انار بۇلت / شينجياڭ گازەتىنىڭ ءتىلشىسى حي حۇڭۋي 4 - ايدىڭ 7 - كۇنى ۇرىمجىدەن حابارلايدى. اۆتونوميالى رايوندىق ساۋدا ىستەرى مەڭگەرمەسىنەن ۇعىسۋىمىزشا، 1 - توقساندا، رايونىمىز ساۋداگەر شاقىرىپ، قارجى ەنگىزۋ بويىنشا رايون سىرتىنداعىلار قارجى قوسقان نىسانداردان 1511ىن تياناقتاندىرىپ، سايكەس مەزگىلدەگىدەن 405سى كوبەيگەن؛ رايون سىرتىنان ەنگىزىپ تيناقتاندىرعان قارجى 38 ميلليارد 378 ميلليون يۋان بولىپ، سايكەس مەزگىلدەگىدەن ％84.15 ارتقان.
مۇنىڭ ىشىندە، سولتۇستىك شينجياڭ وڭىرىندە تياناقتانعان قارجى 19 ميلليارد 747 ميلليون يۋان بولىپ، بۇكىل رايوندا تياناقتانعان قارجىنىڭ ％51.45ىن يەلەپ، سايكەس مەزگىلدەگىدەن ％60.94 ارتتى؛ وڭتۇستىك شينجياڭ وڭىرىندە (تۇرپاندى، قۇمىلدى قامتيدى) تياناقتانعان قارجى 18 ميلليارد 632 ميلليون يۋان بولىپ، بۇكىل رايوندا تياناقتانعان قارجىنىڭ ％48.55ىن يەلەپ، سايكەس مەزگىلدەگىدەن ％117.38 ارتتى.
بيىل جىل باسىنان بەرى، رايونىمىز سيفرلى ەكونوميكانىڭ دامۋى مەن سيفرلاندىرىپ جونگە سالۋ بەتالىسىنا ۇيلەسىپ، جەلىدەگى مەن جەلىدەن تىسقارىنى بىرلەستىرۋگە تاباندى بولىپ، ساۋداگەر شاقىرىپ، قارجى ەنگىزۋدىڭ ينفورماتسيالانۋ، ينتەرنەتەنۋ، زەردەلىلەنۋ دەڭگەيىن ۇزدىكسىز جوعارىلاتتى. 2 - ايدا اۆتونوميالى رايوندىق حالىق ۇكىمەتى كەڭسەسى «اۆتونوميالى رايوننىڭ ساۋداگەر شاقىرىپ، قارجى ەنگىزۋ قىزمەتىن كۇشەيتۋ جونىندەگى پىكىرىن» باسىپ تاراتىپ، مۇناي جانە مۇناي حيميا، كومىر جانە كومىر حيميا ونەركاسىبى، ساياحات كاسىبى سياقتى 10 ءىرى كاسىپ سالاسىنىڭ تىزبەگىن ۇزارتۋ، تىزبەگىن تولىقتاۋ، تىزبەگىن كۇشەيتۋ تۇرىندەگى ساۋداگەر شاقىرۋ ءىسىن ءتۇيىندى تۇردە مىقتى يگەرىپ، ساۋداگەر شاقىرىپ، قارجى ەنگىزۋ شارالارىندا جاڭالىق اشىپ، قارجى قوسۋ ورتاسىن ۇزدىكسىز جاقسارتىپ، رايونىمىز كاسىپ سالاسى دەڭگەيىنىڭ تومەن دەڭگەيدەن جوعارى دەڭگەيگە ءوتۋىن، ارتۋدىڭ قوزعاۋشى كۇشىنىڭ فاكتوردى جەتەك ەتۋدەن جاڭالىق اشۋدى جەتەك ەتۋگە بۇرىلىس جاساۋىن ىلگەرىلەتىپ، ەكونوميكانىڭ جوعارى ساپالى دامۋىن جەبەدى.
