تيانشان تورى
تيانشان تورى   ›   جاڭالىقتار   ›   ۇعىسۋ، تيىمدىلىك جاساۋ، توعىستىرۋ

بۇقارانىڭ ىسىندە جەڭىل - جەلپى ءىس جوق، كىشى - گىرىم ىستەر جۇرت جۇرەگىن جىلىتتى

رايونىمىزداعى جەر - جەر، تاراۋلار ”مەن بۇقارا ءۇشىن ناقتى ءىس ىستەيمىن“ امالياتتىق قيمىلىن ورىستەتتى

بۇقارانىڭ ىسىندە جەڭىل - جەلپى ءىس جوق، كىشى - گىرىم ىستەر جۇرت جۇرەگىن جىلىتتى

انار بۇلت / شينجياڭ گازەتىنىڭ تىلشىلەرى

  ”بيلىك − حالىق، حالىق − بيلىك“. بۇكىل ىنتا - پەيىلىمەن حالىق ءۇشىن قىزمەت ىستەۋ − پارتيامىزدىڭ ءتۇبىرلى باس ماقساتى. پارتيا تاريحىن ۇيرەنۋ تاربيەسىندە، رايونىمىزدىڭ جەر - جەرى، تاراۋلارى شي جينپيڭنىڭ جاڭا ءداۋىر جۇڭگوشا سوتسياليزم يدەياسىن جەتەكشى ەتىپ، پارتيا تاريحىن ۇيرەنۋدى تاجىريبەلەردى قورىتىندىلاۋمەن، رەالدىقتى زەردەلەۋمەن، قىزمەتتەردى ىلگەرىلەتۋمەن ۇشتاستىرىپ، ”مەن بۇقارا ءۇشىن ناقتى ءىس ىستەيمىن“ امالياتتىق قيمىلىن ىشكەرىلەي ورىستەتىپ، ءار ۇلت بۇقاراسىنىڭ تابىس سەزىمىن، باقىت سەزىمىن، حاۋىپسىزدىك سەزىمىن ۇزدىكسىز جوعارىلاتتى.

الدىمەن تەكسەرۋ - زەرتتەۋ جۇرگىزىپ، كەڭىنەن پىكىر تىڭدادى

  حالىقتىڭ جاعدايىن تەكسەرىپ، حالىقتىڭ اۋانىن ۇعىسۋ − ”مەن بۇقارا ءۇشىن ناقتى ءىس ىستەيمىن“ قيمىلىنىڭ ءبىرىنشى قادامى. پارتيا تاريحىن ۇيرەنۋ تاربيەسىنىڭ ورىستەتىلۋىنە ىلەسىپ، رايونىمىزداعى تاراۋلار، مەكەمە - ورىندار بەلسەنە ىسكە كىرىسىپ، پارتيالى كادرلاردى نەگىزگى ساتىداعى بۇقاراعا ىشكەرىلەي بارۋعا، ءوندىرىس ءبىرىنشى شەبىنە ىشكەرىلەي بارۋعا، قاراستى مەكەمە - ورىندارعا ىشكەرىلەي بارۋعا، قىزمەت وتەۋ وبيەكتىلەرىنە ىشكەرىلەي بارۋعا ۇيىمداستىرىپ، كەڭ كولەمدە پىكىر الىپ، حالىق تۇرمىسىنىڭ قاجەتىن ۇعىستى.

