تيانشان تورى   ›   جاڭالىقتار   ›   شينجياڭ حابارلارى

وسىنشاما جاقسى قىزمەت ورتاسىندا”زورلىقپەن ەڭبەككە سالۋ“قايتىپ بولادى؟

شينجياڭ فۋلي جىنلۇن ماقتا توقىماشىلىق شەكتى سەرىكتەستىگى:

وسىنشاما جاقسى قىزمەت ورتاسىندا ”زورلىقپەن ەڭبەككە سالۋ“ قايتىپ بولادى؟

  جۋىردا ءىشىنارا شەتەل كاسىپورىندارى شينجياڭدا ايتىلمىس ”زورلىقپەن ەڭبەككە سالۋ“ ءومىر ءسۇرىپ وتىر دەگەندى سىلتاۋ ەتىپ، شينجياڭنىڭ ماقتاسىنا جالا جاپتى، كۇيە جاقتى، مۇنى سەرىكتەستىگىمىز قاتاڭ جازعىرادى، وعان باتىل قارسى تۇرادى!

  شينجياڭ فۋلي جىنلۇن ماقتا توقىماشىلىق شەكتى سەرىكتەستىگىندە از ۇلت قىزمەتكەر كوپ ساندى ۇستايدى، قىزمەتكەرلەردىڭ جان باسىندىق ايلىق كىرىسى 4500 يۋان توڭىرەگىندە. سەرىكتەستىك قاتاڭ تۇردە «جۇڭحۋا حالىق رەسپۋبليكاسىنىڭ ەڭبەك زاڭى» بويىنشا قىزمەتكەرلەردى ”5 قامسىزداندىرۋ، ءبىر قوردان“ يگىلىكتەندىرىپ، 8 ساعاتتىق قىزمەت ءتۇزىمىن قاتاڭ اتقارادى. قىزمەت ورتاسىن جاقسارتۋ، قىزمەتكەرلەردىڭ ەڭبەك كۇشەمەلىلىگىن جەڭىلدەتۋ ءۇشىن، سەرىكتەستىك ءار جۇمىس تارتىبىنە تەڭگەرمە كولىك دوڭگەلەگى سياقتىلاردى سەپتەدى. سەرىكتەستىكتىڭ بارلىق توقىماشىلىق جابدىقتارىنىڭ اۆتوماتتانۋ، سيفرلانۋ، ۇزىلىسسىزدەنۋ دارەجەسى جوعارى، قىزمەتكەرلەر تەك قاراپايىم باقىلاۋ جۇمىسىن عانا ىستەيدى. سەح ءىشىنىڭ تەمپەراتۋراسى تۇراقتى، ورتاسى تازا دا رەتتى، ادامعا جانعا جايلى اسەر بەرەدى. سەرىكتەستىك ءار قىزمەتكەردى تەگىن جاتاقپەن قامدايدى، ءار جاتاقتا تۇگەلدەي اۋا رەتتەگىش، تەلەۆيزور، كەڭ جولاقتى ينتەرنەت جانە بولەك تازالىق بولمەسى بار، 24 ساعات بويى ىستىق سۋ كەلىپ تۇرادى. مۇنان سىرت، سەرىكتەستىك ءار جىلى جان باسىنا 4000 يۋاننان استام قارجىنى قىزمەتكەرلەر تۇرمىسىنىڭ ءار جاعىن قامتىعان ءتۇرلى يگىلىكتەردى تاراتۋعا پايدالانادى.

