تيانشان تورى
تيانشان تورى   ›   جاڭالىقتار   ›   ماڭىزدى حابارلار

شي جينپيڭ شىعىس، باتىس بولىكتەر ىستەستىگى جانە تۇيىندەردە تۇرىپ كومەكتەسۋ - سۇيەمەلدەۋ قىزمەتىن تەرەڭدەتۋ جونىندە ماڭىزدى نۇسقاۋ بەرىپ، بىلاي دەپ باسا دارىپتەدى

جاعدايدىڭ، مىندەتتىڭ وزگەرىسىنە ۇيلەسىپ، كەدەيلىكتەن ارىلتۋدان قامال الۋ رۋحىن اسقاقتاتىپ، اۋىل شارۋاشىلىعىنىڭ، اۋىل - قىستاقتىڭ وسىزاماندانۋىن جەدەلدەتىپ، اۋىل - قىستاقتىڭ گۇلدەنۋىن جاپپاي ىلگەرىلەتۋ كەرەك

  شينحۋا اگەنتتىگىنىڭ 4 - ايدىڭ 8 - كۇنى بەيجيڭنەن بەرگەن حابارى. جۇڭگو كوممۋنيستىك پارتياسى ورتالىق كوميتەتىنىڭ باس شۋجيى، مەملەكەت ءتوراعاسى، ورتالىق اسكەري ىستەر كوميتەتىنىڭ ءتوراعاسى شي جينپيڭ جۋىقتا شىعىس، باتىس بولىكتەر ىستەستىگى جانە تۇيىندەردە تۇرىپ كومەكتەسۋ - سۇيەمەلدەۋ قىزمەتىن تەرەڭدەتۋ جونىندە ماڭىزدى نۇسقاۋ بەرىپ، بىلاي دەپ اتاپ كورسەتتى: شىعىس، باتىس بولىكتەر ىستەستىگىن جانە تۇيىندەردە تۇرىپ كومەكتەسۋ - سۇيەمەلدەۋدى ورىستەتۋ − پارتيا ورتالىق كوميتەتىنىڭ وڭىرلەردىڭ سايكەسە دامۋىن ىلگەرىلەتۋدى، بىرگە بايۋدى جەبەۋدى كوزدە ۇستاپ جاساعان كەلەلى شەشىمى. جاعدايدىڭ، مىندەتتىڭ وزگەرىسىنە ۇيلەسىپ، نازاردى كەدەيلىكتەن ارىلتۋدان قامال الۋ جەتىستىكتەرىن بەكەمدەۋگە، كەڭەيتۋگە، اۋىل - قىستاقتىڭ گۇلدەنۋىن جاپپاي ىلگەرىلەتۋگە شوعىرلاندىرىپ، شىعىس، باتىس بولىكتەر ىستەستىگى مەن تۇيىندەردە تۇرىپ كومەكتەسۋ - سۇيەمەلدەۋ قىزمەتىن تەرەڭدەتۋ كەرەك.

  شي جينپيڭ بىلاي دەپ باسا دارىپتەدى: شىعىس، باتىس بولىكتەردىڭ جۇپ بولىپ كومەكتەسۋ - سۇيەمەلدەۋ قاتىناسىن كەمەلدەندىرىپ، كومەكتەسۋ - سۇيەمەلدەۋ سالالارىن كەڭەيتىپ، كومەكتەسۋ - سۇيەمەلدەۋ مەحانيزمىن اقاۋسىزداندىرىپ، كومەكتەسۋ - سۇيەمەلدەۋ ءتاسىلىن ساپالىلاندىرىپ، كاسىپ سالالارى سەلبەستىگىن، بايلىقتاردىڭ ءوزارا تولىقتاۋىن، ەڭبەككۇشتەردىڭ ۇشتاسۋىن، دارىندىلاردىڭ اۋىس - كۇيىسىن كۇشەيتىپ، تۇتاس قوعامدى ات سالىسۋعا جۇمىلدىرىپ، وڭىرلەر سايكەسە داميتىن، سەلبەسە داميتىن، بىرگە داميتىن تاماشا جاعداي قالىپتاستىرۋ كەرەك. ورتالىقتىڭ تۇيىندەردە تۇرىپ كومەكتەسۋ - سۇيەمەلدەۋ ورىندارى كومەكتەسۋ - سۇيەمەلدەۋ جاۋاپكەرشىلىگىن تياناقتاندىرىپ، وزىندىك باسىمدىعىن ساۋلەلەندىرىپ، كومەكتەسۋ - سۇيەمەلدەۋ شارالارىنا جاڭالىق ەنگىزىپ، قىزمەتتەرگە جەتەكشىلىك ەتۋدى كۇشەيتىپ، ساياساتتاردىڭ تياناقتانۋىن قۋزاپ، كومەكتەسۋ - سۇيەمەلدەۋدىڭ ناقتى ونىمدىلىگىن جوعارىلاتۋى كەرەك. بۇكىل پارتيا كەدەيلىكتەن ارىلتۋدان قامال الۋ رۋحىن اسقاقتاتىپ، قولايلى جاعدايدان ۇتىمدى پايدالانىپ، جالعاستىرا كۇرەس جاساپ، اۋىل شارۋاشىلىعىنىڭ، اۋىل - قىستاقتىڭ وسىزاماندانۋىن جەدەل ىلگەرىلەتىپ، اۋىل - قىستاقتىڭ گۇلدەنۋىن جاپپاي ىلگەرىلەتۋى كەرەك.