  اۆتونوميالى رايوندىق ەكولوگيالىق ورتا مەڭگەرمەسىنىڭ مەڭگەرمە باسشىلارى، ورگان، باسقارما، ءبولىم 14 ايماق، وبلىس، قالانىڭ ەكولوگيالىق ورتا مەكەمەسىمەن بىرلەسىپ كوتەرمەگە الۋ، كومەكتەسۋ - سۇيەمەلدەۋ ءتۇزىمىن ورناتتى ءارى 3 - ايدىڭ سوڭىندا اۆتونوميالى رايوندىق ەكولوگيالىق ورتا مەڭگەرمەسى پارتيا باسشىلىق گرۋپپاسىنىڭ شۋجيى داي ۋجۇن قاتارلى مەڭگەرمەنىڭ 5 باسشىسى اترەت باستاپ ءۇرىمجى قالاسى، التاي ايماعى، حوتان ايماعى، تارباعاتاي ايماعى، سانجى حۇيزۋ اۆتونوميالى وبلىسى، قۇمىل قالاسى، بۇراتالا موڭعۇل اۆتونوميالى وبلىسى سياقتى جەرلەرگە بارىپ، بىرلەسىپ كوتەرمەگە الۋ، كومەكتەسۋ - سۇيەمەلدەۋ قىزمەتىن ورىستەتتى.

  بىرلەسىپ كوتەرمەگە الۋ، كومەكتەسۋ، سۇيەمەلدەۋ گرۋپپالارى بارعان جەرلەرىندە نەگىزگى ساتى ءبىرىنشى شەبىن جانە قاراستى مەكەمە - ورىنداردى ىشكەرىلەي ارالاپ، قىزمەت وتەۋ وبيەكتىلەرىنىڭ پىكىرىن بەتپە - بەت تىڭداپ، قاجەتتەرىن ۇعىستى. نازاردى بۇقارا شوعىرلى اڭىس ەتكەن ورتاق سۇرانىستارعا جانە ورىن تەپكەن جالپىلىق ماسەلەلەرگە شوعىرلاندىرۋ، نازاردى جەرگىلىكتى ورىننىڭ قورشاعان ورتانى قورعاۋ قىزمەتىندەگى شۇعىل شەشۋگە ءتيىستى كىلتەڭ، قيىن ماسەلەلەرگە شوعىرلاندىرۋ ارقىلى كومەكتەسۋ، سۇيەمەلدەۋ، جەتەكشىلىك ەتۋ ءتىزىمىن جانە قىزمەت جوباسىن العا قويىپ، ءارقايسى ايماقتىق، وبلىستىق، قالالىق ەكولوگيالىق ورتا مەكەمەلەرىنىڭ ەكولوگيالىق ورتانى قورعاۋ قىزمەتىندەگى كورنەكتى ماسەلەلەردى شەشۋ سەنىمىن جانە بەكىمىن ونان ارى كۇشەيتتى.

  اۆتونوميالى رايوندىق مال شارۋاشىلىعى، مال شيپاگەرلىگى مەكەمەسى 4 تەكسەرۋ - زەرتتەۋ گرۋپپاسىن ۇيىمداستىرىپ، بۇكىل شينجياڭنىڭ جەر - جەرىنە جىبەرىپ، 230 نەشە ءتۇيىندى تاڭداپ، ناقتى تەكسەرۋ - زەرتتەۋ جۇرگىزىپ، «اۆتونوميالى رايوننىڭ مال شارۋاشىلىعىن جوعارى ساپالى دامىتۋ احۋالى جونىندەگى تەكسەرۋ - زەتتەۋ بايانداماسىن» جازىپ، بۇكىل رايوننىڭ مال شارۋاشىلىعىنىڭ جوعارى ساپالى دامۋىن اناعۇرلىم جاقسى ىلگەرىلەتۋگە نەگىز قالاپ، ”مەن بۇقارا ءۇشىن ناقتى ءىس ىستەيمىن“ امالياتتىق قيمىلىن ىشكەرىلەي ورىستەتۋگە تىرەك ازىرلەدى.

