تيانشان تورى   ›   ۇيرەنۋ   ›   شولۋ

قىزىل گەندى جالعاستىرىپ، ەكپىندەي ىلگەرىلەۋ كۇش - قۋاتىن ۇيىستىرايىق

− اۆتونوميالى رايوننىڭ پارتيا تاريحىن ۇيرەنۋ تاربيەسى ۇگىت - لەكسيا قيمىلىنا جالپى شولۋ

□ انار بۇلت / شينجياڭ گازەتىنىڭ ءتىلشىسى ۋي يۇڭگۇي

  پارتيا تاريحىنان العا باسۋدىڭ اقىل - پاراساتى مەن كۇش - قۋاتىن قابىلداپ، سەنىم نۇرىمەن ەكپىندەي ىلگەرىلەۋ جولىن نۇرلاندىردى.

  3 - ايدىڭ 29 - كۇنى اۆتونوميالى رايوننىڭ پارتيا تاريحىن ۇيرەنۋ تاربيەسى ۇگىت - لەكسيا قيمىلى جاپپاي ورىستەتىلدى، 4 - ايدىڭ 9 - كۇنىنە دەيىن ۇگىت - لەكسيا قيمىلى اۆتونوميالى رايونعا توتە قاراستى ورگانداردى، ايماق، وبلىس، قالالاردى جانە 44 جوعارى مەكتەپتى قامتىپ، جالپى 82 رەت ۇگىت - لەكسيا جۇرگىزىلىپ، تىكە تىڭدارماندارى 142 مىڭ ادامعا جەتتى، 61 كەزەك ءتۇرلى فورماداعى ىقپالداستىق، اۋىس - كۇيىس قيمىلدارى وتكىزىلدى.

  ءار رەتكى ۇگىت - لەكسيا، جاندى نازاريالىق پىسىقتاۋ ءارى پارمەندى يدەيالىق جۇمىلدىرۋ بولىپ، قالىڭ پارتيالى كادرلاردى، بۇقارانى، جوعارى مەكتەپ وقىتۋشى - وقۋشىلارىن تەرەڭ تاربيەگە يە ەتتى جانە شابىتتاندىردى. كوپشىلىك مىنالاردى ءبىلدىردى: سۇيىسپەنشىلىكپەن تەرەڭدەي ۇيرەنىپ، پارتيا تاريحىنان العا باسۋدىڭ اقىل - پاراسات، كۇش - قۋاتىن قابىلداپ، تاريحتى ۇيرەنۋ ارقىلى قاعيدانى ءتۇسىنۋدى، تاريحتى ۇيرەنۋ ارقىلى سەنىمدى ارتتىرۋدى، تاريحتى ۇيرەنۋ ارقىلى ءمورالدى اسقاقتاتۋدى، تاريحتى ۇيرەنۋ ارقىلى ۇمتىلا ىستەۋدى شىن مانىندە ورىنداپ، پارتيا قۇرىلعاندىعىنىڭ 100 جىلدىعىن ۇزدىك ناتيجەلەرمەن قۇتتىقتايمىز.

ۇيرەنۋدىڭ نەگىزگى تاقىرىبىمەن تىعىز بايلانىستىرىپ، وزەكتى ءمانىن جان - جاقتى بايىمدادى

  ۇگىت - لەكسيا بايانداماسى باس شۋجي شي جينپيڭنىڭ پارتيا تاريحىن ۇيرەنۋ تاربيەسىنە جۇمىلدىرۋ جينالىسىندا سويلەگەن ماڭىزدى ءسوزىنىڭ رۋحىن ۇيرەنۋدى، ءتۇسىنۋدى ارقاۋ ەتىپ، باس شۋجي شي جينپيڭنىڭ پارتيا تاريحى جونىندەگى ماڭىزدى بايىمداۋلارىن تەرەڭدەي ءتۇسىندىرىپ، پارتيا تاريحىن ۇيرەنۋ تاربيەسىن ورىستەتۋدىڭ كەلەلى ماڭىزىنا ىشكەرىلەي تالداۋ جاساپ، پارتيا تاريحىن ۇيرەنۋ تاربيەسىنىڭ باستى مازمۇندارى مەن ءتۇيىندى مىندەتتەرىن جاپپاي ءتۇسىندىرىپ، جۇڭگو كوممۋنيستىك پارتياسىنىڭ 100 جىلدىق شۇعىلالى كۇرەس بارىسى مەن تاريحي ۇلەسىن جۇيەلى تۇردە ەسكە الدى.

