دوڭگەلەك داۋلەتتىلىككە ءبىر نيەتپەن ۇمتىلۋ
□ انار بۇلت / شينجياڭ گازەتىنىڭ ءتىلشىسى سۋ لۋپيڭ
4 - ايدىڭ 6 - كۇنى تۇستەن بۇرىن، باي اۋدانى شوڭكوپىر اۋىلىنىڭ شيپاحاناسىندا سوقىر ىشەكتى الىپ تاستاۋ وپەراتسياسىن جاساتقاننان كەيىن، تۇرسۇن مامەت شيپاحاناعا قايتالاي تەكسەرىلۋگە كەلدى. ”بۇرىندارى بولسا، وسىنداي سوقىر ىشەكتىڭ شۇعىل قابىنۋىن اۋداندىق شيپاحاناعا اپارىپ ەمدەۋگە تۋرا كەلەتىن، قازىر اۋىلدىق شيپاحانانىڭ وزىندە وپەراتيسا جاساي بەرەدى، ۋاقىت، كۇش ۇنەمەلدى، اقشا دا ۇنەمدەلدى“، شيپاحانا ”جاراقات اۋزىن تازالاپ تىگىپ قوياتىن“ ءداۋىر كەلمەسكە كەتتى، - دەپ اسەرلەندى تۇرسۇن.
اۋدان ءوڭىرىنىڭ ەتەنە ەمدەۋ ورتاق تۇلعالارى الا كەلگەن پايدانىڭ ارقاسىندا، باي اۋدانىنداعى 300 مىڭ تۇراقتى نوپوستاعى حالىق ءۇيىنىڭ ىرگەسىندە اۋدان دارەجەلى ەمدەۋ قۇرىلىمدارىنىڭ قىزمەت وتەۋىنەن يگىلىكتەنىپ، ”اۋرۋ كورسەتۋ قيىن بولۋ“، ”اۋرۋ كورسەتەتىن ورىن الىس بولۋ“، ”اۋرۋ كورسەتۋ اقىسى قىمبات بولۋ“ ماسەلەسىن شىنايى شەشتى.
”ءبولىم ارقىلى شيپاحانانى كوتەرمەگە الۋ“ قۋاتى ءوستى
4 - ايدىڭ 6 - كۇنى ساعات 10 مولشەرىندە، باي اۋدانى شوڭكوپىر اۋىلدىق شيپاحانانىڭ امبولاتورياسى عيماراتىندا تومەنگە تۇسكەن مامان بەساسپاپ شيپاگەرلەردى باستاپ ناۋقاستاردى دەن قويا قابىلداۋدا؛ جۇڭگوشا شيپاگەرلىك سارايىنىڭ ءبىر قاتارداعى 12 اۋرۋلار بولمەسىندە ناۋقاستار ۋقالاۋ، تارتۋ، ساۋىقتىرۋ، ينە شانشۋ، اياقتى دارىگە مالۋ سياقتى ەمدەردى قابىلداۋدا؛ شيپاگەرلەردىڭ، سەسترالاردىڭ قاربالاستىقتان قولدارى بوسامادى؛ بالنيتسا بولىمىندە باي اۋداندىق جۇڭگوشا شيپاگەرلىك شيپاحاناسىنىڭ مامانى شيپاگەرلەر مەن سەسترالاردى باستاپ جاڭا ءبىر كۇندىك ناۋقاستار بولمەسىن تەكسەرۋدى باستادى...
2018 - جىلى شوڭكوپىر اۋىلدىق شيپاحانا اۋىل - قالاشىق شيپاحاناسىن جانە قىستاق ەمحاناسىن ولشەمدەندىرۋ قۇرىلىسىن تامامدادى، ءبولىم - كەڭسەلەردى ىشكەرىلەي اشالاپ، وپەراتسيا بولمەسى مەن جۇڭگوشا شيپاگەرلىك سارايىن قۇردى. 2019 - جىلى باي اۋدانى ەمدەۋ ورتاق تۇلعاسىن قۇرىپ، اۋداندىق شيپاحانانىڭ ”ءبولىم، كەڭسە ارقىلى شيپاحانانى كوتەرمەگە الۋ“ ءتۇزىمىن جەتەكشى ەتىپ، ىشكى اۋرۋلار ءبولىمى، سىرتقى اۋرۋلار ءبولىمى، ايەلدەر اۋرۋى ءبولىمى، بالالار اۋرۋى ءبولىمى، ەمدەۋ تەحنيكاسى، تەكسەرۋ سياقتىلاردى ءتۇيىندى تۇردە دالمە - ءدال كومەكتەسىپ سۇيەمەلدەدى.
