اۆتونوميالى رايوندىق ماقتا - كەندىر سەرىكتەستىگى بۇراتالا ماقتا - كەندىر پۋنكتى:
شينجياڭ ماقتاسىنا كۇيە جاعاتىن سۇرقيا قىلىقتارعا باتىل قارسى تۇرامىز
جۋىقتا امەريكاداعى، باتىس جاقتاعى جۇڭگوعا قارسى كۇشتەر ايتىلمىس ”زورلىقپەن ەڭبەككە سالۋ“ جالاسىن قاساقانا ويدان قيىستىرىپ، شينجياڭ ماقتاسى مەن توقىماشىلىق، كيىم - كەشەك قامداۋ تىزبەگىنە ۇزدىكسىز قىسىم ءتۇسىرىپ، جازالاۋ جۇرگىزدى، ءبىر ءبولىم حالىقارالىق ايگىلى ماركالار مەن حالىقارالىق قۇرىلىمدار وسەك - اياڭ مەن جالعان ينفورماتسيالار نەگىزىندە، شينجياڭ ماقتاسىن، سونداي - اق ماقتادان جاسالعان ونىمدەردى پايدالانۋعا تيىم سالۋ جونىندە مالىمدەمە جاريالاپ، شينجياڭنىڭ، ءتىپتى، جۇڭگونىڭ ماقتا توقىماشىلىق كاسىپ سالاسىنىڭ اتاق - ابىرويىنا ناشار ىقپال جەتكىزدى، سونداي - اق ءار ۇلت ەڭبەكشىلەردىڭ اتاق - ابىرويى مەن ادامدىق ار - نامىسىن اۋىر زياندادى، ءبىز بۇعان قاتاڭ كەكتەنەمىز جانە باتىل قارسى تۇرامىز!
ماقتا كاسىپ سالاسى شينجياڭداعى ءار ۇلت باۋىرلارستاردىڭ كىرىستى ارتتىرىپ بايۋىنداعى ماڭىزدى جول. شينجياڭدا ماقتا ەگۋگە باپ كەلەتىن وزگەشە شارت - جاعداي بار، وندىرىلگەن ماقتانىڭ ساپاسى تاماشا، ءونىم مولشەرى جوعارى، ەل ءىشى ماقتا توقىماشىلىق كاسىپ سالاسىنىڭ اقاۋسىز، باياندى دامۋىنداعى ماڭىزدى شيكىزاتتىق قامتاماسىزدىق، سونداي - اق الەمدىك كاسىپ سالاسى جاپپاي تانىعان جوعارى ساپالى تابيعي تالشىق شيكىزاتى بولىپ تابىلادى، الەمدىك كولەمدەگى ماقتا توقىماشىلىق، كيىم - كەشەك ونىمدەرىنە بولعان تۇراقتى تۇتىنۋ قاجەتىن ءبىرشاما جاقسى قاناعاتتاندىردى، اسىرەسە، شينجياڭنىڭ جەرگىلىكتى ءونىمى ۇزىن تالشىقتى ماقتا جوعارى ساپالى ماقتا ءجىپتىڭ ماڭىزدى شيكىزاتى رەتىندە، ەل ءىشى تومەنگى بۋىن كاسىپورىندارىنىڭ جوعارى سورتتى كەزدەمە وندىرۋدەگى ماڭداي الدى تاڭداۋىنا اينالدى. جۋىق جىلداردان بەرى مەملەكەتتىڭ ماقتا كاسىپ سالاسىنىڭ دامۋىن جوبالاۋى مەن ءتۇرلى ساياساتتاردىڭ كۇش سالا قولداۋىندا شينجياڭنىڭ ماقتا ەگۋى، ءوندىرىسى ورنىقتىلىقتى ساقتادى، ماقتا توقىماشىلىق جانە كيىم - كەشەك كاسىپ سالاسىنىڭ دامۋى تەزدەپ، شينجياڭ بۇكىل ەلدىڭ توقىماشىلىق، كيىم - كەشەك كاسىپ سالاسىندا قارجى قوسۋ ەڭ تەبىندى، دامۋى ەڭ تەز وڭىرگە اينالىپ، شينجياڭنىڭ ەكونوميكاسىنىڭ دامۋىن جەبەۋدە، كەدەي حالىقتىڭ كىرىسىن ارتتىرىپ كەدەيلىكتەن ارىلۋىنا دەم بەرۋدە، ءار ۇلت بۇقاراسىنىڭ جۇمىستانۋ ماسەلەسىن شەشۋدە، حالىق تۇرمىسىن جاقسارتىپ ىرىس - قۇتىن ارتتىرۋدا ماڭىزدى رول اتقاردى. ماقتا كاسىپ سالاسىنىڭ ۇشقان قۇستاي دامۋى بۇكىل شينجياڭداعى ءار ۇلت بۇقاراسىنىڭ قاجىرلىلىقپەن ەڭبەكتەنۋىنىڭ جەمىسى، سونداي - اق شينجياڭداعى ءار ۇلت بۇقاراسى دا ماقتا كاسىپ سالاسىنىڭ ەڭ ۇلكەن يگىلىكتەنۋشىسى بولىپ وتىر.