  ۇگىت - لەكسيا بايانداماسىنىڭ نەگىزگى تاقىرىبى ايقىن، مازمۇنى باي ءارى نازاريالىق ورەسى، ءارى جالپى جاعدايلىق كوز اياسى بار، باعىتتامالىلىق پەن جەتەكشىلىككە يە ءبىر رەتكى تەرەڭ يدەيا - ساياسيلىق تاربيە، پارتيالىلىق تاربيە، وتانشىلدىق تاربيە بولىپ، قالىڭ پارتيالى كادرلاردىڭ، بۇقارانىڭ جانە جوعارى مەكتەپ وقىتۋشى - وقۋشىلارىنىڭ قارسى الۋىنا بولەندى.

  ءۇرىمجى قالالىق پارتكوم مەن قالالىق ۇكىمەتتىڭ، سونداي - اق ءارقايسى رايون، اۋدانداردىڭ پارتيالى كادرلارى ۇگىت - لەكسيانى دەن قويا تىڭداعاننان كەيىن بارىنشا شابىت الدى. ءۇرىمجى قالالىق ءتارتىپ تەكسەرۋ كوميتەتىنىڭ ورىنباسار شۋجيى، باقىلاۋ - تەكسەرۋ كوميتەتىنىڭ ورىنباسار مەڭگەرۋشىسى زۇلپيا سىمايىل مىنالاردى ءبىلدىردى: ۇگىت - لەكسيا بايانداماسى جان - جاقتى، تەرەڭ، ءبىزدىڭ باس شۋجي شي جينپيڭنىڭ ماڭىزدى ءسوزىنىڭ رۋحى جونىندەگى تۇسىنىگىمىزدى تەرەڭدەتتى، پارتيا تاريحىن ۇيرەنۋ تاربيەسىن ورىستەتۋدىڭ كەلەلى ماڭىزى جونىندەگى تانىمىمىزدى تەرەڭدەتتى. ول مىنانى ءبىلدىردى: تاريحتى ۇيرەنۋ ارقىلى قاعيدانى ءتۇسىنۋدى، تاريحتى ۇيرەنۋ ارقىلى سەنىمدى ارتتىرۋدى، تاريحتى ۇيرەنۋ ارقىلى ءمورالدى اسقاقتاتۋدى، تاريحتى ۇيرەنۋ ارقىلى ۇمتىلا ىستەۋدى شىن مانىندە ورىنداپ، ۇيرەنۋ تاربيەسىنىڭ ونىمدىلىگىن قىزمەتتەردى ىلگەرىلەتۋدەگى قوزعاۋشى كۇشكە اينالدىرۋعا قۇلشىنامىز.

  ”ۇگىت - لەكسيانى دەن قويا تىڭداۋ ارقىلى پارتيالى كادرلار پارتيامىزدىڭ العاباسار ساياسي سيپاتىن، وسكەلەڭ ساياسي مۇراتىن، اسقاق ساياسي تالپىنىسىن، پاك ساياسي قاسيەتىن اناعۇرلىم تەرەڭ تانىدى“. قۇمىل قالالىق پارتكومنىڭ شۋجيى لي چىڭحۇي بىلاي دەدى: قۇمىل قالاسىنداعى ءار دارەجەلى پارتيا ۇيىمدارى، پارتيالى كادرلار پارتيا تاريحىن ۇيرەنۋ تاربيەسىن قوزعاۋشى كۇش ەتىپ، ورنىقتىلىقتى قورعاۋ، ىندەتتەن ساقتانۋ - تىزگىندەۋ، ءوندىرىس حاۋىپسىزدىگى جانە جوعارى ساپالى دامۋ سياقتى ءتۇيىندى قىزمەتتەردى تىڭعىلىقتى ويداعىداي ىستەپ، شينجياڭنىڭ ”شىعىس قاقپاسىن“ باتىلدىقپەن ويداعىداي كۇزەتەدى، گۇلدەندىرەدى.