جەرگىلىكتى ورىنداعى بۇقارانىڭ جۇڭگوشا شيپاگەرلىك فيزيكالىق جولمەن ەمدەۋ قاجەتىن ويلاستىرعان شوڭكوپىر اۋىلدىق شيپاحاناسى باي اۋداندىق جۇڭگوشا شيپاگەرلىك شيپاحاناسىنىڭ مىندەتتەمەلى باسقارۋىنا الدى. بۇل شيپاحانانىڭ جۇڭگوشا شيپاگەرلىك بولىمىندەگى ورتا دارەجەلى كاسىپتىك اتاقتان جوعارى 6 شيپاگەر، سەسترا تولىق كۇندىك تۇزىمدە ناۋقاس كورىپ، ارالاپ جەتەكشىلىك ەتىپ، سول جەردىڭ وزىندە باۋلۋدىڭ ناتيجەسىندە شوڭكوپىر اۋىلدىق شيپاحاناداعى بەساسپاپ شيپاگەرلەردىڭ تەحنيكاسى مەن قىزمەت وتەۋ دەڭگەيى كورنەكتى ءوستى، ءبىرتالاي اۋرۋلاردى ەمدەپ جازىپ عانا قويماي، جارىق تۇزەۋ وپەراتسياسى، سوقىر ىشەكتى الىپ تاستاۋ وپەراتسياسى، انالىق بەز ءىرىڭدى ىسىگىن الىپ تاستاۋ وپەراتسياسى، دەنە سىرتى ىسىكتەرىن الىپ تاستاۋ وپەراتسياسى سياقتى 10 نەشە ءتۇرلى وپەراتسيانى دەربەس جاسايتىن بولدى.
”اۋرۋ كورسەتەتىن ورىن الىس بولۋ“ ماسەلەسىن شىنايى شەشۋ ءۇشىن باي اۋدانىنداعى ءارقايسى ەمدەۋ ورتاق تۇلعا ورىندارى مامانداردىڭ جىلجىمالى وپەراتسيا قوسىنىن قۇرىپ، ناۋقاستاردىڭ قاجەتىنە ساي، كەزكەلگەن ۋاقىتتا اۋىلدارعا بارىپ وپەراتسيا جاسادى. سونىمەن بىرگە، قاشىقتان ەمدەۋ جانە قاشىقتان كەسكىن ءتۇسىرۋ، قاشىقتان ەلەكتروكارديوگراممامەن تەكسەرۋ، قاشىقتان ناۋقاس جاعدايىن تۇجىرىمداۋ سياقتىلار ارقىلى اۋىل - قالاشىق ەمحانالارىنىڭ جانە قىستاق ەمحانالارىنىڭ ەمدەۋ قىزمەت وتەۋىن ورىستەتۋىنە جەتەكشىلىك ەتتى.
1 - ايدان 2 - ايعا دەيىن باي اۋدانى 108 ناۋقاستى قاشىقتان بىرلەسىپ تەكسەردى، بۇل 2020 - جىلعى سايكەس مەزگىلدەگىدەن ％20.4 ارتتى؛ 409 ناۋقاسقا قاشىقتان ەلەكتروكارديوگراممامەن تەكسەرۋ جۇرگىزدى، بۇل 2020 - جىلعى سايكەس مەزگىلدەگىدەن ％88.4 ارتتى. ”شيپاحانا دارەجەسىندە اقشا جۇمساپ، اۋدان دارەجەلى ەمدەۋ قىزمەت وتەۋىنەن يگىلىكتەندىك، ءبىرتالاي اۋرۋلار اۋىلدا ەمدەلىپ جازىلدى“، - دەدى ناۋقاس پاتىگۇل ياسىن.
دارەجەگە ءبولىپ دياگنوز قويۋ - ەمدەۋ جۇرت كوڭىلىن تارتتى
4 - ايدىڭ 7 - كۇنى ساعات 11 مولشەرىندە، باي اۋدانى سايرام اۋىلدىق شيپاحاناسىندا جالپى حالىقتىق دەنساۋلىق تەكسەرۋگە قاتىناسقان ۇش ءمالىسى قىستاعىنىڭ تۇرعىنى يمىر يبىرايىم ءوزىنىڭ سالماقتى وكپە قابىنۋىن ەمدەپ جازعان شيپاگەر - سەسترالارعا تاعى ءبىر رەت العىس ايتتى.
ءتۇستى ۋلترا تولقىندى تەكسەرۋ اسپابى، تولىق اۆتوماتتانعان سارالاۋ اسپابى، سەنتردەن تەپكىش اسپابى، قاشىقتان ەلەكتروكارديوگراممامەن بىرلەسىپ تەكسەرۋ جۇيەسى، اۋىز قۋىسى اۋرۋلارى ءبولىمى جالپىلىق ەمدەۋ اسپابى، كوپ يقۋاتتى ءدىرىل توقتاتۋ اسپابى... كوز الدىنداعى ءبارىن كورگەن يمىر شيپاحانا ”شىت جاڭالاندى“ دەپ ءسۇيىندى.