1 - توقساندا بۇكىل رايوندا جوعارىدان - تومەنگە دەيىن ەكونوميكانىڭ جوعارى ساپالى دامۋىن ىلگەرىلەتۋدى باستى نىسانا ەتىپ، ساۋداگەر شاقىرىپ، قارجى ەنگىزۋ قىزمەتىنىڭ سەرپىنىن ۇزدىكسىز ارتتىرىپ، تۇيىندە تۇرىپ ساۋداگەر شاقىرۋدى، ينتەرنەتتە ساۋداگەر شاقىرۋدى جانە شاعىن جۇمىس توپتارىنىڭ ساۋداگەر شاقىرۋىن بەلسەنە ورىستەتىپ، ساۋداگەر شاقىرىپ، قارجى ەنگىزۋ ءتاسىلىن كەڭەيتىپ، ايتارلىقتاي ناتيجەگە قول جەتكىزدى. قاشقار ايماعى ”كىم شاقىرادى، قالاي شاقىرادى، نەنى شاقىرادى، قالاي تياناقتاندىرادى“ دەيتىن ماسەلەنى ءتۇيىندى تۇردە شەشىپ، اكىمشىلىك مەكەمەسىنىڭ نەگىزگى باسشىلارى قاشقار ەكونوميكالىق اشۋ رايونىمەن، 12 اۋدان، قالامەن ساۋداگەر شاقىرىپ، قارجى ەنگىزۋ نىساندارىن باعالاۋ جاۋاپكەرشىلىك حاتىنا قول قويىستى؛ ىلە قازاق اۆتونوميالى وبلىسى ساۋداگەر شاقىرىپ، قارجى ەنگىزۋدىڭ ”كوكتەمگى ارەكەتىن“ باستاپ، ىشكى وڭىردە تۇراتىن 6 ساۋداگەر شاقىرۋ بولىمشە مەكەمەسى مەن وبلىس، اۋدان ەكى دارەجەلى ساۋداگەر شاقىرۋ شاعىن جۇمىس توپتارى ءجيى اتتانىپ، سىرتقا شىعىپ ساۋداگەر شاقىرۋ قيمىلىن ورىستەتىپ، ساۋداگەر شاقىرىپ، قارجى ەنگىزۋ بويىنشا 189 نىسان ىركەس - تىركەس قۇرىلىس باستادى، مۇنىڭ ىشىندە جاڭادان 58 نىساننىڭ قۇرىلىسى باستالىپ، وعان جالپى 14 ميلليارد 570 ميلليون يۋان قارجى قوسىلدى.
ساناققا نەگىزدەلگەندە، 1 - توقساندا ىلە، سانجى، ءۇرىمجى، تارباعاتاي، قاشقار قاتارلى ايماق، وبلىس، قالالار ينتەرنەتتە كەلىسىپ قول قويىسۋ بويىنشا 5 مايدان قيمىل ورىستەتىپ، 96 نىسانعا قول قويسىپ، جالپى قارجى 52 ميلليارد 900 ميلليون يۋانعا جەتكەن.
اۆتونوميالى رايوندىق ساۋدا ىستەرى مەڭگەرمەسىنىڭ قاتىستى جاۋاپتىسى مىنالاردى ءبىلدىردى: بۇدان كەيىن ساۋداگەر شاقىرىپ، قارجى ەنگىزۋدىڭ وي جەلىسى مەن ادىسىندە ۇزدىكسىز جاڭالىق اشىپ، كاسىپ سالاسى تىزبەگى بويىنشا ساۋداگەر شاقىرىپ، باقشا رايونداردىڭ ساۋداگەر شاقىرۋ سالاسىندا باتىلدىقپەن جاڭالىق اشۋىنا، الدا ءجۇرىپ الدىمەن سىناق ەتۋىنە قولداۋ كورسەتىپ، كاسىپ سالاسى ارقىلى شينجياڭعا كومەك بەرۋ سەلبەستىگىن ناقتى ىلگەرىلەتىپ، شەكارا سىرتىندا ساۋداگەر شاقىرىپ، قارجى ەنگىزۋ قيمىلىن بەلسەنە ورىستەتىپ، كورمەلەردىڭ جاڭا وركەندەگەن كاسىپ سالالارىمەن، باسىمدىققا يە كاسىپ سالالارىمەن توعىسا دامۋىن جەدەلدەتىپ، كاسىپ سالاسىنىڭ شوعىرلانۋ اسەرىن كۇشەيتىپ، ماڭىزدى ءتۇيىن قالالار اراسىندا كاسىپ سالاسى بويىنشا ساۋداگەر شاقىرۋ نىساندارىن ءوڭىر اتتاپ اينالىمعا سالۋ جانە مۇددەلەردەن بىرگە يگىلىكتەنۋ مەحانيزمىن ورناتۋعا تالپىنامىز.