  ”ءبىز وسى رەتكى ۇگىت - لەكسيانى وراي ەتىپ، پارتيا تاريحىن ۇيرەنۋ تاربيەسىن ونان ارى ىشكەرىلەي ورىستەتەمىز“. ىلە قازاق اۆتونوميالى وبلىستىق پارتكومنىڭ شۋجيى چيۋ شۋحۋا مىنانى ءبىلدىردى: پارتيا تاريحىن ۇيرەنۋ تاربيەسىن قىزمەتتەردى ىلگەرىلەتۋمەن ۇشتاستىرىپ، پارتيا ورتالىق كوميتەتىنىڭ شەشىمدەرىنىڭ، ورنالاستىرۋلارىنىڭ ىلەدە تياناقتانىپ تامىر تارتۋىن، گۇل اشىپ جەمىس بەرۋىن شەگە قاعۋ رۋحىمەن ىلگەرىلەتەمىز.

ەكپىندەي ىلگەرىلەۋ اسقاق سەزىمىن الاۋلاتىپ، ناقتى ىستەۋ رۋحىن قاۋلاتتى

  ۇيرەنۋ بارىسىندا ەكپىندەي ىلگەرىلەۋ اسقاق سەزىمىن الاۋلاتتى. قارامايلى قالاسى جايرانبۇلاق رايوندىق (قارامايلى جوعارى، جاڭا تەحنيكالىق كاسىپ سالالارىن اشۋ رايونى) دەنساۋلىق ساقتاۋ، سالاماتتىق كوميتەتى پارتيا باسشىلىق گرۋپپاسىنىڭ مۇشەسى، ورىنباسار مەڭگەرۋشى جوۋ جۇن ۇگىت - لەكسيانى دەن قويا تىڭداعان سوڭ مىنانى ءبىلدىردى: جاڭا داۋىردەگى ۇزاق جورىق جولىنداعى ”قارلى تاۋ“، ”سازدى دالادا“ قاجىرلىلىقپەن العا تارتىپ، وتانىمىزدىڭ شينجياڭىن اناعۇرلىم كوركەم ەتىپ قۇرامىز.

  وي جۇگىرتۋ بارىسىندا ناقتى ىستەۋ رۋحىن قاۋلاتتى. ۇگىت - لەكسيا ۇيىرمەسى قاشقار ايماعىندا ءۇرتىس 3 رەت ۇگىت - لەكسيا بايانداماسىن جاسادى، ياركەن اۋدانى گۇلباق قالاشىعى چىعۋان الەۋمەتتىك اۋماعى پارتيا ياچەيكاسىنىڭ شۋجيى لو شىڭيۋان بىلاي دەدى: ”ۇگىت - لەكسيا بايانداماسى كوڭىل كۇيىمىزدى تەبىرەنتتى، تەرەڭ شابىت الدىق. نەگىزگى ساتى قىزمەتكەرى رەتىندە، مەن الەۋمەتتىك اۋماق قىزمەتىن قايتكەندە جاقسى ىستەۋ جونىندە كوبىرەك وي جۇگىرتىپ، قىزمەتتىڭ ونىمدىلىگىن ارتتىرىپ، بۇقارانىڭ باقىت كورسەتكىشىن ۇزدىكسىز جوعارىلاتامىن“.