  اۆتونوميالى رايوندىق مال شارۋاشىلىعى، مال شيپاگەرلىگى مەكەمەسى ورگان پارتكومىنىڭ ورىنباسار شۋجيى كوۋ جيانحاي بىلاي دەدى: تەكسەرۋ - زەرتتەۋ جەتىستىگىنە نەگىزدەلىپ، فۋنكتسيالىق رولدى جانە كاسىپتىك ارتىقشىلىقتى تولىق ساۋلەلەندىرىپ، ”مەن بۇقارا ءۇشىن ناقتى ءىس ىستەيمىن“ امالياتتىق قيمىلىن كۇش سالا ورىستەتۋ ارقىلى كەدەيلىكتەن ارىلتۋدان قامال الۋ جەتىستىكتەرىن بەكەمدەيتىن، اۋىل - قىستاقتىڭ گۇلدەنۋىن جاپپاي ىلگەرىلەتەتىن ءبىرسىپىرا ساياسات - شارانى جانە بۇقارانى باقىتقا كەنەلتەتىن حالىققا تيىمدىلىك جاساۋ نىساندارىن ىركەس - تىركەس العا قويامىز.

پارتيا مۇشەلەرى باستاماشى بولىپ، باس ماقسات تانىمىن كۇشەيتتى

  پارتيا تاريحىن ۇيرەنۋ تاربيەسىندە رايونىمىزدىڭ جەر - جەرى، تاراۋلارى پارتيا مۇشەلەرىنىڭ اۆانگاردتىق، ۇلگىلىك رولىن جانە پارتيالى باسشى كادرلاردىڭ ونەگەلىك رولىن تولىق ساۋلەلەندىرىپ، ءوز ءىس جۇزىندىك جاعدايىمەن بىرلەستىرىپ، ءوز قىزمەت ورنىن تياناق ەتىپ حالىق ءۇشىن قىزمەت وتەپ، باس ماقسات تانىمىن، حالىق قىزمەتشىسى تانىمىن ۇزدىكسىز كۇشەيتتى.

  تاياۋدا اۆتونوميالى رايوندىق پارتكوم كەڭسەسىنەن 30 نەشە پارتيالى كادر ءۇرىمجى قالاسى تيانشان رايونى حىپيڭ جولى اۋماعىن باسقارۋ كوميتەتى دۇڭساييۋان الەۋمەتتىك اۋماعىندا ەرىكتى قىزمەت وتەۋ قيمىلىن ورىستەتتى. شوعىرلى تۇردە جاپپاي تازالىق جۇرگىزگەننەن كەيىن، پارتيالى كادرلار شاعىن اترەتتەرگە ءبولىنىپ، قارت پارتيا مۇشەلەرىنىڭ، قيىنشىلىعى بار تۇرعىنداردىڭ وتباسىنا بارىپ، ”قولعابىس ەتۋ، ەسە قوسۋ“ ميكرو ارەكەتى ارقىلى ءار ۇلت بۇقاراسىنا، اسىرەسە، تۇرمىسىندا قيىنشىلىعى بار بۇقاراعا قىزمەت وتەدى.

  اۆتونوميالى رايوندىق پارتكوم كەڭسەسى ورگان پارتكومىنىڭ ارناۋلى مىندەتتەگى ورىنباسار شۋجيى ۋ فىڭ بىلاي دەدى: ءوز فۋنكتسيامىزبەن، قىزمەت جاۋاپكەرشىلىگىمىزبەن بىرلەستىرىپ، ”ۇعىسۋ، تيىمدىلىك جاساۋ، توعىستىرۋ“ بويىنشا قىستاقتا تۇرۋ قىزمەتى، ”ۇلتتار ىنتىماعىنىڭ بەرەكەلى شاڭىراعى“ قيمىلى سياقتىلاردى دانەكەر ەتىپ، ”مەن بۇقارا ءۇشىن ناقتى ءىس ىستەيمىن“ امالياتتىق قيمىلىن تىڭعىلىقتى، ەگجەي - تەگجەيلى ورىستەتىپ، پارتيا تاريحىن ۇيرەنۋ تاربيەسىنىڭ ناقتى ونىمدىلىگىن شىن مانىندە ارتتىرامىز.

