تيانشان تورى   ›   جاڭالىقتار   ›   وقۋ-اعارتۋ

ءىس جۇزىندىك ارەكەتىمىز ارقىلى شينجياڭ ماقتاسىن قورعايمىز

شينجياڭ كاسىپتىك داشۋەسى وقۋشىلار ۇيىمى:

ءىس جۇزىندىك ارەكەتىمىز ارقىلى شينجياڭ ماقتاسىن قورعايمىز

  جۋىقتا كەيبىر شەتەل كاسىپورىندارى شينجياڭدا ايتىلمىس ”زورلىقپەن ەڭبەككە سالۋ“ ماسەلەسى ءومىر سۇرۋدە دەگەندى جەلەۋ ەتىپ شينجياڭ ماقتاسىن شەكتەۋى ادامنىڭ زىعىردانىن قايناتتى. شينجياڭ كاسىپتىك داشۋەسىندەگى بارلىق وقىتۋشى - وقۋشىلار بۇل جونىندە مىناداي قاتاڭ مالىمدەمە جاريالادى: ءبىز امەريكاداعى، باتىس جاقتاعى جۇڭگوعا قارسى كۇشتەردىڭ ورەسكەل ارەكەتىنە باتىل قارسى تۇرامىز، ءبىز ءىس جۇزىندىك ارەكەتىمىز ارقىلى شينجياڭ ماقتاسىن قورعايمىز.

  شينجياڭنىڭ وزگەشە جاعراپيالىق ورنى مەن كليمات شارت - جاعدايى ماقتا ەگىمشىلىگىنە ەرەكشە ۇيلەسەدى، شينجياڭ ماقتاسىنىڭ ساپاسى دۇنيەگە ايگىلى. مەكتەبىمىزدەگى كوپتەگەن وقۋشىلاردىڭ وتباسى ماقتا ەگۋگە، ماقتا تەرۋگە سۇيەنىپ كۇن كەشەدى، كوپشىلىك تۇگەلدەي سانالى دا ەرىكتى تۇردە ماقتا وندىرىسىمەن شۇعىلدانۋدا، سوندا مۇنى قالاي ”زورلىقپەن ەڭبەككە سالۋ“ دەۋگە بولادى؟

  مەكتەبىمىزدەگى كوپتەگەن وقۋشىلار اۋىل - قىستاقتان كەلگەن، ولار مەكتەپتە كاسىپتىك شەبەرلىك بىلىمدەرىن ۇيرەنگەن، وقۋ تاۋىسقان سوڭ مەكتەپتىڭ تانىستىرۋى، قابىلداۋ ەمتيحانىنا قاتىناسۋ سياقتى كوپ ءتۇرلى ارنالار ارقىلى وقىتۋشى، ۇكىمەت قىزمەتكەرى، كاسىپورىن قىزمەتكەرى، ت. ب بولىپ، ورنىقتى قىزمەت پەن كىرىسكە قول جەتكىزىپ، وتباسىلارىنىڭ كەدەيلىكتەن ارىلۋىنا كومەكتەسىپ قانا قويماي، ۇيرەنگەن بىلىمدەرى جانە ايانباي كۇرەسۋ ارقىلى تىرشىلىگىن تابىسقا بولەدى.

  مەكتەبىمىزدىڭ شەتەل تىلدەرى شۋەيۋانى قولدانىلمالى ورىس ءتىلى 2017 - جىلدىق 2 - كلاس وقۋشىسى ىدىرىس ماحمۇت ساباقتاستىڭ وتباسى جاعدايى تومەن بولاتىن، مەكتەپتەگى كەزىندە مەكتەپ ونى جۇمىس ىستەي ءجۇرىپ وقيتىن جۇمىس ورنىمەن قامداعان، ول ءوزىنىڭ تالپىنىسى مەن قۇلشىنىسىنىڭ ارقاسىندا وقۋىن تامامدادى. قازىر ول ءۇرىمجى قالاسىنداعى ءبىر كاسىپورىننىڭ قىزمەتكەرى بولىپ ىستەپ، اي سايىن وتباسىنا اقشا جىبەرىپ، وتباسىنىڭ تىرەگىنە اينالدى.

