوميالى رايوننىڭ ورىنباسار ءتوراعاسى ەركىن تۇنياز اۋىس - كۇيىس ماجىلىسىنە قاتىناستى ءارى قاتىستى سۇراۋلارعا جاۋاپ بەردى.
ەركىن تۇنياز شينجياڭنىڭ دامۋىنا، ورنىقتىلىعىنا قاتىستى جاعدايلاردى تانىستىردى. ول بىلاي دەدى: جۇڭگو كوممۋنيستىك پارتياسى 18 - قۇرىلتايىنان بەرى پارتيا ورتالىق كوميتەتىنىڭ پارمەندى باسشىلىعىندا، شينجياڭ ۇيعۇر اۆتونوميالى رايونى جاڭا داۋىردەگى پارتيانىڭ شينجياڭدى جونگە سالۋ جالپى جوباسىن مۇقيات دايەكتىلەندىرىپ، تياناقتاندىرىپ، حالىقتى وزەك ەتكەن دامۋ يدەياسىنا تاباندى بولىپ، حالىقتىڭ تاماشا تۇرمىسقا تالپىنىسىن كۇرەس نىساناسى ەتىپ، ەكونوميكالىق، قوعامدىق دامۋدى ىلگەرىلەتۋدە جانە حالىق تۇرمىسىن جاقسارتۋدا بۇرىن بولماعان تابىستارعا قول جەتكىزدى، تيانشان الابىندا قوعام ورنىقتى، حالىق تىنىش ءومىر، شات - شادىمان تىرشىلىك كەشىرگەن تاماشا جاعداي جارىققا شىعىپ، ءار ۇلت بۇقاراسىنىڭ تابىس سەزىمى، باقىت سەزىمى، حاۋىپسىزدىك سەزىمى ۇزدىكسىز كۇشەيدى. كەيبىر باتىس جاقتىڭ ساياسي الاياقتارى بىرنەشە ادامنىڭ قۇراستىرعان وسەك - اياڭىنا سەنۋگە پەيىل بولسا دا، شينجياڭداعى 25 ميلليوننان استام ءار ۇلت حالقىنىڭ ورتاق جۇرەك ءۇنىن تىڭداۋدى قالامادى؛ جۇڭگوعا قارسى از ساندى كۇشتەردىڭ سوراقى ويىنىنا سايكەسۋگە پەيىل بولسا دا، شينجياڭنىڭ دامىعان، العا باسقان نەگىزگى شىندىعىنا دۇرىس قاراعىسى كەلمەدى. ءبىز مۇنى قاتاڭ جازعىرامىز جانە وعان باتىل قارسى تۇرامىز! شينجياڭ بارلىق ءىستى اشىق، اشكەرە، بۇكپەسىز ىستەدى، بارلىعىن شينجياڭداعى ءار ۇلت حالقىن باقىتقا كەنەلتۋ ءۇشىن ىستەدى. ءبىز كوپشىلىكتىڭ شينجياڭعا كوبىرەك كەلىپ ارالاۋىن، كورۋىن، شىنايى شينجياڭدى ءبىلۋىن شىن ىقىلاسپەن قارسى الامىز.
اۋىس - كۇيىس ماجىلىسىندە «شينجياڭ جاقسى جەر» ۇگىت فيلمى قويىلدى. اۆتونوميالى رايوندىق حالىق قۇرىلتايى تۇراقتى كوميتەتىنىڭ ورىنباسار مەڭگەرۋشىسى لي شۋەجۇن، اۆتونوميالى رايوندىق حالىق ۇكىمەتىنىڭ اقپارات مالىمدەمەشىسى جانە قاتىستى ماماندار، ءدىني قايراتكەرلەر، بۇقارا ۋاكىلدەرى اۆستراليا جاقتىڭ شينجياڭنىڭ ادامدىق ۇقىقتى قامتاماسىز ەتۋ، از ۇلتتاردىڭ ەڭبەك ىستەپ، جۇمىستانۋى، ءدىني سەنىم ەركىندىگى سياقتى جاقتارداعى سۇراۋلارىنا جاۋاپ بەردى.
اۆستراليا جاقتىڭ «اۆستراليالىقتار گازەتى»، «فينانستىق شولۋ»، «سيدنەي تاڭ جارشىسى گازەتى»، اۆستراليا اكادەمياسى سياقتى اقپارات قۇرالدارى مەن قۇرىلىمدارى، سونداي - اق تاۋەلسىز وقىمىستىلارى وسى رەتكى بەينە ەكران اۋىس - كۇيىس ماجىلىسىنە قاتىناستى.