  قازىر كوكتەمگى بۇتاۋدىڭ ەڭ جاقسى مەزگىلى، باي اۋدانى ياتۇر اۋىلى ىشتاچى قىستاعىندا اۋداندىق ورمان شارۋاشىلىعى جانە جايلىم مەكەمەسىنىڭ پارتيالى كادرلارى ەگىنشىلەردىڭ وتباسىلارىنا بارىپ، ءبىر جاعىنان، قىستاق تۇرعىندارىنا جەمىس اعاشتارىن بۇتاپ بەرسە، ەندى ءبىر جاعىنان، دەرت - دەربەزدەن، زياندى جاندىكتەن ساقتانۋ- جويۋ بىلىمدەرىن جالپىلاستىرىپ، جۇمىس ارەدىگىندە پارتيا تاريحىنان شاعىن بىلىمدەر جەتكىزدى. قىستاق تۇرعىنى تۇرسۇن ايسا قۋانىشپەن بىلاي دەدى: ”سىزدەر ءدال ۋاقىتىندا كەلدىڭىزدەر، جەمىس ورمانىن بۇتاۋ تەحنيكاسىن ناقتى ۇيرەتىپ قانا قويماي، بىزگە پارتيا تاريحى جونىنەن كوپتەگەن اڭگىمەلەر ايتىپ بەردىڭىزدەر“.

  باي اۋدانى پارتيا تاريحىن ۇيرەنۋ تاربيەسىن ورىستەتكەننەن بەرى باستان - اياق ”ناقتى ءىس ىستەۋدى“ ”جاڭا جاعداي اشۋمەن“ ورگانيكالى ساباقتاستىردى. قازىر بۇكىل اۋدان بويىنشا بۇقارانىڭ ءوندىرىس، تۇرمىس بارىسىنداعى قيىنشىلىقتار جونىندەگى تالاپ - تىلەكتەرىنەن 1200دەن استامىن شەشىپ، حالىق ءۇشىن 10 مىڭنان استام ناقتى ءىس، يگى ءىس ىستەپ بەردى. باي اۋداندىق پارتكومنىڭ تۇراقتى مۇشەسى، ۇگىت ءبولىمىنىڭ باستىعى يپارگۇل ادىل بىلاي دەدى: ”ءبىز قالىڭ پارتيا مۇشەسىنىڭ باس ماقسات تانىمىن ۇزدىكسىز كۇشەيتىپ، نەگىزگى ساتىداعى پارتيا ۇيىمدارىن جانە قالىڭ پارتيا مۇشەلەرىن جاۋاپكەرشىلىك ارقالاپ، ىسكەرلىك كورسەتىپ، حالىق ءۇشىن قىزمەت ىستەۋ ءىس جۇزىندىك ارەكەتى ارقىلى اۋەلگى ماقساتتى، بورىشتى امالياتتا ايگىلەۋگە جىگەرلەندىرەمىز“.

حالىققا تيىمدىلىك جاساپ، حالىققا پايدا جەتكىزىپ، اۋەلگى ماقساتتى، بورىشتى امالياتتا ايگىلەدى

  بۇقارانىڭ ىسىندە جەڭىل - جەلپى ءىس جوق، ۇساق - تۇيەك ىستەن سۇيىسپەنشىلىكتى ايگىلەدى. ”مەن بۇقارا ءۇشىن ناقتى ءىس ىستەيمىن“ امالياتتىق قيمىلىندا رايونىمىزدىڭ جەر - جەرى، تاراۋلارى نازاردى بۇقارانىڭ قاجەتىنە، بۇقارانىڭ ارمان - تىلەگىنە شوعىرلاندىرىپ، نەگىزگى ساتىنى قيناپ وتىرعان ىستەردى، بۇقارانى مازالاپ وتىرعان ىستەردى ىقىلاسپەن، سۇيىسپەنشىلىكپەن كۇش - قۋاتتى سالا وتىرىپ شەشتى.

