تيانشان تورى   ›   بىلگەنگە مارجان   ›   وتباسى جانە تۇرمىس

مىناداي ادامدار جاڭا تيپتى ايدارشا ۆيرۋس ۆاكسيناسىن ەكتىرۋگە ۇيلەسپەيدى

قورعانۋ باعدارناماسى

  انار بۇلت / شينجياڭ گازەتىنىڭ ءتىلشىسى سۋ لۋپيڭ 3 - ايدىڭ 28 - كۇنى ۇرىمجىدەن حابارلايدى. ”قازىر ەلىمىز بەكىتكەن جاڭا تيپتى ايدارشا ۆيرۋس ۆاكسيناسىنىڭ حاۋىپسىزدىگى، ونىمدىلىگى جونىندە تاماشا دالەل بار، ءبىز جۇرتتىڭ ءمان - جايدى ءبىلىپ ماقۇلدىق بەرۋ، ءدارى جاقپايتىن اۋرۋ جوققا شىعارىلعان العى شارتىندا، ەكتىرۋگە بەلسەنە قاتىناسۋىن دارىپتەيمىز“. 3 - ايدىڭ 28 - كۇنى جاڭا تيپتى ايدارشا ۆيرۋس ۆاكسيناسىن ەكتىرۋ بارىسىندا جۇرت ءبىرشاما كوڭىل ءبولىپ وتىرعان ماسەلەگە مەڭزەس، اۆتونوميالى رايوندىق اۋرۋدىڭ الدىن الۋ، تىزگىندەۋ ورتالىعى يممۋنيتەت جوبا ورنىنىڭ ورىنباسار مەڭگەرۋشىسى شيە نا تۇسىنىك جاسادى.

  شيە نا بىلاي دەپ تانىستىردى: قازىر ەلىمىز ىستەتىپ وتىرعان جاڭا تيپتى ايدارشا ۆيرۋس ۆاكسيناسىنا ولشەم بويىنشا تۇگەلدەي كلينيكالىق زەرتتەۋ ورىستەتىلىپ، مەملەكەتتىك ءدارى - دارمەك باقىلاۋ تاراۋلارىنىڭ بەكىتۋىنە يە بولدى ءارى قاتاڭ تەكسەرۋدەن وتكەن سوڭ پايدالانۋعا بەرىلدى. ۆاكسينانى ساقتاۋدىڭ جانە تاسۋدىڭ تۇتاس بارىسىنداعى مەرزىمدى ۋاقىتتا تەمپەراتۋرا ەستەلىككە الىنىپ، بەلگىلەنگەن تالاپقا ۇيلەسۋىنە شىنايى كەپىلدىك ەتىلدى؛ ەگۋ بارىسىندا قىزمەتكەرلەردى باۋلۋ سەرپىنىن ارتتىرىپ، ەمدەۋ قىزمەتكەرلەرىنەن ”ءۇشتى تەكسەرۋ، جەتىنى سالىستىرۋ، ءبىردى تەكسەرىپ دالەلدەۋ“ بويىنشا ولشەمدى جۇمىس جۇرگىزۋدى قاتاڭ اتقارۋدى تالاپ ەتىپ، ۆاكسينانىڭ حاۋىپسىزدىگى مەن ونىمدىلىگى تولىق قامتاماسىز ەتىلدى.

  3 - ايدىڭ 28 - كۇنى مەملەكەتتىك كەڭەس بىرلەسىپ ساقتانۋ، بىرلەسىپ تىزگىندەۋ مەحانيزمى وتكىزگەن اقپار جاريالاۋ ماجىلىسىنەن تاراعان حابارعا قاراعاندا، 3 - ايدىڭ 27 - كۇنى ساعات 24كە دەيىن، بۇكىل ەلدە جالپى جاڭا تيپتى ايدارشا ۆيرۋس ۆاكسيناسىن ەگۋ 100 ميلليون رەتتەن اسقاندىعى مالىمدەلگەن. ”سونىمەن بىرگە، ەلىمىز شۇعىل قاجەت ەتكەن 69 وركەندەپ كەلە جاتقان ەلگە تەگىن ۆاكسينا كومەگىن بەرگەن، 43 ەلگە ۆاكسينا ەكسپورت ەتكەن، بۇل دا ۆاكسينامىزدىڭ حاۋىپسىز، سەنىمدى ەكەندىگىن دالەلدەيدى“، -دەدى شيە نا.