2019 - جىلى باي اۋدانى ينفورماتسيالاندىرۋ قۇرىلىسىن جەدەلدەتىپ، اۋدان، اۋىل ەكى دارەجەلى ەمدەۋ - دەنساۋلىق ساقتاۋ قۇرىلىمدارىنىڭ قاشىقتان بىرلەسىپ تەكسەرۋدى، قاشىقتان كەسكىنگە الۋدى، قاشىقتان ەلەكتروكارديوگراممامەن تەكسەرۋدى، قاشىقتان اۋرۋ جاعدايىن تۇجىرىمداۋدى جۇزەگە اسىردى. اۋداننىڭ، اۋىلدىڭ دياگنوز قويۋ، ەمدەۋ باسىمدىلىعىن شىنايى ساۋلەلەندىرۋ ءۇشىن باي اۋدانى اۋدان، اۋىل، قىستاق دارەجەگە ءبولىپ اۋرۋ تۇرىنە دياگنوز قويۋدى، ەمدەۋدى، ۇنەمى كەزدەسەتىن اۋرۋلاردىڭ شيپاحانادان شىعۋىن - كىرۋىن، قوس باعىتتا باسقا جەرگە اپارىپ ەمدەتۋ ولشەمىن جانە باسقا جەرگە اپارىپ ەمدەتۋ ءتارتىبىن نەگىزگى مازمۇن ەتكەن ”دارەجەگە ءبولىپ دياگنوز قويۋ - ەمدەۋ“ ءتۇزىمىن جاساپ، ”جەكە شايقاس جاساۋدان“ ”توپتىق شايقاس جاساۋعا“ وزگەرتتى. يمىر نەگىزگى ساتىنىڭ العاشقى ەمدەۋىنەن يگىلىكتەنۋشىگە اينالدى، قاشىقتان بىرلەسىپ تەكسەرۋ ارقىلى شيپاحاناداعى شيپاگەرلەردىڭ، سەسترالاردىڭ قۇلشىنۋىندا ونىڭ اۋرۋى اۋىلدا ەمدەپ جازىلدى.
بۇل عانا ەمەس، الدىمەن دياگنوز قويىپ، ەمدەپ، سوڭىنان اقى تولەۋ، اۋدان دارەجەلى ەمدەۋ قۇرىلىمدارىنان دا جوعارى ەسەپتەن كوتەرۋ سالىستىرماسى يمىرعا ەمدەلۋدە ەشقانداي قىسىم تۇسىرمەدى. ”بۇل رەت بالنيتسادا جاتقانىمدا جالپى 1505 يۋان جۇمسادىم، ەمدەۋ قامسىزداندىرۋى ەسەبىنەن كوتەرگەننەن كەيىن ءوزىم 235.45 يۋان عانا جۇمسادىم“، - دەدى يمىر.
دارەجەگە ءبولىپ دياگنوز قويۋ، ەمدەۋ ارقىلى 1 - ايدان 2 - ايعا دەيىن باي اۋدانىنداعى 2 - دارەجەلى ەمدەۋ قۇرىلىمدارىنان اۋىل - قالاشىق شيپاحاناسىنا 1830 ادام - رەت ءتۇسىپ، 2020 - جىلداعى سايكەس مەزگىلدەگىدەن ％41.3 ارتتى، 2020 - جىلى اۋدان كولەمىندە ەمدەۋ سالىستىرماسى ％91.4كە جەتتى.
مەحانيزم ارقىلى شابىتتاندىرىپ، قوسىندى ورنىقتىردى
4 - ايدىڭ 6 - كۇنى تاڭەرتەڭ قىزمەتكە شىعا سالىسىمەن، باي اۋدانى شوڭكوپىر اۋىلدىق شيپاحاناسى جۇڭگوشا شيپاگەرلىك سارايىنىڭ جاۋاپتىسى اسيگۇل توحتى دياگنوز قويۋ - ەمدەۋ ءبولىمىن ارالاپ، شيپاگەرلەردىڭ، سەسترالاردىڭ شەبەرلىگى تياناقتى بولماۋ جاعدايىن بايقاپ دەر كەزىندە تۇزەتتى. 2 جىلدىڭ الدىنداعىمەن سالىستىرعاندا اسيگۇلدىڭ وزىنە سەنىمى ارتتى ءارى سابىرلى بولا ءتۇستى.
