تيانشان تورى   ›   ۇيرەنۋ   ›   شولۋ

يدەيانىڭ ۇلى كۇشىن ونان ارى تۇسىنەيىك

− پارتيا تاريحىن ۇيرەنۋ تاربيەسىن تىڭعىلىقتى ورىستەتۋ جونىندە

□ حالىق گازەتىنىڭ شولۋشىسى

  يدەيا دەگەنىمىز كۇش. ءبىر ۇلت ءداۋىردىڭ الدىڭعى لەگىندە ءجۇرۋ ءۇشىن، نازاريالىق ويلاۋدان ءبىر ءسات تە قول ۇزۋىنە بولمايدى، يدەيانىڭ جەتەكشىلىگىنەن ءبىر ءسات تە قول ۇزۋىنە بولمايدى.

  باس شۋجي شي جينپيڭ پارتيا تاريحىن ۇيرەنۋ تاربيەسىنە جۇمىلدىرۋ جينالىسىندا بىلاي دەپ باسا دارىپتەدى: بۇكىل پارتيانى پارتيانىڭ عالامات وزگەشە بارىسىنان ماركسيزمنىڭ جۇڭگونى، دۇنيە ءجۇزىن قالاي تەرەڭ وزگەرتكەنىن ءتۇسىنىپ، ماركسيزمنىڭ اقيقات كۇشى مەن امالياتتىق كۇشىن سەزىنىپ، جۇڭگوشالانعان ماركسيزمنىڭ تامىرلاس ءارى داۋىرمەن بىرگە العا ىلگەرىلەيتىن نازاريالىق قاسيەتىنە بولعان تانىمدى تەرەڭدەتۋگە، اسىرەسە، پارتيا 18 - قۇرىلتايىنان بەرى پارتيا مەن مەملەكەت ىستەرىندە قول جەتكەن تاريحي تابىستارمەن، تۋىلعان تاريحي وزگەرىستەردىڭ بارىسىمەن ۇشتاستىرىپ، جاڭا داۋىردەگى پارتيانىڭ جاسامپاز نازارياسىن تەرەڭ ۇيرەنىپ، ۇعىنىپ، پارتيانىڭ جاسامپاز نازارياسىنىڭ ەڭ جاڭا جەتىستىكتەرى ارقىلى وي - سانانى قارۋلاندىرۋعا، امالياتقا جەتەكشىلىك ەتۋگە، قىزمەتتى ىلگەرىلەتۋگە تاربيەلەۋ، جەتەكتەۋ كەرەك. پارتيا تاريحىن ۇيرەنۋ تاربيەسىن تىڭعىلىقتى ورىستەتۋ ءۇشىن، يدەيانىڭ ۇلى كۇشىن ونان ارى ءتۇسىنىپ، پارتيانىڭ جاسامپاز نازارياسىمەن بۇكىل پارتيانى قارۋلاندىرۋداعى ساياسي سانالىلىقتى كۇشەيتۋ كەرەك.