  جاڭا تيپتى ايدارشا ۆيرۋس ۆاكسيناسىنا نەمەسە ۆاكسينانىڭ قۇرامىنا اسىرە سەزىمتال ادامدار، بۇرىن ۆاكسينا ەكتىرگەننەن كەيىن اۋىر اسىرە سەزىمتال اسەرى تۋىلعان (ماسەلەن، شۇعىل اسىرە سەزىمتال اسەرى، قان تامىرلاردىڭ جۇيكەلىك سۋلى ىسىگى، تىنىس الۋدىڭ قيىنداۋى قاتارلىلار)، دەنە قىزۋى ورلەۋ مەزگىلىندە نەمەسە شۇعىل اۋرۋعا شالدىققان، سوزىلمالى اۋرۋدىڭ شۇعىل قوزعالۋ مەزگىلىندە تۇرعان، تىزگىندەلمەگەن سالماقتى سوزىلمالى اۋرۋعا شالدىققان ناۋقاستار، جۇكتى ايەلدەر قاتارلىلار جاڭا تيپتى ايدارشا ۆيرۋس ۆاكسيناسىن ەكتىرۋگە ۇيلەسپەيدى.

  سوزىلمالى اۋرۋعا شالدىققان ناۋقاستار − جاڭا تيپتى ايدارشا ۆيرۋس وكپە قابىنۋ سالماقتى اۋرۋى جانە ءولىم حاۋپى اسا جوعارى بولۋداي ادامدار شوعىرىنا ءتان بولعاندىقتان، سوزىلمالى اۋرۋعا شالدىققان ناۋقاستار اۋرۋى قوزعالماعان كەزدە، سالاماتتىق جاعدايى مۇمكىندىك بەرگەن جاعدايدا جاڭا تيپتى ايدارشا ۆيرۋس ۆاكسيناسىن ەكتىرۋىنە بولادى. جاڭا تيپتى ايدارشا ۆيرۋس ۆاكسيناسىنىڭ تەڭىز ونىمدەرى، جۇمىرتقا، پەنيتسيللين قۇرامى جوق، بۇرىن تەڭىز ونىمدەرىنە، جۇمىرتقاعا اسىرە سەزىمتالدىعى بار نەمەسە گۇل توزاڭىنا، باسقا دارىلەرگە (ماسەلەن، پەنيتسيللين) اسىرە سەزىمتال ادامدار، ەگەر سالاماتتىق جاعدايى ەكتىرۋ شارتىنا ۇيلەسسە، ۆاكسينا ەكتىرۋىنە بولادى.

  ”جۇرت ۆاكسينا ەكتىرگەندە شيپاگەرگە دەنساۋلىق جاعدايىن جانە بۇرىنعى اۋرۋ تاريحى، اسىرە سەزىمتالدىق تاريحى سياقتى ينفورماتسيالارىن، وتە - موتە، سوزىلمالى اۋرۋ تاريحىن قاز قالپىندا ايتىپ، شيپاگەردىڭ جالپىلىق سارالاۋىنا، ۆاكسينا ەكتىرۋگە ۇيلەسەتىن - ۇيلەسپەيتىندىگىن تۇجىرىمداۋىنا قولايلىلىق جاساۋى كەرەك“. شيە نا بىلاي دەدى: ەكتىرۋدەن بۇرىن انىقتالعان جاڭا تيپتى ايدارشا ۆيرۋس وكپە قابىنۋى دياگنوزى تۇراقتاندىرىلعان ناۋقاستارعا، اۋرۋ بەلگىسى جوق جۇعىمدالۋشىلارعا جاڭا تيپتى ايدارشا ۆيرۋس ۆاكسيناسىن ەكتىرۋ قازىرشە ۇسىنىس ەتىلمەيدى.

جاۋاپتى رەداكتور : سايراش تۇرارجان

ەسكەرتۋ:

تورابىمىزداعى مازمۇنداردىڭ مەنشىك ۇقىعى شينجياڭ ۇيعۇر اۆتونوميالى رايوندىق حالىق ۇكىمەتى اقپارات كەڭسەسىنە ءتان، جاريالانعان مازمۇنداردى سىلتەمەسىز كوشىرۋگە بولمايدى. كوشىرىپ پايدالانۋعا تۋرا كەلگەندە، «تيانشان تورى » الىنعانى انىق ەسكەرتىلۋى ءتيىس، بولماسا زاڭدىق جاۋاپكەرلىگى قۋزاستىرىلادى.