جۋىق جىلداردان بەرى شينجياڭنىڭ ماقتا وندىرىسىندە ۇلكەن جاقتان ماشينالانۋ، زەردەلىلەنۋ، كولەمدەنۋ جۇزەگە اسىرىلدى، ادام كۇشىمەن ماقتا تەرۋ قاجەت بولاتىن ءبىر ءبولىم وڭىرلەردە، ماقتا تەرۋشىلەر ءوز قالاۋى بويىنشا ماقتا تەرەتىن جەردى تاڭداي الادى، ماقتا ەگىمشىلىك وتباسىن تاڭداي الادى، بىردەي كەڭەسۋ نەگىزىندە ەڭبەكاقىنى، كۇن نەمەسە اي بويىنشا ەسەپ ايىرۋدى تۇراقتاندىرادى. ەگىنشىلىكتىڭ قاۋىرت مەزگىلىندە، ەگىمشىلىك وتباسىلارى ۇنەمى جوعارىراق ەڭبەكاقى، جاقسىراق جاتاق، تاماق شارت - جاعدايى ارقىلى ماقتا تەرۋشىلەردى وزدەرىنە كەلىپ ماقتا تەرۋگە باۋرايدى.
قازىرگى دۇنيە ءجۇزى − ءبىر جەر شارى قىستاعى ىسپەتتى، ءار ەل اراسىنداعى بايلانىس بارعان سايىن قويۋلاستى، كاسىپ سالاسى تىزبەگى، قامداۋ تىزبەگى، قۇن تىزبەگى ءار ەل كاسىپورىندارىن تىعىز بايلانىستىرىپ، ءبىر - بىرىمەن بىتە قايناسقان، جاقسىلىقتا دا، جاماندىقتا دا بىرگە بولاتىن قاتىناس قالىپتاستىردى. ءبىز قاتىستى حالىقارالىق ۇيىمداردىڭ، ساۋدالىق قارجى قوسۋدى جەبەۋ قۇرىلىمدارىنىڭ، ساۋدا قوعامى ۇيىمدارىنىڭ جانە ونەركاسىپ - ساۋدا كاسىپورىندارى سالاسىنىڭ ۋاكىلدەرىن شينجياڭعا كەلىپ ارالاپ، كورىپ، شىنايى شينجياڭدى، ءار ۇلت جۇمىسشى - قىزمەتكەرلەر ءوز نەسىبەسىن العان، ەكونوميكاسى مەن قوعامى دامىپ، كوركەيگەن شينجياڭدى ءوز كوزدەرىمەن كورۋگە شىن نيەتپەن ۇسىنىس ەتەمىز. ءبىز وسى بىلجىراقتاردىڭ شينجياڭنىڭ كوركەيىپ - گۇلدەنۋىنە، ورنىقتىلىعىنا كەدەرگىلىك جاساي المايتىندىعىنا، شينجياڭداعى ءار ۇلت جۇمىسشى - قىزمەتكەرلەردىڭ تاماشا تۇرمىسقا تالپىنعان قادامىنا بوگەت بولا المايتىندىعىنا سەنەمىز. ءبىز ءار ەلدىڭ ونەركاسىپ - ساۋدا سالاسىنداعى دوستاردىڭ امەريكاداعى، باتىس جاقتاعى جۇڭگوعا قارسى كۇشتەردىڭ وتىرىكتەرىنىڭ، ساندىراقتارىنىڭ ازدىرۋىنا ۇشىراماي، جان - جاقتى، جوعارى ساپالى ەكونوميكا - ساۋدا سەلبەستىگىن ىلگەرىلەتۋ جاعىندا سەلبەستىك جاساپ، تەڭ يگىلىككە كەنەلىپ، تاماشا بولاشاقتى بىرگە جاراتۋىن ءۇمىت ەتەمىز.