  جەتەكشى يدەيا − ءبىر ساياسي پارتيانىڭ رۋحاني تۋى. ماركسيزمدىك ساياسي پارتيانىڭ العاباسارلىعى، ەڭ الدىمەن، ساياسي نازاريا جاعىنداعى العاباسارلىعىنان ايگىلەنەدى. پارتيانى يدەيالىق جاقتان قۇرۋعا تاباندى بولىپ، ماركسيزمدىك نازاريانى شەبەرلىكپەن قولدانا وتىرىپ پارتيانى كوركەيتۋ، پارتيانى قۇدىرەتتەندىرۋ − پارتيامىزدىڭ اسا زور ساياسي ابزالدىلىعى. وسى رەتكى پارتيا تاريحىن ۇيرەنۋ تاربيەسىندە، ءبىرىنشى ورىنداعى مىندەت يدەيالىق نازاريامەن قارۋلانۋدى كۇشەيتىپ، قالىڭ پارتيا مۇشەلەرىن، كادرلاردى پارتيانىڭ عالامات وزگەشە بارىسىنان تاريحتىڭ نەلىكتەن ماركسيزمدى تاڭداعاندىعىن، ماركسيزمنىڭ جۇڭگونى قالاي ۇزدىكسىز وزگەرتكەنىن ۇعىنىپ، ماركسيزمنىڭ جۇڭگوشالانۋىنىڭ ەڭ جاڭا جەتىستىگىمەن بۇكىل پارتيانى ونان ارى قارۋلاندىرۋعا، ۇيىستىرۋعا جەتەكتەۋ بولىپ تابىلادى. شي جينپيڭنىڭ جاڭا ءداۋىر جۇڭگوشا سوتسياليزم يدەياسى − پارتيا 18 - قۇرىلتايىنان بەرگى ءىس جۇزىندىك تاجىريبەلەردىڭ شوعىرلى قورىتىندىلانۋى، سونداي - اق رەفورما جاساپ، ەسىك اشقان 40 نەشە جىلدان، جاڭا جۇڭگو قۇرىلعان 70 نەشە جىلدان، جۇڭگو كوممۋنيستىك پارتياسى قۇرىلعان 100 جىلدان بەرگى تاريحي تاجىريبەلەردىڭ تەرەڭدەي سۇرىپتالۋى. وسى عىلمي نازاريامەن وي - سانانى قارۋلاندىرۋ، امالياتقا جەتەكشىلىك ەتۋ، قىزمەتتەردى ىلگەرىلەتۋ − بۇكىل پارتيانىڭ كەلەلى ساياسي مىندەتى. قالىڭ پارتيا مۇشەلەرى، كادرلار يدەيانىڭ ۇلى كۇشىن ءتۇسىنۋ سىندى ماڭداي الدى ءىستى يگەرىپ، شي جينپيڭنىڭ جاڭا ءداۋىر جۇڭگوشا سوتسياليزم يدەياسىن ونان ارى جەتە ۇيرەنۋ، جەتە يگەرۋ، شىنايى تياناقتاندىرۋ كەرەك.

  ءجۇز جىلدىق ساپار ايبىنمەن قۇلاشىن كەڭ جايىپ، 100 جىلدىق اۋەلگى ماقسات ۋاقىت وتكەن سايىن بەكەمدەلە ءتۇستى. باس شۋجي شي جينپيڭ بىلاي دەپ تەرەڭدەي اتاپ كورسەتتى: ”پارتيامىزدىڭ 100 جىلى − اۋەلگى ماقساتتى، بورىشتى مۇراتتان اينىماي امالياتتا ايگىلەگەن 100 جىل، قاجىرلىلىقپەن شارۋاشىلىق قۇرىپ، نەگىز قالاپ كاسىپتەردى كوركەيتكەن 100 جىل، شۇعىلالى ناتيجەلەر جاراتىپ بولاشاق اشقان 100 جىل“. وتكەندەگى كۇرەس جولىنا قايىرىلا قاراساق، تاياۋ زامانعى جۇڭگونىڭ ەڭ قىسىلتاياڭ ساتتەرىندە، جۇڭگو كوممۋنيستەرى ماركسيزم - لەنينيزمدى تاپتى ءارى ماركسيزم - لەنينيزمدى جۇڭگونىڭ ءىس جۇزىندىگىمەن ءوزارا ۇشتاستىرۋعا تاباندى بولىپ، ماركسيزم اقيقاتىنىڭ كۇشى ارقىلى جۇڭحۋا ۇلتىنىڭ نەشە مىڭ جىلدى باستان كەشىرىپ جاراتقان ۇلى وركەنيەتىنە جان ءبىتىرىپ، جۇڭحۋا وركەنيەتىنىڭ قۇدىرەتتى رۋحاني كۇشىن تاعى دا قاۋلاتتى. 100 جىلدان بەرى پارتيامىز ماتەرياليستىك ديالەكتيكالىق عىلمي رۋحپەن، قالتقىسىز، ەشنارسەدەن تايسالمايتىن دارقان پەيىلمەن جۇڭگو توڭكەرىسىنە، قۇرىلىسىنا، رەفورماسىنا باسشىلىق ەتىپ جانە ونى ىلگەرىلەتىپ، كوممۋنيستىك پارتيانىڭ بيلىك جۇرگىزۋ زاڭدىلىعى، سوتسياليستىك قۇرىلىس زاڭدىلىعى، ادامزات قوعامىنىڭ دامۋ زاڭدىلىعى جونىندەگى تانىمدى ۇزدىكسىز تەرەڭدەتىپ، جۇڭگوشالانعان ماركسيزمدى ۇزدىكسىز بايىتتى جانە دامىتتى. مەيلى قولايلى جاعدايدا، الدە قولايسىز جاعدايدا بولسىن، پارتيامىز ماركسيزمگە دەگەن سەنىمنەن ەشقاشان اۋىتقىمادى. اماليات مىنانى دالەلدەدى: ماركسيزم ءبىزدىڭ دۇنيەنى تانۋداعى، زاڭدىلىقتاردى يگەرۋدەگى، اقيقاتقا ۇمتىلۋداعى، دۇنيەنى وزگەرتۋدەگى قۇدىرەتتى يدەيالىق قارۋىمىز، پارتيامىز بەن مەملەكەتىمىز، ءسوز جوق، باستان - اياق بويسۇنۋعا ءتيىستى جەتەكشى يدەيا.