  سەرىكتەستىگىمىزدە كوپتەگەن از ۇلت قىزمەتكەرلەر ءبىر مەزگىل ۋاقىت قىزمەت ىستەگەننەن كەيىن، بىرتىندەپ سەرىكتەستىكتىڭ تىرەكتى كۇشتەرى بولىپ جەتىلىپ، ەڭبەكاقى مامىلەسى دە وسىعان ىلەسە جوعارىلادى. كەيبىر قىزمەتكەرلەر اۆتوكولىك، ءۇي ساتىپ الىپ قانا قالماستان، اكە - شەشەسىن، بالالارىن ءوز قاسىنا بىرگە تۇرمىس كەشىرۋگە اكەلىپ الدى. سونىمەن بىرگە كوپتەگەن قىزمەتكەرلەر ءوزىنىڭ تۋىستارىن، قىستاقتاعى اۋىلداستارىن سەرىكتەستىككە قىزمەتكە كەلۋگە تانىستىردى. 11 - سەح 2 - سىمەناسىنداعى جىڭىشكە ءجىپتى بولىككە اۋىستىرۋشى جۇمىسشى قۇربان ءالي مەن اعاسى 2017 - جىلى سەرىكتەستىككە قىزمەتكە بىرگە كەلگەن. 3 جىلدان استام ۋاقىتتان بەرى ول ىلگەرىندى - كەيىندى ءوزىنىڭ اپەكەسى مەن قىستاقتارىنداعى كوپتەگەن جاستاردى سەرىكتەستىككە قىزمەتكە كەلۋگە تانىستىردى، سونىمەن قوسا شەشەسى مەن بالاسىن دا بىرگە تۇرمىس كەشىرۋگە الىپ كەلدى. قازىر قۇربان ءاليدىڭ بالاسى سەرىكتەستىكتىڭ ماڭىنداعى حۇڭچي الەۋمەتتىك اۋماعىنىڭ بالاباقشاسىندا وقىپ جاتىر. وسىنشاما جاقسى قىزمەت ورتاسى مەن مامىلەدە ايتىلمىس ”زورلىقپەن ەڭبەككە سالۋ“ قالاي ءومىر سۇرمەك؟

  سەرىكتەستىگىمىزدە قىزمەتكەرلەر مادەنيەت بىلىمدەرىن ۇيرەنىپ، تەحنيكالىق شەبەرلىك يگەرىپ قانا قالماستان، تۋىستىق مەيىر مەن دوستىق سۇيىسپەنشىلىككە دە يە بولدى. سەحتاعى ءار سىمەنا ءبىر وتباسى سياقتى، قىزمەتكەرلەر ءوزارا كومەكتەسىپ، تاتۋ بىرگە تۇرىپ، تەرەڭ سۇيىسپەنشىلىك ورناتىپ، قىزمەتتەگى جاقسى جولداستار عانا ەمەس، تۇرمىستاعى جاقسى سەرىكتەرگە اينالدى. سەرىكتەستىك تاعى جۇپ قۇراۋ، دوستاسۋ، تۋىستاسۋ سياقتى قيمىلداردى ورىستەتۋ ارقىلى ءار ۇلت قىزمەتكەرلەرىنىڭ اراسىنا دانەكەر بولىپ، ءوزارا ىشتەسۋ، توعىسۋ تۇعىرىن ازىرلەپ، ءار ۇلت قىزمەتكەرلەرىن اناعۇرلىم ەتەنە، اناعۇرلىم جاقىن ەتە ءتۇستى.

  اپپاق، كىرشىكسىز شينجياڭ ماقتاسىنا ەشقانداي كۇشتىڭ داق سالۋىنا، كۇيە جاعۋىنا جول قويمايمىز. ءبىز امەريكاداعى، باتىس جاقتاعى جۇڭگوعا قارسى كۇشتەرگە مىنانى ەسكەرتەمىز: سەندەردىڭ شينجياڭنىڭ گۇلدەنۋىن، دامۋىن بۇلدىرۋگە ۇرىنعان قاسكۇنەمدىكتەرىڭ مەن قىلىقتارىڭ تەك قانا ساتسىزدىكپەن تىناتىن بولادى!

جاۋاپتى رەداكتور : سايراش تۇرارجان

ەسكەرتۋ:

تورابىمىزداعى مازمۇنداردىڭ مەنشىك ۇقىعى شينجياڭ ۇيعۇر اۆتونوميالى رايوندىق حالىق ۇكىمەتى اقپارات كەڭسەسىنە ءتان، جاريالانعان مازمۇنداردى سىلتەمەسىز كوشىرۋگە بولمايدى. كوشىرىپ پايدالانۋعا تۋرا كەلگەندە، «تيانشان تورى » الىنعانى انىق ەسكەرتىلۋى ءتيىس، بولماسا زاڭدىق جاۋاپكەرلىگى قۋزاستىرىلادى.