ۇيرەنۋ ورلەۋىن كوتەرىپ، ىشكەرىلەۋىن، ناقتىلانۋىن ىلگەرىلەتتى

  ”ۇگىت - لەكسيا بايانداماسىنىڭ ەرەكشە كۇشتى باعىتتامالىلىق سيپاتى مەن جەتەكشىلىك سيپاتى بار“. اقسۋ ايماقتىق پارتكومنىڭ شۋجيى دوۋ ۋانگۇي بىلاي دەدى: وسى رەتكى ۇگىت - لەكسيانى وراي ەتىپ، پارتيا تاريحىن ۇيرەنۋ تاربيەسىنىڭ مىندەتتەرىن مىقتى، ناقتى يگەرىپ، ۇدايىلانعان ۇگىت - لەكسيا ورىستەتىپ، پارتيا تاريحىن ۇيرەنۋ تاربيەسىنىڭ بۇقاراعا، نەگىزگى ساتىعا ىشكەرىلەي جەتۋىن، جۇرت جۇرەگىنە ۇيالاۋىن ىلگەرىلەتەمىز.

  ”ءبىز كوپ ءتۇرلى شارا قولدانىپ، ورگان پارتيالى كادرلارى اراسىندا پارتيا تاريحىن ۇيرەنۋ تاربيەسى ورلەۋىن كوتەرەمىز“. اۆتونوميالى رايوندىق پارتكومعا توتە قاراستى ورگاندار قىزمەتى كوميتەتىنىڭ شۋجيى ياۋ شياۋجۇن مىنالاردى ءبىلدىردى: پارتيا تاريحىن ۇيرەنۋ تاربيەسىنىڭ تالابىمەن ۇشتاستىرىپ، ورگان قىزمەت كوميتەتى ءارقايسى پارتيا ياچەيكاسى شۋجيلەرىن ارناۋلى تاقىرىپتاعى پارتيا ساباعىن ويداعىداي وتۋگە ۇيىمداستىرادى، ”ۇعىسۋ، تيىمدىلىك جاساۋ، توعىستىرۋ“ بويىنشا قىستاقتا تۇراتىن كادرلاردى، جىبەرىلگەن ءبىرىنشى شۋجيدى ەگىنشى - مالشى بۇقاراسى اراسىنا ىشكەرىلەي بارىپ ۇگىت - لەكسيا ورىستەتۋگە ۇيىمداستىرادى، سونىمەن بىرگە پارتيا تاريحىن ۇيرەنۋ تاربيەسىن 2021 - جىلى ورگان قىزمەت كوميتەتى وتكىزەتىن پارتيا ىستەرى كادرلار كۋرسىنىڭ ءتۇيىندى مازمۇنى ەتىپ، كەزەك سايىن، ءسوز جوق، ۇيرەنۋگە تاباندى بولادى.

  تۇتاس شينجياڭداعى 44 جوعارى، ورتا تەحنيكۋم مەكتەپتەرىندە ۇگىت - لەكسيا بايانداماسى قالىڭ وقۋ - اعارتۋ قىزمەتكەرلەرى مەن جاس وقۋشىلاردىڭ كەڭ كولەمدى نازار اۋدارۋىنا جانە قارسى الۋىنا يە بولدى. وقىتۋشى - وقۋشىلار مىنالاردى ءبىلدىردى: پارتيا تاريحىن ۇيرەنۋ تاربيەسىنىڭ كەلەلى ماڭىزى، ۇيرەنۋ ءتۇيىنى، نىسانا - مىندەتتەرى سياقتىلاردى ارقاۋ ەتىپ، ۇيرەنۋدى شىن مانىندە ويداعىداي يگەرىپ، پارتيا تاريحىن ۇيرەنۋ تاربيەسىنىڭ ونىمدىلىگىن ۇمتىلا العا باسۋداعى جىگەر - قايراتقا جانە قاجىرلىلىقپەن ىستەپ، قاجىماي ۇيرەنۋدەگى قوزعاۋشى كۇشكە اينالدىرامىز.