  نازاريانىڭ ومىرشەڭدىگى جاڭالىق اشۋدا. ماركسيزم جۇڭگونى تەرەڭدەي وزگەرتتى، جۇڭگو دا ماركسيزمدى ايرىقشا بايىتتى. 100 جىلدان بەرى پارتيامىز يدەيانى ازات ەتۋ مەن شىندىقتى ءىس جۇزىنەن ىزدەۋدىڭ بىرلىگىنە، نەگىزدى جەتىلدىرىپ ارقاۋدى بەكەمدەۋ مەن تۋراشىلدىقتى ساقتاپ، جاڭالىق اشۋدىڭ بىرلىگىنە تاباندى بولىپ، ماركسيزمنىڭ جاڭا ءورىسىن ۇزدىكسىز اشىپ، ماۋ زىدۇڭ يدەياسىن، دىڭ شياۋپيڭ نازارياسىن، ”ۇشكە ۋاكىلدىك ەتۋ“ ماڭىزدى يدەياسىن، عىلمي دامۋ كوزقاراسىن جارىققا شىعارىپ، شي جينپيڭنىڭ جاڭا ءداۋىر جۇڭگوشا سوتسياليزم يدەياسىن جارىققا شىعارىپ، پارتيا مەن حالىق ىستەرىنىڭ دامۋىنا عىلمي نازاريالىق جەتەكشىلىك ازىرلەپ، بۇكىل پارتيانىڭ، بۇكىل ەلدەگى ءار ۇلت حالقىنىڭ ىنتىماعىن، بىرلىگىن نىعايتۋعا بەرىك يدەيالىق نەگىز قالادى. تۇپتەپ كەلگەندە، شي جينپيڭنىڭ جاڭا ءداۋىر جۇڭگوشا سوتسياليزم يدەياسىنىڭ عىلمي جەتەكشىلىگىندە پارتيا 18 - قۇرىلتايىنان بەرى پارتيا مەن مەملەكەت ىستەرىندە تاريحي تابىستارعا قول جەتىپ، تاريحي وزگەرىستەر جارىققا شىعىپ، جاپپاي جاڭا جاعداي اشىلدى. مەيلى ”بەستى ءبىر تۇلعالاندىرۋ“ جالپى تۇلعالىق ورنالاستىرۋىن ءبىر تۇتاس جوسپارلاپ ىلگەرىلەتۋ، ”ءتورتتى جاپپاي ورىنداۋ“ ستراتەگيالىق ورنالاستىرۋىن سايكەستى ىلگەرىلەتۋ بولسىن، مەيلى رەفورما، دامۋ، ورنىقتىلىقتى، ىشكى ىستەر، ديپلوماتيا، مەملەكەت قورعانىسىن، پارتيانى، مەملەكەتتى، ارميانى جونگە سالۋدى ىلگەرىلەتۋ بولسىن؛ مەيلى جاپپاي دوڭگەلەك داۋلەتتى قوعام ورناتۋدىڭ شەشۋشى جەڭىسىنە جەتۋ، كەدەيلىكتەن ارىلتۋدان قامال الۋ شايقاسىنىڭ جەڭىسىنە قول جەتكىزۋ بولسىن، الدە مەملەكەت حاۋىپسىزدىگى مەن وزەكتى مۇددەنى قورعاۋ، اسىرەسە، جاڭا تيپتى ايدارشا ۆيرۋس وكپە قابىنۋ ىندەتىنە قارسى اتتانۋ كۇرەسىنىڭ كەلەلى ستراتەگيالىق جەتىستىگىنە قول جەتكىزۋ بولسىن، بارلىعى وسى ءبىر ماڭىزدى يدەيانىڭ امالياتقا جەتەكشىلىك ەتۋدەگى، امالياتتى ىلگەرىلەتۋدەگى قۇدىرەتتى كۇش - قۋاتىن ايگىلەدى. ”فىندوۋجى“ ءنومىرلى 10 مىڭ مەتر تەرەڭگە سۇڭگىدى، ”تيانۋىن − 1“ مارستا توقتاۋ وربيتاسىنا كىردى، سالىنىپ جاتقان سىچۋان - شيزاڭ تەمىر جولى اسقار تاۋ، قۇزار شىڭداردان ەندەي ءوتتى، 5G سيگنالى كەڭ - بايتاق قالا، اۋىلعا جىلدام جالپىلاستى... شىنجوۋ دالاسىندا اناعۇرلىم جاڭا، اناعۇرلىم كوركەم كارتينا ورنەكتەلىپ، جالىندى تىرشىلىك تىنىسى مەن ومىرشەڭدىك قاۋلادى. 2020 - جىلى ەلىمىزدىڭ GDPى العاش رەت 100 تريلليون يۋاندىق ۇلكەن وتكەلدەن ءوتىپ، دۇنيە ءجۇزى بويىنشا 2 - ورىنعا تياناقتانادى، ەكونوميكالىق قۋاتى، عىلىم - تەحنيكالىق قۋاتى، جالپىلىق مەملەكەت قۋاتى جانە حالىقتىڭ تۇرمىس دەڭگەيى جاڭا زور بەلەسكە كوتەرىلدى... بەس جۇلدىزدى قىزىل تۋ جەلبىرەپ، يدەيا نۇرى ۇزدىكسىز العا باسۋداعى تەلەگەي ۇلى كۇشكە اينالىپ، سوتسياليستىك جۇڭگو اناعۇرلىم ايبىندى بەينەمەن دۇنيەنىڭ شىعىسىندا اسقاق تۇلعاسىمەن بوي كوتەردى. شي جينپيڭنىڭ جاڭا ءداۋىر جۇڭگوشا سوتسياليزم يدەياسىنىڭ عىلمي جەتەكشىلىگىندە، پارتيامىز بۇكىل ەلدەگى ءار ۇلت حالقىنا باسشىلىق ەتىپ، جاڭا داۋىردە شىت جاڭا شۇعىلالى تابىس جاراتتى.

