تيانشان تورى   ›   بىلگەنگە مارجان   ›   وتباسى جانە تۇرمىس

ۆاكسينا ەكتىرگەننەن كەيىن جۋىنۋعا بولادى، دەسە دە اۋىزدى تيۋ كەرەك

قورعانۋ باعدارناماسى

  انار بۇلت / شينجياڭ گازەتىنىڭ ءتىلشىسى سۋ لۋپيڭ 4 - ايدىڭ 8 - كۇنى ۇرىمجىدەن حابارلايدى. ”قالىپتى قيمىل مەن ازىقتانۋ جاڭا تيپتى ايدارشا ۆيرۋس وكپە قابىنۋ ىندەتى ۆاكسيناسىنىڭ ونىمىنە اسەر ەتپەيدى، بۇرىننان قالىپتاسقان تۇرمىس ادەتىن وزگەرتۋدىڭ قاجەتى جوق“. 4 - ايدىڭ 8 - كۇنى الەۋمەت نازار اۋدارىپ وتىرعان ۆاكسينا ەكتىرگەننەن كەيىن كوڭىل بولۋگە ءتيىستى ىستەرگە مەڭزەس، اۆتونوميالى رايوندىق اۋرۋدىڭ الدىن الۋ - تىزگىندەۋ ورتالىعى يممۋنيتەت جوبا ورنىنىڭ ورىنباسار مەڭگەرۋشىسى شيە نا بىلاي دەدى: ۆاكسينا ەكتىرگەننەن كەيىن دەنە قىزۋى ورلەۋ، قالجىراۋ، ءتىپتى، جۇرەك اينۋ، ءىش ءوتۋ سياقتى اۋرۋ بەلگىلەرى پايدا بولعان كەزدە، ازىقتانۋدى ۇيلەسىمدى رەتتەپ، دەمالىسقا كوڭىل ءبولىپ، ارتىق شارشاۋدان ساقتانۋ، اسىرەسە، اراق ىشپەۋ نەمەسە تويا تاماقتانباۋ كەرەك.

  ”جاڭا تيپتى ايدارشا ۆيرۋس وكپە قابىنۋ ىندەتى ۆاكسيناسىن سالدىرعاننان كەيىن جۋىنۋعا بولادى“، - دەدى شيە نا. جاڭا تيپتى ايدارشا ۆيرۋس وكپە قابىنۋ ىندەتى ۆاكسيناسىنىڭ قۇرامىندا سىمىرگىش ءدارى بار، ءبىر ءبولىم ۆاكسينا ەكتىرۋشىلەر ۆاكسينا ەكتىرگەننەن كەيىن ەككەن ورىن قىزارىپ قالۋى نەمەسە بەرىشتەنۋى مۇمكىن، جۋىنعان كەزدە قاتتى باسۋدان، تىتىركەندىرۋدەن ساقتانعان ءجون، مونشاعا ءتۇسىپ بولعاننان كەيىن سول ورىندى تازا ۇستاۋ كەرەك.

  ”نۋكلەين قىشقىلىن تەكسەرۋدە انىقتالاتىنى جاڭا تيپتى ايدارشا ۆيرۋستىڭ ەرەكشە نۋكلەين قىشقىلى ساقتالعان بولىك. كەزەكتە ءبىز قولدانىپ وتىرعان جاڭا تيپتى ايدارشا ۆيرۋس اكتيۆسىزدەندىرىلگەن ۆاكسيناسى ’ولتىرىلگەن‘ اۋرۋ قوزدىرعىش ميكروپ، جۇعىمدالعىشتىق جانە كوشۋ قابىلەتىنەن بۇكىلدەي ايرىلعان، ۆاكسينا ەكتىرگەننەن كەيىن ۆاكسينا ەكتىرۋشى جاڭا تيپتى ايدارشا ۆيرۋس ىندەتىنە شالدىقپايدى، ۆاكسينا ەكتىرگەنىنە بولا جاڭا تيپتى ايدارشا ۆيرۋس وكپە قابىنۋ ىندەتى بويىنشا نۋكلەين قىشقىلىن تەكسەرۋ ناتيجەسى بولىمدى بولىپ شىقپايدى“. شيە نا بىلاي دەدى: ەگەر ۆاكسينا ەكتىرۋشى ۆاكسينا ەكتىرگەننەن كەيىن قان پلازماسى انتيدەنەسىن تەكسەرۋ ناتيجەسى بولىمدى، جاڭا تيپتى ايدارشا ۆيرۋس وكپە قابىنۋ ىندەتى بويىنشا نۋكلەين قىشقىلىن تەكسەرۋ ناتيجەسى قاتارلى باسقا دا تەكسەرۋ ناتيجەلەرى بولىمسىز بولىپ شىقسا، مۇنىڭ ءبارى قالىپتى جاعداي، قاتىستى قۇرىلىمداردىڭ ساراپتاپ تۇجىرىم جاساۋى ءۇشىن، جاڭا تيپتى ايدارشا ۆيرۋس وكپە قابىنۋ ىندەتى ۆاكسيناسىن ەكتىرگەن كۋالىگىن كورسەتۋىنە بولادى.

  شيە نا مىنانى ەسكەرتتى: ۆاكسينا ەكتىرۋ جۇعىمدالۋ قاتەرىن تومەندەتەدى، دەسە دە ادامدارداعى ايىرماشىلىق سىندى فاكتورلارعا بايلانىستى، كەز كەلگەن ۆاكسينانىڭ قورعاۋ ونىمدىلىگى %100كە جەتە قويمايدى، قاجەت بولعان كەزدە، ۆاكسينا ەكتىرۋشىلەر قاتىستى تاراۋلاردىڭ نۋكلەين قىشقىلىن تەكسەرۋىنە سايكەسۋى كەرەك. يممۋنيتەتتىك قالتقى قالىپتاسپاعان جاعدايدا جاڭا تيپتى ايدارشا ۆيرۋس وكپە قابىنۋ ىندەتى باياعىسىنشا وڭاي تارالادى، ۆاكسينا ەكتىرگەننەن كەيىن ۇزدىكسىز تۇردە ماسكى تاعىپ ءجۇرۋ، اسىرەسە، الەۋمەتتىك ورتالاردا، ادام تىعىز توپتاسقان ورىنداردا سولاي ىستەۋ كەرەك؛ باسقا قورعانۋ شارالارىن، مىسالى، قول تازالىعى، اۋا الماستىرۋ، قوعامدىق قارىم - قاتىناستا ارالىق ساقتاۋ سياقتىلاردى، ءسوز جوق، ۇزدىكسىز ساقتاۋ كەرەك.

جاۋاپتى رەداكتور : سايراش تۇرارجان

ەسكەرتۋ:

تورابىمىزداعى مازمۇنداردىڭ مەنشىك ۇقىعى شينجياڭ ۇيعۇر اۆتونوميالى رايوندىق حالىق ۇكىمەتى اقپارات كەڭسەسىنە ءتان، جاريالانعان مازمۇنداردى سىلتەمەسىز كوشىرۋگە بولمايدى. كوشىرىپ پايدالانۋعا تۋرا كەلگەندە، «تيانشان تورى » الىنعانى انىق ەسكەرتىلۋى ءتيىس، بولماسا زاڭدىق جاۋاپكەرلىگى قۋزاستىرىلادى.