  پارتيا تاريحى حيكايالارىن ويداعىداي بايانداپ، ىشكەرىلەۋىن، ناقتىلانۋىن ىلگەرىلەتتى. تارباعاتاي ايماعىندا ۇگىت - لەكسيا ۇيىرمەسى تارباعاتاي ايماعىنىڭ پارتيا تاريحى، پارتيالىلىق تاربيە بازاسىنا كەلىپ، نەگىزگى ساتىداعى پارتيالى كادرلارمەن، بۇقارامەن بىرگە توڭكەرىستىك اعا بۋىنداردىڭ كۇرەس بارىسىن ەسكە الدى؛ اقسۋ ايماعىندا ۇگىت - لەكسيا ۇيىرمەسى كوكيار ەسكەرتكىش سارايىنا كەلىپ تەكسەرۋ - زەرتتەۋ جۇرگىزىپ، كوكيار رۋحىن بىرگە ۇيرەندى؛ ءۇرىمجى قالاسىندا ۇگىت - لەكسيا ۇيىرمەسى جۇڭگو جۇمىسشى - شارۋا قىزىل ارمياسى باتىس باعىت ارمياسى باس تارماق اترەتى ەسكەرتكىش سارايىنا كەلىپ، نەگىزگى ساتى كادرلارىنىڭ، ساقا پارتيا مۇشەلەرىنىڭ، ۇگىت - لەكسياشىلارىنىڭ ۋاكىلدەرىمەن بىرگە ارداگەر قۇربانداردى ەسكە الدى؛ قۇمىل قالاسىندا ۇگىت - لەكسيا ۇيىرمەسى قىزىل ارميا باتىس باعىت ارمياسىنىڭ شينجياڭعا كىرۋ ەسكەرتكىش باقشاسىنا كەلىپ، نەگىزگى ساتى پارتيالى كادرلارىنىڭ، بۇقارانىڭ، جوعارى مەكتەپ وقىتۋشى - وقۋشىلارىنىڭ ۋاكىلدەرىمەن بىرگە اڭگىمەلەسىپ، پىكىر اۋىستىردى.

  ءار رەتكى ۇگىت - لەكسيا، ءار رەتكى دەن قويا تىڭداۋ، ءار رەتكى تالقى بارىسىندا پارتيالى كادرلار مەن بۇقارا كوممۋنيزم مۇراتىن ونان ارى بەكەمدەپ، العا باسۋ بەتالىسىن ونان ارى ايقىنداپ، پارتياعا العىس ايتۋ، پارتيانىڭ سوزىنە قۇلاق اسۋ، پارتياعا ىلەسۋ سەنىمىن جانە بەكىمىن ونان ارى نىعايتتى. قازىر تۇتاس شينجياڭنىڭ جەر - جەرىندەگى توپ - توپ نەگىزگى ساتى ۇگىت - لەكسياشىلارى ەگىنجايلاردا، كيىز ۇيلەردە، زاۆود - كەن - سەحتاردا، مەكتەپ ساباقحانالارىندا بۇقارانىڭ ءجىتى قاداعالاپ وتىرعان ىستەرىن ارقاۋ ەتە وتىرىپ، قىزىل حيكايالاردى ويداعىداي بايانداپ، قىزىل گەندى جالعاستىرىپ، پارتيا تاريحىن ۇيرەنۋ تاربيەسىنىڭ جاڭا كەزەكتى ورلەۋىن كوتەردى.

جاۋاپتى رەداكتور : سايراش تۇرارجان

ەسكەرتۋ:

تورابىمىزداعى مازمۇنداردىڭ مەنشىك ۇقىعى شينجياڭ ۇيعۇر اۆتونوميالى رايوندىق حالىق ۇكىمەتى اقپارات كەڭسەسىنە ءتان، جاريالانعان مازمۇنداردى سىلتەمەسىز كوشىرۋگە بولمايدى. كوشىرىپ پايدالانۋعا تۋرا كەلگەندە، «تيانشان تورى » الىنعانى انىق ەسكەرتىلۋى ءتيىس، بولماسا زاڭدىق جاۋاپكەرلىگى قۋزاستىرىلادى.