انار بۇلت / شينجياڭ گازەتىنىڭ ءتىلشىسى لي ياڭ 4 - ايدىڭ 9 - كۇنى ۇرىمجىدەن حابارلايدى. 4 - ايدىڭ 9 - كۇنى تۇستەن كەيىن اۆتونوميالى رايوننىڭ ءتوراعاسى شوكىرات زاكىر اۆتونوميالى رايوندىق 13 - كەزەكتى حالىق ۇكىمەتىنىڭ 118 - رەتكى ۇنەمىلىك ىستەر ءماجىلىسىن باسقارىپ اشىپ، رايونىمىزدىڭ جۇمىستاندىرۋدىڭ جوعارى ساپالى دامۋىن ىلگەرىلەتۋ، ساياحات بايلىق قاينارىن بىرىكتىرۋ، شينجياڭدى ساياحات ارقىلى گۇلدەندىرۋ ستراتەگياسىن زور كۇشپەن اتقارۋ سياقتى قىزمەتتەردى اقىلداستى.
ءماجىلىس مىنالاردى اتاپ كورسەتتى: جۇمىستاندىرۋدىڭ جوعارى ساپالى دامۋىن ىلگەرىلەتۋ جاڭا داۋىردەگى پارتيانىڭ شينجياڭدى جونگە سالۋ جالپى جوباسىن تولىق، دالمە - ءدال دايەكتىلەندىرۋدەگى ماڭىزدى شارا، سونداي - اق شينجياڭنىڭ قوعام ورنىقتىلىعى مەن باياندى تىنىشتىعىن جۇزەگە اسىرۋداعى ماڭىزدى تىرەك. جوعارى ساپالى دامۋدى نەگىز، جۇمىستاندىرۋدى ورنىقتىرۋدى جانە كەڭەيتۋدى نەگىزگى جەلى ەتىپ، جۇمىستاندىرۋ ارقىلى حالىققا تيىمدىلىك جەتكىزۋ ينجەنەرياسىن اتقارىپ، جۇمىستاندىرۋ ورىندارىن تولىق اشۋ، الەۋمەتتىك جۇمىستاندىرۋعا قىزمەت وتەۋ دەڭگەيىن جوعارىلاتۋ، جۇمىستانۋدا قيىنشىلىعى بار قاۋىمعا كومەكتەسۋ - سۇيەمەلدەۋ، جۇمىستاندىرۋداعى قۇرىلىمدىق قايشىلىقتاردى وڭاۋ، جاراسىمدى ەڭبەك قاتىناسىن قالىپتاستىرۋ جاعىنا كۇش سالىپ، جۇمىستاندىرۋ كولەمىن كەڭەيتۋمەن قاتار جۇمىستاندىرۋ ساپاسىن جوعارىلاتىپ، جۇمىستاندىرۋدىڭ ”سانى“ مەن ”ساپاسىن“ بىرگە دامىتۋدى ىلگەرىلەتىپ، رايونىمىزدىڭ جۇمىستاندىرۋ جاعدايىنىڭ ۇزدىكسىز جاقسارىپ، ەڭبەك قاتىناسىنىڭ جاراسىمدى، ورنىقتى بولىپ، ءار ۇلت بۇقاراسىنىڭ تابىس سەزىمىن، باقىت سەزىمىن، حاۋىپسىزدىك سەزىمىن كۇشەيتۋگە شىنايى كەپىلدىك ەتۋ كەرەك. رايونىمىزدىڭ مۇناي، مۇناي حيميا، كومىر، كومىر حيميا ونەركاسىبى، ەلەكتر قۋاتى، توقىماشىلىق، كيىم - كەشەك، ەلەكتروندى ونىمدەر، جەمىس ورمانى، اۋىل شارۋاشىلىق قوسىمشا ونىمدەرىن مانەرلەۋ، نان، ءجۇزىم شارابى، ساياحات سياقتى ەرەكشە كاسىپ سالالارىن