  يدەيانىڭ نۇر - شۇعىلاسى ءبىر ۇلتتىڭ گۇلدەنۋگە بەت العان ساپارىن نۇرلاندىرىپ، دۇنيە جۇزىنە ىقپال جاسايتىن كۇش - قۋات تۋىنداتادى. شي جينپيڭنىڭ جاڭا ءداۋىر جۇڭگوشا سوتسياليزم يدەياسى جاڭا داۋىردەگى ۇلى كۇرەس بارىسىندا قالىپتاستى، سونداي - اق جاڭا داۋىردەگى ۇلى امالياتقا جەتەكشىلىك ەتۋ بارىسىندا تەلەگەي ۇلى كۇشىن ايگىلەدى. وسى ماڭىزدى يدەيا ماركسيزمنىڭ جۇڭگوداعى دامۋىنىڭ جاڭا ءورىسىن اشتى، ءبىزدى كەلەلى جاعدايدى كوزدەۋگە، وزگەرىسكە ۇيلەسۋگە، جاڭا جاعداي اشۋعا باستايتىن قۇدىرەتتى يدەيالىق قارۋ؛ وسى زامانعى جۇڭگونىڭ ماركسيزمى عانا ەمەس، 21 - عاسىردىڭ ماركسيزمى رەتىندە دۇنيە جۇزىنە تەرەڭ ىقپال جاساۋدا. ءبىز پارتيانىڭ يدەيالىق دامۋ تاريحىنان، نازاريالىق جاسامپازدىق تاريحىنان، وسى ماڭىزدى يدەيانىڭ ماركسيزمگە تاباندى بولۋ جانە ونى دامىتۋدىڭ شۇعىلالى ۇلگىسى ەكەندىگىن تەرەڭ ۇعىنىپ، وسى ماڭىزدى يدەيانىڭ عىلمي سيپاتى مەن اقيقاتتىق سيپاتىن تەرەڭ ۇعىنىپ، ونىڭ كەلەلى ماڭىزىن، باي مازمۇنىن، عىلمي جۇيەسىن، رۋحاني ءمانىن، امالياتتىق تالابىن ىشكەرىلەي يگەرۋىمىز؛ ماركسيزمنىڭ بۇكىل ادامزاتتىڭ ازاتتىعىنا ۇمتىلۋى سىندى ۇلى ىزدەنىسى بارىسىنان، جۇڭگو كوممۋنيستەرىنىڭ دۇنيە ءجۇزىنىڭ ۇلى بىرلىگىنە ۇمتىلۋ سىندى دارقان پەيىلىنەن، وسى ماڭىزدى يدەيانىڭ دۇنيە جۇزىلىك ماڭىزىن ۇعىنىپ، سانالىلىقپەن وسى ماڭىزدى يدەيانىڭ جەتەكشىلىگىندە اناعۇرلىم كوركەم دۇنيە ءجۇزىن قۇرۋعا قۇلشىنۋىمىز كەرەك.

