”ماقتا گۇلى ساباعىن“ بىرگە تىڭدادى

　　ءدال قازىر، شينجياڭدا ماقتا ەگىلەتىن مەزگىل. 4 - ايدىڭ 6 - كۇنى تۇستەن كەيىن، ءۇرىمجى قالالىق 2 - باستاۋىش مەكتەپ پەن شينجياڭ ماقتاسىنىڭ نەگىزگى ءوندىرىس رايونى اقسۋ ايماعىنىڭ ءۇشتۇرپان اۋدانى يمامدارىم قالاشىعى مەملەكەتتىك ورتاق ءتىل باستاۋىش مەكتەبىنىڭ وقۋشىلارى بەينەەكرانمەن تىلدەسۋ ءتاسىلى ارقىلى جاندى دا اسەرلى ”ماقتا گۇلى ساباعىن“ بىرگە تىڭدادى.

　　ساباقحانادا، ءۇرىمجى قالالىق 2 - باستاۋىش مەكتەپ پەن ءۇشتۇرپان اۋدانى يمامدارىم قالاشىعى مەملەكەتتىك ورتاق ءتىل باستاۋىشىنىڭ وقۋشىلارى ءبىرى سۇراپ، بىرەۋى جاۋاپ بەرىپ، ماقتاعا قاتىستى بىلىمدەر جونىندە ءوزارا پىكىر الماستىردى.

　　ساباقحانا شينجياڭ اۋىل شارۋاشىلىعى داشۋەسى اۋىل شارۋاشىلىعى شۋەيۋانىنىڭ ەگىس داقىلدارى ينجەنەرلىگى فاكۋلتەتىنىڭ دوتسەنتى جاۋ چياڭدى بالالارعا ماقتاعا قاتىستى بىلىمدەردى تانىستىرۋعا ارناۋلى ۇسىنىس ەتتى.

　　ماقتانى ءتىپتى دە شىنايى ءتۇسىندىرۋ ءۇشىن، مۇعالىم بەينە ەكرانمەن تىلدەسۋ ءتاسىلى ارقىلى وقۋشىلارعا ماقتا اتىزىندا ماشينامەن تۇقىم سەبۋ، توقىماشىلىق زاۆودىنىڭ جۇمىس جۇرگىزۋ بارىسى سياقتى كورىنىستەردى كورسەتتى.

　　ساباقحانادا، ەكى جەردەگى وقۋشىلار ءبىر جاعىنان قىزعىلىقتى ”ماقتا گۇلى ساباعىن“ ەستىسە، ەندى ءبىر جاعىنان سۋرەتتى قالاممەن ءوز كوڭىلدەرىندەگى ماقتا گۇلى جانە ماقتا اتىزىن سۋرەتتەدى.

　　بالالار بىرىنەن سوڭ ءبىرى وزدەرى سىزعان ماقتا گۇلى سۋرەتىن تانىستىردى. اسەم سۋرەتتەر، جاندى تۇسىندىرۋلەر، رياسىز كۇلىمسىرەگەن بەينەلەر مەن اعىنان اقتارىلعان سوزدەر بالالاردىڭ شينجياڭ ماقتاسىنا، كورىكتى تۋعان جەرىنە دەگەن شىنايى سۇيىسپەنشىلىگىن تولىق ايگىلەدى.