  قارامايلى اۋەجايىنىڭ قالا رايونىنان ءبىرشاما الىس بولىپ، جولاۋشىلاردىڭ اۋەجايعا بارىپ ۇشاققا وتىرۋىندا قاتىناس قولايسىز بولۋ ماسەلەسىن شەشۋ ءۇشىن، قارامايلى اۋەجايى ىرىقتىلىقپەن ءىس تىندىرىپ، جولاۋشىلارعا 5 رەت تەگىن قاتىنايتىن اۋەجاي اۆتوبۋزىن ازىرلەپ، اۋەجاي مەن قالا رايونى اراسىنا تۇراقتى ۋاقىتتا، تۇراقتى ورىندا قاتىناتتى ءارى جول بويى 9 بەكەت ورنالاستىردى. سونىمەن قاتار ءوز اۆتوكولىگىمەن اۋەجايعا باراتىن قالا تۇرعىندارىن اۆتوكولىك توقتاتۋ الاڭىمەن تەگىن قامدادى ءارى تۇنەيتىن اۆتوكولىكتەرگە اۆتوكولىك توقتاتۋ اۋماعىن ايىرىم ورنالاستىردى.

  ”حالىق ساقشىلارى مەن شەكارا كۇزەتشىلەرىنىڭ كومەگىندە سيىرىم امان قالدى“، - دەدى شىڭگىل اۋدانى شاعانعول اۋىلى ساربۇلاق قىستاعىنىڭ تۇرعىنى گۇلنۇر بۇلعىنباي قۋانىشپەن. تاياۋدا ونىڭ سيىرى ورىستە جايىلىپ ءجۇرىپ، 8 ساعات بويى قۇيعا باتىپ قالعان، حالىق ساقشىسى اسقار مۇقتار بۇدان حابار تاپقاننان كەيىن، شەكارا كۇزەتشىلەرىن ەرتىپ بارىپ، سيىردى سۇيرەپ قۇيدان الىپ شىعادى.

  پارتيا تاريحىن ۇيرەنۋ تاربيەسىمەن بىرلەستىرىپ، شىڭگىل اۋداندىق پارتكوم ساياسي - زاڭ كوميتەتى حالىق ساقشىلارىنىڭ جانە شەكارا كۇزەتشىلەرىنىڭ وتاننىڭ شەكارا سىزىعىنىڭ حاۋىپسىزدىگىن قورعاۋمەن قاتار، ماڭىنداعى ەگىنشى - مالشىلاردىڭ باس اماندىعى مەن مال - مۇلىك حاۋىپسىزدىگىن كۇش سالا قورعاۋىنا پارتيانىڭ بىلىمدەرىمەن جەتەكشىلىك ەتتى. اسقار: ”ءبىز اۋەلگى ماقساتتى جالعاستىرىپ، بۇقارانىڭ قيىنشىلىعىن بەلسەندىلىكپەن، ىرىقتىلىقپەن شەشەمىز“، - دەدى.

  (ءتىلشى جاڭ يۇنمەي، جازۋعا قاتىناسقان تىلشىلەر حي حۇڭۋي، لي شيڭ، جاڭ يانفاڭ، ما ينيڭ، سۇي يۇنيان، ۋاڭ نا، ەرىكتى تىلشىلەر چىن يۇيزو، دۋ شۋاڭ، ليۋ حايتاۋ، ليۋ چۋانحى)

جاۋاپتى رەداكتور : سايراش تۇرارجان قىزى

ەسكەرتۋ:

تورابىمىزداعى مازمۇنداردى پايدالانۋعا تۋرا كەلگەندە، ءسوزسىز جازباشا رۇقساتقا يە بولۋ كەرەك. مازمۇنداردى رۇقساتسىز جالعاپ تاراتۋعا، كەسىپ رەداكسيالاۋعا، وزگەرتۋگە، قىسقارتىپ قۇراستىرۋعا، باسقا ورىنعا كوشىرۋگە نەمەسە باسقا تاسىلدەرمەن كوبەيتۋگە ءارى تاراتۋعا بولمايدى، قايشى كەلگەندەردىڭ زاڭدىق جاۋاپكەرشىلىگى زاڭ بويىنشا قۋزاستىرىلادى.