باستاپتا تەحنيكالىق ورە شەكتەمەسىنە ۇشىراعان شوڭكوپىر اۋىلدىق شيپاحانانىڭ جۇڭگوشا شيپاگەرلىك سارايى نەبارى 3 - 4 ءتۇرلى ناۋقاستى ەمدەيتىن. ەمدەۋ قىزمەت وتەۋى ورەسىن كوتەرۋ ءۇشىن 2019 - جىلى باي اۋداندىق جۇڭگوشا شيپاگەرلىك شيپاحاناسى مىندەتتەمەلى باسقارۋىنا العان اۋىل - قالاشىق شيپاحانالارىنىڭ شيپاگەرلەرىن، سەسترالارىن باۋلۋدى باستادى، اسيگۇل كۋرسانتتاردىڭ بىرىنە اينالدى. ءبىر جىل 4 اي جۇڭگوشا شيپاگەرلىك ارقىلى ايەلدەر اۋرۋىن ەمدەۋدەن، جۇڭگوشا دارىلەرمەن ىستىق وتكىزىپ ەمدەۋدەن جابدىق، اسپاپپەن ەمدەۋ سياقتىلارعا دەيىن ۇيرەنىپ قايتا ورالعان اسيگۇل جۇڭگوشا شيپاگەرلىك سارايىنىڭ جاۋاپتىسى بولاتىن ارىن قالىپتاستىردى، بولىمدەگى شيپاگەرلەر مەن سەسترالاردى باستاپ ۇزدىكسىز ىزدەنىس جاسادى، جۇڭگوشا شيپاگەرلىك سارايىنىڭ ەمدەۋ تۇرلەرى دە 22گە كوبەيدى.
قوسىن قۇرىلىسىن كۇشەيتۋمەن بىرگە، باي اۋدانى نەگىزگى ساتى ەمدەۋ - دەنساۋلىق ساقتاۋ قۇرىلىمدارىنداعى شيپاگەرلەردىڭ، سەسترالاردىڭ قىزمەت ناتيجەسىن باعالاۋ تەبىنىن ارتتىرىپ، ولاردىڭ بەلسەندىلىگىن ۇزدىكسىز جوعارىلاتتى.
”ىلگەرى مەن نەگىزگى ەڭبەكاقى عانا الاتىنمىن، ايىنا قولىما 3500 نەشە يۋان تيەتىن، كوپ ىستەسەك تە، از ىستەسەك تە بىردەي بولاتىن“. باي اۋدانى اۋدان كولەمىندە شوعىرلى سيپاتتى ەمدەۋ ورتاق تۇلعاسىن ورىستەتىپ، قىزمەت ناتيجەسىن باعالاۋدى باستاعاننان بەرى، سايرام قالاشىق شيپاحاناسىنىڭ بەساسپاپ شيپاگەرى ءامينا قوزعاۋشى كۇشكە يە بولدى: دياگنوز قويعان، ەمدەگەن اۋرۋلار كوبەيگەن سايىن الاتىن ناتيجە ەڭبەكاقىسى سولعۇرلىم كوبەيدى؛ كاسىپتىك اتاق جوعارىلاعان سايىن ەڭبەكاقىسى جوعارىلادى... بىرتە - بىرتە اۋرۋ تاريحىن مۇقيات جۇيەلى جازۋ ءامينانىڭ ادەتىنە اينالدى؛ ءار كۇنى تۇراقتى ۋاقىت شىعارىپ ۇيرەنۋ دە تۇرمىسىنىڭ ءبىر بولىگىنە اينالدى. 2020 - جىلى ءامينا كومەكشى شيپاگەردەن كاسىپتىك شيپاگەر دارەجەسىنە كوتەرىلىپ، ەڭبەكاقىسى ءبىر قاتتالدى.
نەگىزگى ساتى دەنساۋلىق ساقتاۋ قۇرىلىمدارىنىڭ قازىرگى شتاتىن ىسكە قوسىپ، قازىرگى بار قىستاق شيپاگەرلەرىن الدىمەن قىزمەتكە قابىلداۋدى اتقاردى، سونىمەن بىرگە شارتقا ۇيلەسەتىن قىستاق شيپاگەرلەرىنىڭ بارلىعى ءۇشىن ”بەس قامسىزداندىرۋدى“ تاپسىردى. 2018 - جىلدان 2020 - جىلعا دەيىن باي اۋدانىندا قىزمەتتەگى ەمدەۋ قىزمەتكەرلەرىنىڭ جىلدىق ەڭبەكاقىسى ورتا ەسەپپەن ％12 ءوسىپ، قوسىن ورنىعىپ، تەبىنى نىعايدى. ”مەن ءوز قابىلەتىمدى ۇزدىكسىز ءوسىرىپ، اناعۇرلىم كوپ ناۋقاستارعا ويداعىداي قىزمەت وتەيمىن“، - دەدى ءامينا.