  ءبىر عاسىر بوران - شاشىندى باستان وتكەردى، 90 مىڭ شاقىرىمدىق اسپاندا سامۇرىق سامعاپ بارادى. قازىرگى دۇنيە جۇزىندە، 100 جىلدا بولماعان زور وزگەرىستەر جىلدام قۇبىلىپ، ەلىمىز جۇڭحۋا ۇلتىنىڭ ۇلى گۇلدەنۋىن جۇزەگە اسىرۋدىڭ شەشۋشى ساتىندە تۇر. ”قوس 100 جىلدىقتىڭ“ تاريحي توعىسۋ تۇيىنىندە، جاپپاي سوتسياليستىك وسىزاماندانعان مەملەكەت قۇرۋدىڭ جاڭا ساپارىندا ەكپىندەي ىلگەرىلەپ، ”ءتورت تانىمدى“ كۇشەيتىپ، ”ءتورت سەنىمدى“ بەكەمدەپ، ”ەكىنى قورعاۋدى“ ورىنداپ، پارتيا تاريحىن ۇيرەنۋ تاربيەسىندە يدەيانىڭ ۇلى كۇشىن ونان ارى ءتۇسىنىپ، شي جينپيڭنىڭ جاڭا ءداۋىر جۇڭگوشا سوتسياليزم يدەياسىمەن وي - سانانى قارۋلاندىرۋداعى ساياسي سانالىلىقتى كۇشەيتسەك بولعانى، ءبىز، ءسوزسىز، سەنىمنىڭ نەگىزىن بەكەمدەپ، رۋحاني كالتسيدى تولىقتاپ، يدەيانىڭ تىزگىنىن مىقتى ۇستاپ، ۇزدىكسىز باسىمدىقتارعا قول جەتكىزىپ، ىرىقتىلىققا قول جەتكىزىپ، بولاشاققا قول جەتكىزىپ، حالىقتى ىنتىماقتاستىرىپ جانە باستاپ، جۇڭحۋا ۇلتىنىڭ ماڭگىلىك ۇلى ءىسىن جاراتا الامىز.

  (شينحۋا اگەنتتىگىنىڭ 4 - ايدىڭ 9 - كۇنى بەيجيڭنەن بەرگەن حابارى)

جاۋاپتى رەداكتور : سايراش تۇرارجان

ەسكەرتۋ:

تورابىمىزداعى مازمۇنداردىڭ مەنشىك ۇقىعى شينجياڭ ۇيعۇر اۆتونوميالى رايوندىق حالىق ۇكىمەتى اقپارات كەڭسەسىنە ءتان، جاريالانعان مازمۇنداردى سىلتەمەسىز كوشىرۋگە بولمايدى. كوشىرىپ پايدالانۋعا تۋرا كەلگەندە، «تيانشان تورى » الىنعانى انىق ەسكەرتىلۋى ءتيىس، بولماسا زاڭدىق جاۋاپكەرلىگى قۋزاستىرىلادى.