  جۇڭگو تىلدەرى شۋەيۋانى باستاۋىش مەكتەپ وقۋ - اعارتۋى كاسىبىندەگى شىنارگۇل اتەي ساباقتاس قىسقى كانيكۋل مەزگىلىندە جاڭا اقپارات قۇرالدارى تۇعىرىنان پايدالانىپ قارلى دالادا ات ويناتقان بەينە جازباسىن جاريالاپ، اۋىلىنىڭ اسەم كورىنىسىنىڭ جارشىسى بولدى. ول قۇمىل جوعارى مەكتەپ وقۋشىلارى شارۋاشىلىق قۇرۋ قوعامىنا مۇشە بولۋعا ۇسىنىس ەتىلىپ، ”قۇرمەتتى مۇشە“ اتاعىنا يە بولادى، سونداي - اق ”باركولداعى اۋىلىنا قايتقان ۇزدىك جوعارى مەكتەپ وقۋشىسى“ بولىپ باعالاندى. ونىڭ اۋىلىن ۇگىتتەگەن حيكايالارى سان مارتە اقپارات قۇرالدارى جاعىنان كوشىرىلىپ جاريالانىپ، اۋىلىنىڭ جارشىسىنا اينالدى.

  اينالامىزداعى ءبىر - بىرلەگەن جاندى شىندىقتار تۇگەلدەي دالەل بولۋدا، سوندا شينجياڭنىڭ قاي جەرىندە ايتىلمىس ”زورلىقپەن ەڭبەككە سالۋ“ ءومىر ءسۇرىپ وتىر؟ شينجياڭنىڭ جوعارى مەكتەپ وقۋشىسى رەتىندە ءبىز، ءسوزسىز، باتىل تۇردە جۇرەكتىلىكپەن كەۋدە كەرىپ العا شىعىپ، امەريكاداعى، باتىس جاقتاعى جۇڭگوعا قارسى كۇشتەرگە بىلاي دەپ قاتاڭ ەسكەرتەمىز: بۇگىنگى شينجياڭ گۇلدەنىپ، دامىپ، حالقى تىنىش ءومىر، شات - شادىمان تۇرمىس كەشىرۋدە، ءارقانداي وسەك - اياڭ شينجياڭنىڭ العا باسقان قادامىنا بوگەت بولا المايدى! ءبىز ءاربىر شينجياڭ جاستارى ومىرلىك ارمانىمىزدى شينجياڭنىڭ دامۋ قۇرىلىسىمەن توعىستىرۋعا پەيىلمىز، بارلىعىمىز جۇڭحۋا ۇلتىنىڭ ۇلى گۇلدەنۋى سىندى جۇڭگو ارمانىن جۇزەگە اسىرۋ جولىندا كۇرەسۋگە پەيىلمىز! بۇل دا ءبىز ءاربىر جۇڭحۋا ۇل - قىزدارىنىڭ بۇلتارتپاس جاۋاپكەرشىلىگى جانە بورىشى.

جاۋاپتى رەداكتور : سايراش تۇرارجان

ەسكەرتۋ:

تورابىمىزداعى مازمۇنداردىڭ مەنشىك ۇقىعى شينجياڭ ۇيعۇر اۆتونوميالى رايوندىق حالىق ۇكىمەتى اقپارات كەڭسەسىنە ءتان، جاريالانعان مازمۇنداردى سىلتەمەسىز كوشىرۋگە بولمايدى. كوشىرىپ پايدالانۋعا تۋرا كەلگەندە، «تيانشان تورى » الىنعانى انىق ەسكەرتىلۋى ءتيىس، بولماسا زاڭدىق جاۋاپكەرلىگى قۋزاستىرىلادى.