دامىتۋدى مىقتاپ ارقاۋ ەتىپ، جۇمىستاندىرۋ ورىندارىن ىشكەرىلەي اشۋ كەرەك. جوعارى مەكتەپ تاۋىسقان وقۋشىلار، اۋىل - قىستاقتارداعى ارتىق ەڭبەككۇشتەر سياقتى ءتۇيىندى قاۋىمدى جۇمىستاندىرۋدى قولداۋ جۇيەسىن كەمەلدەندىرىپ، جۇمىستانۋدا قيىنشىلىعى بار ادامدارعا ”ءبىردىڭ بىرگە“ بويىنشا كومەكتەسىپ - سۇيەمەلدەۋ جانە ”وتباسىندا بىردە - ءبىر ادامى جۇمىستانباعان وتباسىلارىن“ يكەمدى اداقتاۋ قىزمەت مەحانيزمىن ۇدايىلاندىرىپ اتقارۋ كەرەك. ءومىر بويى كاسىپتىك شەبەرلىك بويىنشا باۋلۋ ءتۇزىمىن اقاۋسىزداندىرىپ، شارۋاشىلىق قۇرۋدى جەبەۋ ارقىلى جۇمىستاندىرۋدى جەتەكتەۋدىڭ، كوپ ارنالارمەن يكەمدى جۇمىستاندىرۋدىڭ قامتاماسىز ەتۋ ءتۇزىمىن كەمەلدەندىرىپ، شارۋاشىلىق قۇرۋ، جاڭالىق اشۋ رايىن قالىپتاستىرۋ كەرەك. ەڭبەك قاتىناسىن سايكەستىرۋ مەحانيزمىن اقاۋسىزداندىرىپ، ”ينتەرنەت +“ الەۋمەتتىك جۇمىستاندىرۋعا، شارۋاشىلىق قۇرۋعا قىزمەت وتەۋ تۇعىرىن قالىپتاستىرىپ، جۇمىستاندىرۋعا قىزمەت وتەۋ ساپاسىن جاپپاي جوعارىلاتۋ كەرەك.
ءماجىلىس مىنالاردى اتاپ كورسەتتى: مەملەكەت مەنشىگىندەگى كاپيتالدىڭ ساياحات كاسىپ سالاسىنداعى جەتەكتەۋ، ۇلگى كورسەتۋ رولىن تولىق ساۋلەلەندىرىپ، اۆتونوميالى رايوننىڭ پارتيا، ۇكىمەت ورگاندارىنىڭ، كاسىپورىن، ءىسورىندارىنىڭ قازىرگى بار ساياحات بايلىق قاينارىن ءونىمدى بىرىكتىرىپ، شينجياڭنىڭ ساياحات ايگىلى ماركاسى وبرازىن جوعارىلاتىپ، ساياحات كاسىبىنىڭ جوعارى ساپالى دامۋىن جەبەۋ كەرەك. نازاردى شينجياڭنىڭ ساياحات كاسىپ سالاسىن شوعىرلاندىرۋ دەڭگەيىن كوتەرۋگە شوعىرلاندىرىپ، كاسىپ سالاسىنىڭ ءىس جۇزىندىگىن تياناق ەتىپ، بازار تۇلعالارىنىڭ ومىرشەڭدىگىن تولىق قاۋلاتىپ، ۇكىمەتتىڭ جەتەكشىلىگى مەن بازارلاندىرىپ جۇمىس جۇرگىزۋدى سايكەستى ىلگەرىلەتۋ مەحانيزمىن قالىپتاستىرۋ كەرەك. قارجى، ساياسات جاعىندا بەيىمدەلىپ، شينجياڭ ساياحاتىنا قارجى قوسۋ كاسىپ سالالارىن بىرىكتىرۋ جانە تيبىن وزگەرتىپ دامىتۋعا ءتۇيىندى قولداۋ كورسەتۋ كەرەك.
ءماجىلىس باسقا دا ىستەردى اقىلداستى.