  مەملەكەتتىك شىعىس، باتىس بولىكتەر ىستەستىگى جانە ورتالىقتاعى ورىنداردىڭ تۇيىندەردە تۇرىپ كومەكتەسۋ - سۇيەمەلدەۋ قىزمەتىن ىلگەرىلەتۋ ءماجىلىسى 4 - ايدىڭ 8 - كۇنى نيڭشيانىڭ يىنچۋان قالاسىندا اشىلدى. ءماجىلىس شي جينپيڭنىڭ ماڭىزدى نۇسقاۋىن جەتكىزدى، ۇيرەندى. جۇڭگو كوممۋنيستىك پارتياسى ورتالىق كوميتەتى ساياسي بيۋروسىنىڭ مۇشەسى، مەملەكەتتىك كەڭەستىڭ ورىنباسار زۇڭليى حۋ چۋنحۋا ماجىلىسكە قاتىناستى ءارى ءسوز سويلەدى. ول بىلاي دەپ باسا دارىپتەدى: باس شۋجي شي جينپيڭنىڭ ماڭىزدى نۇسقاۋىنىڭ رۋحىن مۇقيات ۇيرەنىپ، دايەكتىلەندىرىپ، جاڭا دامۋ كەزەڭىندە شىعىس، باتىس بولىكتەر ىستەستىگى مەن تۇيىندەردە تۇرىپ كومەكتەسۋ - سۇيەمەلدەۋ قىزمەتىنە تاباندى بولۋدىڭ جانە ونى كەمەلدەندىرۋدىڭ كەلەلى ءمانىن تەرەڭ تانىپ، اۋىل - قىستاقتىڭ گۇلدەنۋىن جاپپاي ىلگەرىلەتۋ كەرەك. شىعىس، باتىس بولىكتەر ىستەستىگى بويىنشا جۇپ بولۋ قاتىناسىن رەتتەۋدى مىقتى يگەرە ىلگەرىلەتىپ، كومەكتەسۋ - سۇيەمەلدەۋ قىزمەتى مەن كادرلار قوسىنىن ورنىقتى وتكەرۋگە شىنايى كەپىلدىك ەتۋ كەرەك. ىستەستىك، كومەكتەسۋ - سۇيەمەلدەۋ ءتاسىلىن جەدەل قاراستىرىپ، كەدەيلىكتەن ارىلتۋدان قامال الۋ جەتىستىكتەرىن كۇش سالا بەكەمدەپ، كەڭەيتىپ، كاسىپ سالالارىن كوشىرۋدى ىلگەرىلەتىپ، بازار سەلبەستىگىن كۇشەيتىپ، قوعامدىق ىستەردىڭ دامۋ دەڭگەيىن جوعارىلاتىپ، وڭىرلەردىڭ سايكەسە دامۋىن جەبەۋ كەرەك. ورتالىقتاعى ورىندار كادرلاردى تاڭداپ جىبەرۋ، قارجىلىق قولداۋ، كاسىپ سالالارى بويىنشا جۇمىستاندىرۋدى سۇيەمەلدەۋ سياقتى قىزمەتتەردى ۇزدىكسىز ويداعىداي ىستەپ، تۇيىندەردە تۇرىپ سۇيەمەلدەنەتىن اۋدانداردىڭ جەدەل دامۋىن قولداۋ كەرەك.

  ماجىلىستە شىعىس، باتىس بولىكتەر ىستەستىگى بويىنشا كەلىسىمگە قول قويۋ سالتى وتكىزىلىپ، شىعىس، باتىس بولىكتەر ىستەستىگى قىزمەتىنىڭ قاتىستى احۋالدارى حابارلاندىرىلدى. نيڭشيا، بەيجيڭ، جياڭسۋ، فۋجيان، گۋاڭدۇڭ، گۇيجوۋ، گانسۋداعى قاتىستى جاۋاپتى جولداستار ماجىلىستە ءسوز سويلەدى.

  شىعىس، باتىس بولىكتەر ىستەستىگى بويىنشا كومەكتەسۋ - سۇيەمەلدەۋ مىندەتىن ارقالاعان قاتىستى ولكە، اۆتونوميالى رايون، توتە قاراستى قالالارداعى، ورتالىقتاعى ورىنداردىڭ تۇيىندەردە تۇرىپ كومەكتەسۋ - سۇيەمەلدەۋ جەتەكشى تاراۋلارىنداعى جاۋاپتى جولداستار، ورتالىق اۋىل - قىستاق قىزمەتى باسشىلىق گرۋپپاسى كەڭسەسىندەگى، اۋىل شارۋاشىلىعى، اۋىل - قىستاق مينيسترلىگىندەگى، مەملەكەتتىك اۋىل - قىستاقتى گۇلدەندىرۋ مەكەمەسىندەگى نەگىزگى جاۋاپتى جولداستار، ت . ب ماجىلىسكە قاتىناستى.

جاۋاپتى رەداكتور : سايراش تۇرارجان قىزى

ەسكەرتۋ:

تورابىمىزداعى مازمۇنداردى پايدالانۋعا تۋرا كەلگەندە، ءسوزسىز جازباشا رۇقساتقا يە بولۋ كەرەك. مازمۇنداردى رۇقساتسىز جالعاپ تاراتۋعا، كەسىپ رەداكسيالاۋعا، وزگەرتۋگە، قىسقارتىپ قۇراستىرۋعا، باسقا ورىنعا كوشىرۋگە نەمەسە باسقا تاسىلدەرمەن كوبەيتۋگە ءارى تاراتۋعا بولمايدى، قايشى كەلگەندەردىڭ زاڭدىق جاۋاپكەرشىلىگى زاڭ بويىنشا قۋزاستىرىلادى.